धनगढी : नागरिक उन्मुक्ति पार्टी र नेपाल सदभावना पार्टीबीच एकता भएको छ । आज जनकपुरधाममा दुबैतिरका शीर्ष नेतासहित ठूलो संख्यामा कार्यकर्ता उपस्थितिमा पार्टी एकीकरण घोषणा गरिएको हो । नागरिक उन्मुक्तिका नेता रेशमलाल चौधरी र सदभावना पार्टीका केन्द्रीय अध्यक्ष रामकुमार महतोबीच तीन बुँदे सहमति भएको छ । सहमतिअनुसार आगामी एकता महाधिवेशनसम्मका लागि एकीकृत पार्टीको नाममा नागरिक उन्मुक्ति पार्टी हुनेछ । त्यस्तै, महाधिवेशमसम्म झण्डा, चुनाव चिन्ह्र, छाप र विधान नागरिक उन्मुक्ति पार्टीले प्रयोग गर्दै आएको हुने सहमति पत्रमा उल्लेख छ । केन्द्रीय निकायदेखि स्थानीय तहसम्म पदाधिकारी तथा सदस्यहरुको समायोजन दुवै पार्टीबीचको आन्तरिक सहमतिअनुसार हुने जनाइएको छ ।
Author: महेन्द्रनगर पोष्ट
काठमाडौँ : आत्महत्या गरेका कलाकार सारूक ताम्राकारको फोनमा सुसाइड नोट भेटिएको छ। काठमाडौँको रातोपुलस्थित घरमा असार २१ गते मृत फेला परेका ताम्राकारको फोनमा सुसाइड नोट भेटिएको हो। प्रहरीले अनुसन्धानको लागि उनको फोन प्रहरी प्रधान कार्यालय नक्सालको डिजिटल फरेन्सिक ल्याबमा पठाएको थियो। त्यहाँबाट पठाएको उक्त रिपोर्टबाट सुसाइड नोट भएको खुलेको हो। सुसाइड नोटमा उनले आफ्नै गल्तीका कारण आत्महत्या गरेको र कसैलाई पनि दोषी नबनाउन उल्लेख गरेको प्रहरीले बताएको छ।
काठमाडौं : हवाई टिकटमा भ्याट (मूल्य अभिवृद्धि कर) लगाउने निर्णय कार्यान्वयन नगर्न सर्वोच्च अदालतले अन्तरिम आदेश दिएको छ । न्यायाधीश अनिलकुमार सिन्हाको एकल इजलासले टिकटमा भ्याट लगाउने सरकारको निर्णयविरुद्ध अल्पकालीन अन्तरिम आदेश जारी गरेको हो ।नेपाल एसोसिएसन अफ टुर एण्ड ट्राभल एजेन्ट्स (नाट्टा)ले दायर गरेको रिटमा आज बहसपछि सर्वोच्चले तत्काल उक्त निर्णय कार्यान्वयन नगर्न आदेश दिँदै सरकारी पक्षलाई छलफलका लागि बोलाएको छ । नाट्टाले हवाई टिकटमा भ्याट लगाउने सरकारको निर्णय गैरकानुनी र अव्यवहारिक भएको भन्दै यसले नेपालको पर्यटन उद्योगलाई थप संकटमा पार्ने जिकिर गर्दै उत्प्रेषणक आदेशले बदर गर्न माग गरेको थियो ।
धनगढी : कैलालीको कैलारी गाउँपालिकाले ११ जना कर्मचारीलाई सेवाबाट हटाएको छ । गाउँपालिकामा झण्डै छ वर्षदेखि करारमा कार्यरत कर्मचारीहरुलाई साउन १ गतेदेखि सेवाबाट हटाएको हो । कैलारी गाउँपालिकाका प्रमुख प्रशासकीय अधिकृत वीरबहादुर ऐरले गाउँ कार्यपालिकाले करार कर्मचारीको करार म्याद साउनदेखि नवीकरण नगर्ने निर्णय गरेको जानकारी दिए । गाउँपालिकाले करारमा रहेका सब इन्जिनियरदेखि कार्यालय सहयोगीलाई सेवाबाट हटाएको हो । सेवाबाट हटाइएका कर्मचारीले भने बिना कारण आफूहरुलाई निष्कासन गरिएको भन्दै आपत्ति जनाएका छन् ।
काठमाडौँ – बागमती प्रदेश सरकारले विभिन्न कार्यालय तथा निकायका लागि दरबन्दी स्वीकृत गर्ने निर्णय गरेको छ। आइतबार बसेको प्रदेश सरकार मन्त्रिपरिषद्को बैठकले सरकार मातहत काम गर्दै आएका अस्थायी र करारका एक हजार पाँच सय ९५ दरबन्दी स्वीकृत गरेको प्रदेशका भौतिक पूर्वाधार विकासमन्त्री युवराज दुलालले जानकारी दिए।।
काठमाडौँ : चितवनको मुग्लिन-नारायणगढ सडक-खण्डमा पुनः दुईतर्फी सञ्चालनमा आएको छ। पहिरो खसेर नारायणगढ-मुग्लिन सडक खण्ड बिहान ९ बजेदेखि पूर्ण रूपमा अवरुद्ध भएको भएको थियो। इच्छाकामना गाउँपालिका-६ स्थित कालिखोलामा माथिबाट लेदोसहितको पहिरो खसेर अवरुद्ध भएको सडक पन्छाएपछि सञ्चालनमा आएको सडक डिभिजन कार्यालय भरतपुरले जनाएको छ। आइतबार दिउँसो करिब ३ बजेदेखि दुईतर्फी नै यातायातका साधन सञ्चालन गराइएको सो कार्यालयले जानकारी दिएको छ।
धनगढीः कैलालीमा डेढ महिनादेखि बेपत्ता एक युवतीको शव सामुदायिक वनभित्र फेला परेको छ। जिल्लाको लम्की चुहा नगरपालिका–४ भल्काकी ३३ वर्षीया मन्जु रावलको शव मोहन्याल गाउँपालिका–५ स्थित बाँसघारी सामुदायिक वनभित्र फेला परेको हो। उनी जेठ २५ गतेदेखि बेपत्ता थिइन्। खुट्टा, मेरूदण्डलगायत शरिरका भाग फेला परेको स्थानीयले बताए । ढुंगाले चेपेर राखेको अवस्थामा अस्थिपञ्जर फेला परेको हो। मन्जुलाई श्रीमानतर्फका आफन्तले मारेर जंगलमा फालेको आरोपसमेत लागेको छ। उनको हत्या गरेको हुन सक्ने अनुमान छ। घटनास्थलमा डोरीसमेत भेटिएको छ। जिल्ला प्रहरी कार्यालय कैलालीबाट प्रहरीहरू घटनास्थल गएका छन्। थप अनुसन्धान गरेपछि मात्रै घटनाबारे विस्तृत जानकारी दिन सकिने प्रहरी नायब उपरीक्षक कुलदीप चन्दले बताए।
धनगढी : माओवादीका नेता शंकर लुहार ‘धुगाल’ ले प्रधानमन्त्री पुष्पकमल दाहाल प्रचण्डविरुद्ध षड्यन्त्र गर्न खोजे जनसेना तयार गर्न चेतावनी दिएका छन्। आज आइतबार धनगढीमा पत्रकार सम्मेलन गर्दै उनले यस्तो चेतावनि दिएका हुन्। प्रधानमन्त्री प्रचण्डले भ्रष्टाचारका फाइल खोल्न थालेपछि उनीविरुद्ध षड्यन्त्र भइरहेको उनको दावी छ। उनले भने, ‘प्रधानमन्त्री प्रचण्ड सरकारले एक क्विन्टल सुन काण्ड, ललिता निवास जग्गा प्रकरण लगायतका विभिन्न भ्रष्टाचारका फाइल खोली रहेको छ, प्रतिक्रियावादीहरुलाई कुनैपनि षड्यन्त्र गर्ने प्रयास गरे भने सुदूरपश्चिमबाटै विद्रोह गर्छौं।’ प्रचण्ड व्यक्ती नभएर विचार भएको उनले दावी गरेका छन्। उनले प्रचण्ड सरकारले काखा पाखा नगर्ने गरेको पनि बताएका छन्। यस्तै धनगढी उपमहानगरपालिकामा पनि नीतिगत भ्रष्टाचार भइरहेको…
काठमाडौँ : बागमती प्रदेश सरकारले दुई कर्मचारीलाई ११औँ तह (प्रदेश सचिव)मा बढुवा गर्ने निर्णय गरेको छ। आइतबार बसेको प्रदेश सरकार मन्त्रिपरिषद्को बैठकले यस्तो निर्णय गरेको हो । स्वास्थ्य सेवातर्फ नारायणबहादुर कार्की र इन्जिनियर सेवातर्फ लोकनाथ रेग्मीलाई ११औँ तहमा बढुवा गर्ने निर्णय भएको प्रदेशका भौतिक पूर्वाधार विकासमन्त्री युवराज दुलालले जानकारी दिए। यसैगरी बैठकले प्रदेश श्रम तथा रोजगार नीति २०८० लाई स्वीकृत गर्ने निर्णय गरेको छ।
चितवन: पश्चिम चितवनवासीलाई हरेक वर्षातमा दुःख दिँदै आएको नारायणी नदीको जोखिमयुक्त ठाउँमा तटबन्धन गरिएको छ । बहुवर्षे आयोजनाका रुपमा तटबन्धको ठेक्का लगाइएको भए पनि बाढीको जोखिम भएको ठाउँलाई प्राथमिकतामा राखेर काम गरिएको हो । नारायणी नदी व्यवस्थापन आयोजनाका सूचना अधिकारी सिनियर डिभिजनल इञ्जीनीयर शङ्कर बुढाथोकीका अनुसार नदीको जोखिमयुक्त ठाउँलाई पहिलो प्राथमिकतामा राखेर काम गरिएको छ । नदीको भरतपुरतर्फको ३५ किलोमिटरमध्ये २२ किलोमिटर क्षेत्रमा अहिले तटबन्ध गरिँदै छ । अत्यन्त जोखिमपूर्ण देखिएको बाह्रघरे, गाजीपुर, हीरापुर, सिसई, भगडी, बालुवा जस्ता गतवर्षमा बाढी छिरेका ठाउँमा तटबन्ध गरिएको उनले बताए । विगत १० वर्षदेखि थालिए पनि बजेट अभावमा थोरै–थोरै काम हुँदै आएकामा रकमको निकासासँगै…