काठमाडौँ: नेकपा एमालेका सांसद भानुभक्त जोशीले ‘बझाङमा अमेरिकी सेनाको क्याम्प छ’ भनी दाबी गर्ने राजनीतिक विश्लेषक भरत दाहाललाई कारबाही गर्न माग गरेका छन् । मंगलवार प्रतिनिधि सभाको बैठकको शून्य समयमा बोल्दै जोशीले बझाङको साइपाल गाउँपालिकामा अमेरिकी सेनाको क्याम्प रहेको भनेर दाहालले भ्रमपूर्ण सन्देश फैलाएको भन्दै कारबाहीको माग गरेका हुन् । सांसद जोशीले दाहालले यही जेठ ६ गते भिडियो बनाएर साइपालको माझा भन्ने ठाउँमा अमेरिकी सेनाले सैनिक क्याम्प खडा गरेर बसेको, केही कांग्रेसका गुन्डाहरूले अमेरिकी सेनालाई राख्न सहयोग गरेको भनेर भ्रमपूर्ण समाचार सम्प्रेषण गरेको बताएका छन् । उनले आफूले त्यहाँका स्थानीयलाई यसबारेमा सोधेको बताउँदै यो भ्रम पार्ने काम मात्र भएकोले यसबारे…
Author: महेन्द्रनगर पोष्ट
कञ्चनपुर: कञ्चनपुरको पुनर्वासमा जंगली हात्तीले आक्रमण गरेको छ । हात्तीको आक्रमणबाट केही पशुवस्तु घाइते भएका छन् । पुनर्वास नगरपालिका–१० विकास बस्ती दोदा पुल नजिकको हुलाकी राजमार्गमा मंगलवार दिउँसो हात्ती देखा परेको थियो । हात्ती उखुको खेत हुँदै दुधवा नेसनल पार्कतर्फ लागेको कुण्डा सब डिभिजन वन कार्यालयका प्रमुख दिनेश यादवले बताए । वन कर्मचारीहरु हात्तीबाट मानवीय क्षति हुन नदिन सर्वसाधारणलाई सचेत गराइरहेका उनले बताए ।
काठमाडौँ: नेकपा माओवादी केन्द्रका अध्यक्ष प्रचण्ड नेतृत्वको सरकारले पूर्णता पाएको छ । प्रधानमन्त्री प्रचण्डको सिफारिसमा मंगलवार राष्ट्रपति रामचन्द्र पौडेलले एक मन्त्री र एक राज्यमन्त्री नियुक्त गरेसँगै मन्त्रिपरिषद्ले पूर्णता पाएको हो । जसपाबाट वीरेन्द्र प्रसाद महतो वन तथा वातावरण मन्त्री र प्रमिला कुमारी शिक्षा, विज्ञान तथा प्रविधि राज्यमन्त्रीमा बनेका छन् ।
कञ्चनपुर: सुदूरपश्चिम प्रदेशका आन्तरिक मामिला तथा कानुन मन्त्री पृथ्वीबहादुर सिंहले कञ्चनपुरको बेलडाँडीमा रहेको इलाका प्रहरी कार्यालयको स्थलगत अनुगमन गरेका छन् । इलाका प्रहरी कार्यालय बेलडाँडीले शान्ति सुरक्षा थप प्रभावकारी बनाउन आवश्यक बजेट र स्रोत साधनको व्यवस्थापनमा सहयोगका लागि अनुरोध गरेको छ । इलाका प्रहरी कार्यालय बेलडाँडीका प्रहरी निरीक्षक पुष्कर पन्तले ग्रामीण क्षेत्रका प्रहरीले भोग्नु परेका समस्या, सवारी साधनको व्यवस्था र निकुञ्ज क्षेत्र तथा बढी संवेदनशील क्षेत्रमा सिसी क्यामेरा जडानका लागि अनुरोध गरेका छन् । त्यस्तै, बेलडाँडी गाउँपालिकाका अध्यक्ष हरिशचन्द्र रानाले बेलडाँडीका मुख्य समस्याहरू अवगत गराउँदै समाधानका लागि पहल गरिदिन आग्रह गरे । मन्त्री सिंहले बेलडाँडीको विकासका लागि सक्दो प्रयास गर्ने…
कञ्चनपुर: कञ्चनपुरमा क्रेनको ठक्करबाट पैदलयात्रीको मृत्यु भएको छ । जिल्लाको कृष्णपुर नगरपालिका–२ वाणीका ७० वर्षीया फूलपाती चौधरीको मृत्यु भएको हो । वाणी चौराहमा सु.प.प्र.००१ क १६५३ नम्बरको क्रेनकले ठक्कर दिँदा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो । क्रेन चालकलाई प्रहरीले नियन्त्रणमा लिएको छ ।
दार्चुलाः दार्चुलामा भरुवा बन्दुकसहित एक जना पक्राउ परेका छन् । जिल्लाको मालिकार्जुन गाउँपालिका ७ पासादेउका ५८ वर्षीय केशरसिंह धामी पक्राउ परेका हुन् । उनी एक थान भरुवा बन्दुकसहित पक्राउ परेका जिल्ला प्रहरी कार्यालय दार्चुलाले जनाएको छ । प्रहरीले विशेष सूचनाको आधारमा धामीको खुद्रा पसल नजिकै झाडीमा लुकाएको अवस्थामा उक्त बन्दुक फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको बताएको छ ।
कञ्चनपुर: कञ्चनपुरमा ट्याक्टरबाट हाम फालेका एक जनाको मृत्यु भएको छ । जिल्लाको दोधारा चाँदनी नगरपालिका–१ मालिका टोलका ४८ वर्षीय देवदत्त भट्टको मृत्यु भएको प्रहरीले बताएको हो । सोमवार मालिका टोलमा म.१ त ५७३ नम्बरको ट्याक्टरबाट झर्ने क्रममा हाम फाल्दा उनी घाइते भएका थिए । गम्भीर घाइते भएका उनको महाकाली प्रादेशिक अस्पतालबाट थप उपचारका लागि भारतको बरेलीतर्फ लैजाने क्रममा बाटोमै मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
बैतडी: बैतडीमा एक सुत्केरी महिलाको हेलिकोप्टरमार्फत उद्धार गरिएको छ । जिल्लाको दोगडाकेदार गाउँपालिका १ रीमकी २६ वर्षीया दमयन्ती भट्ट जोशीको नेपाली सेनाको हेलिकोप्टरमार्फत उद्धार गरिएको हो । जिल्ला अस्पताल बैतडीका सूचना अधिकारी चन्द्रसिंह डोबालका अनुसार सोमवार राति शल्यक्रियाद्वारा बच्चा जन्माएकी दमयन्तीको अत्यधिक रक्तश्राव भएपछि मंगलवार हेलिकोप्टरमार्फत कर्णाली प्रादेशिक अस्पताल सुर्खेत लगिएको हो । दमयन्तीलाई बैतडीमै ६ युनिट रगत चढाइसकेको बताइएको छ । राष्ट्रपति महिला उत्थान कार्यक्रम अन्तर्गत उनलाई नेपाली सेनाको हेलिकोप्टरमार्फत सुविधा सम्पन्न अस्पातल लगिएको हो ।
बझाङ: बझाङको सेती नदीमा एक बालकको शव फेला परेको छ । जिल्लाको छबिसपाथिभेरा गाउँपालिका १ जालेबगरमा सोमवार अन्दाजी ४ वर्षीय बालकको शव फेला परेको प्रहरीले बताएको हो । जालेबगरमा काम गररिहेका कामदारहरुले नदीको किनारमा शव देखेपछि प्रहरीलाई खबर गरेका थिए । बालकको शव अहिले जिल्ला अस्पताल बझाङमा राखिएको र पहिचान नखुलेको जिल्ला प्रहरी कार्यालय बझाङले जनाएको छ ।
बैतडी: बैतडीको सिगास गाउँपालिका अध्यक्ष हरिसिंह धामीविरुद्ध जिल्ला अदालत बैतडीमा कुटपिट र गाली बेइज्जतको मुद्दा दर्ता भएको छ । सिगास–४ को कान्धार–देउलेक सडक निर्माण समितिका अध्यक्ष वीरसिंह धामीले पालिका अध्यक्ष धामीविरुद्ध मुद्दा दर्ता गरेका हुन् । आफूलाई अध्यक्ष धामीले कुटपिट र गाली बेइज्जती गरेको भन्दै उनले मुद्दा दर्ता गरेका हुन् । यही जेठ २ सडक निर्माणको क्रममा दोस्रो किस्ता बाफतको रनिङ बिलमा पालिकाले २० लाख ४४ हजार रकमको चेक उपभोक्ता समितिलाई दिएको थियो । तर चेक साट्न जाँदा पालिकाले बैंकलाई पत्राचार गरेर चेक नसाट्न आग्रह गरेको थियो । चेक नसाटिएपछि उपभोक्ता समिति अध्यक्ष धामी गाउँपालिकाको केन्द्र गर्जे पुग्दा गाउँपालिका अध्यक्षले…