काठमाडौं: लोक सेवा आयोगले लिएको परीक्षामा चिट चोर्ने एक जना कारबाहीमा परेका छन्। गत वैशाख ३० र जेठ १ गते सशस्त्र प्रहरी सहायक निरीक्षक (असई) पदका लागि लिइएको लिखित परीक्षामा सहभागी ललितपुरको इकुडो–१, का बुद्ध बोम्जनलाई कारबाही गरिएको हो। उनले अंग्रेजी विषयको लिखित परीक्षामा चिट चोरेको पाइएपछि परीक्षा रद्ध गरिएको आयोगले जनाएको छ। उनले अब आगामी दुई वर्षसम्म आयोगबाट सञ्चालन हुने कुनै पनि परीक्षामा सामेल हुनसमेत नपाउने भएका छन्।
Author: महेन्द्रनगर पोष्ट
काठमाडौं: नेपाली सेनाका एक सिपाहीको उपचारका क्रममा मृत्यु भएको छ। सुदूरपश्चिमस्थित कञ्चनपुरको कृष्णपुर नगरपालिका वडा नम्बर २ वाणी स्थायी घर भएका सैनिक महेन्द्र सिंहको मृत्यु भएको हो। पारिवारिक स्रोतका अनुसार सिंहको उपचारका क्रममा काठमाडौंको छाउनीस्थित वीरेन्द्र सैनिक अस्पतालमा मृत्यु भएको हो। उनी केही वर्ष पहिले सेनाको ब्यारेकमा काम गर्दै गर्दा लडेर घाइते भएका थिए। सो क्रममा उनको मेरुदण्ड नै भाच्चिएर उपचार थालिएको थियो। तर उपचारकै क्रममा उनको हिजो मृत्यु भएको बताइएको छ।
काठमाडौं: नेपाल प्रहरीका एक एसपीले पदको दुरुपयोग गरेको आरोप लागेको छ। धनुषास्थित नेपाल प्रहरी विशेष सुरक्षा गणका प्रहरी उपरीक्षक (एसपी) नरेन्द्र कार्कीले पदको दुरुपयोग गरेको आरोप लागेको हो। कार्कीले मिथिला नगरपालिका-१० लालगढमा आफ्नो घर बनाउने क्रममा गणकै प्रहरी र गाडी प्रयोग गरेको भेटिएको हो। एसपी कार्कीले मजदुरका रूपमा गणकै प्रहरी कर्मचारी र निर्माण सामग्री ढुवानी गर्न गणकै गाडी प्रयोग गरेको बताइएको छ। उनले दैनिक ६ देखि ८ जनालाई आफ्नो घर बनाउने काममा लगाउने गरेको स्रोत बताउँछ। प्रहरी जवानहरू मुकेश यादव, अर्जुन गरूधामी, कपिलदेव यादव, प्रहरी कार्यालय सहयोगी रामदयाल राम र एसपी कार्कीको सुरक्षा गार्डसमेत रहेका प्रहरी सहायक हवलदार वेदबहादुर राई…
धनगढी : कैलालीमा मध्यरातमा ट्रक र मोटरसाइकल ठोक्किँदा एक जनाको मृत्यु भएको छ । जिल्लाको घोडाघोडी नगरपालिका–४ भालुफाँटा स्थित पूर्व–पश्चिम राजमार्गमा म.प्र.०३–००२ ख ००११ नम्बरको ट्रक र सुदूरपश्चिम प्रदेश ०१–०११ प ४४४३ नम्बरको मोटरसाइकल एक आपसमा ठोक्किँदा मोटरसाइकल चालक घोडाघोडी नगरपालिका–१ का २३ वर्षीय कमल तिरुवाको मृत्यु भएको हो । ट्रक र मोटरसाइकल मङ्गलवार राति करिब ११ः५५ बजेको समयमा एक आपसमा ठोक्किएका थिए । उक्त दुर्घटनामा गम्भीर घाइते भएका तिरुवाको राति नै उपचारको क्रममा धनगढीमा स्थित एक निजी अस्पतालमा मृत्यु भएको इलाका प्रहरी कार्यालय सुखडले जानकारी दिएको छ । बिहान स्थानीयहरूले आन्दोलन गर्दै पूर्वपश्चिम राजमार्ग अवरुद्ध गरेका थिए । अहिले…
काठमाडौं : नेपाली बजारमा सुनचाँदीको मूल्य घटेको छ । बुधबार सुन तोलाको ५ सय रुपैयाँले घटेर प्रतितोला १ लाख ४२ हजार २०० रुपैयाँ पुगेको नेपाल सुन चाँदी व्यवसायी महासंघले जनाएको छ । महासंघका अनुसार आज तेजाबी सुन प्रतितोला १ लाख ४१ हजार ५०० मा कारोबार भइरहेको छ । यसअघि मंगलबार सुन प्रतितोला १ लाख ४२ हजार ७ सयमा कारोबार भएको थियो । त्यस्तै आज चाँदीको मुल्य पनि घटेको छ । चाँदी तोलामा ३५ रुपैयाँले घटेर प्रतितोला १८२५ रुपैयाँमा कारोबार भइरहेको महासंघले जनाएको छ ।
काठमाडौं : सशस्त्र प्रहरी बलको नयाँ ऐनको मस्यौदा गृह मन्त्रालयमा पुगेको छ । ऐनको मस्यौदामा उच्च पदाधिकारीको पदावधि घटाउने, ३० वर्षे सेवाहद हटाई उमेरहद बढाउने तथा १६ वर्षमै निवृत्तिभरण सुविधा दिनेलगायतका प्रावधान छ । केही दिनअघि गृहमा बुझाइएको ‘सशस्त्र प्रहरी बल, नेपालसम्बन्धी बनेको विधेयक २०८१’ मा सशस्त्र प्रहरी महानिरीक्षकको पदावधि तीन वर्षमा झार्ने प्रस्ताव छ । हालको ऐनमा चार वर्षको प्रावधान छ । सशस्त्र प्रहरी महानिरीक्षक राजु अर्यालले आफ्नै पदावधि एक वर्ष घटाउने प्रस्तावसहितको ऐनको मस्यौदा अघि बढाएका हुन् । विधेयकमा एआइजीको चार, डिआइजीको पाँच, एसएसपीको ६ तथा एसपीको आठ जोड दुई वर्ष पदावधि राखिएको छ । ३० वर्षे सेवाहदको प्रावधान हटाएर अवकाशको उमेरहद भने बढाइएको…
काठमाडौं : मधेस प्रदेशका मुख्यमन्त्री सरोजकुमार यादवले आज विश्वासको मत लिने भएका छन । केन्द्रमा सत्ता गठबन्धन फेरिएसँगै उहाँले आज विश्वासको मत लिन लागेका हुन । पछिल्लोपटक सत्ता गठबन्धन मध्येका एमाले र माओवादी केन्द्रले समर्थन फिर्ता लिएर सरकारबाट बाहिरिएपछि यादवले पुनः विश्वासको मत लिनुपर्ने अवस्था आएको हो। कुनै दलले सरकारलाई दिएको समर्थन फिर्ता लिएमा ३० दिनभित्र विश्वासको मत लिनुपर्ने संवैधानिक व्यवस्थाअनुसार मुख्यमन्त्री यादवले आज दिउँसो ३ बजे विश्वासको मत लिने कार्यसूची रहेको प्रदेशसभा सचिवालयका सूचना अधिकारी चन्दनकुमार ठाकुरले जानकारी दिए ।
काठमाडौँ : भारतको लोकसभाको निर्वाचनको अन्तिम परिणाम आएको छ । मंगलबार राति सम्पन्न मत गणनामा भारतीय जनता पार्टी सबैभन्दा ठुलो दल बनेको छ । भाजपाले २४० सिट जितेको छ । यस अघिको निर्वाचनमा ३०३ सिट जितेको भाजपाले यस पटक २४० सिट जितेर एक्लै बहुमत ल्याउन असफल भएको छ । भाजपा आफु एक्लै बहुमतबाट चुकेपनि उसको नेतृत्वको एनडीए गठबन्धनले भने बहुमत ल्याएको छ । एनडीएले कुल २९३ सिटमा जित हासिल गरेको छ । जसमा प्रमुख रुपमा भाजपा पछि तेलगु देशम पार्टीले १६ सिट जितेको छ भने जनता दल युनाइटेडले १२ सिट जितेको छ । अब एनडीए घटक दलमा तेलंगानाका नेता चन्द्रबाबु…
धनगढी : दार्चुलाबाट धनगढी आउदै गरेको बोलेरो जिप डोटीको जोरायलमा दुर्घटना भएको छ । सुदूरपश्चिम प्रदेश ०१-००१ ज १४८९ नम्बरको जिप आज बिहान ४:३० बजेको समयमा जोरायल गाउँपालिका-१ खडिनामा दुर्घटना भएको हो । दुर्घटना १ जनाको घटनास्थलमै मृत्यु भएको छ भने ८ जना घाइते भएका छन् । घाइतेहरुको धनगढीस्थित निसर्ग अस्पतालमा उपचार भइरहेको छ । घाइतेहरुमा बैतडी डिलासैनी-५ का चालक बासुदेव नाथ, दार्चुला लेकम-६ का जगत धामी, सोही ठाउँका हरिष पार्की र उनकी श्रीमती भावना ओड पार्की रहेका छन् । उनकी ३ वर्षीय छोरी रितिका पार्कीको भने मृत्यु भएको प्रहरीले जनाएको छ । त्यस्तै घाइते हुनेमा बैतडी डिलासैनी-६ का अर्जुन…
काठमाडौं : आज विश्व वातावरण दिवस मनाइँदै छ। ‘हाम्रो भूमि, हाम्रो भविष्य’ नारासहित देशव्यापी रूपमा दिवस मनाइँदै छ। दिवसका अवसरमा संयुक्त राष्ट्रसंघका महासचिव एन्टोनियो गुटेरेसले देशहरूले वातावरण संरक्षणका लागि गरेको प्रतिबद्धता पूरा गर्नुपर्नेमा जोड दिएका छन्। उनले दिगो विकासको लक्ष्य भेट्न सन् २०३० सम्ममा वन फँडानीलाई कसरी रोक्ने भनेर आफ्नो नयाँ राष्ट्रिय जलवायु कार्य योजना प्रयोग गर्न पनि सुझाव दिएका छन्। पर्यावरण प्रति विश्व जगतमा सचेतना जगाउने उद्देश्य अनुरुप संयुक्त राष्ट्रसंघको आव्हानमा सन १९७३ देखि प्रत्येक वर्ष ५ जूनमा विश्व वातावरण दिवस मनाइन्छ।