धनगढी: सुदूरपश्चिममा आज प्रदेश सरकार विस्तार हुने जनाइएको छ। हिजो सरकार विस्तार हुने भनिएकोमा दलहरुबीच सहमति नजुटेपछि आज विस्तार गरिने भएको हो। मुख्यमन्त्री कमलबहादुर शाहको सचिवालयका अनुसार सत्ता साझेदार दल नागरिक उन्मुक्ति पार्टीले सरकारबारे निर्णय लिन समय माग गर्दै २ मन्त्रीसहित एक राज्यमन्त्रालय मागेपछि हिजो सरकार विस्तार हुन नसकेको हो। सुदूरपश्चिममा अहिले ४ मन्त्रालय मन्त्रीविहीन छन्। जसमा मुख्यमन्त्री शाहले आज सामाजिक विकास मन्त्रालयमा माओवादीबाट झपटबहादुर साउद र उद्योग पर्यटन वन तथा वातावरण मन्त्रालयमा माओवादीबाटै रमेशसिंह धामीलाई नियुक्त गर्ने जनाइएको छ। साउद अछाम र धामी कैलालीबाट निर्वाचित भएका थिए। माओवादीकी गीता देवी माल पनि राज्य मन्त्रीमा नियुक्त हुनेछिन्। उनको मन्त्रालय भने…
Author: महेन्द्रनगर पोष्ट
धनगढी: नेपाली कांग्रेस कैलाली जिल्ला उप-सभापति भीम बडूवालले भ्रष्टाचारविरुद्ध संकल्प प्रस्ताव दर्ता गर्न नदिएको भन्दै दुख मानेका छन्। कैलालीमा सुरु भएको प्रथम जिल्ला सम्मेलनको उद्घाटन सत्रमा आफूलाई मन्तव्य राख्न नदिएको र बन्द सत्रमा पनि आफ्ना एजेन्डा दर्ता नगरेको उप-सभापति बडूवालको आरोप छ। जिल्ला सभापति नारायणदत्त भट्टले भ्रष्टाचारविरुद्ध सङ्कल्प प्रस्ताव दर्ता गर्न नदिएको उनले आरोप लगाए । ‘सभापति ज्यूले एकलौटी रुपमा कार्यक्रमलाई लैजानु भयो। बन्द सत्रमा मेरो प्रस्तावलाई दर्ता नै नगर्न भूमिका खेल्नु भयो’ उनले भने। प्रथम जिल्ला सम्मेलनमा उनले ‘भ्रष्टाचार गर्ने छैन र भ्रष्टाचार गर्नेलाई बचाउने पनि छैन र जिल्ला कार्यसमितिले जिल्ला समिति सदस्यको सम्पत्ति विवरण जिल्ला कार्यसमितिमा बुझाउने छ…
डडेल्धुरा: सरकारले सुदूरपश्चिमका २ वटा क्रीकेट रंगशालामा पूर्वाधार निर्माणको काम अघि बढाउने घोषणा गरेको छ। हिजो आगामी आर्थिक वर्षको निती तथा कार्यक्रम प्रस्तुत गर्दै राष्ट्रपति रामचन्द्र पौडेलले बैतडीको दशरथचन्दसहित कैलालीको फाप्ला, मोरङको बिराटनगर, चितवनको भरतपुर क्रिकेट रंगशालाको पुर्वाधार निर्माण कार्य अघि बढाइने घोषणा गरेका हुन्। बैतडीको सुन्दरखालमा २०६३ मा निर्माण भएको गरेको क्रिकेट मैदानलाई २०७१ सालमा राष्ट्रिय खेलकुद परिषदले अन्तर्राष्ट्रिय क्रिकेट मैदान बनाउने भनेर शुरु गरेको थियो । तर पछिल्लो समयमा राखेपले नै सो मैदानलाई अलपत्र छाडेको छ ।
धनगढीः हिजो हुन नसकेको सुदूरपश्चिमको मन्त्रिपरिषद् विस्तार आज गर्ने तयारी छ। हिजो सत्ता गठबन्धनको बैठक आज (शनिवार) विहान १० बजे मन्त्री परिषद् विस्तार गर्ने सहमति भएर सकिएको मुख्यमन्त्रीको सचिवालय जनाएको छ। नागरिक उन्मुक्ति पार्टीले शनिवारसम्म समय मागेकाले शुक्रवार मन्त्रिपरिषद् विस्तारको काम रोकिएको सचिवालय जनाएको हो। सत्ता साझेदार दल नागरिक उन्मुक्ति पार्टीले सहमति जुटाउन समय मागेपछि शुक्रवार हुने भनिएको सुदूरपश्चिम प्रदेशको मन्त्रिपरिषद् विस्तारको काम अन्तिम समयमा रोकिएको थियो। नागरिक उन्मुक्तिले शनिवार बिहान १० बजेसम्मको समय मागेको छ। मन्त्रिपरिषद्मा नेपाली कांग्रेसबाट शिवराज भट्ट वा पृथ्वीबहादुर सिंहमध्ये १ जना र नेकपा माओवादी केन्द्रबाट रमेशसिंह धामी र झपटबहादुर बोहराको नाम आइसकेको छ। माओवादी केन्द्रकै गीतादेवी…
काठमाडौं: इण्डियन प्रिमियर लिग (आईपीएल) मा जारी सिजन प्लेअफको होडबाट बाहिरिने पञ्जाब किंग्स तेस्रो टोली बनेको छ। गएराति सम्पन्न खेलमा राजस्थान रोयल्ससँग ४ विकेटको पराजय ब्यहोरेसँगै पञ्जाब प्लेअफको होडबाट बाहिरिएको हो। यसअघि दिल्ली क्यापिटल्स र सनराइजर्स हैदराबाद पनि बाहिरिसकेका छन् भने गुजरात टाइटन्सले प्लेअफमा स्थान पक्का गरिसकेको छ। हिमाचल प्रदेश क्रिकेट स्टेडियममा सम्पन्न खेलमा टस हारेर ब्याटिङमा उत्रिएको पञ्जाबले निर्धारित २० ओभरमा ५ विकेट गुमाउँदै १८७ रन बनाएको थियो। जसका लागि साम करनले सर्वाधिक अविजित ४९ रन बनाउँदा जितेश शर्माले ४४ तथा शाहरुख खानले अविजित ४१ रन बनाए। त्यस्तै अथर्ब ताइडेले १९ तथा कप्तान शिखर धवनले १७ रन बनाए। बलिङतर्फ…
बैतडी: बैतडी शिवनाथ गाउँपालिकामा १० शैय्या आधारभूत अस्पतालको शिलान्यास गरिएको छ। गाउँपालिकाको वडा नम्बर ६ सुल्लेखानमा अस्पतालको शिलान्यास गरिएको हो । शुक्रबार एक कार्यक्रमबीच शिवनाथ गाउँपालिका अध्यक्ष कर्णसिंह साउँदले अस्पतालको शिलान्यास गरेका हुन्। स्वास्थ्य तथा जनसंख्या मन्त्रालयको अनुदानबाट १० शैय्या अस्पताल भवनको शिलान्यास गरिएको उनले बताए। कूल ७ करोड ३ लाख ७४ हजार २ सय ४९ रुपैयाँको लागतमा अस्पताल निर्माण भैरहेको छ। निर्माणको जिम्मा एस मित्र जेभी निर्माण कम्पनीले पाएको र १ वर्षभित्र निर्माण सम्पन्न गर्ने लक्ष्य राखिएको छ।
काठमाडौं: श्रीमतीको हत्या गरी फरार रोल्पाका गर्भे विकलाई जेठ २ गते काठमाडौँमा पक्राउ गरिएको छ। गत फागुनमा श्रीमती केशु विकको हत्या गरी उनी फरार थिए। केशुको हत्यापछि शिवराज नगरपालिकाको चन्द्रौटाको निर्माणाधीन रिफ्रेश सेन्टरको सेफ्टी ट्याङ्कीमा शव फालेका थिए। काठमाडौँ उपत्यका अपराध अनुसन्धान कार्यालयको टोलीले पक्राउ गरेका विकलाई कपिलवस्तुमा लगिएको छ। उनी रोल्पाको सुनछहरी गाउँपालिका वडा नम्बर ६ फगाम स्थायी बासिन्दा हुन्। केशुको शव फागुन २० गते सडेगलेको अवस्थामा फेला परेको थियो। हत्यापछि छोराछोरी लिएर गर्भे विक फरार रहेको प्रहरी उपरीक्षक प्रेम बस्नेतले बताए।
धनगढी: हिजो राति कैलालीको धनगढीमा रहेको दृष्टि फाउन्डेसन अगाडि आजजनी गरिएको छ। हिजो शुक्रबार राति करिब पौने १० बजेतिर आगजनी गरिएको हो। प्रहरीकाे सहयाेगमा उक्त आगाे नियन्त्रणमा लिइएको फाउन्डेसनकी सञ्चालक कल्पना भट्टले जानकारी दिइन्। असहाय तथा सडक मानवलाई आश्रय दिइरहेको उक्त फाउन्डेसन अगाडि आगजनी गर्ने दोषीलाई कारबाही गर्न उनले माग गरेकी छिन्।
काठमाडौं: प्रधानमन्त्री पुष्पकमल दाहाल ‘प्रचण्ड’को भारत भ्रमणलाई लक्षित गरेर परराष्ट्रमन्त्री एनपी साउदले छलफल तीव्र पारेका छन्। जेठ तेस्रो साता हुने सम्भावना रहेको भ्रमणलाई लक्षित गरेर उनले पूर्व परराष्ट्रमन्त्रीहरु, पूर्वराजदूतहरु र पूर्व सचिवहरुसँग छलफल तीव्र पारेका हुन्। परराष्ट्रमन्त्री साउदले शुक्रबार प्रधानमन्त्री प्रचण्डको भ्रमणका विषयमा पूर्व परराष्ट्रमन्त्रीहरुसँग छलफल गरेका छन्। परराष्ट्र मन्त्रालयमा भएको छलफलमा पूर्व परराष्ट्रमन्त्रीहरु सुजाता कोइराला, रघुवीर महासेठ, डा. प्रकाशचन्द्र लोहनी र डा. भेषबहादुर थापा सहभागी थिए। पूर्व परराष्ट्रमन्त्रीहरुसँग प्रधानमान्त्रीको भारत भ्रमणका क्रममा नेपालका तर्फबाट उठाउनु पर्ने विषयवस्तुका बारेमा छलफल गरिएको परराष्ट्रमन्त्री साउदले जानकारी दिए। उनले व्यापार, वाणिज्य, जलस्रोत, सिमाना, पारवहन, पर्यटन तथा सांस्कृतिक सम्बन्धसँगै जनस्तरको सम्बन्धबारे छलफल भएको पनि बताए।
काठमाडौँ: हाल देशमा पश्चिमी वायुको साथै स्थानीय वायुको सामान्य प्रभाव रहेको छ। मौसम पूर्वानुमान महाशाखाका अनुसार शनिबार देशको पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदली देखि मौसम सामान्यतया सफा रहनेछ। गण्डकी प्रदेशको केही स्थानहरूमा तथा बाँकी प्रदेशको पहाडी भू-भागको थोरै स्थानहरूमा मेघगर्जन/चट्याङसहित हल्कादेखि मध्यम वर्षाको सम्भावना रहेको छ। कोशी प्रदेश र मधेस प्रदेशको तराईका केही स्थानहरूमा हावाहुरीको समेत सम्भावना रहेको छ। भोलि आइतबार पनि कोशी प्रदेश, मधेस प्रदेश, बागमती प्रदेश र गण्डकी प्रदेशका भू-भागमा आंशिकदेखि सामान्य बदली तथा बाँकी भू-भागमा आंशिक बदलीदेखि मौसम सामान्यतया सफा रहनेछ। कोशी प्रदेश, मधेस प्रदेश, बागमती प्रदेश र गण्डकी प्रदेशका पहाडी भू-भागका केही स्थानहरूमा तथा…