काठमाडौँ : नेपाली कांग्रेसको केन्द्रीय कार्यसम्पादन समितिको बैठक आज बस्ने भएको छ । बैठक दिउँसो २ बजे पार्टी केन्द्रीय कार्यालय ललितपुरमा बस्नेछ । बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई उपस्थित हुन अनुरोध गरिएको पार्टीका मुख्यसचिव कृष्णप्रसाद पौडेलले जानकारी दिए । बैठकमा नयाँ सरकार गठन र समसामयिक विषयमा छलफल हुने बताइएको छ । साथै ओली सरकारमा पठाउने मन्त्रीहरूबारे पनि आज निर्णय लिने पार्टीको तयारी छ ।
Author: महेन्द्रनगर पोष्ट
काठमाडौँ : शुक्रबार बिहान नारायणगढ–मुग्लिन सडकअन्तर्गत सिमलतालबाट पहिरोसँगै त्रिशूली नदीमा खसेका दुई बस र यात्रु खोजी क्रममा आज (शनिबार) एउटा शव फेला परेको छ। जिल्ला प्रहरी कार्यालय चितवनका प्रहरी नायब उपरीक्षक (डीएसपी) भेषराज रिजालका अनुसार दुर्घटनास्थलभन्दा ५० किलोमिटर पश्चिम नारायणी नदीमा आज बिहान एक भारतीय नागरिकको शव फेला परेको हो। ‘दुर्घटनास्थलबाट झन्डै ५० किलोमिटर पश्चिम भरतपुर महानगरपालिका–२८, गोलाघाट भन्ने ठाउँमा शव फेला परेको हो । शवको साथमा भेटिएका बैंकका एटीएम कार्ड र भारतीय आधार कार्डबाट उनको नाम ऋषिपाल साह भन्ने खुलेको डीएसपी रिजालले बताए। काठमाडौँबाट गौरतर्फ जाँदै गरेको बागमती प्रदेश ०३–००१ ख २४९५ नम्बरको बस र वीरगन्जबाट काठमाडौँ आउँ गरेको…
काठमाडौं : असार २९ अर्थात् भानुजयन्ती, नेपाली भाषाका आदिकवि भानुभक्त आचार्यको जन्मदिन। नेपाल तथा नेपालीभाषी रहेका विश्वका विभिभन्न देशमा विविध कार्यक्रम गरी शनिबार २११औँ भानुजयन्ती मनाइँँदै छ। आदिकवि आचार्यको जन्म तनहुँको चुँदी रम्घामा २०९ वर्षअघि अर्थात् १८७१ असार २९ गते भएको हो। धनञ्जय आचार्य र धर्मावती देवीका छोरा भानुभक्तको शिक्षादीक्षा बाजे श्रीकृष्ण आचार्यले गरेका थिए। भानुभक्तले भारतको वाराणसीमा पनि केही समय शिक्षा लिएका थिए। भानुभक्तले संस्कृत भाषामा रहेको रामायणलाई नेपाली भाषामा अनुवाद गरेका थिए। रामायणलगायत भक्तमाला, प्रश्नोत्तर, वधुशिक्षा र रामगीता लगायत उनका थुप्रै फुटकर रचना नेपालीभाषीमाझ लोकप्रिय छन्। उनको निधन १९२५ मा भएको थियो।
धनगढीः धनगढी–अत्तरिया छ लेन सडकमा मोटरसाईकल दुर्घटना हुँदा एक जनाको मृत्यु भएको छ। गोदावरी नगरपालिका–५ गेटामा माछापालनको गेट नजिक अत्तरियाबाट धनगढी तर्फ आउदै गरेको सुदूरपश्चिम प्रदेश ०१–००८ प ३३३७ नम्बरको मोटरसाईकल छाडा गोरुसंग ठोक्किदा चालक धनगढी उपमहानगरपालिका–४ उत्तरबेहडीका ३५ वर्षीय भीमबहादुर पुनको गएराति मृत्यु भएको हो। मोटरसाईकल गोरुसंग ठोक्किदा पुन गम्भिर घाईते भएका थिए। उनको उपचारको क्रममा माया मेट्रो अस्पताल धनगढीमा मृत्यु भएको जिल्ला प्रहरी कार्यालय कैलालीले जनाएको छ। गोरुपनि घटना स्थलमानै मरेको र सो सम्बन्धमा प्रहरीले आवश्यक अनुसन्धान गरिरहेको जनाएको छ।
धनगढी : बाँकेमा साढे २४ लाखभन्दा बढी रकमसहित चार जना हुण्डीकारोबारी पक्राउ परेका छन् । बाँकेका प्रहरीका अनुसार नेपालगञ्ज उपमहानगरपालिका – १८ का २९ वर्षीय राजु भुजु श्रेष्ठ, नेपालगञ्ज – ३ का २५ वर्षीय सोयव कादरी हलवाई, कोहलपुर नगरपालिका – ७ का २९ वर्षीय निमबहादुर बोहरा र कञ्चनपुरको भिमदत्त नगरपालिका– ७ घर भइ बाँकेको नेपालगञ्ज – ३ बस्ने ३० वर्षीय राहुल देवल पक्राउ परेका हुन् । गोप्य सूचनाका आधारमा उनीहरुलाई शुक्रबार नेपालगञ्ज – १२ बेलासपुरस्थित टिभी, फ्रिज मर्मत गर्ने पसलबाट पक्राउ गरिएको बाँके प्रहरीले जनाएको छ । टिभी र फ्रिज मर्मत गर्ने पसलमा बिगतदेखि नै अवैध रुपमा हुण्डीकारोबार हुँदै आएको…
काठमाडौं : भारतको उत्तराखण्ड प्रान्तको पिथौरागढ जिल्लामा रहेको धौलीगङ्गा जलविद्युत् परियोजनाको बाँध खोलिँदैछ । लिफ्ट सफाइको लागि अहिले बिहान ६ बजेदेखि भोलिसम्म बाँध खोल्न लागिएको हो । भारतीय पक्षले गराएको जिल्ला प्रशासन कार्यालय दार्चुलाले जनाएको छ । बाँध खोलेका बेला र खोलिएको केही घण्टापछिसम्म महाकाली नदीको जलस्तर बढ्ने भएकाले सतर्कता अपनाउन जिल्ला प्रशासन कार्यालय दार्चुलाले आग्रह गरेको छ । लगातारको वर्षा र बाँध खोलिएपछि महाकाली नदीमा जलस्तर बढ्ने खतरा भएकाले सावधानी अपनाउन भनिएको हो । दार्चुलादेखि बैतडी, डडेल्धुरा, कञ्चनपुर भएर भारततिर बग्ने महाकालीमा पानीको बहाव र सतह बढ्न सक्ने भएका कारण नदी छेउछाउमा नजान र सतर्कता अपनाउन स्थानीय प्रशासनले अनुरोध…
काठमाडौं: राष्ट्रपति रामचन्द्र पौडेलसमक्ष नेकपा एमाले अध्यक्ष केपी शर्मा ओलीलाई आगामी सरकारको प्रधानमन्त्री बनाउन दाबी पेस गरिएको छ। ओली र नेपाली काँग्रेस सभापति शेरबहादुर देउवाले आफूहरुसँग बहुमत सदस्यको समर्थन रहेकाले प्रतिनिधिसभा सदस्य ओलीलाई प्रधानमन्त्रीमा नियुक्तिका लागि अनुरोध गरेका हुन्। उनीहरुले संविधानको धारा ७६ (२) बमोजिम ओलीलाई प्रधानमन्त्रीमा नियुक्त गर्न अनुरोध गरेको पत्र शुक्रबार राति नै हस्तान्तरण गरिसकेका छन्। यसअघि ओलीको पार्टीले देउवासित मिल्ने भन्दै तत्कालीन नेकपा माओवादी केन्द्रका अध्यक्ष पुष्प कमल दाहाल प्रचण्डलाई दिएको समर्थन फिर्ता लिएपछि प्रचण्ड अल्पमतमा परेका थिए। त्यसपछि उनले प्रतिनिधि सभामा बहुमत प्राप्त गर्न नसकेपछि राष्ट्रपति रामचन्द्र पौडेलले नयाँ सरकार गठनका लागि दाबी पेश गर्न आह्वान…
काठमाडौं : नेकपा एमालेका अध्यक्ष केशी शर्मा ओलीले प्रधानमन्त्रीमा दाबी पेश गरेका छन् । प्रधानमन्त्री पुष्पकमल दाहाल प्रचण्डले प्रतिनिधि सभामा विश्वासको मत नपाएसँगै राष्ट्रपति रामचन्द्र पौडेलले नयाँ सरकार गठनका लागि दलहरूलाई आह्वान गरेका थिए । शुक्रबार राष्ट्रपति भवन शीतल निवास पुगेर अध्यक्ष ओलीले दुई वा दुईभन्दा बढी दलको सरकार बनाउने सम्बन्धी संविधानको धारा ७६ (२) अनुसार प्रधानमन्त्रीमा दाबी पेश गरेका हुन् । ओलीले संसद्को पहिलो दल कांग्रेसका ८८ र दोस्रो दल एमालेका ७७ गरी १६५ सांसदको समर्थनमा प्रधानमन्त्रीमा दाबी पेस गरेको कांग्रेसको एक नेताले बताए । ओलीले कांग्रेस सभापति शेरबहादुर देउवालाई साथमा लिएर राष्ट्रपति भवन शीतल निवास पुगेका थिए ।
धनगढी : बझाङको बित्थडचिर गाउँपालिकामा रात्रिकालीन सुरक्षा सुदृढ पार्न र वातावरणमैत्री ऊर्जा स्रोतको प्रवर्द्धन गर्न सौर्यबत्ती जडान गरिएको छ। गाउँपालिकाले शुक्रबार सुनकुडा क्याम्पस, विद्यालय र बजार क्षेत्रमा सौर्यबत्ती जडान गरि उद्घाटन गरेको छ । यो कार्यक्रम वित्थडचिर गाउँपालिकाको एक महत्वपूर्ण कार्यक्रम हो । गाउँपालिकाका उपाध्यक्ष धनलक्ष्मी मल्लका अनुसार बैकल्पिक ऊर्जा कार्यक्रम अन्तर्गत खरिद गरिएका सौर्यबत्तीहरु सुनकुडा क्याम्पस र सुनकुडा माविमा जडान गरिएको छ। लगत्तै देउलेख बजार, देउलेख प्राथमिक स्वास्थ्य केन्द्र, प्रहरी चौकी वित्थड, र स्याडी स्वास्थ्य चौकीमा पनि सौर्यबत्तीहरु जडान गरिने योजना रहेको उपाध्यक्ष मल्लले जानकारी दिइन् । गाउँपालिकाले सौर्यबत्तीहरु जडानबाट रातको समयमा गाउँमा सुरक्षित वातावरण सृजना हुने र उज्यालोको…
काठमाडौँ : नयाँ सरकारको दाबी गर्न नेपाली कांग्रेस र नेकपा एमालेका नेताहरू आजै शीतल निवास जाँदैछन् । शुक्रबार राति सवा ९ बजे दाबी पेस गर्न दलका नेताहरू शीतल निवास जान लागेका हुन् । कांग्रेसका सांसदको हस्ताक्षरसहित एमाले अध्यक्ष केपी शर्मा ओलीले प्रधानमन्त्रीमा दाबी गर्ने छन् । ओलीको नेतृत्वमा सरकार गठनका लागि शुक्रबार संसद भवनमा नेपाली कांग्रेस र नेकपा एमालेका सांसदहरूको हस्ताक्षर संकलन गरिएको थियो । प्रधानमन्त्री पुष्पकमल दाहाल प्रचण्डले संसदमा विश्वासको मत गुमाएपछि आजै राष्ट्रपतिले नयाँ सरकार गठन गर्न आह्वान गरेका थिए । राष्ट्रपतिले संविधानको धारा ७६ को उपधारा २ अनुसार आइतबारसम्मको समय दिएर दाबी पेस गर्न भनेका थिए ।