काठमाडौं: खैरहनी नगरपालिकामा मोटरसाइकल दुर्घटना हुँदा इलाका प्रहरी कार्यालय मनहरीमा कार्यरत प्रहरी वरिष्ठ हवल्दारको मृत्यु भएको छ। खैरहनी–८ बाबा पेट्रोलपम्पस्थित पूर्वपश्चिम राजमार्गमा मनहरिबाट खोलेसिमलतर्फ जाँदै गरेको बागती प्रदेश०३–००३प ६३७ नम्बरको मोटरसाइकल आज विहान दुर्घटना हुँदा लमजुङ राइनस नगरपालिका–६ धमेलीकुवाका रत्ननगर नगरपालिका–१५ खोलेसिमलका ४३ वर्षीय हेमन्तकुमार श्रेष्ठ गम्भीर घाइते भएका थिए। गम्भीर घाइते श्रेष्ठको चितवन मेडिकल कलेज भरतपुरमा उपचारका क्रममा मृत्यु भएको जिल्ला प्रहरी कार्यालयका प्रवक्ता भेषराज रिजालले जानकारी दिए। मोटरसाइकल दुर्घटनाका विषयमा थप अनुसन्धान भइरहेको प्रहरीले जनाएको छ।
Author: महेन्द्रनगर पोष्ट
धनगढी : बझाङको बुङ्गल नगरपालिका १० टुमेडामा पहिरोले पुरेका ४ जना मध्य दुईजनाको शव फेला परेको छ । उद्वारको क्रममा गोल्की धामी र लक्ष्मी धामीको शव फेला परेको बुझिएको छ । स्थानीय विरबहादुर धामीको ९ जनाको परिवारमा ५ जनाको सकुशल उद्वार गरिएको थियो भने ४ जना बेपत्ता भएका थिए । घटनास्थलमा उद्दार कार्य भइरहेका बेला काली धामी र आसिका धामीको उद्दार गर्ने प्रयास भइरहेको छ। उद्दारमा स्थानीयबासी र प्रहरी सक्रिय छन् भने थप सहयोगका लागि नगरपालिकाको उद्दार टोली र बिराबगरबाट सशस्त्र प्रहरी बलको टोली राहत सामग्रीसहित घटनास्थलतर्फ गएको छ।
धनगढी : बझाङमा बुङ्गल नगरपालिका-१०, टुमेडामा पहिरोमा पुरिएर ४ जना बेपत्ता भएका छन् । आइतबार राति आएको पहिरोले स्थानीय वीर बहादुर धामीको परिवारमा बस्ने १० जनामध्ये ४ जनाको पहिरोमा पुरिएका हुन् । भने ६ जना सकुशल उद्दार भएका छन्। घटना राति करिब २ बजे भएको बताइएको छ। वर्षाको कारण घरमाथिबाट आएको पहिरोले धामीको घर पुरिएको थियो। स्थानीय र प्रहरीले उद्दार गरिरहेको छ। घाइते भएका व्यक्तिहरूलाई उपचारका लागि नजिकैको स्वास्थ्य संस्थामा पठाइएको छ।
धनगढी: धनगढीमा मृत अवस्थामा फेला परेकी युवतीको शरीरमा निलडाम रहेको खुलेको छ। पीडित परिवारका आफन्तले मृतकको शरीर नाङ्गै रहेको र निलडाम पनि देखिएको जनाएका छन्। हिजो (आइतबार) धनगढी उपमहानगरपालिका-१ काे चकमेली चाेक नजिकै युवती मृत अवस्थामा फेला परेकी थिइन्। कञ्चनपुरकाे बेलाैरी नगरपालिका घर भएर धनगढीमा डेरा गरि बस्दै आएकी १९ वर्षीया आस्था थापा मृत अवस्थामा भेटिएकि थिइन्। आफन्तले भने उनको हत्या भएको भनेका छन्। यस्तै उनीहरूले घटनाको दिन उनकी साथी मोनिका कोठामा नरहेको र महेन्द्रनगर जान्छु भन्दै एक दिन अगाडि गएको बताएका छन्। तिनै साथी फर्किएपछि घटनाको बारेमा जानकारी भएको आफन्तहरुको भनाई छ। अहिले अस्पतालमा राखिएको थापाको शव आफन्तले बुझेका…
बझाङ : प्रगतिशील युवा समाजको आयोजनामा विद्यालय शिक्षामा सूचना तथा सञ्चार प्रविधीको प्रयोग सम्बन्धी कार्यविधी निर्माण तथा छलफल कार्यक्रम शनिबार र आईतबार चैनपुरमा भएको छ । वल्र्डभिजन ईन्टरनेस्नल नेपालको आर्थिक सहयोगमा जयपृथ्वी नगरपालिकामा सञ्चालित “विद्यार्थीहरुका लागि प्रबिधीमैत्री शिक्षा सिक्ने अवसर” (टेलस) परियोजना अन्र्तगत विद्यालयमा सुचना तथा सञ्चार प्रविधीको प्रयोग सम्बन्धी कार्यविधी निर्माण तथा छलफल भएको हो । कार्यक्रममा जयपृथ्वी नगरपालिकाका शिक्षा शाखा प्रमुख निरज प्रशाद रेग्मीले टेलस परियोजनाले नगरपालिकाका ८ ओटा विद्यालयमा स्थापना गर्दै गरेको आईसिटी ल्याबले विद्यार्थी लगायत शिक्षक तथा अभिभावकलाई प्रविधी संग नजिक गराउने बताए । साथै उनले नगरपालिकाबाट पनि आईसिटी ल्याब मर्मत सम्भार कोषमा २० हजारका दरले…
काठमाडौं : नेकपा राष्ट्रिय एकता अभियानका संयोजक एवं राष्ट्रियसभा सदस्य वामदेव गौतमले आफूले प्रधानमन्त्रीसँग भेट्न नपाएको गुनासो पोखेका छन् । राष्ट्रियसभाको विशेष समयमा बोल्दै गौतमले यस्तो दुखेसो पोखेका हुन् । उनले देश र जनताका विषयमा कुरा गर्न आफूले प्रधानमन्त्री केपी शर्मा ओलीसँग भेट गर्न खोजेपनि समय नपाएको गुनासो गरे। सरकारका प्रमुखसँग कुरा गर्दा हुने विषयमा प्रधानमन्त्री ओलीसँग भेट गर्न समय नपाएकाले राष्ट्रियसभालाई गुहारेर धारणा राखेको गौतमले बताए । गौतमले नेपालको भौगोलिक बनावटका कारण प्राकृतिक प्रकोपका घटनाहरु धेरै हुने गरेको उल्लेख गरे । प्राकृतिक प्रकोपका घटना घट्नुभन्दा पहिले नै गर्नुपर्ने काममा विषयमा नेपालका राजनीतिक दलका नेताहरूको ध्यान जान नसकेको उनले बताए।
काठमाडौं : उच्च अदालत बार एशोसिएशन पाटनको हिजो सम्पन्न निर्वाचनमा एमाले निकटस्थ कानुन व्यवसायीहरु विजयी भएका छन् । पिपिएलएका विदुर ढुंगाना नेतृत्वको प्यानल अत्यधिक मतान्तरले विजयी भएको हो । विदुरले एक हजार एक सय ४० मत ल्याउँदा एकीकृत समाजवादीबाट गोपाल श्रेष्ठले ४९० मत ल्याएका थिए । उपाध्यक्षमा विष्णुऋषि कोइरालाले एक हजार एक सय ४२ र उनका प्रतिस्पर्धी दुर्गाप्रसाद चिमरियाले ४४० मत पाएका छन् । त्यसैगरी पहिलो सचिवमा विजयी प्रवल शर्माको एक हजार एक सय ५१ मत र देवीप्रसाद रिजालको ४३० तथा अर्का सचिव सुशीला चौधरीको एक हजार एक सय ४३ र उनकी प्रतिस्पर्धी यशोदाकुमार पाण्डेको ४३२ मत आएको छ ।…
काठमाडौँ : भारत भ्रमणमा रहेकी परराष्ट्रमन्त्री आरजु राणा देउवा र भारतीय प्रधानमन्त्री नरेन्द्र मोदीबीच भेटवार्ता हुने भएको छ। परराष्ट्र मन्त्रालय स्रोतका अनुसार, सोमबार साँझ साढे ७ बजे उनीहरूबीच भेटवार्ता हुने तय भएको हो। नयाँ दिल्लीस्थित हैदरावाद हाउसमा भेटवार्ता तय भएको परराष्ट्र मन्त्रालयका एक सदस्यले नेपालखबरलाई जानकारी दिए। मन्त्री राणाले प्रधानमन्त्री केपी शर्मा ओलीका तर्फबाट भारतीय समकक्षी नरेन्द्र मोदीलाई नेपाल भ्रमणको औपचारिक निम्तो हस्तान्तरण गर्नेछिन्। भारतीय विदेशमन्त्री डा एस जयशंकरसँग मन्त्री राणाको सोमबार नै भेटवार्ता हुने बताइएको छ। परराष्ट्रमन्त्री राणा भारतीय समकक्षी एस जयशंकरको निमन्त्रणामा आइतबार (भदौ २ गते) नयाँदिल्ली प्रस्थान गरेकी हुन्। भदौ ६ गते उनी स्वदेश फर्किने कार्यक्रम छ।
धनगढी : आर्टिफिसियल इन्टेलिजेन्स (एआई) प्रविधिको दुरुपयोग गरी विशिष्ट व्यक्तिहरुको चरित्र हत्या गरेको आरोपमा एक युवक पक्राउ परेका छन् । बाजुराको खप्तड छेडेदह गाउँपालिका–५, का २२ वर्षीय रमेशबहादुर रावत समातिएका हुन्। उनलाई अस्ति सिन्धुपाल्चोकबाट नियन्त्रणमा लिएको प्रहरीको साइबर ब्यूरोले जनाएको छ। रावतउपर विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा मुद्दा दर्ता गरी जिल्ला अदालत काठमाडौंबाट पाँच दिनको म्याद थप अनुमति लिएर आवश्यक अनुसन्धान गरिरहेको ब्यूरोले जानकारी दिएको छ। उनले काठमाडौं महानगरपालिकाका मेयर बालेन्द्र साह र उपमेयर सुनिता डंगोललाई जोडेर एआइ भिडिओ बनाई सामाजिक सञ्जालमा पोष्ट गरेका थिए। आफ्नो फेक फोटो र भिडियो बनाएर चरित्रहत्या गरेको भन्दै सुनिताले गत बुधबार प्रहरीमा…
धनगढी: दार्चुलाको शैल्यशिखरका २ जना कर्मचारीविरुद्ध मुद्दा दर्ता भएको छ। घुससहित समातिएका दार्चुलाको शैल्यशिखर नगरपालिकाका कृषि प्राविधिक अधिकृत मोहनसिंह धामीसहित दुई जनाविरुद्ध भ्रष्टाचार मुद्दा दायर भएको हो। अख्तियार दुरुपयोग अनुसन्धान आयोगले धामीसहित कृषि नायव प्राविधिक सहायक अशोकसिंह धामीविरुद्ध पनि मुद्दा अघि बढाएको जनाएको छ। आयोगको कञ्चनपुर कार्यालयबाट खटिएको टोलीले गत असार ३१ गते उनीहरुलाई चार लाख १२ हजार रुपैयाँ घुससहित नियन्त्रणमा लिएको थियो। त्यस्तै, अशोकको नाममा लेखिएको साढे दुई लाखको दुईवटा चेक पनि अख्तियारले बरामद गरेको थियो। अनुसन्धानको क्रममा कृषि सामग्री खरिदबापत भुक्तानी गर्नुपर्ने रकमको चेक उनीहरुले कृषक समूहबाट संकलन गरी आफूसँग राखेर भुक्तानी गर्नका लागि सेवाग्राहीबाट घुस मागेको पुष्टि…