दार्चुला – दार्चुलाको अपि हिमाल गाउँपालिका अध्यक्षमा माओवादी केन्द्रका उम्मेदवार विजयी भएका छन्। एमालेका उम्मेदवार धर्मानन्द सिंह मन्याललाई पारजित गर्दै माओवादीबाट अध्यक्षका उम्मेदवार भक्तसिंह ठेकरे (बोहरा) विजयी भएका हुन्। यो सँगै माओवादी केन्द्रले अहिलेसम्म २ वटा स्थानीय तह जितेको छ।
Author: महेन्द्रनगर पोष्ट
दार्चुला- दार्चुलाको महाकाली नगरपालिकाको वडा नम्बर १ मा नेकपा एमालेका उम्मेदवार मोहनसिंह महरा विजयी भएका छन् । महराले ७२१ मत प्राप्त गरे भने उका निकटतम प्रतिद्वन्द्वी कांग्रेसका उम्मेदवारले ५९७ मत पाए । नगरप्रमुखमा पनि एमालेले नै अग्रता लिएको छ । एमाले उम्मेदवारले ७२६ मत प्राप्त गर्दा गठबन्धनको तर्फबाट कांग्रेस उम्मेदवारले ६०७ मत प्राप्त गरेको छ । उपप्रमुखमा एमाले ७१४ मत प्राप्त गर्दा गठबन्धनले ६०९ मत प्राप्त भएको छ ।
अछाम- मतदान कार्य रोकिएको अछामको साँफेबगर नगरपालिका–१३ बाब्ला र पञ्चदेवल विनायक नगरपालिका–५ लयाँटीमा रहेका मतदान केन्द्रमा पुनः मतदान हुने भएको छ । निर्वाचन आयोगको शनिबार बाब्लास्थित राष्ट्रिय माविको ‘क’ र ‘ख’ केन्द्र र लयाँटीस्थित नवज्योति माविमा रहेका ‘क’ र ‘ख’ मतदान केन्द्रमा पुनः मतदान गर्न आयोगले सम्बन्धित निर्वाचन अधिकृतलाई निर्देशन दिएको छ । स्थानीय तह निर्वाचन ऐन २०७३ को दफा ४० अनुसार पुनः मतदान गर्ने व्यवस्था मिलाउन अधिकृतलाई भनिएको छ । शुक्रबार भएको मतदानका क्रममा दुवै स्थानका मतदान केन्द्रमा झडप हुँदा मतदान कार्य दिउँसोबाट रोकिएको थियो । बाब्लास्थित मतदान केन्द्रमा काँग्रेस–समाजवादी गठबन्धन र नेकपा एमालेबीच शुक्रबार बिहान करिब साढे ९ः००…
धनगढी – बाजुराको हिमाली गाउँपालिकामा मतगणना सुरु गर्ने तयारी भइरहँदा एमाले र कांग्रेस कार्यकर्ताबीच झडप भएको छ । मत पेटिकाको सिल सम्बन्धमा विवाद उत्पन्न भएपछि दुई पक्षबीच झडप भएको हो । दुवै पक्षबीच ढुंगामुढा भएर स्थिति तनावपूर्ण भएपछि त्यसलाई नियन्त्रणमा लिन प्रहरीले १२ राउण्ड हवाई फायर गरेको जिल्ला प्रहरी कार्यालय बाजुराका प्रमुख चतुर्भुज ओझाले बताए । उनका अनुसार सशस्त्र प्रहरी परिचालन गरेर स्थिति नियन्त्रणमा लिने प्रयास सफल भइरहेको छ ।
काभ्रे – काभ्रेको पाँचखाल नगरपालिकाको वडा नम्बर १३ स्थित श्रीराम माध्यमिक विद्यालय मतदान केन्द्रमा स्थगित भएको निर्वाचन आगामी जेठ ३ गते हुने भएको छ । बैशाख ३० गते हुन नसकेको निर्वाचन जेठ ३ गते हुने जिल्ला निर्वाचन कार्यालय प्रमुख उमेश राईले जानकारी दिए । काभ्रेको पाँचखाल १३ मा मात्र मतदान रोकिएको थियो । निर्वाचन अधिकृतको कार्यालयले आज उक्त केन्द्रमा जेठ ३ गते मतदान हुने सूचना सार्वजनिक गरेको छ ।
धनगढी – कैलालीको धनगढी उपमहानगरपालिकामा मेयरका स्वतन्त्र उम्मेदवार गोपाल हमालले सुरुवाती अग्रता कायमै राखेका छन् । ३५३ मतगणना गर्दा हमलाको पक्षमा १४८ मत खसेको छ । उनलाई पछ्याइरहेका गठबन्धनका उम्मेदवार नृपबहादुर सुनारले १०३ मत पाएका छन् । त्यसैगरी एमालेका रणबहादुर चन्दले २० मत पाएका छन् । उपमेयरमा गठबन्धनका शान्ति अधिकारीले ९७, एमालेकी कन्दकला रानाले ४४ र आँप चिन्हका स्वतन्त्र उम्मेदवार प्रभाकर भण्डारीले ५६ मट प्राप्त गरेका छन् ।
कैलाली – कैलालीको गोदावरी नगरपालिकामा कांग्रेसले अग्रता लिएको छ । गोदावरीका २ वडामा १०१८ मतगणना हुँदा कांग्रेसले अग्रता कायमै राखेको हो । वडा नं १ र १२ मा गरिएको मतगणनामा वडा नं १ मा ४ सय १८ मतगणना हुँदा नेपाली कांग्रेसका बिरेन्द्र भट्टले ४ सय ८ मत ल्याएका छन् । उनलाई पच्छ्याइरहेका नेकपा एमालेका गोकर्ण भट्टले ३६३ मत ल्याएका छन् । वडा नं १२ मा ६ सय मत गणना हुँदा कांग्रेसका भट्टले २०४ र एमालेका भट्टले २३७ मत ल्याएका छन् । वडा नम्बर १२ मा भने कांग्रेस एमालेले समान मत पाएका छन्। नेपाली कांग्रेसका उम्मेदवार भिम खड्का ले २०८ मत…
डडेल्धुरा- प्रधानमन्त्री एवं नेपाली कांग्रेसका सभापति शेरबहादुर देउवाको वडामा कांग्रेस पराजित भएको छ । जिल्लाको गन्यापधुरा गाउँपालिका–१ को वडाध्यक्षमा कांग्रेस (वीपी) का नरेश भण्डारी विजयी भएका छन् । उनले ६ सय ७३ मत ल्याउँदा कांग्रेसका चन्द्रबहादुर देउवाले ५ सय ४४ मत पाए । पराजित भएका देउवा शिक्षकबाट राजीनामा दिँदै वडाध्यक्षमा लडेका थिए । कांग्रेसबाट निष्कासित निवर्तमान पार्टी कर्णबहादुर मल्ल समूहले कांग्रेस (विपी) को करुवा चुनाव चिह्न लिएर एमालेसंग तालमेल गर्दै जिल्लामा कांग्रेससँगै प्रतिस्पर्धा गरिरहेको छ ।
काठमाडौं – वैशाख ३० गते भएको स्थानीय तह निर्वाचनमा स्थगित भएका मतदान केन्द्रको संख्या ७९ पुगेको छ । निर्वाचन आयोगले गएराति १० बजेसम्म विभिन्न १६ जिल्लाका २८ पालिकाका ४३ मतदानस्थलका ७४ वटा केन्द्रमा स्थगित भएको विवरण सार्वजनिक गरेको हो । हालसम्म विभिन्न स्थानमा गरी ७९ मतदान केन्द्रमा स्थगन भएको आयोगले जनाएको हो । आयोगका अनुसार विवाद र भड्पका कारण स्थगित भएकामा कतिपय मतदान केन्द्रमा जति मत खसिसकेको छ, त्यसैलाई आधार मानेर गणना गर्ने कि भन्ने विषयमा छलफल भइरहेकाले स्थगनको कूल सङ्ख्यामा केही थपघट हुन पनि सक्नेछ ।
कैलाली- कैलालीको कैलारी गाउँपालिकामा राप्रपाको सुरुवाती अग्रता कायमै रहेको छ ।गाउँपालिकाको वडा नम्बर १ को ८ सय मत गणना गर्दा अध्यक्षमा राप्रका उम्मेदवार होमबहादुर गुरुङले २७०, नेपाली काँग्रेसका राजसमझ चौधरीले २४१, नेकपा (माओवादी केन्द्र) का लाजुराम चौधरीले १६४ मत प्राप्त गरेका छन् । यसैगरी, नेकपा एमालेका झुमा चौधरीले ४० मत प्राप्त गरेका छन् । उपाध्यक्ष तर्फ राप्रपाका २३३, नेपाली काँग्रेसका २५१, माओवादी केन्द्रका १८३ र एमालेका उम्मेदवार ३८ मत प्राप्त गरेका छन् ।