काठमाडौँ: हाल पहाडी भू-भागमा बदली रही बाँकी भू-भागमा मौसम सामान्यतया सफा रहेको छ। मौसम पूर्वानुमान महाशाखाका अनुसार शनिबार कोशी प्रदेश, गण्डकी प्रदेश र कर्णाली प्रदेशका पहाडी भू-भागमा आंशिकदेखि सामान्य बदली रही देशका बाँकी भू-भागमा आंशिक बदलीदेखि मौसम सामान्यतया सफा रहने छ। कोशी प्रदेश, गण्डकी प्रदेश र कर्णाली प्रदेशका पहाडी भू-भागका एक-दुई स्थानमा मेघ गर्जन र चट्याङसहित क्षणिक वा हल्का वर्षाको सम्भावना रहेको छ।
Author: महेन्द्रनगर पोष्ट
कैलाली: कैलाली प्रहरीले लागुऔषधसहित एक युवकलाई पक्राउ गरेको छ। हिजो बिहिवार जिल्लाको लम्कीचुहा नगरपालिका-३ व्यस्थितनगरबाट जोशीपुर गाउँपालिका-७ का २१ वर्षका अमृत चौधरीलाई समातिएको हो। शंकास्पद रुपमा हिँडिरहेको उनको पाइन्टको गोजी चेकजाँच गर्दा ३ ग्राम ३ सय ४० मिलिग्राम खैरो हेरोइन फेला परेको जिल्ला प्रहरी कार्यालय कैलालीले जनाएको छ। त्यस केशमा थप अनुसन्धान भइरहेको प्रहरी बताउँछ।
काठमाडौं: नेपाली नागरिकलाई भुटानी शरणार्थी बनाएर अमेरिका पठाउन खोज्ने प्रकरणमा पूर्व गृहमन्त्री बालकृष्ण खाँणको नाम पनि मुछिएको छ। उक्त प्रकरणमा तत्कालीन गृहमन्त्री खाँण पनि प्रहरीको पक्राउ सूचीमा परेका हुन्। बयानका क्रममा अभियुक्त केशव दुलाल र सन्देश शर्माले आफूले नेपालीलाई नक्कली भुटानी शरणार्थी बनाएर अमेरिका पठाउने योजना सफल बनाउन बालकृष्ण पनि संलग्न भएको बयान दिएपछि प्रहरीको निगरानीमा परेका छन्। उनकी श्रीमति मञ्जु खाँणलाई २ करोडौँ रुपैयाँ बुझाएको बयान दिएको प्रहरी श्रोतले बताएको छ। निरन्तर नक्कली शरणार्थी प्रकरणमा पूर्व गृहमन्त्री खाँणको पनि संलग्नता रहेको बताएपछि प्रहरीले प्रक्रिया पुर्याएर पक्राउ गर्ने तयारी गरिरहेको छ। पूर्वउपप्रधान तथा ऊर्जामन्त्री टोपबहादुर रायमाझीविरुद्ध प्रहरीले पक्राउ पूर्जी जारी…
डडेल्धुरा: नेपाल ट्रेड युनियन कांग्रेस जिल्ला कार्यसमिति डडेल्धुराको अध्यक्षमा धनबहादुर भण्डारी चयन भएका छन्। प्रेस युनिनका निवर्तमान जिल्ला अध्यक्षसमेत रहेका भण्डारी ट्रेड युनियन कांग्रेसको जिल्ला अधिवेशनमार्फत अध्यक्षमा सर्वसम्मत चयन भएका हुन्। यस्तै खुला उपाध्यक्षमा अरुण जोशी, महिला उपाध्यक्षमा पार्वती गुरुङ, सेवासमूह उपाध्यक्षमा लोकराज पनेरु, अनौपचारिक उपाध्यक्षमा उद्धवसिंह महरा, सचिवमा मानबहादुर साउद, सहसचिवमा भानबहादुर बिक र गोपालदत्त पनेरु, कोषाध्यक्षमा विष्णा उप्रेती र सहकोषाध्यक्षमा देवकी माल चयन भएका छन्। यस्तै सदस्यहरुमा दानबहादुर बुढाऐर, मानबहादुर शाहु, पदमराज भट्टराई, पदम थलाल, शेरबहादुर बुढाऐर, कमलप्रमा भण्डारी, सम्झना पाण्डेय र सुनिल बुढाऐर चयन भएका छन् । शिवराज पाठक, हिक्मतबहादुर धामी र चेतराज भट्ट प्रदेश प्रतिनिधिमा चयन…
कञ्चनपुर: कञ्चनपुरमा करेन्ट लागेर एक ट्रक चालकले ज्यान गुमाएका छन्। भीमदत्त नगरपालिका–९ खल्लामसेट्टीमा करेन्ट लागेर ट्रक चालकको मृत्यु भएको हो। नेपालगञ्जबाट तार–जाली बोकेर आएको भे १ ख ३९५३ नम्बरको ट्रकले शुक्रबार बिहान बिजुलीको मेन लाइन छुँदा ३२ वर्षीय चालक खुमबहादुर रोक्काको मृत्यु भएको बताइएको छ। बाँकेको राप्तीसोनारी गाउँपालिका–२ समशेरगञ्जका रोक्काको महेन्द्रनगरस्थित महाकाली प्रादेशिक अस्पतालमा उपचारका क्रममा मृत्यु भएको जिल्ला प्रहरी कार्यालयका प्रवक्ता डिएसपी प्रकाश डाँगीले बताए।
काठमाडौं: राष्ट्रिय स्वतन्त्र पार्टी (रास्वपा) सरकारमा नजाने भएको छ। यस्तै रास्वपाले सरकारलाई दिएको समर्थन पनि फिर्ता लिने निर्णय गरेको छ। रास्वपाको केन्द्रीय समिति र संसदीय दलको संयुक्त बैठकले सरकारमा नजाने र समर्थन पनि फिर्ता लिने निर्णय गरेको हो।
धनगढीः धनगढी उपमहानगरपालिकाका मेयर गोपाल हमालले कक्षा ८ को वार्षिक परीक्षामा ‘नील’ भएका नगरभित्रका १७ वटा सामुदायिक विद्यालयका विपन्न वर्गका विद्यार्थीलाई व्यक्तिगत लगानीमा शैक्षिक सामग्री वितरण गर्ने घोषणा गरेका छन्। एक वर्षको आफ्नो तलब सुविधा र त्यसमा केही रकम आफूले थप गरेर १० लाख रुपैयाँबराबरको शैक्षिक सामग्री वितरण गर्ने मेयर हमालले बताएका छन्। मेयर हमालले कक्षा ८ को वार्षिक परीक्षामा एकजना विद्यार्थी उत्तीर्ण नभएका विद्यालयका प्रधानाध्यापक र व्यवस्थापन समितिका अध्यक्षसँग शैक्षिक गुणस्तर सुधारबारे छलफल गरेका थिए। प्रधानाध्यापकहरूले विपन्न विद्यार्थीले शैक्षिक सामग्री नपाउनाले पठनपाठनमा समस्या हुने गरेको र यसले शैक्षिक गुणस्तर सुधारमा समस्या भइरहेको बताएका थिए। ‘कमजोर नतिजा आएका विद्यालयका प्रधानाध्यापक,…
काठमाडौंः स्यानेटरी प्याडभित्र लुकाएर लागूऔषध ब्राउन सुगर तस्करी गर्ने दिदीबहिनी झापामा पक्राउ परेका छन्। काठमाडौं आउन लाग्दा भद्रपुर विमानस्थलमा प्रहरीले सोनी श्रेष्ठ राजवंशी र उनकी दिदी सन्ध्यालाई शुक्रबार पक्राउ गरेको हो। सोनीले प्याडभित्र लुकाएर ७६ ग्राम ब्राउनसुगर तस्करी गर्न लागेको प्रहरीले जनाएको छ। उनीहरु विमानस्थलको चेकिङमा परेका थिए। हैटौंडा घर भएका दुबै जना बुद्ध एयरको उडानबाट काठमाडौं आउन लागेको बताइएको छ। उनीहरुलाई परिचालन गर्ने गिरोहको खोजी भइरहेको प्रहरीको भनाई छ। प्रहरीका अनुसार उनीहरुको साथबाट उक्त ब्राउनसुगर, नेपाली नागरिकताको प्रमाणपत्र र एउटा मोबाइल बरामद गरिएको छ। उनीहरुमाथि थप अनुसन्धान भइरहेको प्रहरीले जनाएको छ।
धनगढीः १३ वर्षीया बालिकालाई जबरजस्ती करणी गरेको आरोपमा दुई जना पक्राउ परेका छन्। बर्दियाको राजापुर नगरपालिका–६ जोगीपुरका २६ वर्षीय राजाराम थारु र २२ वर्षीय शनीराम थारु समातिएका हुन्। अस्ति राति ती बालिकालाई जबरजस्ती करणी गरेको उजुरीको आधारमा ईलाका प्रहरी कार्यालय राजापुरबाट खटिएको प्रहरी टोलीले हिजो साँझ उनीहरुलाई नियन्त्रणमा लिएको बताइएको छ। घटनाका सम्बन्धमा अनुसन्धान भैरहेको प्रहरीले जनाएको छ।
धनगढीः धनगढीका विभिन्न स्थानहरुमा प्रहरीले गाँजा नष्ट गर्ने अभियान थालेको छ। जिल्ला प्रहरी कार्यालय कैलालीले गाँजाका बोट नष्ट गर्न थालेको हो। समुदाय–प्रहरी साझेदारी कार्यक्रम अन्तर्गत प्रहरीले धनगढी उप–महानगरपालिका अन्तर्गत विभिन्न स्थानहरुमा उम्रिएका गाँजाका बोट नष्ट गरिरहेको जनाएको छ। सो क्रममा करिव ढाइ बिगाहा क्षेत्रमा उम्रिएका गाँजाका बोट नष्ट गरिएको प्रहरीले जनाएको छ। उक्त अभियानमा प्रहरीलाई दशरथ चन्द बैतडी विद्यार्थी समाज कैलाली, ग्रिन क्लिन केएमसी क्लव, राष्ट्रिय गोजुरियो कराते, स्थानीय सर्वसाधारण आमा समूह र युवा संघ संस्थाहरुको सघाएका छन्।