काठमाडौं: सुदूरपश्चिम प्रदेश सरकारको मन्त्रिमण्डले प्रधानमन्त्री पुष्प कमल दाहालसँँग भेटवार्ता गरेको छ। सुदूरपश्चिमका मुख्यमन्त्री कमलबहादुर शाह, सभामुख भीम भण्डारी लगायत मन्त्रीहरु र प्रतिपक्षी दलका नेताहरुले प्रचण्डलाई भेटेका हुन्। भेटवार्ताका क्रममा मुख्यमन्त्री शाहले आगामी बजेटमा सुदूरपश्चिमलाई प्राथमिकतामा राखेर प्रदेशका ठूला तथा गौरवका आयोजनालाई अगाडी बढाउन आग्रह गरेका थिए। यस्तै गेटामा मेडिकल विश्वविद्यालय सञ्चालन लगायत समग्र सुदूरपश्चिमको विकासका सवालमा छलफल समेत भएको थियो।
Author: महेन्द्रनगर पोष्ट
दोहा: रोजगारीका लागि कुवेत पुगेका एक नेपाली अचेत अवस्थामा अस्पतालमा फेला परेका छन्। गैरआवासीय नेपाली संघ (एनआरएनए) कुवेतका अनुसार नवलपरासी सुस्ता पूर्व देवचुली-२ का ३८ वर्षीय ओमप्रकाश चौधरीको त्यहाँको फर्वानिया अस्पतालमा अचेत अवस्थामा उपचार भइरहेको छ। कुवेतको अल आहमदिया जेनेरल ट्रेडिङ एन्ड कन्ट्राक्टिङ कम्पनीमा हेभी ड्राइभरको रुपमा कार्यरत चौधरी विगत ८ महिना अघि मात्र कुवेत पुगेका थिए। उच्च रक्तचापको कारण उनको हार्ट स्ट्रोक भएको र गत मे ११ तारिखका दिन हस्पिटल पुगेको एनआरएनएले जनाएको छ। अहिले उनलाई भेन्टिलेटरद्वारा श्वास प्रश्वास गराइरहेको बताइएको छ। डाक्टरका अनुसार उनको अवस्था गम्भीर रहेको छ। हाल उनको फर्वानिया अस्पतालको वार्ड २८ मा उपचार भइरहेको संघले…
बैतडी: बैतडीमा आज(बुधवार)बाट विद्युत सेवा अवरुद्ध हुने भएको छ। आजबाट जेठ २० गतेसम्म विहान ६ बजेदेखि बेलुका ५ बजेको समयमा विद्युत आपूर्ति बन्द हुने भएको हो। मंगलबार नेपाल विद्युत प्राधिकरण वितरण केन्द्र बैतडीले एक सूचना जारी गरेर विद्युत सेवा अवरुद्ध हुने जनाएको थियो । ३३ र ११ केभी प्रशारण लाईनमा लागेका रुखहरुको हांगाबिंगा छेकान गर्नुपर्ने भएकाले बजार फिडरका विभिनन क्षेत्रमा जेठ १० गतेदेखि २० गतेसम्म बिहान ६ देखि बेलुका ५ बजेको समयमा विद्युत सेवा अबरुद्ध हुने सूचनामा उल्लेख गरिएको छ। २० गते अगावै छेकान कार्य सम्पन्न भइहाले जुनसुकै समयमा पनि बत्ती आउने जनाइएको छ।
काठमाडौं: चेन्नई सुपर किंग्स इन्डियन प्रिमियर लिग (आइपिएल) मा १० औं पटक फाइनलमा पुगेको छ । आइपिएल २०२३ को पहिलो क्वालिफायरमा साविक विजेता गुजरात टाइटन्सलाई १५ रनले हराउँदै फाइनलमा स्थान बनाएको हो । जितको लागि १ सय ७३ रनको विजयी लक्ष्य पछ्याएको गुजरात २० ओभरमा १ सय ५७ रनमा अल आउट भएको थियो । गुजरातका शुभमन गिलले ३८ बलमा ४ चौका र १ छक्कासहित सर्वाधिक ४२ रन बनाए । चेन्नईको जितमा रविन्द्र जडेजा, दीपक चाहर र मथिशा पाथिरानाले सामान दुई विकेट लिए । त्यसअघि घरेलु मैदानमा टस हारेर पहिला ब्याटिङको निम्तो पाएको चेन्नईले निर्धारित २० ओभरमा ७ विकेट गुमाउँदै १…
डडेल्धुरा: सुदूरपश्चिम प्रदेशमा चट्याङ्गसहित वर्षा भइरहेका बेला भूकम्पको धक्का समेत महसुस गरिएको छ। बझाङ दौलीचौर केन्द्रविन्दु भएर भूकम्प गएको हो। राष्ट्रिय भूकम्प मापन तथा अनुसन्धान केन्द्र लैनचौरका अनुसार बझाङको दौलीचौर वरपर केन्द्रविन्दु भएर आज बिहान ४ बजेर ६ मिनेटमा चार दशमलव पाँच रेक्टर स्केलको भूकम्प गएको थियो। यसअघि पूर्वीरुकुमको हुकाम केन्द्रविन्दु भएर यही जेठ ७ गते बिहान चार दशमलव एक रेक्टरको भूकम्प गएको थियो।
डडेल्धुरा: डडेल्धुरामा योग महोत्सव मंगलवारबाट शुरु भएको छ। ‘योग र आयुर्वेदको प्रयोग गरी स्वस्थ्य जीवन जीउन विभिन्न प्रकारका रोगबाट मुक्ति प्राप्त गरौँ’ भन्दै पाँच दिवसीय निःशुल्क योग महोत्सव शुरु गरिएको हो। पतंजली योग समिति डडेल्धुराको आयोजनामा जिल्लाको टुँडिखेलमा मंगलवारदेखि १३ गते शनिवारसम्म पाँच दिन महोत्सव सञ्चालन भएको छ। पतंजली योग समिति नेपालका प्रमुख देवआदितिको सानिध्यमा संचालन भएको योग महोत्सवमा योग साधना, शारीरिक अभ्यास, प्राणायाम लगायत सत्संग तथा आयुर्वेदिक औषधीय उपचार तथा योग स्वास्थ्य परामर्शका विषयमा साधकहरुलाई जनचेतनामूलक जानकारी तथा प्रशिक्षण गराउन लागिएको पतंजली योग समिति सुदूरपश्चिम सहप्रभारी गोविन्द खडायतले जानकारी दिए।
काठमाडौँ: हाल देशमा पश्चिमी वायुको साथै स्थानीय वायुको सामान्य प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार हाल कोशी प्रदेश लगायत देशको पहाडी भू-भागमा आंशिक बदली रहेको छ। आज दिउँसो देशको पहाडी भू-भागहरूमा आंशिक देखि सामान्य बदली रही बाँकी भू-भागहरूमा आंशिक बदली रहने छ । देशको पहाडी भू-भागहरूका केही स्थानहरूमा र बाँकी भू-भागका थोरै स्थानहरूमा चट्याङ्गसहित हल्का देखि मध्यम वर्षाको सम्भावना रहेको छ। राति भने मधेस, बागमती र गण्डकी प्रदेशका केही स्थानहरूमा चट्याङ्गसहित मध्यम वर्षाको सम्भावना रहेको छ।
डडेल्धुरा: डडेल्धुरा सदरमुकाममा रहेको महेन्द्र माध्यमिक विद्यालयको व्यवस्थापन समिति अध्यक्षमा टंकबहादुर क्षेत्री चयन भएका छन्। अमरगढी नगरपालिका-५ का वडाअध्यक्ष समेत रहेका उनी उक्त विद्यालयको अध्यक्षमा सर्वसम्मत चयन भएका हुन्। यस्तै समितिको सदस्यहरुमा श्याम सिनाल, रामशरण रोका, धनेश्वरी जोशी, राजु कैनी, रोजीना नेपाली र नरेशबहादुर थापा चयन भएका छन्। ९ सदस्यीय समितिको शिक्षक प्रतिनिधिमा शुभाष कुमार भट्ट र सदस्य सचिवमा विद्यालयका प्राचार्य सुरेन्द्र ऎर चयन भएका छन्। नवनियुक्त अध्यक्ष टंकबहादुर क्षेत्रीले विद्यालयको शैक्षिक गुणस्तरलाई प्राथमिकतामा राखेर काम गर्ने प्रतिबद्धता गरे। यस्तै उनले महेन्द्र माविलाई जिल्लाकै नमुना विद्यालय बनाउने लक्ष्य राखेको बताए। उनले शैक्षिक गुणस्तर सुधारमा अभिभावकको समेत प्रमुख दायित्व रहने भएकाले…
डडेल्धुरा: मिडल ब्लकर कविता भट्टले नेपाली महिला राष्ट्रिय टोलीमा डेब्यु गरेकी छन् । उनीसँगै सेटर प्रगति नाथ, स्पाइकर पूजा चौधरी र शान्तिकला तामाङले पनि नेपाली महिला राष्ट्रिय टोलीमा डेब्यु गरेका छन् । एनएससी काभा महिला भलिबल च्यालेन्ज कप अन्तरगत बंगलादेशविरुद्धको खेलमा पहिलो सेटमा पहिलो रोजाइमा खेल्दै डेब्यु गरेकी हुन् । बेल्जियन मुख्य प्रशिक्षक जान डि ब्रान्टले मिडल ब्लकर साफिया पुनलाई विश्राम दिर्द कवितालाई मौका दिएका हुन् । डडेल्धुराको गन्यापधुरा गाउँपालिका १ भात्काडाँकी कविता भट्ट मिडल ब्लकर हुन् ।
धनगढीः पोखरामा भोलि आयोजना गर्न लागिएको सातै प्रदेशका मुख्यमन्त्रीहरुको भेला स्थगित भएको छ। गण्डकी प्रदेशका मुख्यमन्त्री सुरेन्द्र पाण्डेको सचिवालयले मुख्यमन्त्रीहरुको भेला स्थगित भएको जानकारी दिएको छ। गण्डकी प्रदेशको मन्त्रिपरिषद् कार्यालयले सातवटै प्रदेशका मुख्यमन्त्री र सचिवहरुको अनुभव आदानप्रदान गर्ने उद्देश्यले भेला आयोजना गर्ने तयारी गरेको थियो। सोही अनुसार सुदूरपश्चिमका मुख्यमन्त्री कमलबहादुर शाह पनि हिजै काठमाडौं उडेका थिए। त्यहीँबाट पोखरा जाने उनको योजना थियो। तर, आज भेला नै स्थगित भएको खबर आएको छ। त्यहाँ मुख्यमन्त्री तथा सचिवहरुको भेलालाई प्रधानमन्त्री पुष्पकमल दाहाल प्रचण्डले सम्बोधन गर्ने कार्यक्रम थियो। तत्कालका लागि भेला स्थगित गरिएको गण्डकीका मुख्यमन्त्रीका प्रेस संयोजक नरहरि सापकोटाले बताए।