काठमाडौं- आसन्न वैशाख ३० गते हुने स्थानीय तहको निर्वाचनमा निर्वाचन आयोगले जारी मतदाता नामावलीमा नाम समावेश भएका व्यक्तिका लागि परिचय खुल्ने कागजातका आधारमा पनि मतदान गर्ने व्यवस्था मिलाएको छ । आयोगले अन्तिम मतदाता नामावलीमा नाम समावेश भएका व्यक्तिका लागि सहजता ल्याउन परिचय खुल्ने आधिकारिक कागजातका आधारमा पनि मतदान गर्ने व्यवस्था मिलाएको हो । आयोगले गरेको व्यवथाअनुसार मतदाताले निर्वाचन आयोगबाट प्रकाशित अन्तिम मतदाता नामावलीमा नाम समावेश भएका मतदाताले आयोगबाट जारी मतदाता परिचयपत्र वा नेपाली नागरिकताको प्रमाणपत्र वा राष्ट्रिय परिचयपत्र वा राहदानी वा जग्गाधनी प्रमाणपूर्जाको सक्कल प्रमाणका आधारमा मतदान गर्न पाउनेछन् । आयोगले बुधबार एक सूचना जारी गर्दै व्यक्तिका परिचय खुल्ने प्रमाणलाई…
Author: महेन्द्रनगर पोष्ट
कैलाली- प्रधानन्त्री एवम् नेपाली कांग्रेसका सभापति शेरबहादुर देउवा गृहजिल्ला डडेल्धुराबाट धनगढी आएका छन् । निर्वाचनसम्म गृहजिल्लामै रहने भनिए पनि यस बिचमा देउवा धनगढी आएका हुन् । प्रधानमन्त्री देउवा नेपाली सेनाको हेलिकप्टरमार्फत धनगढी आएका हुन् । आरजु राणा देउवाको चुनावी क्षेत्र कैलाली क्षेत्र नम्बर ५ को धनगढी उपमहानगरपालिकामा गठबन्धनको तर्फबाट निबर्तमान मेयर नृपबहादुर वड मेयरका लागि मैदानमा छन् । देउवा वडलाई जसरी पनि जिताउने पक्षमा छन् । धनगढीमा गठबन्धनका तर्फबाट कांग्रेसका वड, नेकपा एमालेका तर्फबाट रणबहादुर चन्द र स्वतन्त्र उम्मेदवार गोपाल हमालबीच कडा प्रतिस्पर्धा हुने आँकलन गरिएको छ ।
कैलाली- कैलालीको धनगढी उपमहागनरपालिकाका एक मतदान अधिकृत मोटरसाइकल दुर्घटनामा परेर घाइते भएका छन् । धनगढी–२, वैयाबेहडीस्थित शारदा माध्यमिक विद्यालयमा रहेको मतदानस्थलमा खटिएका मतदान अधिकत दिजराज भट्ट त्यसतर्फ जाँदै गर्दा मोटरसाइकल दुर्घटनामा परेर घाइते भएका हुन् । भट्ट सवार से१प ११६८ नम्बरको मोटरसाइकलसँग सु.प ०१.००१ च.२८८९ स्कारपियोसंग ठोक्किएको जिल्ला प्रहरी कार्यालय कैलालीका डीएसपी बेदप्रकाश जोशीले बताए । उनका अनुसार घाइते भट्टलाई थप उपचारका लागि काठमाडौं लगिएको छ । उनलाई गम्भीर भएर भन्दा पनि उपचारमा सहज होस भन्नका लागि मात्रै काठमाडौं लगिएको हो । उनको खुट्टा र ढाडमा चोट लागेको छ । मतदान केन्द्रमा उनको सट्टा नयाँ मतदान अधिकृत खटाइ सकिएको निर्वाचन…
काठमाडौं – कञ्चनपुरका ३४१ मतदान केन्द्रमा मतदान अधिकृत र सहायक खटिएका छन् । कञ्चनपुरको महेन्द्रनगरस्थित मुख्य निर्वाचन अधिकृत कार्यालयबाट नियुक्ति लिएसँगै मतदान अधिकृत मतपत्र, मतपेटिकालगायत निर्वाचन सामग्रीसहित आ–आफ्नो मतदान केन्द्रमा खटिसकेको जिल्ला निर्वाचन कार्यालयले जनाएको छ । जिल्ला निर्वाचन कार्यालयका प्रमुख उदयराज जोशीले सबै मतदान केन्द्रमा पुगेर निर्वाचनसम्बन्धी काम अघि बढाइसकेको जानकारी दिए ।“मतदान अधिकृत आ–आफ्नो केन्द्रमा पुगेर सर्वदलीय बैठकसमेत गरिसकेका छन् ।” उनले भने,“ निर्वाचनको सबै तयारी पूरा भइसकेको छ ।”यसैगरी बुधबार र बिहीबार मतदान केन्द्रमा नयाँ मतदाता र हराएको भनि निवेदन दिएकालाई मतदान परिचयपत्र वितरण गरिने निर्वाचन कार्यालयले जनाएको छ । “ हिजो रातिदेखि मौन अवधि सुरु भएको…
काठमाडौं – नेपालमा गत २४ घण्टामा २१ जनामा कोरोना संक्रमण पुष्टी भएको छ । स्वास्थ्य मन्त्रालयका अनुसार देशभर गरिएको ३७८८ जनाको नमूना परिक्षणमा उक्त संख्यामा कोरोना पुष्टी भएको हो । मन्त्रालयका अनुसार गत २४ घण्टामा १६ जनाले कोरोनाविरुद्ध जित हात पारेका छन् भने कसैले पनि कोरोनाकै कारण ज्यान गुमाउनु परेको छैन । मन्त्रालयका अनुसार गत २४ घण्टामा देशभर ११ हजार ५ जनाले कोरोनाविरुद्धको खोप लगाएका थिए । नेपालमा अहिलेको अवस्थामा १८७ जना सक्रिय संक्रमित रहेको पनि मन्त्रालयले जनाएको छ ।
जनकपुरधाम – सिरहामा मतदातालाई पैसा बाँडेको आरोपमा नेकपा (माओवादी केन्द्र)का कार्यकर्ता प्रेमकुमार लामालाई प्रहरीले पक्राउ गरेको छ I बुधबार दिउँसो लामालाई गोलबजार नगरपालिका–२, गुरुधाममा एक मतदातालाई पैसा बाँड्दै गरेको अवस्थामा टोलवासीले नियन्त्रणमा लिएको प्रहरी निरीक्षक राजु केसीले जानकारी दिए । लामाको साथबाट नमुना मतपत्र र नौ हजार रुपैयाँ बरामद गरेको छ ।
कपिलवस्तु – कपिलवस्तु नगरपालिका–३ सानो बर्गदहवाबाट प्रहरीले रक्सी बरामद गरेको छ । मतदातालाई बाँड्दै गरेको अवस्थामा बुधवार कपिलवस्तु प्रहरीले बरामद गरेको हो । लु १ ज २४१० नम्बरको भ्यानमा राखिएको रक्सी स्थानीयलाई बाँड्न लागेको खबर प्राप्त भएपछि कपिलवस्तु प्रहरी गएर बरामद गरेको हो । प्रहरीले बाँड्न लागेको रक्सी सहितको भ्यान र मानिसलाई नियन्त्रणमा लिएको छ । १२ कार्टुन (२६ बोतल) रक्सीसहित एक जनालाई पक्राउ गरेको जिल्ला प्रहरी कार्यालय कपिलवस्तुका प्रवक्ता डीएसपी जेसी शाहले बताए । निवर्तमान वडा अध्यक्ष तथा क्रिकेट एसोसिएसन कपिलवस्तुका अध्यक्ष समेत रहेका वडा नम्बर ३ का उम्मेदवार प्रकाश गैरेले रक्सी बाँड्न लगाएको आरोप छ ।
काठमाडौं – आगामी बैशाख ३० गते हुने स्थानीय तहको निर्वाचनमा देशभरका सबै मतगणनास्थलमा सीसीटिभी क्यामेरा जडान नगरिने भएको छ। सबै मतगणना स्थलमा सीसीटिभी जडान सम्भव नभएपछि भिडियो रेकर्ड भने गरिने आयोगले जनाएको छ । देशभरका सबै ७ सय ५३ स्थानीय तहलाई मतगणना स्थलमा सीसीटिभी क्यामेरा राख्ने व्यवस्था गर्न सामान्य प्रशासन मन्त्रालयले परिपत्र गरेको थियो । आधा भन्दा कम स्थानीय तहमा मात्रै सीसीटिभीबाट मतगणनाको निगरानी असम्भव भएको हो । आयोगको अनुसार आधा स्थानीय तह (३ सय) स्थलमा मात्रै सीसीटिभी क्यामेरा राखिने छ ।
कपिलवस्तु – कपिलवस्तु महाराजगन्ज नगरपालिकाको निर्वाचन सरेको छ । सो नगरपालिकामा नेपाली काँग्रेसबाट उममेयरमा उम्मेदवारी दर्ता गरेकी शुभावती कुर्मीको निधन भएपछि निर्वाचन जेठ ३ गतेका लागि सारिएको हो । निर्वाचन कार्यालयले जेठ ३ मा निर्वाचन गर्नेगरी निर्वाचन कार्यतालिका प्रकाशित गरेको छ । जसअनुसार बुधबार मनोनयन दर्ताको कार्यक्रम तय गरिएको छ । उम्मेदवार कुर्मीको मंगलबार हृदयघातका कारण निधन भएको थियो । उनको ठाउँमा नेपाली काँग्रेसले रिता कुमारी कुर्मीलाई उम्मेदवार बनाएको निर्वाचन कार्यालय महाराजगन्जले जनाएको छ । निर्वाचन अधिकृत कुवेर पाण्डेयले नगरपालिकाभरी नै ३ गते मतदान हुने बताए । सो नगरपालिकामा मौन अवधि वैशाख ३१ गते साँझबाट लागु हुनेछ ।
बुटवल – सुन चोरीको आरोपमा रुपन्देही प्रहरीले तीन जनालाई पक्राउ गरेको छ । गत वैशाख १३ मा बुटवल उपमहानगरपालिका–१३ स्थित गुल्मेली मजुवा सुनचाँदी पसलबाट ३ करोड ५० लाख रुपैयाँ बराबरको सुन चोरी गरेको आरोपमा उनीहरू पक्राउ परेका हुन् । पक्राउ पर्नेमा भारतको उत्तर प्रदेशको जौहरी मोहल्ला चोकका ३६ वर्षीया मोहसिन अब्दुल्ला खान, उत्तर प्रदेशकै निसानगन्ज महानगरका २२ वर्षीया मोहम्मद सरिक र उत्तर प्रदेशकै गोमती कोलोनीका ३५ वर्षीया मोहद जिसान खान रहेको रुपन्देही प्रहरी प्रमुख एसपी रवीन्द्र रेग्मीले बताए । वैशाख २६ मा लुम्बिनी सांस्कृतिक–४ महुवारीबाट उनीहरु पक्राउ परेका हुन् । रेग्मीका अनुसार प्रारम्भिक अनुसन्धानका क्रममा उनीहरूको चोरी गर्ने समूह नै…