काठमाडौं: डिजिटल सवारी चालक अनुमति पत्रको नियमनको लागि ट्राफिक प्रहरीलाई ४ सय ८ थान स्मार्ट फोन हस्तान्तरण गरिएको छ। बागमती प्रदेश श्रम, रोजगार तथा यातायात मन्त्रालयको आयोजनामा ललितपुरमा शुक्रबार आयोजित कार्यक्रममा मुख्यमन्त्री बहादुर सिंह लामाले प्रहरी महानिरीक्षक वसन्त बहादुर कुँवरलाई उक्त स्मार्ट फोन हस्तान्तरण गरेका हुन्। मुख्यमन्त्री लामाले हस्तान्तरण गरिएका स्मार्ट फोनबाट प्रभावकारी यातायात व्यवस्थापनमा सहयोग पुग्ने बताए । नागरिकको गुनासोलाई सम्बोधन गरी आगामी दिनमा ट्राफिक प्रहरीको काम कारबाहीलाई थप प्रभावकारी बनाउँदै लैजान आवश्यक समन्वय गर्दै जाने उनले बताए। प्रहरी महानिरीक्षक कुँवरले सीमित स्रोत साधनको अधिकतम सदुपयोग गर्दै प्रभावकारी ट्राफिक व्यवस्थापन गर्दै आइरहेको नेपाल प्रहरीलाई आज हस्तान्तरण भएका स्रोत साधनहरू…
Author: महेन्द्रनगर पोष्ट
धनगढी: नेपाली कांग्रेसका सभापति शेरबहादुर देउवाले सत्ता गठबन्धनमा कुनै समस्या नभएको दाबी गरेका छन्। नेपाल प्रेस युनियन डडेल्धुराले आयोजना गरेको पत्रकार सम्मेलनमा पूर्वप्रधानमन्त्रीसमेत रहेका देउवाले लिखित सहमतिअनुसार अहिलेको गठबन्धन २०८४ सालसम्म नै चल्ने दाबी गरेका हुन्। सुरुको दुई वर्ष एमाले र त्यसपछि कांग्रेस नेतृत्वमा सरकार सञ्चालन गर्ने सहमति भएको उनले बताए। सभापति देउवाले २०८४ सालको प्रतिनिधिसभा निर्वाचनमा आफू लड्ने/लड्ने विषयमा डडेल्धुराका नागरिकलाई सोध्नुपर्ने बताए। देउवाले सुदूरपश्चिमको राजधानी डडेल्धुरा सार्छु भनेर यसअघि पनि आफूले आश्वासन नदिएको दाबी गरे। राजधानी नै सार्छु नभनेको तर डडेल्धुराभन्दा बरु डोटीका लागि कुरा भएको उनले बताए। यस्तै देउवापत्नी तथा परराष्ट्र मन्त्री डा. आर्जु राणा देउवाले गेटामा…
काठमाडौं: नेपाली सेनाले प्राविधिक, हवाई, सैन्य तथा विभिन्न ट्रेड फलोअर्स र विविध सेवातर्फ दरखास्त आह्वान गरेको छ। आज सूचना जारी गर्दै नेपाली सेनाले रिक्त पदमा आवेदन मागेको हो। आवेदन आगामी मङ्सिर २९ गतेसम्म दिन सकिनेछ। दोब्बर दस्तुर बुझाएर थप एक सातासम्म आवेदन दिन सकिने छ। योग्यता पुगेका आवेदकले नेपाली सेना केन्द्रीय भर्ना छनौट केन्द्र स्वयम्भूमा दस्तुरसहित आवेदन दिन सक्नेछन्।
धनगढी: धनगढीमा तस्करी गरिरहेको अवस्थामा साढे ६ लाख बढिकाे अवैध सामान बरामद गरिएको छ। धनगढी उपमहानगरपालिका-३ काे राजघाट पुल नजिकैबाट बिहीबार राति अवैध रूपमा ल्याइरहेका विभित्र कम्पनीका माेबाइलमा प्रयाेग हुने ६ लाख ४४ हजार बराबरको कभर बरामद गरिएकाे प्रहरीले जनाएको छ। सुदूरपश्चिम प्रदेश प्रहरी कार्यालयकाे प्रोभेन्स इन्टेलिजेन्स टीम’ (पीआईटी) र अस्थायी प्रहरी पाेष्ट चटकपुरकाे टाेलीले अवैध रूपमा ल्याइरहेका सामान बरामद गरेकाे हाे। प्रहरीकाअनुसार बरामद गरिएका अवैध माेबाइल कभर आवश्यक कारवाहीका लागि कैलाली भन्सार कार्यालयमा बुझाइने प्रहरीले जनाएको छ।
दार्चुला: दार्चुलाको शैल्यशिखर नगरपालिकाले आज शोक बिदा दिएको छ। शैल्यशिखर–६ बजानीमा बिहान भएको जिप दुर्घटनामा मृत्यु भएकाहरुप्रति श्रद्धाञ्जली अर्पण गर्दै शोक बिदा दिइएको प्रमुख प्रशासकीय अधिकृत सुरेन्द्रबहादुर विष्टले बताए। दुर्घटनामा नगरपालिकामा कार्यरत अमिन वीरेन्द्रसिंह रावल, गोकुलेश्वर क्याम्पसमा कार्यरत मीना लेखक र दिलिपसिंह विष्टलगायत ८ जनाको मृत्यु भएको शोकमा बिदा दिइएको नगरपालिकाले जनाएको छ। शुक्रबार बिहान दार्चुलाको शैल्यशिखर नगरपालिका–६ को बकजेबलामा म १ ज ३३८ नम्बरको जिप दुर्घटना हुँदा ८ जनाको मृत्यु भएको थियो। मृतकमध्ये दुई जना भारतीय नागरिक, दुई जना बैतडीको डिलासैनी गाउँपालिका र अन्य ४ जना शैल्यशिखर नगरपालिकाका छन्। दुर्घटनामा ४५ वर्षीय मोहम्मद सफीर, १८ वर्षीय मोहम्मद बसिर, शैल्यशिखर…
धनगढी: दार्चुलाको जिप दुर्घटनामा गम्भीर घाइते भएकाहरुलाई उपचार गर्न धनगढी ल्याइएको छ। दुर्घटनामा सवारी चालक मालिकार्जुन गाउँपालिका–८ पस्तीका ३० वर्षीय सुनिल जोशीसहित तीन जनालाई नेपाली सेनाको हेलिकोप्टरमार्फत् उपचार गर्न धनगढी ल्याइएको हो। घाइतेहरुलाई निसर्ग अस्पतालमा भर्ना गरिएको छ।हेलिकोप्टरले पहिलो खेपमा जिप चालक सुनिल जोशीसहित डिलासैनी ४ बैतडीका उत्तम रोकाया, सुनिलदत्त जोशी र सन्जीव रावललाई उपचारका लागि धनगढी ल्याएको हो। शुक्रबार बिहान दार्चुलाको शैल्यशिखर नगरपालिका–६ को बकजेबलामा म १ ज ३३८ नम्बरको जिप दुर्घटना हुँदा ८ जनाको मृत्यु भएको छ। मृतकमध्ये दुई जना भारतीय नागरिक, दुई जना बैतडीको डिलासैनी गाउँपालिका र अन्य ४ जना शैल्यशिखर नगरपालिकाका छन्। दुर्घटनामा ४५ वर्षीय मोहम्मद…
धनगढीः दार्चुलाको मालिकार्जुन जात हेरेर फर्किरहेको जिप दुर्घटनामा हालसम्म ८ जनाको मृत्यु भएको छ।जिल्ला प्रहरी कार्यालय दार्चुलाले अहिलेसम्ममा २ जना भारतीय नागरिकसहित ८ जनाको मृत्यु भएको पुष्टि गरेको हो। भारतको उत्तरप्रदेश राज्यको विजौर जिल्लाका ४५ वर्षका मोहम्मद सकिर, सोही ठाउँका १८ वर्षका मोहम्मद वसीम, दार्चुलाको शैल्यशिखर नगरपालिका वडा नम्बर-५ का ३० वर्षका विरेन्द्र रावल र उनकी २८ वर्षीया श्रीमती शान्ति रावल, शैल्यशिखर नगरपालिका वडा नम्बर-९ का ४५ वर्षका दिलिप विष्ट, सोही ठाउँका ४५ वर्षीया मीना लेखक, बैतडीको डिलासैनी गाउपालिका वडा नम्बर-५ का ४५ वर्षीय विरेन्द्र सिह बोहरा र सोही ठाउँका १५ वर्षीय सुजिब बोहराको मृत्यु भएको जिल्ला प्रहरी कार्यालय दार्चुलाका डीएसपी…
काठमाडौं: परराष्ट्रमन्त्री डा. आरजु राणा देउवाको स्वागत गर्न नेपाली कांग्रेस डडेल्धुरा जिल्ला कार्यसमितिले पार्टीपंतिलाई निर्देशन दिएको छ। जिल्ला सभापति भीमबहादुर साउदले सूचना जारी गर्दै शुक्रबार अपराह्न डडेल्धुरा बसर्पाकमा फूलमालासहित उपस्थित भई राणालाई भव्य स्वागत गर्न भनेका हुन्। कांग्रेस केन्द्रीय सदस्यसमेत रहेकी राणा भोलि श्रीमान शेरबहादुर देउवाको गृहजिल्ला डडेल्धुरा जाने कार्यक्रम छ। त्यसकारण जिल्ला पार्टी उनको स्वागतमा कस्सिएर लागेको हो। स्वागतको तयारीबारे जानकारी दिँदै साउदले भनेका छन्, ‘…महासमिति सदस्यहरु, महाधिवेशन प्रतिनिधिहरु, जिल्लाका पदाधिकारी तथा सदस्यहरु, पालिका कार्यसमिति, वडा कार्यसमिति, क्रियाशिल सदस्यहरु र आस्थावान महानुभावहरुमा डडेल्धुरा बसपार्कमा फूलमालासहित उपस्थितिका लागि हार्दिक अनुरोध गर्दछौ।’ मन्त्रीको स्वागतमा फूलमालासहित उपस्थित हुन जिल्ला सभापतिले सूचना निकालेकोप्रति…
काठमाडौँ: सामाजिक सञ्जालमार्फत चरित्र हत्या गरेको अभियोगमा एक महिलालाई प्रहरीले पक्राउ गरेको छ।पक्राउ पर्नेमा कैलालीको धनगढी उपमहानगरपालिका वडा नम्बर १३ स्थायी ठेगाना भएकी कुमारी जानकी बोगटी रहेको नेपाल प्रहरीले साइबर ब्युरोले जनाएको छ। सामाजिक सञ्जालमा चरित्र हत्या हुने अभिव्यक्तिहरू प्रसारण गरी चरित्रमा निर्मम आघात पुऱ्याएको साथै सामाजिक जीवनमा गम्भीर असर पुऱ्याउने कार्य गर्ने उजुरी प्राप्त भएसँगै अनुसन्धानका क्रममा बोगटीको संलग्नता खुलेपछि जिल्ला प्रहरी कार्यालय सुर्खेतको सहयोगमा उनलाई सुर्खेतबाट पक्राउ गरिएको ब्युरोले जनाएको छ। उनलाई जिल्ला अदालत काठमाडौँबाट साइबर अपराधमा ५ दिन म्याद गरेर आवश्यक अनुसन्धान कार्य भइरहेको ब्युरोले जनाएको छ।
काठमाडौं: नेपाल प्रहरीका तीन जना डिएसपीको सरुवा भएको छ। एक जनालाई हेडक्वार्टरबाट पर्सा पठाउँदा वीरगन्ज र भैरहवाका दुई जनालाई हेडक्वार्टर तानिएको छ। बुधबार भएको काज सरुवामा मुख्यालयको सुपरीवेक्षण तथा अनुगमन महाशाखाका प्रहरी नायव उपरीक्षक किशोर लम्साललाई जिल्ला प्रहरी कार्यालय पर्सा लगिएको छ। उताका दिपक भारतीलाई सुरक्षा सेवा व्यवस्थापन महाशाखा, नक्साल तानिएको छ। प्रहरीको मानव स्रोत विभागले गरेको सरुवामा जिल्ला प्रहरी कार्यालय रुपन्देहीका लक्ष्मी खनाललाई हेडक्वार्टरको महिला,बालबालिका तथा ज्येष्ठ नागरिक सेवा निर्देशनालयमा पुर्याइएको छ। उनीहरुलाई तत्काल काज खटाइएको कार्यालयमा हाजिर हुन जान निर्देशन दिइएको छ। स्रोतका अनुसार विवादमा तानिएपछि डिएसपीद्वयलाई हेडक्वाटर तानिएको हो। अन्य केही जिल्लामा पनि समस्या रहेका एसपी तथा…