काठमाडौं: सुन तस्करी प्रकरणमा समातिएका पूर्वसभामुख कृष्णबहादुर महराका जेठा छोरा राहुल महरा रिहा भएका छन्। इलेक्ट्रिक चुरोट (भेप) मार्फत भएको नौ किलो सुन तस्करी गरेको आरोपमा मुछिएपछि बयानको लागि आफै सिआइबीमा हाजिर हुन पुग्दा थुनिएका उनी एक वर्षपछि अस्ति १३ गते मंगलबार छुटेका हुन्। जिल्ला अदालत काठमाडौंका न्यायाधीश कमलप्रसाद पोखरेलको एकल इजलासले उनलाई साधारण तारिखमा छोड्न आदेश दिएको हो। २०७९ पुस १० गते दुबईबाट विद्युतीय चुरोट ‘भेप’ मार्फत लुकाएर सुन तस्करी गर्ने समूहका वाङ्ग दाओजिनसँग नेकपा माओवादी केन्द्रको उपाध्यक्षसमेत रहेका पूर्वसभामुख कृष्णबहादुर महरा र उनका जेठा छोरा राहुलको फोनवार्ता भएको थियो। त्यसपछि नेपाल प्रहरीको केन्द्रीय अनुसन्धान ब्युरो (सिआइबी) ले उनलाई…
Author: महेन्द्रनगर पोष्ट
डडेल्धुराः डडेल्धुरामा मोटरसाइकल दुर्घटना हुँदा एकजनाको मृत्यु भएको छ। बुधबार ८ बजेको समयमा जिल्लाको परशुराम नगरपालिका–६ छेलास्थित बा ०२–०२२ प २१४५ नम्बरको मोटरसाइकल दुर्घटना हुँदा वडा नम्बर ४ बस्ने मोटरसाइकल चालक भुपेन्द्र भट्टको मृत्यु भएको हो। दुर्घटनामा गम्भिर घाइते भएका उनलाई उपचारको लागि जोगबुढा अस्पताल जोगबुढा लगिएकोमा उपचारको क्रममा मृत्यु भएको सुदूरपश्चिम प्रदेश प्रहरी कार्यालयले जनाएको छ । मोटरसाइकलमा पछाडी सवार सोही ठाउँ बस्ने २० वर्षीय सिद्धराज भट्टलाई जोगबुढा अस्पताल जोगबुढा हुँदै धनगढीको लागि रेफर गरिएको छ। परशुराम नगरपालिका–६ को आयोजनामा भइरहेको नरबहादुर धामी स्मृती क्रिकेट प्रतियोगिता हेरेर फर्किदा दुर्घटना भएको हो। मोटरसाइकल आफैँ अनियन्त्रित भएर दुर्घटना भएको डडेल्धुरा प्रहरीले…
डडेल्धुरा: डडेल्धुरामा अरिङ्गालले टोकेर एकजनाको मृत्यु भएको छ । जिल्लाको आलिताल गाउँपालिका–१ दुनी बस्ने ५० वर्षीय लक्ष्मणराज जोशीको मृत्यु भएको हो। जिल्ला प्रहरी कार्यालय डडेल्धुराका सूचना अधिकारी तथा प्रहरी निरीक्षक डम्बर बिष्टका अनुसार उनलाई १२ गते जंगलमा स्याउला काट्ने क्रममा अरिङ्गालले टोकेको थियो। अरिङ्गालले टोकेर घाइते भएका जोशीलाई उपचारका लागि डडेल्धुरा अस्पताल पुगाइएकोमा थप उपचारका लागि धनगढीको नवजीवन अस्पताल लगिएको थियो । स्वास्थ्यमा सुधार नभएकोपछि बुधबार भारतको बरेलीतर्फ लगिएकोमा बुधबार राति नै मृत्यु भएको प्रहरी निरीक्षक बिष्टले जानकारी दिए ।
धनगढीः कैलालीका विभिन्न स्थानबाट झण्डै तीन लाखका पटका बरामद गरिएको छ। जिल्ला प्रहरी कार्यालय कैलाली र मातहतबाट खटिएको प्रहरी टोलीले जिल्लाका विभिन्न स्थानमा रहेका भारतिय नाकाबाट दुई लाख ८७ हजार बढीका पटका बरामद गरेको हो। धनगढी उपमहानगरपालिका वडा नं. ०८ क्याम्पस चोकबाट एक लाख २९ हजार, वडा नम्बर ९ त्रिबेणीघाटबाट एक लाखवडा नम्बर ८ बुद्व चोकबाट ५७ हजारका पटका बरामद गरिएको जिल्ला प्रहरी कार्यालय कैलालीका प्रहरी नायब उपरीक्षक कबिन्द्रसिंह बोहराले जानकारी दिए।
काठमाडौं: नेपालीको दोस्रो ठूलो चाड तिहारको तेस्रो दिन आज कुकुर पूजा र लक्ष्मी पूजा गरिँदै छ। कुकुर तिहार यमपञ्चक अर्थात् दीपावली पर्वको दोस्रो दिन पर्ने भए पनि यस वर्ष तिथिको घटबढका कारण तेस्रो दिन पर्न गएको हो। त्यसैले आज बिहान कुकुर पूजा गरेर बेलुका लक्ष्मी पूजा गर्नुपर्ने नेपाल पञ्चाङ्ग निर्णायक विकास समितिले जनाएको छ। कात्तिक कृष्ण चतुर्दशीका दिन कुकुरलाई मनपर्ने परिकार खान दिए यमराजको ढोकामा द्वारपालका रूपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वासका आधारमा कुकुर तिहार मनाउने गरिएको धर्मशास्त्रविद् प्रा।डा। रामचन्द्र गौतम बताउँछन्। वैवस्वत मन्वन्तरको कुलमा जन्मिएको कुकुरले धर्मराज युधिष्ठिरलाई स्वर्ग यात्रामा समेत साथ…
काठमाडौं: सुरक्षण मुद्रण घोटाला प्रकरणका आरोपित निलम्बित मुख्यसचिव वैकुण्ठ अर्यालले सफाइ पाएका छन्। विशेष अदालतका अध्यक्ष टेकनारायण कुँवर, सदस्य न्यायाधीशद्वय खुशीप्रसाद थारू र रितेन्द्र थापाको इजलासले उनलाई आज ‘क्लिन चिट’ दिएको हो। अन्तःशुल्क स्टिकर छपाइमा भ्रष्टाचार भएको दाबीसहित अख्तियार दुरुपयोग अनुसन्धान आयोगले अर्यालसहित ११ जनाविरुद्ध मुद्दा दायर गरेको थियो। अख्तियारले ३८ करोड रूपैयाँ भ्रष्टाचार भएको दाबीसहित दायर गरेको मुद्दामा विशेषले अर्याललाई ५० हजार रूपैयाँ धरौटीमा छाडेको थियो। सञ्चार तथा सूचना प्रविधि मन्त्रालयको सचिव रहँदा सुरक्षण मुद्रण विकास समितिको अध्यक्ष रहेका उनको संलग्नता र अगुवाइमा भ्रष्टाचार भएको अख्तियारको दाबीलाई अदालतले अस्वीकार गरेको हो। यस प्रकरणमा अदालतले सुरक्षण मुद्रण केन्द्रका तत्कालीन कार्यकारी…
काठमाडौं: नेपाल प्रहरीका डीआईजीद्वय बुद्दिराज गुरुङ र केदार ढकाल एआईजीमा बढुवा सिफारिस भएका छन्। आज (बुधबार) गृह मन्त्रालयका सचिवको नेतृत्वमा रहेको बढुवा सिफारिस समितिले उनीहरूलाई एआईजीमा बढुवा सिफारिस गरेको हो। गुरुङ अख्तियार दुरुपयोग अनुसन्धान आयोग र ढकाल प्रहरी प्रधान कार्यालयको प्रशासन विभागमा कार्यरत छन्। यो सिफारिसलाई मन्त्रिपरिषदले अनुमोदन गरेपछि उनीहरु एआईजीमा बढुवा हुनेछन्। यस अगाडि डीआईजी दुर्गा सिंह चन्दलाई बढुवा गर्ने तयारी भएपनि राजनैनिक चलखेलका आधारमा ढकाललाई बढुवा सिफारिस गरिएको हो। सिफारिसमा परेका ढकाल ‘जन्मजात कांग्रेस’ भनेर चिनिन्छन्। यस अगाडि बढुवा भएकी एआइजी किरण राणा कार्तिक १५ मा (भोलि) र रामदत्त जोशी कार्तिक १७ मा अवकाशमा जाँदैछन्। उनीहरुको अवकाशसँगै रिक्त हुन…
धनगढी: कञ्चनपुरमा प्रहरीले हालसम्मकै ठूलो जुवाखालमा छापा हानेर १३ जनालाई नियन्त्रणमा लिएको छ। जिल्ला प्रहरी कार्यालयको टोलीले बुधबार १३ जनालाई समातेको सुदूरपश्चिम प्रदेश प्रहरी कार्यालय धनगढीका प्रमुख डीआईजी रविन्द्र केसीले जानकारी दिए। उनका अनुसार भीमदत्त नगरपालिका वडा न.१ रौटेलाबाट उनीहरू समातिएका हुन्। उनीहरूबाट ४ लाख ७४ हजार ९८ रुपैयाँ नगद बरामद गरिएको जनाइएको छ। यस्तै आजै उता बेदकोट नगरपालिका-७ सुडाबाट पनि ४ जना जुवाडे समातिएका छन्। उनीहरूबाट २६ हजार २५० रुपैयाँ बरामद गरिएको छ।
काठमाडौं: फाइनलमा नेपाललाई २-१ ले पराजित गर्दै साफ महिला च्याम्पियनसिप-२०२४ को उपाधि बङ्लादेशले जितेको छ। बङ्लादेशले लगातार दोस्रो पटक साफको उपाधि जितेको हो। बुधबार त्रिपुरेश्वरस्थित दशरथ रंगशालामा सम्पन्न खेलमा बङ्लादेशलाई जित दिलाउन मोनिका चक्मा र रितु पोर्ना चक्माले गोल गरिन्। नेपालकी अमिशा कार्कीले गोल फर्काए पनि नेपालको हार टार्न सकिनन्। तीनै गोल दोस्रो हाफमा भएको हो। खेलको ५२औं मिनेटमा मोनिका चक्माले गोल गर्दै बङ्लादेशलाई अग्रतामा राखेकी थिइन्। कप्तान सविना खातुनले नेपाली रक्षकबाट भएको गल्तिको फाइदा उठाउदै निकालेको बललाई नियन्त्रणमा लिदै मोनिकाले गोल गरेकी थिईन्। तर नेपालले चार मिनेटमै गोल फर्कायो। नेपालकी अमिशा कार्कीले गोल गर्दै नेपाललाई बराबरीमा फर्काएकी हुन्। प्रीति…
काठमाडौं: साफ वुमन्स च्याम्पियनसिपमा बंगलादेशले नेपालविरुद्ध फेरि अग्रता लिएको छ। १-१ को बराबरीमा रहेको खेलमा बंगलादेशले ८१ औं मिनेटमा गोल गरेको हो। बंगलादेशका खेलाडीले प्रहार गरेको बल नेपाली गोलकिपर एन्जिला तुम्बापोले पञ्च गरेर क्लियर गर्न खोज्दा आफ्नै पोस्टमा छिरेको थियो।