काठमाडौं: काठमाडौंबाट भोजपुर जाँदै गरेको नेपाल एयरलाइन्सको ट्विनअटर जहाजमा समस्या देखिएपछि काठमाडौं फिर्ता ल्याइएको छ। बिहिवार बिहान ६ बजेर ३३ मिनेटमा काठमाडौंबाट उडेको जहाज ६ माइल टाढा पुगेपछि समस्या देखिएको थियो। ककपिटको दाहिनेतिरको ढोकामा केही समस्या देखिएपछि काठमाडौं ल्यान्ड गराइएको छ। ककपिटको दाहिनेतिरको ढोकामा समस्या देखिएको तर प्राविधिक जाँच गरेपछि मात्रै जानकारी हुने बताइएको छ। १६ जना यात्रु लिएर उडेको जहाज केहीसमयमै काठमाडौं मै अवतरण गराइएको थियो। नाइन एन एबीटी कल साइन रहेको जहाजको चेकजाँचपछि फेरि भोजपुर उडाउने तयारी छ।
Author: महेन्द्रनगर पोष्ट
बाजुरा : बाजुराको बिछ्या केन्द्रविन्दु भएर भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार बाजुराको बिछ्या केन्द्रविन्दु भएर बिहीवार बिहान ५ बजेर १५ मिनेट जाँदा ४ दशमलव ३ रेक्टरस्केलको भूकम्प गएको हो। यसअघि बाजुराकै बिछ्या केन्द्रविन्दु भएर यही बैशाख २३ गते ४ दशमलव १ रेक्टरस्केलको भूकम्प गएको थियो। पछिल्लो समय नेपालको पूर्वी तथा पश्चिमी क्षेत्र केन्द्रविन्दु भएर भूकम्प जाने क्रम जारी छ।
दार्चुला: दार्चुलाको ब्याँस गाउँपालिका १ भोलुममा गएको हिमपहिरोमा बेपत्ता भएका पाँच जनाकै शव भेटिएको छ। बुधबार डोटीको जोरायल गाउँपालिका–२ की १५ वर्षीया छिमी सोमो थापाको शव भेटिएसँगै बेपत्ता पाँचै जनाको शव भेटिएको सशस्त्र प्रहरी बलका केन्द्रीय सह–प्रवक्ता प्रहरी नायव उपरीक्षक (डीएसपी) शैलेन्द्र थापाले जानकारी दिए। दार्चुलाको छाङरुमा रहेको सशस्त्र प्रहरी बल नं. ५० गुल्मबाट खटिएको सशस्त्र प्रहरी बलको टोलीले बेपत्ताहरूको खोजी गरिरहेकामा आज छिमीको शव फेला पारेको हो। यसअघि अन्य ४ जनाको शव फेला परेको ठाउँबाट करिब २ सय मिटर तल थापाको शव फेला परेको प्रहरीले जनाएको छ। वैशाख १९ गते गएको हिमपहिरोमा परेर ५ जना बेपत्ता भएका थिए। ७…
धनगढीः हाल देशमा स्थानीय वायु तथा पश्चिमी वायुको सामान्य प्रभाव रहेको छ। हाल देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहेको मौसम पूर्वानुमान महाशाखाले जनाएको छ। आज दिउँसो कर्णाली प्रदेश, गण्डकी प्रदेश, बागमती प्रदेश र कोशी प्रदेशका पहाडी भू–भागमा आंशिक बदली रही बाँकी भू–भागमा मौसम आंशिक बदली देखि सामान्यतया सफा रहने महाशाखाले जनाएको छ। गण्डकी प्रदेश र कर्णाली प्रदेशका पहाडी भू–भागका एक–दुई स्थानमा मेघ गर्जन÷चट्याङ्ग सहित क्षणिक वा हल्का वर्षाको सम्भावना रहेको छ। साथै लुम्बिनी प्रदेशको तराई भू–भागका केही स्थानहरुमा सामान्य हावा हुरीको सम्भावना रहेको छ। राति देशभर मौसम सामान्यतया सफा रहने छ।
धनगढी: बझाङमा प्रहरी अधिकारीहरु कुटिएका छन्। आज (बुधवार) जिल्लाको बित्थडचिर गाउँपालिकास्थित देउलेखमा प्रहरीमाथि कुटपिट भएको हो। प्रहरीको उच्च स्रोतका अनुसार कुटपिटमा पर्नेमा प्रहरी सहायक हवल्दार नरेन्द्रबहादुर मल्ल लगायतका छन्। उनीहरु वित्थड प्रहरी चौकी र देउलेखमा कार्यरत हुन्। उनीहरुमध्ये मल्ललाई चोट लागेको र अहिले आराम गरिरहेको बताइएको छ। उनले कुटपिटका क्रममा टाउकोमा हेलमेट लगाएका कारण बढी चोट लागेन। दर्जनौं युवाहरुले बीच बजारमा ३/४ जना प्रहरीलाई समातेर कुटेका थिए। प्रहरीले भने त्यहाँ आफ्नो संख्या कम भएका कारण घटना घटेको बताएको छ। मंगलबार जयपृथ्वी राजमार्ग अन्तर्गत बित्थडचिर गाउँपालिका–६ को चिसापानीमा एम्बुलेन्सले मोटरसाइकललाई ठोकेपछि मोटरसाइकल चालक २२ वर्षीय गोविन्द महरको निधन भएको थियो। सोही…
धनगढीः नागरिक उन्मुक्ति पार्टी सुदूरपश्चिम प्रदेश संसदीय दलको नेताबाट रामेश्वर चौधरीलाई हटाइएको छ। आज (बुधवार) संसदीय दलको कार्यालयमा बसेको बहुमत सदस्यहरूको बैठकले चौधरीलाई संसदीय दलको नेताबाट हटाएको हो। बैठकले घनश्याम चौधरीलाई दलको नेताको जिम्मेवारी पनि दिएको छ। उक्त बैठकमा रामेश्वर भने उपस्थित थिएनन्। सात जना प्रदेशसभा सदस्य रहेको नागरिक उन्मुक्तिमा चार जनाको हस्ताक्षरसहित संसदीय दलको नेता परिवर्तन गरेको सूचना प्रदेशसभा सचिवालयमा दिइएको छ। त्यस्तै प्रमुख सचेतकको जिम्मेवारी खुसीराम चौधरीलाई दिइएको छ। यसअघि लक्ष्मणकिशोर चौधरी प्रमुख समेतक थिए। सचेतकको जिम्मेवारी कैलाश चौधरीलाई दिइएको छ। संसदीय दलको नेतासहित अन्य जिम्मेवारी परिवर्तन गर्न बसेको बैठकमा लक्ष्मण किशोर चौधरी, धनश्याम चौधरी, खुसीराम चौधरी र…
धनगढीः बझाङको चिसापानीमा एम्बुलेन्सको ठक्करबाट मोटरसाइकल चालकको मृत्यु भएपछि अवरुद्ध पारिएको राजमार्ग खुलेको छ। पीडित परिवारलाई गाउँपालिकाले ५ लाख क्षतिपूति, ५० हजार क्रिया खर्च र मृतककी श्रीमतीलाई देउलेख स्वास्थ चौकीमा रोजगारी दिने सहमतिपछि जयपृथ्वी राजमार्ग खुलेको हो। मंगलबार जयपृथ्वी राजमार्ग अन्तर्गत बित्थडचिर गाउँपालिका–६ को चिसापानीमा एम्बुलेन्सले मोटरसाइकललाई ठोकेको थियो। प्रदेश ट्राफिक प्रहरी कार्यालय अत्तरियाका अनुसार देउलेखबाट सुनकुडातर्फ गइरहेका देउलेख प्राथमिक स्वास्थ्य चौकीको सुपप्र ०१–०११ झ ३६१ नम्बरको एम्बुलेन्सले से ५ च २४२० नम्बरको मोटरसाइकललाई ठक्कर दिएको थियो। दुर्घटनामा मोटरसाइकल चालक २२ वर्षीय गोविन्द महरको निधन भएको थियो। सोही दुर्घटनापछि आक्रोशित भएका स्थानीयले क्षतिपूर्तिको माग गर्दै हिजो साँझबाटै देउलेकमा राजमार्ग अवरुद्ध…
धनगढीः कञ्चनपुरको बेलौरी नगरपालिका–६ रिछाहबाट अवैध लागूऔषध खैरो हेरोइनसहित प्रहरीले एक जना किशोरलाई पक्राउ गरेको छ। ३ ग्राम ६५ मिलिग्राम खैरो हेरोइन र त्यो तौलने एक थान तराजुसहित बेलौरी नगरपालिका–३ खिरिया बस्ने १८ वर्षीय किशोरलाई प्रहरीले मंगलबार राति पक्राउ गरेको हो। सुदूरपश्चिम प्रहरी कार्यालय धनगढी र ईलाका प्रहरी कार्यालय बेलौरीबाट खटिएको संयुक्त टोलीले उनलाई पक्राउ गरेको थियो।
धनगढीः कञ्चनपुरमा आगलागी हुँदा ८ लाख रुपैयाँ मुल्य बराबरको धनमाल नष्ट भएको छ। भीमदत्त नगरपालिका–४ चमनचोकस्थित शारदा देवीको सिरक गद्धाको गोदाममा विद्युत सर्ट भई गएराति आगलागी भएको हो। जिल्ला प्रहरी कार्यालयका अनुसार आगलागीमा करिब ८ लाख रूपैयाँ बराबरको धनमाल जलेर नष्ट भएको छ।
काठमाडौं: पूर्वगृहमन्त्री तथा नेपाली कांग्रेसका नेता बालकृष्ण खाँण पक्राउ परेका छन्। खाँणलाई बुधबार बिहान उनकै निवासबाट पक्राउ गरेको प्रहरी उच्च स्रोतले जानकारी दिएको छ। भूटानी शरणार्थी प्रकरणमा अनुसन्धानका लागि खाण र उनका सहयोगी नरेन्द्र केसीलाई पक्राउ गरिएको स्रोतले जानकारी दिएको छ। यही प्रकरणमा मुछिएका पूर्व उपप्रधानमन्त्री एवम् नेकपा एमालेका सचिव टोपबहादुर रायमाझी भने फरार छन्। यसअघि प्रहरीले गृह मन्त्रालयका पूर्वसचिव टेकनारायण पाण्डे, पूर्व गृहमन्त्री रामबहादुर थापा बादलका सुरक्षा सल्लाहकार इन्द्रजित राई लगायतलाई पक्राउ गरेर अनुसन्धान गरिरहेको छ।