सिन्धुपाल्चोक: दोलखाबाट काठमाडौँ जाँदै गरेको बा१५च ९३७० नम्बरको स्कारपिया लामोसाँघु–जिरी सडकखण्डको सुनकोसी गाउँपालिका पाँचकिलो नजिकै दुर्घटना हुँदा दुई जनाको मृत्यु भएको छ भने चार जना घाइते भएका छन् । मृत्यु हुनेमा चालक उत्तमराज महर्जन र सिन्धुपाल्चोक बाह्रबिसेका बलबहादुर खत्री रहेको जिल्ला प्रहरी कार्यालय सिन्धुपाल्चोकले जनाएको छ । सडकबाट करिब तीन सय मिटर तल सडकमा गाडी खसेपछि राति स्थानीयले उद्धार गरेका थिए । दुर्घटनाका घाइतेलाई उपचारका लागि धुलिखेल पठाइएको प्रहरी जनाएको छ । रासस
Author: महेन्द्रनगर पोष्ट
कञ्चनपुर: कञ्चनपुरमा लागुऔषधसहित चार युवक पक्राउ परेका छन् । प्रहरीका अनुसार जिल्लाको भीमदत्त नगरपालिका४ बाट शून्य दशमलव ०१५ ग्राम लागुऔषधसहित चार जना पक्राउ परेका हुन् । डोटीको पूर्वीचौकी गाउँपालिका-५ का २७ वर्षीय केशु साहु, डडेल्धुराको आलिताल गाउँपालिका-७ का २८ वर्षीय बलबहादुर बुढा क्षेत्री, कञ्चनपुरको वेदकोट नगरपालिका-९ का २६ वर्षीय नवीन भट्ट र सोही ठाउँका ३० वर्षीय सिद्धराज पनेरुलाई जिल्ला प्रहरी कार्यालय, कञ्चनपुरको टोलीले पक्राउ गरेको हो । घटनाबारे थप अनुसन्धान भइरहेको प्रहरीले बताएको छ ।
रसुवा: अवैधरूपमा सुन आयात गर्ने उत्तरी रसुवामा एक महिला शनिबार मितेरी पुलबाट पक्राउ परेकी छिन् । पक्राउ पर्नेमा गोसाइँकुण्ड गाउँपालिका–३ बृद्धिम निवासी ४१ वर्षीया पाछेमु तामाङ रहेकी छिन् । जिल्ला प्रहरी प्रमुख सुवास बुढाथोकीले केरूङबाट अवैधरूपमा एक केजी सुन लुकाइछिपाइ रसुवागढी नाकाबाट नेपाल भित्र्याउँदै लाग्दा सीमा सुरक्षाकर्मीले तामाङलाई पक्राउ गरेको जानकारी दिए । सुन ल्याउने महिला बिरामी परेको देखिएकाले सुरक्षाका साथ उपचारार्थ रसुवा अस्पताल भर्ना गरिएको बताइएको छ । यसबारे थप अनुसन्धान भइरहेको प्रहरीले जनाएको छ । रासस
बाजुरा: बाजुराको धार्मिकस्थल बडीमालिका मन्दिर परिसरमा नेपाली सेनाले सरसफाइ गरेको छ । ४ हजार २१२ मिटरको उचाइमा रहेको बडीमालिका मन्दिरमा सेनाको बाजुरास्थित दुर्गाभन्जन गुल्मले सरसफाइ गरेको हो । बडीमालिकामा जनैपूर्णिमाको अवसरमा लागेको मेलाका क्रममा भएको फोहोर सेनाले व्यवस्थापन गरेको छ । दुर्गाभन्जन गुल्म थापाथली ब्यारेकबाट गएको टोलीले बडीमालिका मन्दिर परिसर त्रिवेणी पाटन क्षेत्रबाट २२ बोरा फोहोर संकलन गरी व्यवस्थापन गरिएको दुर्गाभन्जन गुल्मका गुल्मपती धमेन्द्र बहादुर सिहंले बताए । मन्दिरको सौन्दर्य तथा प्राकृतिक सौन्दर्यलाई मध्यनजर गर्दै दुर्गाभन्जन गुल्मबाट खटिएको एलआरपी टोलीले संकलन गरेको २२ बोरा फोहोर उचित स्थानमा डिस्पोजल गरेको गुल्मपती सिंहले बताए । नेपाली सेनाले बडीमालिका मन्दिरमा लाग्ने मेलामा मेला…
धनगढीः नेपालको पहिलो चरा अभय आरण्य क्षेत्र घोडाघोडीमा पाइने चराका बारेमा पुस्तक प्रकाशन गरिएको छ । चरा संरक्षण नेटवर्कका अध्यक्ष दयाराम चौधरी, पन्छी संरक्षण नेपालका फिल्ड मेनेजर हिरुलाल डंगौरा र संरक्षणकर्मी राजीव चौधरीले संयुक्त रूपमा “घोडाघोडी चरा अभय आरण्य क्षेत्रमा पाइने चराहरू” नामक पुस्तक प्रकाशन गरेका हुन् । डिभिजन वन कार्यालय पहलमानपुर, चरा संरक्षण नेटवर्क र पन्क्षी संरक्षण नेपालको सहयोगमा पुस्तक प्रकाशन गरिएको हो । घोडाघोडी सिमसार क्षेत्रमा हालसम्म पाइएका ३९० प्रजातिका चराको बारेमा पुस्तकमा उल्लेख गरिएको पुस्तकका लेखक तथा चरा संरक्षण नेटवर्कका अध्यक्ष दयाराम चौधरीले बताए । १५औँ अन्तर्राष्ट्रिय गिद्ध सचेतना दिवसका अवसरमा कैलालीको घोडाघोडी नगरपालिकाका नगरप्रमुख खडकबहादुर रावतले…
बैतडी: बैतडीमा पनि नेकपा माओवादी केन्द्रको ‘विशेष रुपान्तरण अभियान’ सुरु भएको छ । पार्टी अध्यक्ष पुष्पकमल दाहाल (प्रचण्ड)ले भर्चुल माध्यमबाट देशका ७५३ ओटै स्थानीय तहमा अभियानको उद्घाटन गरेसँगै बैतडीमा पनि हिजो (शनिवार)बाट अभियान सुरु भएको हो । वडा तहदेखि संगठन सुदृढीकरण र विस्तारका लागि अभियान थालिएको बताइएकोे छ । बैतडीका ८४ ओटै वडामा अभियान सुरु भएको छ । अभियानका लागि बैतडीका १० ओटै पालिकामा इञ्चार्जहरु खटिएका छन् । तीन महिनासम्म सञ्चालन हुने अभियानमा पत्रकार, बुद्धिजीवि, सामाजिक अभियन्ताहरुसँग अन्तरक्रिया गर्ने, संघीय सरकारले सुशासनका पक्षमा गरिरहेका कामलाई सफल बनाउनका लागि छलफल गर्ने लगायतका कार्य गरिने माओवादी केन्द्रले जनाएको छ ।
काठमाडौँ: हाल मनसुनको न्यून चापीय रेखा सरदर स्थानको उत्तरतिर अवस्थित छ । साथै बंगालको खाडीको उत्तर-पूर्वी भागमा विकसित न्यून चापीय प्रणालीको समेत आंशिक प्रभाव रहेको छ । देशभर आंशिकदेखि सामान्य बदली रही बागमती र गण्डकी प्रदेशका थोरै स्थानहरुमा हल्कादेखि मध्यम वर्षा भइरहेको छ । मौसम पूर्वानुमान महाशाखाका अनुसार दिउँसो कोशी, मधेश, बागमती, गण्डकी र लुम्बिनी प्रदेशका थोरै स्थान साथै बाँकी भू-भागका एक/दुई स्थानमा हल्का देखि मध्यम वर्षाको सम्भावना रहेको छ । मधेश, बागमती, गण्डकी र लुम्बिनी प्रदेशका एक/दुई स्थानमा मेघ गर्जन् चट्याङ्ग सहित भारी वर्षाको समेत सम्भावना रहेको छ । राती कोशी, लुम्बिनी र सुदूरपश्चिम प्रदेशका थोरै स्थानमा लगायत बाँकी…
संखुवासभा: संखुवासभाको कारागारभित्र दुई कैदीको हत्या प्रकरणमा प्रहरीले कारागारका दुई कर्मचारीलाई नियन्त्रणमा लिएको छ। कैदीको हत्या प्रकरणमा मुछिएका कारागारका कम्प्युटर अपरेटर इन्द्रनारायण यादव र कार्यालय सहयोगी ढकलाल कार्कीलाई नियन्त्रणमा लिएको जिप्रका संखुवासभाले जनाएको छ। पक्राउ परेका कम्प्युटर अपरेटर यादव र कार्यालय सहयोगी कार्कीलाई शुक्रबार म्याद थप गरेर थप अनुसन्धान भइरहेको प्रहरी नायव उपरीक्षक वीरेन्द्र गोदारले बताएका छन्। कैदी कुटपिटमा प्रत्यक्ष संलग्न देखिएका प्रहरी, चौकीदार र कैदीलाई कर्तव्य ज्यानमा मुद्दा दर्ता गरिएको हो। कैदी हत्या प्रकरणमा प्रत्यक्ष संलग्न देखिएका झण्डै डेढ दर्जन व्यक्ति प्रहरी हिरासतमा छन्। कैदी हत्या प्रकरणमा अनुसन्धान भइरहेका प्रहरी, चौकीदार, कैदी र कारागार कर्मचारीसहित १६ देखि १९ जनाविरुद्ध…
काठमाडौं : काठमाडौं महानगरपालिकाका मेयर बालेन शाहले सरकारप्रति रोष प्रकट गरेका छन् । शनिबार महानगरको गाठी राेकिएकोमा मेयर बालेनले सामाजिक सञ्जालमा लेख्दै भाेलिबाट महानगरपालिकाको गाडी रोकेको खण्डमा सिंहदरबारमै आगो लगाइदिन्छु भन्दै रोष प्रकट गरेका छन् । उनी लेख्छन्, ‘आजको लागी केहि भएन ,भोलीबाट हाम्रो महानगरपालिकाको कुनै पनि गाडी सरकारबाट रोकियो भने ,सिंहदरवारमा आगो लगाइदिन्छु ।याद राख चोर सरकार ।’
काठमाडौं : नेपाल पर्यटक यातायात ब्यबसायी संघको २० बार्षिक साधारणसभा बेदराज बास्तोलाको अध्यक्षतामा सम्पूर्ण प्यानल चुनावमा होमिएको छ। यही भाद्र १९ गते हुन लागेको संघको निर्वाचनमा बेदराज बास्तोलाको प्यानल भित्र बरिष्ठ उपाध्यक्षमा काभ्रे जिल्लाका सफल ब्यबसायी तथा समाजसेवी रमेश गौतम उठ्ने भएका छन। रमेश गौतम संगै दित्तीय उपाध्यक्षमा बिनोद तामाङ,महासचिबमा केदारनाथ कट्टेल ,सचिबमा तेज लामा ,कोषाध्यक्षमा रामकुमार बस्नेत ,सदस्यहरुमा टेक पुन मगर,नकुल तिमल्सिना,राम आचार्य र नबराज अर्याल सहित को टिम निर्वाचनमा होमिएको हो। उक्त संघ संग जोडिएका पुर्व टिमहरुलेनै बेदराजको प्यानललाई साथ् दिने निश्चित देखिएको छ।पुर्व अध्यक्ष रामसरण कार्की,पुर्व अध्यक्ष साङ्गे लामा,पुर्व प्रथम उपाध्यक्ष सुनिल श्रेष्ठ,पुर्व प्रथम उपाध्यक्ष राजकुमार लामा…