डडेल्धुरा: डडेल्धुरामा बस र जिप ठोक्किएका छन् । प्रहरीका अनुसार बिहीवार महेन्द्रनगरबाट दार्चुला गइरहेको ना ८ ख २३५७ नम्बरको बस र बैतडी खोड्पेबाट डडेल्धुरा आइरहेको म १ ज ११४ नम्बरको जिप डडेल्धुराको पोखरा बजार नजिकै एक आपसमा ठोकिएका हुन् । दुर्घटनामा मानवीय क्षति भएको छैन । बसको अगाडिको भाग कुल्चिएको छ ।
Author: महेन्द्रनगर पोष्ट
धनगढी: सुदूरपश्चिम प्रदेश सरकारको सामाजिक विकास मन्त्रालय मातहतको प्रादेशिक स्वास्थ्य प्रवर्द्धन केन्द्रका प्रमुख हेमराज खड्कासँग जवाफ मागिएको छ। महेन्द्रनगरपोष्टले खड्काको विषयलाई लिएर समाचार प्रकाशित गरेपछि सामाजिक विकास मन्त्रालयका सचिव ज्ञानप्रसाद ढकालले खड्कासँग जवाफ माग गरेका हुन्। सचिव ढकालले खड्कासँग जवाफ माग गरिएको जानकारी दिए। यसअघि महेन्द्रनगरपोष्टले प्रादेशिक स्वास्थ्य प्रर्वद्धन केन्द्रमा व्यापक मनोमानी रहेको विषयमा समाचार प्रकाशित गरेको थियो। जसमा सामाजिक विकास मन्त्रालयका जनस्वास्थ्य महाशाखाका स्वास्थ्य शिक्षा अधिकृतसमेत रहेका प्रादेशिक स्वास्थ्य प्रर्वद्धन केन्द्रका प्रमुख (हाकिम) हेमराज खड्काले मनोमानी गरेको कुरा समावेश थियो। र, यो पनिः https://mahendranagarpost.com/?p=83077
कञ्चनपुर: कञ्चनपुरमा लागुऔषधसहित दुई जना पक्राय परेका छन् । जिल्लाको शुक्लाफाँटा नगरपालिका-११ बनरापुलबाट सोही ठाउँका २८ वर्षीय तेजबहादुर राना र अत्तरियाका अर्जुनबहादुर राना पक्राउ परेका हुन् । उनीहरुको साथबाट ४८ ग्राम लागुऔषधसहित एक थान मोटरसाइकल पनि बरामद गरिएको प्रहरीले जनाएको छ । इलाका प्रहरी कार्यालय झलारी र अस्थायी प्रहरी पोष्ट कलुवापुरको प्रहरी टोलीले उनीहरुलाई पक्राउ गरेको हो ।
धनगढी: धनगढीमा लागुऔषधसहित दुई युवक पक्राउ परेका छन् । धनगढी उपमहानगरपालिका-३ त्रिनगर ब्यारेलबाट ५ ग्राम लागुऔषसहित २३ वर्षीय रमेश राना पक्राउ परेका हुन् । अछामको मंगलसेन नगरपालिका-१ घर भई धनगढी बसपार्कमा कोठामा बस्दै आएका उनलाई लागुऔषध नियन्त्रण इकाइ महेन्द्रनगर र जिल्ला प्रहरी कार्यालय कैलालीको संयुक्त टोलीले पक्राउ गरेको हो । यस्तै, धनगढी-२ मिलनचोकबाट धनगढी-४ बोराडाँडीका २५ वर्षीय विज्ञान बस्नेत ७०० मिलिग्राम लागुऔषधसहित पक्राउ परेका छन् । सुदूरपश्चिम प्रदेश प्रहरीका अनुसार लागुऔष नियन्त्रण इकाइ महेन्द्रनगर र प्रहरी चौकी त्रिनगरको टोलीले उनलाई पक्राउ गरेको हो । दुबै जना हिजो (बुधवार) पक्राउ परेका हुन् ।
एजेन्सी: क्यानडाका प्रधानमन्त्री जस्टिन ट्रुडो र उनकी पत्नी सोफीबीच सम्बन्धविच्छेद भएको छ । प्रधानमन्त्री ट्रुडोले इन्स्टाग्राममा आफ्नी श्रीमतीसँग छुट्टिएको पुष्टि गरेका छन् । वैवाहिक जीवनको १८ वर्षपछि जस्टिन ट्रुडो र उनकी श्रीमती सोफीबीच सम्बन्धविच्छेद भएको हो । धेरै छलफलपछि एकअर्काको साथ छाड्ने निर्णय गरेको ट्रुडोलाई उद्धृत गरी बीबीसीले जनाएको छ । आफ्नो पोस्टमा उनले सम्बन्धविच्छेद भए पनि सधैँ जस्तै परिवार नै रहने उल्लेख गरेका छन् । एकअर्काको माया र सम्मानमा कमी नहुने समेत उनीहरुको भनाइ छ । प्रधानमन्त्रीको पोस्ट श्रीमती सोफीले पनि आफ्नो अकाउन्टमा सेयर गरेकी छन् । प्रधानमन्त्री ट्रुडोले क्यानडाका नागरिकलाई यो समयमा आफ्ना बालबालिकाको भलाइका लागि गोपनीयतालाई सम्मान…
कञ्चनपुर: कञ्चनपुरको भीमदत्त नगरपालिका–१४ वनकट्टीस्थित शान्ति आधारभूत विद्यालयमा भवन अभाव हुँदा पठनपाठनमा समस्या भएको छ । बस्ने कोठा नहुँदा अध्ययनमा समस्या भएको विद्यार्थीले गुनासो गरेका छन् । केही साताअघि आएको हावाहुरीले विद्यालयको दुई कोठे भवनको जस्तापाता उढाएपछि विद्यार्थीलाई बस्नका लागि समस्या भएको प्रधानाध्यापक उत्तम विष्टले बताए। “जस्तापाता पूरै उढाएको छ, स्थानीय तहलाई जस्तापाताका लागि भनेका छौँ तर केही सुनुवाइ भएको छैन”, उनले भने, “विद्यार्थीलाई कहाँ राखेर पढाउने भन्ने समस्या छ ।” कोरोनाका समयमा निर्माण सुरु गरिएको दुई कोठे भवन हालसम्म सम्पन्न नभएको बताउँदै विष्टले विद्यार्थीलाई निर्माणाधीन उक्त भवनमा बसालेर पठनपाठन गराइरहेको जानकारी दिए। उनका अनुसार भवनमा सिलिङ हालिएको छ भने…
धनगढीः कञ्चनपुरको नेपाल भारत सीमा नाकाबाट एक बालिकाको उद्धार गरिएको छ । जिल्लाको दोधारा चाँदनी नाकाबाट बाजुराको खप्तड छेडेदह गाउँपालिका–३ की १६ वर्षीया एक बालिकाको उद्धार गरिएको हो । सोही ठाउँका १७ वर्षीय नरेश चँदाराले ती बालिकालाई बिवाह गरेको बहानामा भारत लैजाँदै गरेको अवस्थामा उद्धार गरेको शान्ति पुनस्र्थापना गृह गड्डाचौकीले जनाएको छ । बालिकालाई ललाइ फकाइ गरी कामको खोजीमा भारत लैजान लैजाँदै गर्दा उद्धार गरिएको बताइएको छ । उनलाई आफन्तको जिम्मा लगाइएको छ ।
काठमाडौँ: राष्ट्रिय प्रजातन्त्र पार्टीले ४० वर्षमुनिका क्षमतावान युवालाई नेतृत्व तहमा लैजाने भएको छ । नवीन राप्रपा अवधारणाअन्तर्गत पार्टीलाई युवामैत्री बनाउन २० केन्द्रीय सदस्य पदका लागि देशभरबाट खुल्ला आवेदन माग गरिएको छ । त्यसरी सदस्य बन्न चाहने उम्मेदवारले आफ्नो व्यक्तिगत विवरण तथा कार्ययोजना आगामी भदौ पहिलो सातासम्म केन्द्रमा पठाउनुपर्ने छ । कार्ययोजना दिएका उम्मेदवारमध्येबाट भूगोल, जनसङ्ख्या, पार्टीको प्रभाव क्षेत्र विस्तारको सम्भावना र नेतृत्व विकासका सम्भावनाको आधारमा न्यूनतम ५० प्रतिशत महिलासहित २० जनालाई केन्द्रीय सदस्यमा मनोनयन गरिने केन्द्रीय सदस्य सरस्वती अधिकारीले जानकारी दिए । पार्टीमा रहेका तथा पार्टी बाहिर रहेका नेपाली नागरिकले प्रतिस्पर्धाबाट छनोट भएपछि पार्टीको नीति, सिद्धान्त, एजेण्डा र उद्देश्यप्रति प्रतिबद्ध…
बैतडी: बैतडीमा गँड्यौला मल विक्री गर्न थालिएको छ । सतबाँझस्थित सुख्खा फलफूल विकास केन्द्रले गँड्यौला मल उत्पादन केन्द्र स्थापना गरेर मल उत्पादन गरेको थियो । अहिले मल विक्री कार्य सुरु गरिसकेको सुख्खा फलफूल विकास केन्द्रका निमित्त प्रमुख डिल्लीराज भट्टले बताए । धनगढीबाट गँड्यौला ल्याएर मल उत्पादन गरिएको बताइएको छ । झण्डै १५ क्विन्टल गँड्यौला मल उत्पादन भएको र जिल्ला दररेट अनुसार प्रतिकिलो ४० रुपैयाँका दरले विक्री गर्न थालिएको सुख्खा फलफूल विकास केन्द्रका प्राविधिक सहायक अर्जुन खड्काले बताए । बैतडीमा सुख्खा फलफूल विकास केन्द्रले पहिलो पटक गँड्यौला मत उत्पादन गरेको हो । सुख्खा फलफूल विकास केन्द्रले बैतडीका विभिन्न ठाउँका किसानलाई गँड्यौला…
कैलाली: कैलालीमा प्रहरीले अवैध काठ फेला पारी नियन्त्रणमा लिएको छ । जिल्लाको कैलारी गाउँपालिका-२ स्थित कटैनी नदीको ढिकमा अवैध रूपमा रहेको काठ इलाका प्रहरी कार्यालय हसुलियाले बुधवार नियन्त्रणमा लिएको हो । १ गोलिया ४२.३० क्युफुट सालको काठ र १ गोलिया २२.६४ क्युफुट असनाको काठ नियन्त्रणमा लिई आवश्यक कारबाहीका लागि सब–डिभिजन वन कार्यालय उदासिपुरको जिम्मा लगाइएको इप्रका हसुलियाले जनाएको छ ।