महेन्द्रनगर: सरकारले आगामी आर्थिक वर्ष २०८०-८१ का लागि सार्वजनिक गरेको बजेटमा सुदूरपश्चिमका महत्वपूर्ण आयोजना तथा कार्यक्रम समेटिएका छन् । कञ्चनपुरको दोधारा चादँनीमा सुक्खा बन्दरगाह निर्माण आरम्भ गर्ने सरकारले बजेटमार्फत उक्त विषयलाई सम्बोधन गरेको छ । एकीकृत जाँचचौकी, सुक्खा बन्दरगाह, कन्टेर यार्ड निर्माण, प्रयोगशाला स्तरोन्नतिलगायत व्यापार पूर्वाधार निर्माण र सञ्चालन गर्न आवश्यक बजेट विनियोजन भएको हो । डेढ दशकअघि प्रस्ताव भएको दोधारा चादँनी सुक्खा बन्दरगाहको विस्तृत अध्ययन प्रतिवेदन (डिपिआर) बनिरहेको छ । प्रधानमन्त्री पुष्पकमल दाहाल ‘प्रचण्ड’को भारत भ्रमणमा समेत सुक्खा बन्दरगाह निर्माणका लागि भारतीय पक्षसित सम्झौता (एमओयु) मा हस्ताक्षर गर्ने एजेण्डा छ । सुक्खा बन्दरगाह निर्माणको वातावरणीय प्रभाव मूल्याङ्कन (इआइए) हालै…
Author: महेन्द्रनगर पोष्ट
काठमाडौं: भारतले आफ्नो नयाँ संसद् भवनमा राखेको ‘अखण्ड भारत’ नामको नक्सामा लुम्बिनी र कपिलवस्तु पनि उल्लेख गरेपछि धरान उपमहानगरपालिकाका मेयर हर्क साम्पाङले पनि विरोध गरेका छन्। साम्पाङले अब हामीले पनि ‘अखण्ड नेपाल’ भन्दै टिस्टा र काँगडासम्मको भूभाग समेटेर नक्सा सार्वजनिक गर्नुपर्ने टिप्पणी गरेका छन्।
डडेल्धुरा: डडेल्धुरा सदरमुकामको सडक स्तरोन्नतिको काम अगाडि बढाउन मुआब्जा वितरणको कार्य जारी छ । बागबजार–किर्तीपुर सडक खण्डअन्तर्गत पहिलो चरणमा बागबजार क्षेत्रका जग्गाधनीलाई मुआब्जा वितरण गरिएकोमा अब बगरबाटा, तुफानडाँडा र किर्तीपुर लगायतका क्षेत्रमा परेका घर तथा जग्गाको मुआब्जा वितरण गरिने भएको हो । दोस्रो चरणमा मुआब्जा वितरण गर्न संघीय सरकारले ३० करोड रकम सडक डिभिजन कार्यालय कुलपाते डोटीलाई उपलब्ध गराएपछि जिल्ला प्रशासन कार्यालय डडेल्धुराले मुआब्जा दाबी गर्न जग्गा र घरधनीका लागि सूचना जारी गरेको हो । मुआब्जा दाबी गर्नका लागि २ सय ९२ जनाको नाममा १५ दिने सूचना जारी भएको छ । जग्गाधनी पूर्जाको प्रतिलिपि, नागरिकता, प्यान कार्ड, बैंक खताको चेकको प्रतिलिपि…
कञ्चनपुरः कञ्चनपुरमा भन्सार छलीका सामानसहित दुई महिलालाई प्रहरीले नियन्त्रमा लिएको छ। बुधबार दिउसो ईलाका प्रहरी कार्यालय गड्डाचौकीबाट खटिएको प्रहरी टोलीले भन्सार छलीका सामानसहित दुई महिलालाई नियन्त्रणमा लिएको हो। भीमदत्त नगरपालिका–१० बाट भन्सार छलीका खुर्सानी, नरिवल र कपडासहित भीमदत्त नगरपालिका–७ की ४५ वर्षीया कलावती जाग्री र सोहि स्थानकी ३७ वर्षीया सिता धामीलाई प्रहरीले नियन्त्रणमा लिएको हो। उनीहरुलाई आवश्यक कारवाहीका लागि सामानसहित भन्सार कार्यालय गड्डाचौकी पठाएको प्रहरीले जनाएको छ।
काठमाडौं: नेकपा एमालेका नेता डा. भीम रावलले प्रधानमन्त्री पुष्पकमल दाहाल ‘प्रचण्ड’को भारत भ्रमणमाथि प्रश्न गरेका छन्। भ्रमणको पहिलो दिन बुधवार भारतीय कर्मचारीसँग प्रचण्डको भेटवार्ता भएको सन्दर्भमा सामाजिक सञ्जाल ट्विटरमा लेख्दै रावलले प्रश्न गरेका छन्। उनले ट्विटरमा लेखेका छन्, ‘प्रधानमन्त्री प्रचण्डले भारत भ्रमणको आरम्भमा नै भारतीय सुरक्षा सल्लाहकार र सचिव स्तरका कर्मचारीहरूसँग वार्ता गरेर अन्तर्राष्ट्रिय कूटनीतिक अभ्यास र पदीय मर्यादाको उल्लंघन गर्नुभएको छ । प्रधानमन्त्री प्रचण्ड समकक्षी प्रधानमन्त्रीसँग वार्ता गर्न जानुभएको हो कि भारतीय कर्मचारीसँग ?’
लमजुङ: लमजुङ जिल्ला कारागारबाट दुई कैदी फरार भएका छन्। बेसीशहर नगरपालिका- ८ शेरा स्थित कारागारको उत्तर पश्चिम तर्फको कैदी आवासको पर्खाल नाघेर गत राति साढे एक बजेको समयमा दुई कैदी फरार भएका हुन्। फरार हुनेमा लम्जुङको मध्यनेपाल नगरपालिका ४ का २७ वर्षिय विनोद विक र गोरखा चुमनुब्री गाउँपालिका ३ का ३७ वर्षिय चन्द्र बहादुर गुरुङ रहेको प्रहरीले बताएको छ। विक जबर्जस्ती करणी र डाँका चोरी मुद्धामा र गुरुङ ठगी मुद्धामा कारागार चलान भएका थिए। प्रहरीले दुवैजनाको खोजीकार्य तिव्र पारेको जनाएको छ।
बैतडी: स्याउ उत्पादनका लागि प्रसिद्ध रहेको बैतडीको सतबाँझमा फेरी स्याउ फल्न थालेको छ। लामो समयपछि सुख्खा फलफूल विकास केन्द्र सतबाँझको क्षेत्रभित्र स्याउ फलेको सुख्खा फलफूल विकास केन्द्रका प्रमुख डम्मरसिंह भाटले बताए। विगत दुई दशक यता पहिलो पटक सतबाँझमा स्याउ फल्न थालेको हो। सतबाँझमा कम हिउँ पर्न थालेपछि स्याउ उत्पादन हुन छोडेको थियो। पछिल्लो समयमा नयाँ जातका स्याउका बिरुवा रोपेपछि स्याउ फल्न थालेको भाटले बताए। समुद्री सतहदेखि १८ सयदेखि २३ सय मिटर सम्मको उचाइमा रहेको सतबाँझमा बोरिङ सिँचाइ प्रणालीको समेत व्यवस्था गरिएको छ । सिँचाइ सुविधाका कारणले पनि स्याउले फल दिन थालेको सुख्खा फलफूल विकास केन्द्रका प्राविधिक सहायक अर्जुन खड्काले बताए…
काठमाडौं: प्रधानमन्त्री पुष्पकमल दाहाल प्रचण्डले आज भारतीय समकक्षी नरेन्द्र मोदीसँग भेटवार्ता गर्दैछन् । भारतको चारदिने औपचारिक भ्रमणमा रहेका प्रधानमन्त्री दाहालले नयाँदिल्लीस्थित हैदरावाद हाउसमा भारतीय समकक्षी मोदीसँग भेटवार्ता गर्न लागेका हुन् । त्यसअघि प्रधानमन्त्री दाहालले महात्मा गान्धीको समाधिस्थल राजघाट गएर पुष्पगुच्छा अर्पण गर्ने कार्यक्रम छ । लगत्तै भारतीय समकक्षीसँग द्विपक्षीय भेटवार्ता गर्ने र त्यसपछि प्रतिनिधिमण्डलस्तरमा भेटवार्ता गर्ने कार्यक्रम छ । यसक्रममा केही महत्त्वपूर्ण विषयमा सहमति हुने र केही समझदारीपत्रमा हस्ताक्षर गर्ने कार्यक्रम छ । ऊर्जा व्यापार, वाणिज्य, व्यापार तथा आपसीहितका विविध विषयमा छलफल गर्ने गरी कार्यसूची तय भएको बताइएको छ । आजै प्रधानमन्त्री दाहालको सम्मानमा भारतीय प्रधानमन्त्रीले दिवा भोजको आयोजना गर्नेछन् ।…
कैलाली: कैलालीको अत्तरियामा आज चक्काजाम गरिने भएको छ। सहिद दशरथ चन्द स्वास्थ्य विज्ञान विश्वविद्यालय संघर्ष समितिले चक्काजाम गर्ने भएको हो। बिहान ९ बजेदेखि १० बजेसम्म १ घण्टा चक्काजाम गरिने समितिले जनाएको छ। गेटा मेडिकल कलेजलाई स्वास्थ्य विज्ञान विश्वविद्यालयको रुपमा प्रतिष्ठानको रुपमा अगाडी बढाउने घोषणा सरकारले गरेपछी समितिले संघर्षका विभिन्न कार्यक्रमहरु सार्वजनिक गरेको हो।
कैलाली: सुदूरपश्चिम प्रदेशका ९ ओटा जिल्लामा आगामी आर्थिक वर्षका लागि संघीय सरकारले १४ अर्ब ४२ करोड १९ लाख बजेट विनियोजन गरेको छ। प्रदेशलाई चालूतर्फ १० अर्ब ४२ करोड ९४ लाख र पुँजीगततर्फ तीन अर्ब ९९ करोड २५ लाख बजेटको व्यवस्था गरिएको हो। अन्तर सरकारी बित्तीय हस्तान्तरण अन्तर्गत एक उपमहानगरपालिका, ६ नगरपालिका र ६ गाउँपालिका गरी १३ स्थानीय तह रहेको कैलालीले सबैभन्दा बढी बजेट पाएको छ। कैलालीले ६ अर्ब २ करोड ६४ लाख प्राप्त गरेको छ । यस्तै ७ नगरपालिका र २ गाउँपालिका रहेको कञ्चनपुरले ३ अर्ब ८२ करोड ८२ लाख बजेट प्राप्त गरेको छ । २ नगरपालिका र ५ गाउँपालिका…