काठमाडौँ: त्रिभुवन विश्वविद्यालयबाट सम्बन्धन प्राप्त गरी सञ्चालनमा भइ नवीकरण नगर्ने क्याम्पसलाई कारबाही गर्ने भएको छ । विश्वविद्यालयले आज सूचना प्रकाशित गरी यसअघि नवीकरणका लागि पटक पटक सम्बन्धित क्याम्पसलाई सूचित गरे पनि नवीकरण नगरेकाले कारबाहीको प्रक्रिया अगाडि बढाएको जानकारी दिएको हो । नवीकरण नगर्ने क्याम्पसको सूची वेबसाइटमा प्रकाशित गरिएको विश्वविद्यालयको भनाइ छ । विश्वविद्यालयले कुनै क्याम्पसले नवीकरण प्रक्रियामा भएको भए यथाशक्य आधिकारिक निस्सा प्रमाणसहित सम्बन्धित डीनको कार्यालयमा सम्पर्क गर्न समेत अनुरोध गरेको छ । यसअघि त्रिविले २०७९ पुस २० गते र चैत २८ गते नवीकरणका लागि सूचना प्रकाशित गरेको थियो ।
Author: महेन्द्रनगर पोष्ट
बैतडी: त्रिभुवन विश्वविद्यालयबाट सम्बन्धन प्राप्त बैतडीका तीन क्याम्पसले नवीकरण नगरेको पाइएको छ । त्रिविको उपकुलपतिको कार्यालय, योजना निर्देशनालयले देशभरका १७५ क्याम्पस/कलेजहरुको सूची सार्वजनिक गरेको हो । जसमा बैतडीको सुर्नया गाउँपालिका-६ स्थित शंकर बहुमुखी क्याम्पस, ५ स्थित रौलाकेदार बहुमुखी क्याम्पस र दशरथचन्द नगरपालिका-२ देहीमाण्डौंको निङ्गलाशैनी क्याम्पस नवीकरण नगरेका क्याम्पसहको सूचीमा छन् । बैतडीका यी क्याम्पस विद्यार्थी अभावमा बन्द जस्तै अवस्थामा छन् ।
काठमाडौँ: आज सुन चाँदीको मूल्य बढेको छ । सुन तोलामा ३ सय र चाँदी ५ रुपैयाँले बढेको हो । नेपाल सुन चाँदी व्यवसायी महासंघका अनुसार आज सुनको मूल्य तोलामा एक लाख ११ हजार ६ सय रुपैयाँ पुगेको छ भने चाँदी तोलामा एक हजार चार सय रुपैयाँमा किनबेच भइरहेको छ ।
झापा: सेप्टिक ट्याङ्कीमा डुबेर बालकको मृत्यु भएपछि मेचीनगर नगरपालिका-१० स्थित ‘सानो साथी किन्डर गार्टेन’ मन्टेश्वरीका सञ्चालकसहित तीन जनालाई प्रहरीले पक्राउ गरेको छ । सोमबार नर्सरीमा अध्ययनरत आठ वर्षे तान्छोपहाङ लिम्बूको मृत्यु भएपछि अनुसन्धानका लागि उनीहरुलाई पक्राउ गरिएको प्रहरीको भनाइ छ । इलाका प्रहरी कार्यालय काँकरभिट्टाका प्रहरी नायव उपरीक्षक दीपक भारतीका अनुसार पक्राउ पर्नेमा मेचीनगर(११ का ४५ वर्षीय मनोज गुरुङ र ३५ वर्षीया रमा सुनार र मेचीनगर–१० की २४ वर्षीया अनिसा पोखरेल छन् । मन्टेश्वरीका सञ्चालक काठमाडौँ९३१ निवासी ४२ वर्षे सुरेन रसाइली भने फरार रहेको उनको भनाइ छ । मृतक बालकका बुबा खर्कबहादुर लिम्बू र आमा मेरिना लिम्बूले चार जनाविरुद्ध लिखित…
धनगढी: कैलालीमा नागरिकता किर्ते मुद्दाका फरार प्रतिवादी पक्राउ परेका छन् । जिल्लाको कैलारी गाउँपालिका–२ रामपुरका ३२ वर्षीय रेमन्त भनिने हेमन्त भुल पक्राउ परेका हुन् । उनलाई नागरिकता किर्ते मुद्दामा जिल्ला अदालत कैलालीले १४ वैशाख २०७१ मा १० हजार रुपैयाँ जरिवाना सुनाएको थियो । भुललाई इप्रका हसुलियाको टोलीले मंगलवार साँझ पक्राउ गरेको र आज अदालत पेश गरिने जनाइएको छ ।
काठमाडौँ: प्रधानमन्त्री पुष्पकमल दाहाल ‘प्रचण्ड’ पत्नी सीता दाहाललाई राजकीय सम्मानसहित अन्त्येष्टि सिफारिस गरिएको छ । गृह मन्त्रालयले दाहालको राजकीय सम्मानसहित अन्त्येष्टि गर्न सिफारिस गरेको गृह सचिव दिनेश भट्टराईले बताए । मन्त्रिपरिषद्को बैठक बस्न सके बस्ने र बस्न नसके पछि पारित गर्ने गरी राजकीय सम्मानसहित अन्तेष्टि गरिने उनले बताए ।
कञ्चनपुर: कञ्चनपुरको बेलौरी नगरपालिका-६ स्थित स्याली खोलामा निर्माण गरिएको ट्रष्ट पुल सञ्चालनमा आएको छ ।मंगलबार नगरप्रमुख पोतिलाल चौधरीले उक्त पुलको उद्धघाटन गरेका हुन् । बेलौरीको ६ र ७ नम्बर वडा जोड्ने ४८ मिटर लामो सो पुल निर्माणको लागि २०७८ माघमा ६१ लाख १४ हजार १ सय १६ रुपैयाँ लागतमा सम्झौता भएको थियो । स्वाप संस्थाको ५१ लाख ९६ हजार ९ सय ९९, नगरपालिकाको ७ लाख ९४ हजार ८ सय ३५ र १ लाख २२ हजार २ सय ४२ रुपैयाँको जन श्रमदानमा पुल बनेको हो । पुल निर्माणमा नेपाल राष्ट्रिय विकास समाज कञ्चनपुरको प्राविधिक तथा सामाजिक सहयोग रहेको थियो । जिर्ण…
काठमाडौं: नेकपा माओवादी केन्द्रले अध्यक्ष पुष्पकमल दाहाल ‘प्रचण्ड’ पत्नी सीता दाहालको निधनमा दुःख व्यक्त गरेको छ। महासचिव देवप्रसाद गुरुङले बुधबार विज्ञप्ति जारी गरी सीताको निधनले पार्टी, जनता र राष्ट्रका लागि अपूरणीय क्षति भएको बताएका छन्। ‘उहाँले नेपालको कम्युनिष्ट आन्दोलनमा अत्यन्त महत्त्वपूर्ण र अविस्मरणीय योगदान पुर्याउनुभएको छ। सिद्धान्तप्रतिको निष्ठा, उन्नत राजनीतिक चेतना, पार्टी, जनता र राष्ट्रप्रतिको निःस्वार्थ एवं असीमित समर्पण उहाँका विशेषता हुन्’, विज्ञप्तिमा भनिएको छ, ‘उहाँ आफ्ना योगदानमार्फत चीर कालसम्म स्मरणीय र भावी पुस्ताका लागि प्रेरणाको स्रोत रहनुहुनेछ।’
धनगढी: कैलालीको गोदावरी नगरपालिका–१२ मा पर्ने रातोपानी सामुदायिक वनभित्र फडानी भएको छ। करिब ५० जति सालका रुख काटेर अन्दाजी पाँच हजार क्यफिट काठ वनभित्रै चिरान गरेर तस्करी भएको हो। तस्करी गर्दै गरेको अवस्थामा दुइ जनालाई स्थानीयले पक्राउ गरेका छन्। सामुदायिक वनका अध्यक्ष कैलाश विक र केही वन कर्मचारीको संलग्नतामा सो क्षेत्रमा पछिल्लो समय व्यापक वन फडानी भइरहेको स्थानीले बताएका छन्। ठुलो परिमाणमा काठ तस्करी भए पनि १५० क्यूफिट काठ मात्रै बरामद भएको देखाएर मुख्य तस्करलाई वनका अध्यक्ष र कर्मचारीको मिलेमतोमा बचाउने काम भएको स्थानीयले आरोप लगाएका छन्। सामुदायिक वनका अध्यक्षको मिलेमतोमा तस्करी मौलाएको भन्दै स्थानीयले अध्यक्षको राजीनामा माग गरेका छन्।…
धनगढी: टीकापुरमा हिजो राति २ जना युवकमाथि खुकुरी प्रहार भयो। नेकपा एमालेको कैलाली जिल्ला कमिटी सदस्य एवं राष्ट्रिय युवा संघ नेपालका प्रदेश कमिटी सदस्य समेत रहेका प्रकाश खड्का र युवा संघ कैलालीका सदस्य बम ओलीलाई खुकुरी प्रहार भएको थियो। इलाका प्रहरी कार्यालय टीकापुरका डिएसपी तुल्सीराम अर्यालले खुकुरी प्रहार भएको पुष्टि गर्दै घटनाबारे बुझिरहेको बताएका थिए। उनले हिजो चक्र शाहको समूहले उनीहरूमाथि आक्रमण गरेको बताएका थिए।यस्तै उनीहरुको खोजीमा प्रहरी खटाएको पनि उनले बताएका थिए। तर पीडित प्रकाश खड्काले भने जयन्द्र शाहको समूहले आक्रमण गरेको जनाएका छन्। यतिमात्र होइन, उनले डिएसपी र टीकापुरका इन्सपेक्टरकै संरक्षणमा अपराध भैरहेको र भएको आरोप लगाउदै प्रहरी…