कपिलवस्तु : कपिलवस्तुको बुद्धभूमि नगरपालिका–३ रनगाई परीक्षामा सबैभन्दा कम अङ्क ल्याउने एक बालिकामाथि कुटपिट भएको छ । नेपाल राष्ट्रिय माध्यमिक विद्यालयका कक्षा ६ मा अध्ययनरत वर्ष ११ को छात्रा बढी अङ्क ल्याउने छात्रबाट कुटिएकी छन् । विद्यालयका एक शिक्षकले परीक्षामा थोरै अङ्क ल्याउनेलाई धेरै अङ्क ल्याउनेले पिट्ने नियम बनाइ आन्तरिक परीक्षा सञ्चालन गरिएको थियो । प्रतिस्पर्धामा सबैभन्दा थोरै नम्बर आएपछि आफ्नै साथीबाट कुटाइ खाएको पीडित बालिकाले बताइन्। कुटपिटले विद्यार्थीको ढाडमा चोट लागेको छ । सिकाइ सुधारका लागि शारीरिक पीडा हुनेगरी कुटपिट हुनु गतल भएको पीडित बालिकाका अभिभावक नोखइ थारुले बताए। विद्यालयले सजाय दिएपछि अभिभावकले विद्यालयमा पुगी ध्यानाकर्षण गराएका छन् ।…
Author: महेन्द्रनगर पोष्ट
सुर्खेत : सुर्खेतमा एक निजी विद्यालयमा आगजनी भएको छ । सुर्खेतको वीरेन्द्रनगर–६ स्थित उषा बालबाटिका बोडिङ्ग स्कुलको होस्टेलमा एक बालकको मृत्यु भएपछि आफन्तले विद्यालयमा आगजनी गरेका छन् । शुक्रवार विद्यालको होस्टेलमा बसेर अध्यन गरिरहेका बालकको शव भुण्डिएको अवस्थामा फेला परेपछि आफन्त आन्दोलित बनेका हुन् । बालकको शव बुझ्न नमानेका आफन्तले विद्यालयमा आगजनी गरेपछि स्थिती नियन्त्रण बाहिर जान थालेपछि प्रहरीले हस्तक्षेप गरेको छ । जिल्ला प्रहरी कार्यालय सुर्खेतका अनुसार स्थिती नियन्त्रणमा लिने प्रयास भइरहेको छ । कक्षा दुईमा अध्ययनरत दैलेखको चामुण्डाविन्द्रासैनी नगरपालिका–१ का ८ वर्षीय सलाम पुलामीमगर साँझ साढै चार बजे बेडमै झुण्डिएको अवस्थामा फेला परेका थिए । यस विषयमा विद्यालयले…
धनगढी : धनगढीमा टिप्पर र मोटरसाइकलको एक आपसमा ठोक्किँदा एक जना गम्भीर घाइते भएका छन्। घाइते हुनेमा धनगढी उपमहानगरपालिका-१३ का १८ वर्षीय अनिल कुवर रहेका छन्। शनिबार प्रदेश प्रमुख कार्यालय अगाडी घरेलु चोकनिर से १ ख १८२० नम्बरको टिप्परले से ३ प ८४८ नम्बरको मोटर साइकललाई ठक्कर दिँदा मोटरसाइकल चालक कुवर गम्भीर घाइते भएका हुन्। घाइते कुँवर नवजीवन अस्पतालमा उपचार भइरहेको जिल्ला प्रहरी कार्यालय कैलालीले जनाएको छ। टिप्पर चालक प्रहरीको नियन्त्रणमा रहेको र थप अनुसन्धान भइरहेको प्रहरीले जनाएको छ।
बाजुरा : अनन्ते मेलाको अवसरमा बडिमालिका नगरपालिकाले भोलि अर्थात् आइतबार सार्वजनिक बिदा दिएको छ। बाजुराका विभिन्न स्थान तथा बडिमालिका नगरपालिकामा बढी महत्वका साथ मनाइने स्थानीय पर्वको अवसरमा बिदा दिने निणर्य गरेको हो। विभिन्न वडामा लाग्ने दशै तिहार पछिको दोस्रो स्थानिय पर्व अनन्ते मेलाको अवसरमा आइतबार नगरपालिका भरीका स्थानीय तह अन्तरगतका सरकारी कार्यालय विद्यालय तथा संस्थाहरूमा सार्वजनिक बिदा दिइएको नगरपालिकाले जनाएको छ। बडिमालिका नगरपालिकाको २४ औं कार्यपालिका बैठकको निणर्यानुसार नगरभित्रका वडा कार्यालय, स्वास्थ्य संस्था, सामुदायिक तथा संस्थागत विद्यालय लगायत सबैमा सार्वजनिक बिदा हुने नगर प्रवक्ता धर्मराज पाध्यायले बताएका छन्।
टीकापुर : विभिन्न अस्पतालमा कार्यरत चिकित्सक तथा स्वास्थ्यकर्मीमाथि भइरहेको आक्रमणको विरुद्ध टीकापुर क्षेत्रका स्वास्थ्यकर्मीहरुले प्रदर्शन गरेका छन्। ‘चिकित्सक तथा स्वास्थ्यकर्मी माथिको हिंसा बन्द गर, चिकित्सक तथा स्वास्थ्यकर्मीलाई सुरक्षित वातावरणमा काम गर्न देऊ’ भन्ने नाराका साथ उनीहरुले प्रदर्शन गरेका हुन्। टीकापुर अस्पताल, साथी अस्पताल लगायतका स्वास्थ्य संस्थामा कार्यरत चिकित्सक तथा स्वास्थ्यकर्मीहरुले टीकापुर बजारमा ब्यानरसहित प्रदर्शन गरेका हुन्। ब्यानर, प्लेकार्ड सहित बजार परिक्रमा गरेपछि कोणसभालाई सम्बोधन गर्दै टीकापुर अस्पतालका डाक्टर डबल बुढाले विभिन्न अस्पतालहरुमा स्वास्थ्यकर्मी र चिकित्सकमाथि भइरहेका घटनाको विरोधमा आन्दोलनमा उत्रिएको बताए। टीकापुर अस्पतालका स्वास्थ्यकर्मीहरुले पाँच दिनदेखि आन्दोलनका विभिन्न कार्यक्रमहरु गरिरहेका छन्। शुक्रबारदेखि टीकापुर अस्पतालको इमरजेन्सी सेवाबाहेकका सबै काम ठप्प पारी आन्दोलनमा…
सुर्खेत: सुर्खेतको एक निजी विद्यालयको होस्टेलमा बस्ने बालक मृत फेला परेका छन्। वीरेन्द्रनगरमा रहेको उषा बालवाटिका विद्यालयको होस्टलमा ८ वर्षीया बालक मृत फेला परेका हुन्। चामुण्डा विन्द्रासैनी नगरपालिका–२ घर भएका सलाम पुलामी मृत फेला परेका हुन्। कर्णाली प्रदेश प्रहरी कार्यालयका अनुसार शुक्रबार बेलुका पुलामी बेडमा झुण्डिएको अवस्थामा फेला परेका थिए। उनी कक्षा २ मा पढ्थे। घटना शंकास्पद भएको भन्दै आफन्तहरू आन्दोलित बनेका छन्। आफन्तले होस्टेल बाहिर तोडफोडसमेत गरेका छन्। आफन्तले शव उठाउन दिएका छैनन्। आफन्त आक्रोशित बनेपछि प्रहरीले अश्रु ग्याँस प्रहार गरेको छ। घटना भएको आसपास क्षेत्र तनावग्रस्त बनेको छ। प्रहरीले सञ्चालक पक्षलाई नियन्त्रणमा लिएको छ।
नवलपुर : माधव कुमार नेपालले नेतृत्व गरेको नेकपा एकिकृत समाजवादी पार्टी (नेकपा एस) नवलपुरका अध्यक्ष, उपाध्यक्षसहित धेरैले आफूहरु सो पार्टी परित्याग गरेको घोषणा गरेका छन्। कम्युनिस्ट विचारधाराबाट भने विचलन नहुने जनाउँदै राजिनामा गरिएको छ। उक्त पार्टीमा रहेर जिल्लामा राजनीति गरेका मुख्य व्यक्तिको राजिनामाले जिल्लामा माधवकुमार नेपालको नेकपा एस पार्टी संकटमा परेको छ। पार्टी केन्द्रीय कमिटी र प्रदेश कमिटीलाई गराइएको ध्यानाकर्षणमा कुनै छलफल र सुनुवाइ नभएको हुँदा पार्टीमा रहिरहने ओैचित्य समाप्त भएको सार्वजनिक भएको पत्रमा उल्लेख छ। राजिनामा दिनेमा एसका जिल्ला अध्यक्ष झविलाल राना,उपाध्यक्ष प्रेमनारायण पाण्डे लगायत ३१ जना रहेका छन्।
काठमाडौँ : चीनको औपचारिक भ्रमणमा रहेका प्रधानमन्त्री पुष्पकमल दाहाल ‘प्रचण्ड’ आज स्वदेश फर्किएका छन्।प्रधानमन्त्री दाहाल र उनको भ्रमण दलका सदस्यहरू आज छन्दुबाट काठमाडौँ फर्किएका हुन्। द्विपक्षीय भेटवार्तापछि विभिन्न सहमति र सम्झौतामा हस्ताक्षर भएको थियो। त्यसपछि भने प्रचण्ड चीनका विभिन्न ठाउँमा घुमेर आज स्वदेश फर्किएका हुन्। त्रिभुवन विमानस्थलमा प्रधानमन्त्रीलाई सरकारका मन्त्री र उच्च पदस्थ कर्मचारीहरूले स्वागत गरेका छन्। प्रधानमन्त्रीलाई स्वागत गर्न विमानस्थलमा उपप्रधानमन्त्रीद्वय पूर्णबहादुर खड्का र नारायणकाजी श्रेष्ठ, सभामुख देवराज घिमिरे, राष्ट्रिय सभाका अध्यक्ष गणेश तिम्सिना, मन्त्रीहरू लगायत उच्च पदस्थ अधिकारीहरूको उपस्थिति रहेको थियो।
काठमाडौं : यू–१९ साफ च्याम्पियनसिप उपाधिका लागि शनिबार भारत र पाकिस्तान भिड्दै छन्। खेल काठमाडौंको अपराह्न ५:३० बजे दशरथ रंगशालामा हुनेछ। दुवै टिमले ‘सडन डेथ’को सहारामा नतिजा निकाल्दै उपाधि भिडन्त पक्का गरेका हुन्। सेमिफाइनलमा पाकिस्तानले भुटान र भारतले नेपाललाई हराउँदै फाइनल प्रवेश गरेका थिए। पाकिस्तान पहिलो पटक उमेर समूहको प्रतियोगितामा फाइनल पुगेको हो। दुवै टोलीका कप्तान तथा प्रशिक्षकले फाइनलमा उत्कृष्ट खेल प्रदर्शन गर्दै उपाधि जित्ने दाबी गरेका छन्।
काठमाडौ : प्रधानमन्त्री मन्त्री पुष्पकमल दाहाल ‘प्रचण्ड’को चीन औपचारिक भ्रमण सफलतापूर्वक सम्पन्न भएको परराष्ट्रमन्त्री नारायणप्रकाश साउदले टिप्पणी गरेका छन्। प्रधानमन्त्रीको चीन भ्रमणका क्रममा सँगै रहेका मन्त्री साउदले आर्थिक एवं कूटनीतिक दृष्टिकोणले प्रधानमन्त्रीको भ्रमण सफल भएको बताए। चीनका राष्ट्रपति सि चिनफिङ र प्रधानमन्त्री लि छ्याङसँग भएका द्विपक्षीय भेटवार्ता महत्त्वपूर्ण भएको भएको भन्दै उनले दुई देशका बीच भएका समझदारी एवं सम्झौताहरू पनि नेपालको हित एवं आर्थिक विकासका पक्षमा रहेको उनको भनाइ थियो । “अगामी दिनमा चीनले नेपाललाई उपलब्ध गराउने अनुदान कार्यक्रमलाई प्रभावकारी ढङ्गबाट अघि बढाउने सहमति भएको छ”, उनले भने, “दुई देशका बीच भएका विभिन्न १३ वटा सम्झौता र समझदारी तथा दुई…