कञ्चनपुर : कञ्चनपुरमा अवैध रुपमा भन्सार छली ल्याएको सामान प्रहरीले बरामद गरेको छ । शुक्रबार दिउँसो जिल्लाको भिमदत्त नगरपालिका भि.न.पा.६ भानुपार्टि प्लेस नजिक चन्द्र सिह बिष्टले संचालन गरेको घटाल दृष्टि मार्केटिङको गोदाममा भारतबाट अवैध रुपमा भन्सार छली ल्याएका पन्ध्र लाख सन्ताउन्न हजार चार सय असी रुपैयाँ बराबरको कुर्ता सुरुवाल,मखमल सुट, पेटिकोटको कपडा,मेक्सी कपडा,सुतीको धोती,गम्छा(तौलिया) ,सर्टको कपडा,पाईन्ट सर्ट कपडा, रातो सेतो सारी लगायत बिभिन्न किसिमका लत्ता कपडा जिल्ला प्रहरीले बरामद गरेको हो । बरामद सामान आवश्यक कार्वाहीको लागि २ जना मानिस सहित भन्सार कार्यालय गड्डाचौकी कञ्चनपुर पठाईएको प्रहरीले जनाएको छ । ।
Author: महेन्द्रनगर पोष्ट
काठमाडौं : नेपाल बैंक लिमिटेडले सुरु गरेको सफ्टवेयर खरिद प्रक्रिया सुरुमै विवादमा परेको छ । बजार मूल्यभन्दा दोब्बरमा कोर बैंकिङ प्रणाली सम्बन्धी सफ्टवेयर खरिद प्रक्रिया अघि बढाएपछि अख्तियार दुरुपयोग अनुसन्धान आयोगले स्पष्टीकरण सोधी कागजात मगाएर अनुसन्धान अघि बढाएको छ । अख्तियारले २५ असार, २०८० मा यसबारे अनुसन्धान गर्ने निर्णय गरेर नेपाल बैंक लिमिटेडको केन्द्रीय कार्यालयमा पत्र लेखेर कोर बैंकिङ प्रणाली खरिदको औचित्य पुष्टि हुने कारण र आधारसहित राय प्रतिक्रिया र कागजात उपलब्ध गराउन निर्देशन दिएको थियो । अख्तियारस्रोतले भन्यो, ‘अहिले कागजात अध्ययन गर्ने काम भइरहेको छ ।’ यसबारे सुरुमा अर्थमन्त्रालयमा उजुरी परेको थियो, जुन फाइल उसले अख्तियार पठाइसकेको छ ।…
धनगढी – धनगढीबाट बैतडी जाँदै गरेको टिप्पर डडेल्धुरामा दुर्घटना भएको छ । सिमेन्ट बोकेको टिप्पर डडेल्धुराको अमरगढी नगरपालिका ८ रातोगुराँश रिसोर्ट नजिक सडक छेउमा दुर्घटनामा परेको जिल्ला प्रहरी कार्यालय डडेल्धुराका प्रवक्ता प्रहरी निरीक्षक उमाकान्त जोशीले बताए । सिमेन्ट बोकेको से १ ख ११३० नम्बरको टिप्परको अगाडिको भाग सडकको नालीमा फसेर टिप्परमा समान्य क्षति भएको छ । २३ बर्षीय चक्रबहादुर ऐरले चलाएको टिप्पर शुक्रबार दिउँसो पौने ५ बजेतिर दुर्घटना हुँदा मानवीय क्षति भने नभएको प्रहरीले जनाएको छ ।
बझाङः बझाङमा बनाउँदै गरेको नयाँ घर गाउँलेहरूले भत्काइ दिएका छन्। बझाङको बित्थडचिर गाउँपालिकामा करण ओखेडाले बनाइरहेको घर सार्वजनिक जग्गामा परेको भन्दै गाउँलेले भत्काएका हुन्। ओखेडाले भने, ‘सार्वजनिक जमिन हो, तेरो होइन भनेर घर पनि भत्काए, बाली, मकै काटेर आफ्ना गाईभैंसीलाई लिएर गएछन् यिनीहरूले,’ ‘हामी जाँदा खेरी मलाई दलित तँ के गर्न सक्छस् भने।’ त्यसपछि उनले आफ्नो बन्दै गरेको घर भत्काउँदै गरेको दृष्य लुकेर मोबाइलबाट भिडिओ बनाएको बताए। भारतको दिल्लीमा रोजगारी गर्ने ओखेडाको वडा नम्बर–७ मा जमिन छ। उनका बुवाले २०५७ सालमै सो जमिन किनेको बताए। आफ्नो जमिनमा घर बनाउँदा ३०/४० जना गाउँले आएर भत्काएको उनको भनाइ छ। ओखेडाको घरसँगै अरू…
काठमाडैँ : त्रिभुवन अन्तर्राष्ट्रिय विमानस्थल, अध्यागमन कार्यालयको सर्भर डाउन हुँदा अन्तर्राष्ट्रिय हवाई उडान प्रभावित भएको छ। अध्यागमनको ‘सिस्टम डाउन’ हुँदा दिउँसो करिब साढे ३ बजेदेखि अन्तर्राष्ट्रिय उडान प्रभावित भएको विमानस्थल कार्यालयले जनाएको छ। अध्यागमन विभाग त्रिभुवन अन्तर्राष्ट्रिय विमानस्थलका प्रमुख अध्यागमन अधिकृत रामबन्धु सेडाइँका अनुसार सर्भर डाउन भए पनि ‘मेनुअल’रूपमा अन्तर्राष्ट्रिय यात्रु व्यवस्थापन भइरहेको छ। अहिले सर्भर मर्मतको काम पनि भइरहेको छ। ‘अध्यागमनको सर्भर डाउन भएकाले मेनुअलरुपमा यात्रु व्यवस्थापन गरी सेवालाई निरन्तरता दिइएको छ’, प्रमुख सेडाइँले भने। विमानस्थल कार्यालयले पनि अध्यागमनको सर्भर डाउनले अन्तर्राष्ट्रिय उडान सामान्य प्रभावित भएको र मेनुअलरुपमा उडान सेवालाई निरन्तरता दिइएको जनाएको छ।
काठमाडौँ: कान्ति बाल अस्पतालले एक बालकलाई गलत खोप लगाएर चिकित्सकीय लापरबाही गरेको मुद्दामा सर्वोच्च अदालतले ३० लाख रुपैयाँ क्षतिपूर्ति दिन आदेश दिएको छ । न्यायाधीश हरिप्रसाद फुयाँल र तीलप्रसाद श्रेष्ठको संयुक्त इजलासले उक्त आदेश गरेको हो । घाँटीमा समस्या भएर अस्पतालको इमर्जेन्सीमा उपचार गर्न पुगेका ८ महिनाका बालक आलोक बराललाई गलत सुइ दिँदा क्षति पुगेको भन्दै उक्त रकम भराउन आदेश दिइएको हो । पीडित बालकका बुबा ध्रुवकुमार विश्वकर्माले अर्कै बालकका लागि तयार पारिएको ‘मेनेन्जाइटिस मलेरिया’को खोप आफ्नो बच्चामा लगाउँदा उनको स्वास्थ्यमा क्षति पुगेको भन्दै मुद्दा हालेका थिए ।
काठमाडौँ : सुन तस्करीमा संलग्न रेडी ट्रेडर्स प्रालिको काठमाडौँस्थित सोह्रखुट्टे गोदामबाट बुधबार बरामद गरिएका स्कुटरको ‘ब्रेक शु’ बाट सुन झिकेको पाइएको छ । विभागका अनुसार सुन झिकेपछि दुरुस्तै बनाएर ‘ब्रेक शु’लाई कार्टुनमा ‘रिप्याक’ गरेको पाइएको हो । राजस्व अनुसन्धान विभागका अनुसार १ हजार ३२० थान बढी ‘ब्रेक शु’ बाट सुन झिकेको पाइएको हो । १००० ग्राम तौलको एक थान ‘ब्रेक शु’बाट ५५५ ग्राम सुन झिकेको पाइएको छ । समग्रमा ‘ब्रेक शु’बाट ७३२.६ केजी सुन झिकेको पाइएको छ । सुन झिकिएपछि अहिले ‘ब्रेक शु’को प्रतिथान तौल ४४५ ग्राम मात्रै छ । गोदामबाट बरामद गर्ने क्रममै सुन छुट्टयाएर तस्करले लगिसकेको अवस्थामा फुक्लेका…
काठमाडौँ: सशस्त्र प्रहरीका ६ जना इन्स्पेक्टर डीएसपीमा बढुवा भएका छन्। साधारण समूह तथा लेखा उपसमूहतर्फ ५ जना र कानुन उपसमूहतर्फ एक गरी ६ जना इन्स्पेक्टरको डीएसपीमा बढुवा भएको हो। बिहीबार बसेको गृहमन्त्रालयका सचिवस्तरको निर्णयअनुसार उनीहरूको बढुवा भएको हो। बढुवा समितिले असार ३१ गते उनीहरूको नाम गृहमा सिफारिस गरेको थियो। यी हुन् बढुवा हुनेहरू:प्रमोदबाबु थापातुलसिंह केसीसन्तोषकुमार चन्ददिवाकर राउतराजेशकुमार सिंहसत्यदेवी बस्नेत
डडेल्धुरा: डडेल्धुराको अजयमेरु गाउँपालिकाले आफ्नै पालिका गान र लोगो तयार गर्ने भएको छ । अजयमेरुको पहिचान झल्किने गरी गाउँपालिकाले पालिका गान र लोगो तयार पार्न लागेको हो । गाउँपालिकाले लोगो तथा गानको रचना गर्न चाहने इच्छुक नेपाली नागरिकसँग आवेदन आह्वान गरेको छ । आगामी भदौ ११ गतेभित्र गाउँपालिकाको कार्यालयमा रचना पठाइसक्नुपर्ने जारी सूचना उल्लेख छ । गाउँपालिकाको सामाजिक, आर्थिक, भौगोलिक, धार्मिक, ऐतिहासिक, भाषिक, सांस्कृतिक तथा पर्यटकीय मौलिक विशिष्टता झल्किने गरी पालिका गान तथा लोगो तयार गर्नुपर्ने जनाइएको छ । त्यस्तै, पालिका गान घटीमा ५० शब्द र बढीमा ६० शब्दको हुनुपर्छ । पालिकाको लोगो नेपालको राष्ट्रिय लोगोकै आकारमा हुनुपर्ने गाउँपालिकाको भनाइ…
कैलाली: कैलालीको अत्तरियामा सल्याबाट ल्याइएको सिम्ला मिर्च तरकारीमा विषादी भेटिएको छ । अत्तरियास्थित विषादी अवशेष दु्रत विश्लेषण इकाइमा गरिएको परीक्षणमा एक क्विन्टल बढी सिम्लामा उपभोग गर्न नमिल्ने विषादीको मात्रा भेटिएको हो । सिम्लामा ६५ दशमलव ८५ प्रतिशत अर्गानोफस्फेट रोकावट दर भेटिएको र सो तरकारी नष्ट गरिएको कार्यालयका बालि संरक्षण अधिकृत प्रमोद ठगुन्नाले बताए । उनका अनुसार तरकारीमा ४५ प्रतिशतभन्दा बढी विषादीको रोकावट दर भेटिएमा विसर्जन गर्ने गरिन्छ । उक्त सिम्ला कृषि उपज थोक बजार समितिको हाताभित्र रहेको एमके एग्रीकल्चर ग्रुप प्रालिमा भेटिएको थियो । विषादी फेला परेको सिम्ला आज बिहान मात्रै ल्याइएको पसलका विक्रेता रमेश सुनारले बताए। यसअघि असार २४…