डोटी: डोटीको ऐतिहासिक बजारको सौन्दर्यता बढाउन घर घरमा गमला वितरण गरिएको छ। दिपायल सिलगढी नगरपालिका वडा नम्बर ६ ले एक घर दुई गमलाको अवधारण अनुसार फुल रोप्नको लागि गमला वितरण गरेको छ। इतिहास बोकेको सिलगढी बजारको सौन्दर्यता बढाउन घर घरमा गमला वितरण गएिको वडा अध्यक्ष नरेश मलासीले बताए। मंगलबार र बुधबार सिलगढीका सबै घरहरुमा गमला वितरण गरिएको अध्यक्षले बताए। सिलगढीका प्रत्येक घरमा गरेर जम्मा ७ सय गमला वितरण गरिएको छ। सिलगढी बजार क्षेत्रको सौन्दर्य बढाउन र हरियाली कायम राख्न बजार क्षेत्रका प्रत्येक घरधुरीलाई २/२ वटा प्लाष्टिकका गमला वितरण गरेको हो।
Author: महेन्द्रनगर पोष्ट
कञ्चनपुर: कञ्चनपुरमा जीपको ठक्करबाट एक जनाको मृत्यु भएको छ। जिल्लाको कृष्णपुर नगरपालिका–५ आमखैया सडकमा बा ०१००२५ च ३६३४ नम्बरको जीपको ठक्करबाट साईकलयात्री कृष्णपुर नगरपालिका–१ का ५९ वर्षीय अमर साउँदको हिजो(बुधबार) मृत्यु भएको हो। ठक्करबाट गम्भीर घाइते भएका उनलाई पदमा अस्पताल अत्तरीया हुँदै सेती प्रादेशिक अस्पताल धनगढीमा ल्याइएको थियो। उपचारको क्रममा उनको मृत्यु भएको हो। जीपका चालकलाई प्रहरीले नियन्त्रणमा लिएको जनाएको छ। दुर्घटनाका सम्बन्धमा प्रहरीले थप अनुसन्धान गरिरहेको छ।
काठमाडौं- आज दस वर्षयताकै लामो दिन। आज पृथ्वी सूर्यबाट सबैभन्दा टाढा पुग्नुका साथै वर्षको सबैभन्दा लामो र अत्यधिक गर्मीको दिन हुनेछ। बिपी कोइराला मेमोरियल प्लानेटेरियम तथा अब्जरभेटरी र विज्ञान सङ्ग्रहालय विकास समितिले सो कुराको जानकारी दिएको हो। पृथ्वी वर्षमा एक पटक सूर्यको सबैभन्दा टाढा पुग्ने गरेको र पृथ्वी सूर्यको टाढा पुग्दा यसको गति कम हुने समितिका निमित्त कार्यकारी निर्देशक डा. सनतकुमार शर्माले विज्ञप्ति मार्फत उल्लेख गर्नुभएको छ । पृथ्वी र सूर्यबिचको दुरी करिब १५ करोड किलोमिटर छ । आज सूर्य र पृथ्वी बिचको दुरी करिब १५ करोड २० लाख किलोमिटर हुनेछ। पृथ्वी सूर्यभन्दा टाढा पुग्ने क्रियालाई सूर्यदुरुस्थ भनिन्छ। सूर्यबाट टाढा पुग्दा…
काठमाडौं: नक्कली नागरिकता लिएको आरोपमा एक जना उपमेयर पक्राउ परेकी छिन्। कीर्ते कागजात पेस गरी नागरिकता लिएको आरोपमा सप्तरीको डाकनेश्वरी नगरपालिकाकी उपमेयर मिराकुमारी यादव पक्राउ परेकी हुन्। उनलाई बुधबार साँझ नियन्त्रणमा लिएको हो। बुधबार साँझ साढे ५ बजे प्रहरी कार्यालय पुगेकी यादवलाई हिरासतमा राखिएको सप्तरी कार्यालयले जानकारी दिएको छ। उच्च अदालत जनकपुरको राजविराज इजलासले आइतबार नै प्रहरीलाई नागरिकता कसुरमा उपमेयर यादवविरुद्ध अनुसन्धान अघि बढाउन आदेश दिएको थियो। उपमेयर मीरा र उनका पति महेन्द्र यादव भारतीय नागरिक रहेको र नक्कली प्रमाण खडा गरी नेपाली नागरिकता लिएको भन्दै डाकनेश्वरी नगरपालिका– ४ का कृष्णकुमार यादव उजुरी लिएर प्रहरीकामा पुगेका थिए। तर प्रहरीले उजुरी…
धनगढीः कैलालीमा बहुविवाहका फरार प्रतिवादी पक्राउ परेका छन्। जिल्लाको गौरीगंगा नगरपालिका–४ का नन्दराज कडेल र २७ वर्षीया पबित्रा शर्मा कडेल बुधबार दिउँसो पक्राउ परेका हुन्। उनीहरुलाई २०७१ मंसिरमा बहुविवाहको मुद्धामा ११ महिना १५ दिन कैद र १० हजार जरिवाना तोकेको थियो। बुधबार दिउँसो जिल्ला प्रहरी कार्यालय कैलालीबाट खटिईएको प्रहरी टोलीले पक्राउ गरेको हो। दुवै जनालाई आवश्यक कारबाहीको लागि अदालतमा पेश गरिएको प्रहरीले जनाएको छ।
काठमाडौँ: हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ । जसको प्रभनवले हाल देशभर सामान्य देखि पूर्ण बदली रहेको छ। अधिकांश प्रदेशमा हल्का देखि मध्यम वर्षा भइरहेको छ। आज दिउँसो देशका केही स्थानहरूमा हल्का देखि मध्यम वर्षाको सम्भावना रहेको छ। साथै कोशी र सुदूरपश्चिम प्रदेशको एक-दुई स्थानमा चट्याङ्गसहित भारी वर्षाको समेत सम्भावना रहेको छ। कोशी र मधेस प्रदेशका तराईका थोरै स्थानहरूमा हावा हुरीको समेत सम्भावना रहेको छ। राति भने देशभर आंशिक देखि सामान्य बदली रहनेछ। कोशी, बागमती, गण्डकी र लुम्बिनी प्रदेशका केही तथा बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको छ। कोशी, लुम्बिनी र…
काठमाडौं : रुपन्देहीमा एक जना इञ्जिनियर घूससहित पक्राउ परेका छन् । अख्तियार दुरुपयोग अनुसन्धान आयोगको बुटवल कार्यालयबाट खटिएको टोलीले रुपन्देहीको कोटहिमाई गाउपालिकाका इञ्जिनियरलाई नियन्त्रणमा लिएको जानकारी दिइएको छ । इञ्जिनियर अरविन्दकुमार यादवलाई ४५ हजार रूपैयाँ घूससहित पक्राउ गरिएको हो । आयोगको बुटवल कार्यालयका सूचना अधिकृत भेषराज रिजालका अनुसार गाउँपालिकामा सम्पन्न निर्माण कार्यको भुक्तानीको क्रममा उनले घूस लिएका हुन् । यादवलाई ४५ हजार रुपैयाँ घूस लिँदै गरेको अवस्थामा गाउँपालिकाको कार्यालयबाटै पक्राउ गरिएको हो ।
धनगढी: बाजुरामा एक कर्मचारीको नग्न तस्विर सार्वजनिक भएको छ। हालै करीब दुई साताअघि सार्वजनिक भएको सो तस्विरको विषयमा अहिले बाजुरामा विभिन्न टीकाटिप्पणी सुरु भएका छन्। स्रोतका अनुसार बाजुराको एक स्थानीय तह (गाउँपालिका) मा कार्यरत एक (अविवाहित) महिला कर्मचारीको नग्न तस्विर सार्वजनिक भएको हो। खप्तड छेडेदह गाउँपालिका-६ का पूर्व वडाअध्यक्ष समेत रहेका नेपाली काँग्रेसका नेता कुम्भ नाथले आफूसँग खिचिएको ती युवतीको तस्विर सार्वजनिक गरेका हुन्। नाथले आफ्नो फेसबुकको स्टोरीमा युवतीको तस्विर पोस्ट गरेका थिए। सो तस्विर सार्वजनिक भएपछि बाजुराका स्थानीयहरुले दुबैजनालाई कारबाहीको माग गरेका छन्। यता ती युवतीले भने आफ्नो चरित्रहत्या हुने गरि आपत्तिजनक तस्विर सार्वजनिक गर्नेलाई कारबाही गराउन पहल गरिरहेको…
काठमाडौं : नेपाली काँग्रेस सभापति तथा भूतपूर्व प्रधानमन्त्री शेरबहादुर देउवा पत्नी एवम् सांसद डा. आरजू राणा देउवा जापानबाट फर्केकी छन् । राजधानी टोकियोमा भएको हिपको हड्डीको उपचारको फलोअपमा गएर आज फर्केकी हुन् । उनी कोरियन एअरलाइन्सको उडान नम्बर केई ६९५ मा सिओलबाट साँझ साढे ५ बजे काठमाडौं आएको बुझिएको छ । गत ११ गते उपचारको लागि गएकी उनी १० दिनपछि फर्केकी हुन् । यसअघि गत महिना श्रीमान देउवाको पेटसम्बन्धी रोगको फलोअपको निम्ति उनी छोरासहित सिंगापुर गएकी थिइन् । ११ दिनपछि नेपाल फर्केकी राणा लगत्तै जापान गएकी थिइन् । एक वर्षअघि पनि उनी फलोअपको लागि जापान गएकी थिइन् । आमा टोकियोमा…
काठमाडौं: मोबाइल चार्ज गर्ने पावर बैंकभित्र लुकाएर भारत लैजान लागिएको लागूऔषधसहित संलग्न व्यक्ति पक्राउ परेका छन् । नेपाल एयरलाइन्सको जहाजमा काठमाडौँबाट कतारको दोहा ट्रान्जिट भई दिल्ली उड्न लागेका भारतीय नागरिक लागूपदार्थसहित एअरपोर्टबाट समातिएका हुन् । समातिनेमा नेपाल एयरको उडान नम्बर आरए २१७ मा आज दिउँसो १३स्२५ बजे दोहा हुँदै दिल्ली जान लागेका भारतीय पासपोर्ट होल्डर सुरजित कुमार छन् । प्रहरीका अनुसार उनीमाथि शंका लागेर चेकजाँच गर्दा पावर बैंकभित्र लुकाएको अवस्थामा लागुपदार्थ भेटिएको हो । विमानस्थलको ह्याण्ड ब्याग चेकिङ्ग एरियामा पक्राउ परेका सुरजितमाथि थप अनुसन्धान भैरहेको प्रहरीले बताएको छ ।