धनगढीः आज सुदूरपश्चिम प्रदेश लगायत बागमती प्रदेश, गण्डकी प्रदेश, कर्णाली प्रदेश र कोशी प्रदेशका पहाडी भू–भागका एक–दुई स्थानमा मेघ गर्जन÷चट्याङ्ग सहित क्षणिक वा हल्का वर्षाको सम्भावना रहेको मौसम पूर्वानुमान महाशाखाले जनाएको छ। हाल देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहेको छ। दिउँसो कोशी प्रदेश लगायत बागमती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ। राति देशभर मौसम सामान्यतया सफा रहने छ। हाल देशमा स्थानीय वायुको सामान्य प्रभाव रहेको छ। बंगालको खाडीमा विकसित भइरहेको “मोखा” नामक चक्रवात हाल अति शक्तिशाली चक्रवातमा परिणत भएको छ। उक्त…
Author: महेन्द्रनगर पोष्ट
धनगढी: निधन भइसकेको भन्दै किरियासमेत गरिसकिएका व्यक्ति भोलिपल्ट घरमा टुप्लुक्क देखापर्दा परिवारजनलाई कस्तो अनुभव होला ? झापा हल्दीबारी-८ स्थित कार्की परिवारमा यस्तै घटना भएको छ। केहीक्षण त पत्याउनै नसकिने माहोल बन्यो। परिवारका सदस्य खुसीले रुन थाले तर किरिया गरिसकिएका सुरज कार्कीको भनिएको शव कसको थियो भन्ने यति बेला निकै रहस्यको विषय बन्न पुगेको छ। कनकाई नगरपालिका-४, कोटीहोममा १७ दिन पहिले बेवारिसे शव फेला परेको थियो। इलाका प्रहरी कार्यालय सुरुङ्गाले मुचुल्का तयार गर्यो र शवलाई आफन्तको पहिचान नहुन्जेलसम्मका लागि शवगृह भद्रपुरमा छाडिदियो। सामाजिक सञ्जाल र अन्य माध्यमबाट प्रचार गरियो। आफन्तले शव राखेको चौथो दिन शवगृहबाट बुझेर ल्याई कनकाई-४ को कोटीहवन क्षेत्रमा…
काठमाडौँ: नेपाल प्रहरीका २२ जना प्रहरी नायव उपरीक्षक (डिएसपी)लाई प्रहरी उपरीक्षक (एसपी)मा बढुवा सिफारिस गरिएको छ । शुक्रवार बसेको बढुवा समिति बैठकले राति अबेर सिफारिस सुची प्रकाशन गरेको हो । डिएसपी गौतम कुमार केसीलाई १ नम्बरमा बढुवा सिफारिस गरिएको छ । एसपीमा बढुवा सिफारिस हुनेहरूमा वसुन्धरा खड्का, नवराज कार्की, गोविन्द पुरी, रामप्रसाद घर्तिमगर, वासुदेव पाठक, रुपेश खड्का, मिलन केसी, भावेश रिमाल, श्याम बहादुर खत्री, शालिग्राम शर्मा, हरिहरनाथ योगी, श्याम कुमार राई, र गोविन्दराज काफ्ले लगायत छन् । बढुवा समितिको निर्णयविरुद्ध ७ दिनभित्र लोकसेवा आयोगमा उजुरी दिन सकिन्छ । उजुरी नपरेमा गृहमन्त्रीले सो सिफारिसलाई बढुवा नियुक्ति निर्णय गर्नुपर्ने कानुनी व्यवस्था छ…
धनगढी: सुदूरपश्चिम प्रदेश सभाका सदस्य ओमविक्रम भाट सरललाई आज बिहानै फोन आयो। त्यो फोन थियो, ‘कंचनपुरस्थित कृष्णपुरको वडा नम्बर ९ को राजघाट क्षेत्रमा बाघ आतंक मच्चिएको र नियन्त्रणका लागि पहलका लागि अनुरोध गरिएको।’ त्यसपछि प्रदेश सभा सदस्य सरल सिधै आफ्नो निर्वाचन क्षेत्र समेत रहेको बाघले आतंक मच्चाएको सो क्षेत्रतर्फ लागे। उनले त्यहाँ जादा जिल्लाको वन कार्यालय र कृष्णपुर नगरपालिकालाई पनि सम्पर्क गरेर समन्वय गरेका थिए। त्यहाँ गएर प्रदेश सभा सदस्य सरलले आजै अनुगमन गरेको र सो क्षेत्रमा क्यामेरा जडान समेत गरिएको बताए। उनका अनुसार वनदेवी सामुदायिक वन र सीता सामुदायिक वनमा क्यामेरा जडान गरिएको हो। वन कार्यालयसंगको सहकार्यमा क्यामेरा जडान…
डडेल्धुरा: डडेल्धुराको आलिताल गाउँपालिकाको विगत ३ महिनादेखि गाडीको अस्पताल अर्थात ग्यारेजमा थन्किएको छ। आर्थिक वर्ष ०७४/०७५ मा गाउँपालिकाले खरिद गरेको एम्बुलेन्स मर्मत नभएर ३ महिनादेखि धनगढीको नेपाल अटो टेडर्समा थन्किएको हो। पालिकाभित्र संचालनमा रहेका दुई वटा एम्बुलेन्स मध्ये पालिकाको वडा नम्बर ३,४,५,६,७ र ८ का बिरामी बोक्न प्रयोग गरिने एम्बुलेन्स यतिबेला आफै बिरामी भएको छ। जसका कारण त्यहाँका बिरामीले समस्या भोग्नुपरेको छ। एम्बुलेन्सको मर्मत खर्चको लागत करिब ४ लाख ५० हजार देखिएको अवस्थामा त्यत्रो रकम पालिकासँग नभकाले थन्किएको गाउँपालिका अध्यक्ष शेर सिंह पार्कीले बताए।सरकारको नियमानुसार सो एम्बुलेन्सको कूल मूल्यको ५० प्रतिशतभन्दा कम मूल्यमा मात्रै मर्मत गर्नुपर्ने प्रावधान भएकाले मर्मत गर्न…
धनगढीः सुदूरपश्चिमको अस्थायी मुकाम धनगढीमा जुवा खेलिरहेका ३ जनालाई प्रहरीले पक्राउ गरेको छ।बिहीबार दिउँसो धनगढी उपमहानगरपालिका–१ बसन्तटोलका डबलबहादुर खड्काको घरमा जुवातास खेलिरहेको अवस्थामा उनीहरूलाई पक्राउ गरिएको हो। पक्राउ पर्नेमा सोही ठाउँका ४५ वर्षीय जनक देउवासहित ३ जना रहेका छन्। विशेष सूचनाको अधारमा वडा प्रहरी कार्यालय धनगढीबाट खटिएको प्रहरीले उनीहरूलाई नगद ६७ हजार ९ सय ७५ रूपैयाँ र एक गड्डी ताससहित फेला पारी पक्राउ गरेको हो। यस सम्बन्धमा प्रहरीले थप अनुसन्धान गरिरहेको जनाएको छ।
काठमाडौँः नाकको प्वालमा लागुऔषध लुकाएर तस्करी गर्दै गर्ने एक जनालाई प्रहरीले नियन्त्रणमा लिएको छ। बुधबार बर्दियाको बढैयाताल–८ कण्ठपुरबाट गुलरिया नगरपालिका बस्ने बब्लु राढलाई प्रहरीले नियन्त्रणमा लिएको हो। उनको साथबाट नाकको प्वालमा सेतो प्लास्टिकको पुडियामा राखिएको २८० ग्राम खैरो रङको ब्राउन सुगरजस्तो देखिने धुलो पदार्थ बरामद गरिएको छ । राढलाई बिहीबार बर्दिया जिल्ला अदालतमा पेस गरिएको र घटनाबारे थप अनुसन्धान भइरहेको सूचना अधिकारी प्रहरी नायव उपरीक्षक हिक्मतबहादुर बोहोराले जानकारी दिए।
धनगढीः नेपाली कांग्रेसकी केन्द्रीय सदस्य आरजु राणा देउवा भागेर सिंगापुर पुगेको हल्ला सामाजिक सञ्जालमा फैलिएको छ। तर, देउवाको सचिवालयले भने आरजु काठमाडौंमै रहेको जनाएको छ। सचिवालयका अनुसार आरजु हिजो गएकी थिइन्। हेटौंडामा उनले एउटा मार्टको उद्घाटन गरिन्। त्यसैगरी हेटौंडामै उनले महिला सशक्तीकरणका लागि प्रदेश सरकारको भूमिका विषय अन्तरक्रियामा सम्बोधन गरेकी थिइन्। कार्यक्रममा सहभागितापछि उनी हिजै राति काठमाडौं फर्किएको देउवाका स्वकीय सचिव भानु देउवाले बताए। ‘भाउजु हिजै हेटौंडाबाट गाडीमा फर्किनुभएको हो। अहिले काठमाडौंमा नै हुनुहुन्छ,’ उनले भने। एउटा युट्यूव च्यानलले आरजु वीरगञ्जबाट भारत हुँदै सिंगापुर गएको सामग्री प्रसारण गरेको छ। तर, त्यो फेक भएको खुलेको हो। पछिल्लो समय नक्कली भुटानी सरणार्थी…
धनगढीः सुुदूरपश्चिम प्रदेश सरकारबारे निर्णय गर्न माओवादीले संसदीय दलको बैठक बोलाएको छ। प्रदेश सरकारको सहभागिता, पार्टीबाट पठाउने मन्त्रीको नाम टुंगो लगाउन दिउँसो २ बजे प्रदेशसभास्थित कार्यालयमा दलको बैठक बस्न लागेको हो। संसदीय दलका नेता खगराज भट्टले उक्त बैठकले सरकारका सम्बन्धका निर्णय लिने जानकारी दिए। माओवादी केन्द्रले आर्थिक मामिला र भौतिक पूर्वाधार मध्ये कुनै पनि नपाउने भएपछि तीन वटा मन्त्रालयमा दाबी गरेको छ। तर नागरिक उन्मुक्ति पार्टीले पनि २ मन्त्रालयको दाबी नछाड्दा मन्त्रालयगत भागबण्डामा सकस भइरहेको छ। शुक्रबार माओवादीले लिने निर्णयका आधारमा प्रदेश सरकार विस्तारको बाटो खुल्ने बताइएको छ। नागरिक उन्मुक्तिलाई दुई मन्त्रालय छाडेर माओवादी आफूले पनि दुईमै चित्त बुझाएमा शुक्रबार…
विराटनगर: पतिसँग झगडा भएपछि आफ्नै शरीरमा आगो लगाएकी महिलाको मृत्यु भएको छ। आफ्नो शरीरमा मट्टितेल खनाएकी ४० वर्षीय आशा शर्माको उपचारको क्रममा मृत्यु भएको हो । विराटनगर महानगरपालिका–१० तीनटोलियामा आफ्नै शरीरमा आगो लगाएकी शर्माको उपचारका क्रममा मृत्यु भएको जिल्ला प्रहरी कार्यालय, मोरङका प्रवक्ता डीएसपी रन्जनकुमार दाहालले बताए। उनका अनुसार बुधबार राति ९ बजेतिर पति राजकुमार कोइरीसँग विवाद गरेकी शर्माले आफ्नो शरीरमा मट्टितेल खनाएर आगो लगाएकी थिइन्।