Author: महेन्द्रनगर पोष्ट

कञ्चनपुर: सुदूरपश्चिममा लागूऔषध व्युरोले सुदूरपश्चिममा हालसम्मै ठूलो परिमाणको लागूऔषध बरामद गरेको छ। कञ्चनपुरको पुनर्वास नगरपालिका–६ स्थित सम्राट होटलबाट प्रहरीले ठूलो परिमाणको खैरो हेरोइनसहित दुई जनालाई पक्राउ गरेको हो। विशेष सूचनाको आधारमा खटिएको प्रहरी टोलीले उनीहरूलाई सोमबार साँझ ७:४५ बजे नियन्त्रणमा लिएको हो। पक्राउ पर्नेमा दार्चुलाको महाकाली नगरपालिका–३ का ४२ वर्षीय नरसिंह महरा र पुनर्वास नगरपालिका–६, ङ गाउँका ५० वर्षीय दीपक विसी रहेका छन्। प्रहरीका अनुसार सम्राट होटलको कोठामा शंकास्पद रूपमा बसेका उनीहरूको साथमा चेकजाँच गर्दा महराको झोलाभित्र सेतो प्लास्टिकमा बेरिएको ५ वटा पोका फेला परेको थियो। बरामद पदार्थको शुद्ध तौल २७३.२६ ग्राम रहेको र ती पोका अवैध लागुऔषध (खैरो हेरोइन)…

धनगढी: डोटीमा जिप दुर्घटना भएको छ। शुक्रवार जिल्लाको आदर्श गाउँपालिकास्थित मौवामा जिप दुर्घटना भएको हो। प्रहरीका अनुसार दुर्घटनामा २ जनाको मृत्यु भएको छ। मौवाबाट सायल जान लागेको जिप दुर्घटना भएको थियो। जीपमा ८ जना सवार थिए। जसमध्ये ६ जना घाइते छन्। अन्य ३ जनाको स्थानीय स्वास्थ्य चौकीमा उपचार भैरहेको बताइएको छ। यस्तै अरु ३ जनालाई भने आदर्श गाउँपालिकाका अध्यक्ष चढ्ने गाडी र एम्बुलेन्समा स्वास्थ्यकर्मीसहित सिलगढी उपचारका लागि लगिएको छ। दुर्घटना दिउँसो १:४० बजे मौवाको खिराधारमा भएको हो। सुदूरपश्चिम प्रदेश ०१००१ ज १३९५ नम्बरको जिप आदर्श गाउँपालिकाबाट मेल्लेखतर्फ जाँदै गर्दा करिब २५० मिटर तल खसेको प्रहरीले जनाएको छ। जिल्ला प्रहरी कार्यालयका…

धनगढी: नेपाल प्रहरीका सहायक निरीक्षक (असई)हरुले स्किन क्यान्सरबाट पीडित पोखराका ९ वर्षीय दिवम मरासनीको उपचारका लागि आर्थिक सहयोग गरेका छन्। प्रहरी असई ब्याच नम्बर २–१७८ मा आबद्ध अधिकारीहरूले सामाजिक सञ्जालमार्फत दिवमको अवस्थाबारे थाहा पाएपछि व्यक्तिगत रूपमा रकम संकलन गरी सहयोग गरेका हुन्। उनीहरूले जम्मा ३५ हजार २५४ रुपैयाँ दिवमको उपचारका लागि हस्तान्तरण गरेका छन्। सहयोग गर्नेहरूमध्ये नेपाल प्रहरीकी पहिलो महिला सगरमाथा आरोही प्रहरी सहायक निरीक्षक कुञ्जाङ छोपेल शेर्पाले एक्लैले ८ हजार ८४८ रुपैयाँ सहयोग गरेकी छन्। सहयोग रकम दिवमका पिता दिलीप मरासनीलाई हस्तान्तरण गरिएको हो। ब्याचका एक प्रहरी सदस्यका अनुसार, “हामीले ड्युटी मात्रै होइन, मानवता पनि बोक्नुपर्छ भन्ने सन्देश दिएको…

काठमाडौं: जिल्ला प्रहरी परिसर काठमाण्डौंले २०८२ सालको जेष्ठ महिनाका लागि ‘फैसला कार्यान्वयन’ अन्तर्गत सर्वोत्कृष्ट कार्य सम्पादन गर्ने प्रहरी एकाइको रूपमा प्रहरी वृत्त स्वयम्भूलाई चयन गरेको छ। सोही अवसरमा वृत्तका प्रमुख प्रहरी नायव उपरीक्षक (डीएसपी) उद्दव सिंह भाटलाई विशेष प्रशंसा पत्र प्रदान गरि सम्मानित गरिएको छ। फैसला कार्यान्वयन कार्यक्रम अन्तर्गत अदालतले दिएका फैसला, आदेश तथा परमादेशलाई प्रभावकारी रूपमा कार्यान्वयन गर्नुका साथै न्याय सम्पादन प्रक्रियामा सहयोग पुर्‍याउन गरेको सक्रियता, संवेदनशीलता र परिणाममुखी कार्यसम्पादनका आधारमा डीएसपी भाट नेतृत्वको प्रहरी वृत्त स्वयम्भूले यो सफलता हासिल गरेको हो। डीएसपी भाटको नेतृत्वमा उक्त वृत्तले विगत महिना न्यायालयबाट तोकिएको कैयौं फैसलाहरूको प्रभावकारी कार्यान्वयन गर्दै न्यायमा पहुँच सुनिश्चित गराएको…

धनगढी: कैलालीको धनगढीस्थित कारागारमा कैद भुक्तान गरिरहेको अवस्थामा मृत्यु भएका डडेल्धुराको भागेश्वर गाउँपालिका–५ का २८ वर्षीय हरिसिंह पालीको परिवारले पाँच दिनपछि शव बुझेको छ। पालीकी श्रीमती जानकी सावदले दिएको किटानी जाहेरीका आधारमा जिल्ला प्रहरी कार्यालयमा कार्यरत प्रहरी नायब निरीक्षक(सई) हरजीत नाथलाई पक्राउ गरेपछि मृतकका परिवारले शव बुझेका हुन्। जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी)राजकुमार सिंहले पालीको शव परीक्षणपछि शुक्रबार बिहान पीडित पक्षले शव बुझेको जानकारी दिए। नाथ मृतक पाली प्रतिवादी रहेको बैंकिङ कसुर मुद्दाका वादी समेत हुन्। नाथले दिएको मुद्दामा पालीलाई जिल्ला अदालतले २०८० सालको फागुनमा १० दिन कैद र दुई लाख जरिवाना हुने फैसला गरेको थियो। अहिले मृतककी…

धनगढी: कैलालीको गौरीगंगा नगरपालिका–७ स्थित कैलाशपुरमा एक सुत्केरी मृत फेला परेकी छिन्। स्थानीय १९ वर्षीया तुलसी नाथ घर नजिकै मृत फेला परेकी हुन्। जिल्ला प्रहरी कार्यालयका प्रवक्ता प्रहरी नायब उपरीक्षक राजकुमार सिंहले घटनाबारे अनुसन्धान भइरहेको जानकारी दिए। घटनास्थल पुगेका इलाका प्रहरी कार्यालय मालाखेतीका प्रहरी नायब उपरीक्षक रणबहादुर चन्दले मृत भेटिएकी नाथ सुत्केरी भएको खुुलेको बताए। नाथ घरको मूल द्वार अगाडिको नालामा मृत भेटिएकी हुन्। उनको १६ दिनको नवजात शिशु (छोरा) भने जिवितै भेटिएको प्रहरी नायब उपरीक्षक चन्दले बताए।

धनगढी: कैलालीको धनगढीस्थित कारागारमा एक कैदीको रहस्यमय मृत्यु भएको घटनामा छानबिन समिति बनेर अनुसन्धान जारी छ। यसबीच नेपाल प्रहरीले एक जना प्रहरी नायब निरीक्षक (सई) लाई पक्राउ पनि गरेको छ। डडेल्धुराको भागेश्वर गाउँपालिका–५ निवासी २८ वर्षीय हरि सिंह पालीको मृत्यु प्रकरणमा जिल्ला प्रहरी कार्यालय कैलालीमा कार्यरत सई हरजीत नाथलाई पक्राउ गरिएको हो। जिल्ला प्रहरी कार्यालयका प्रवक्ता डीएसपी राजकुमार सिंहले पीडित पक्षको किटानी जाहेरीका आधारमा सई नाथलाई नियन्त्रणमा लिई अनुसन्धान सुरु गरिएको जानकारी दिए। मृतक पाली नाथद्वारा दायर बैंकिङ कसुरसम्बन्धी मुद्दाका प्रतिवादी थिए। उक्त मुद्दामा जिल्ला अदालतले २०८० साल फागुनमा पालीलाई १० दिन कैद र दुई लाख रुपैयाँ जरिवाना गर्ने फैसला सुनाएको…

काठमाडौं: सशस्त्र प्रहरी महानिरीक्षक राजु अर्यालले सशस्त्र प्रहरी अतिरिक्त महानिरीक्षक (एआईजी) पदमा बढुवा भएका गणेश बहादुर ठाडा मगरलाई दर्ज्यानी चिह्न प्रदान गरेका छन्। उनलाई गत सोमबार बसेको मन्त्रिपरिषद् बैठकले सशस्त्र प्रहरी नायब महानिरीक्षकबाट सशस्त्र प्रहरी अतिरिक्त महानिरीक्षक पदमा पदोन्नती गरेको थियो। दर्ज्यानी चिह्न लगाएपछि उनलाई रिक्त सीमा सुरक्षा विभागको जिम्मेवारी दिईएको छ। सशस्त्रमा यो महत्वपूर्ण विभाग मानिन्छ। आईजी अर्यालले दर्ज्यानी चिह्न प्रदान गर्दै दीर्घकालीन रुपमा संगठनको लक्ष्य हासिल गर्न पेशागत जीवनमा लामो समय हासिल गरेका सबै सशस्त्र प्रहरी कर्मचारीहरुको ज्ञान, सीप, क्षमता र अनुभवको उच्च मुल्यांकन हुने भएको हुँदा कार्यक्षेत्रमा खटिदा आम नागरिकको सेवा, सुरक्षा र सहयोगमा ईमान्दार र कर्तव्यनिष्ठ…

धनगढी: कैलालीको धनगढीस्थित कारागारमा रहेका कैदीको मृत्यु प्रकरणमा छानबिन समिति गठन भएको छ। जिल्ला प्रशासन कार्यालय कैलालीले कैदी मृत्यु घटनाको अनुसन्धानका लागि छानबिन समिति बनाएको हो। सिडिओ गोगन बहादुर हमालले सहायक प्रमुख जिल्ला अधिकारी किरण जोशीको नेतृत्वमा ७ सदस्यीय छानबिन समिति गठन गरेका हुन्। २८ वर्षीय हरिसिंह पालीको कारागारमा शंकास्पद मृत्यु भएपछि घटनाको अनुसन्धानका लागि चर्को माग उठेपछि छानबिन समिति गठन गरिएको हो। सो समितिलाई एक साताभित्र प्रतिवेदन बुझाउन भनिएको छ। समितिमा जिल्ला प्रशासन कार्यालयका प्रशासकीय अधिकृत शिवराज जोशी, जिल्ला प्रहरी कार्यालयका डिएसपी राजकुमार सिंह, राष्ट्रिय अनुसन्धान कार्यालयका प्रतिनिधि, प्रहरी नायब निरीक्षक सुरेश बोहरा, प्रहरी सहायक हवलदार नरेश साउँद तथा…

धनगढी: सुदूरपश्चिम प्रदेश सरकारका उद्योग, पर्यटन, वन तथा वातावरण मन्त्री रामेश्वर चौधरीलाई पदबाट राजीनामा दिन मुख्यमन्त्री कमलबहादुर शाहले निर्देशन दिएका छन्। चौधरी नागरिक उन्मुक्ति पार्टी (नाउपा)बाट ४ जेठमा मन्त्री नियुक्त भएका थिए। मुख्यमन्त्री शाह मन्त्री चौधरीको कार्यशैलीबाट असन्तुष्ट रहेको स्रोतको दाबी छ। बजेट निर्माणका क्रममा समेत मन्त्री चौधरीले एकलौटी निर्णय लिएको भन्दै मुख्यमन्त्री शाहले असन्तुष्टि व्यक्त गर्दै राजीनामा दिन निर्देशन दिएका हुन्। हाल मन्त्री चौधरी आन्तरिक छलफलमा छन्। उनी नाउपाका प्रदेश सभा सदस्यहरूसँग परामर्श गरिरहेका छन्। तर नाउपा निकट स्रोतका अनुसार चौधरी कृषि मन्त्री रहँदा ‘पावर टिलर’ वितरणको नाममा किसानबाट रकम उठाउने समूहसँग जोडिएको विषयमा मुख्यमन्त्रीले चासो देखाएका थिए। सो…