धनगढीः कैलालीमा लागूऔषधसहित दुई जना पक्राउ परेका छन्। टीकापुर नगरपालिका–५ नुक्लिपुरबाट सोही ठाउँ बस्ने २३ वर्षीय रबि चौधरी ६३० मिलिग्राम लागूऔषधसहित पक्राउ परेका छन्। यस्तै गौरीगंगा नगरपालिका–८ बडैपुर स्थित हसुलिया जाने सडकको दक्षिण साइडमा रहेको गौरी गणेश सामुदायिक वन भित्रबाट धनगढी उपमहानगरपालिका-५ बस्ने ३० वर्षीय सरोज चौधरी पक्राउ परेका छन्। सरोजलाई २१० मिलिग्राम लागूऔषधसहित नियन्त्रणमा लिइएको हो। दुई जनालाई बुधवार नियन्त्रणमा लिइ थप अनुसन्धान भईरहेको जिल्ला प्रहरी कार्यालय कैलालीले जनाएको छ।
Author: महेन्द्रनगर पोष्ट
काठमाडौं – काठमाडौँको दक्षिणकालीमा नगरपालिका–८ स्थित केराबारीमा मृत अवस्थामा फेला महिला पुरुष दुवै विवाहित भएको खुलेको छ । विवाहित भएपनि उनीहरु श्रीमान–श्रीमती नभएको खुलेको छ । यसअघि उनीहरु श्रीमान श्रीमती भएको आशंका गरिएको थियो । उनीहरु दुवै भक्तपुरमा बस्दै आएको खुलेको छ । आज दक्षिणकालीमा धादिङ सिद्धलेख गाँउपालिका–५ घर भई हाल भक्तपुर बस्दै आएका ४२ वर्षीय रामचन्द्र खनाल र भक्तपुरको चागुनारायण नगरपालिका–५ की ३२ वर्षीया सरिता राई मृत अवस्थामा फेला परेका थिए । काठमाडौं उपत्यका प्रहरी कार्यालयका प्रमुख एआईजी दिपक थापाले अनुसन्धानका लागि अपराध अनुसन्धान कार्यालय र काठमाडौं प्रहरीको टोली परिचालन गरिएको बताए । एआईजी थापाका अनुसार मृतक महिलाको श्रीमान…
काठमाडौं : नेपाली क्रिकेट टीमका अलराउन्डर दीपेन्द्रसिंह ऐरीले स्कटल्यान्डमा हुने टी-१० लिग खेल्ने भएका छन् । दीपेन्द्रले स्कटल्यान्डमा अगस्टमा हुने स्कटिस सुपर टी-१० खेल्न लागेका हुन् । उनी सुपर टी-१० का लागी पर्थ रोयल्समा अनुबन्ध भएका हुन् । दीपेन्द्रले यसअघि क्यानडाको ग्लोबल टी-२० र यूएईको आईएल टी-२० खेलिसकेका छन् ।
धनगढी : गेटा अस्पतालमा कैलालीमा कर्मचारी छनोटको प्रक्रिया अगाडि बढेको छ । उक्त कर्मचारी भर्ना प्रक्रिया लोकसेवा आयोगका परीक्षासँग जुधेपछि रोकिएको थियो । गेटाले कर्मचारी भर्नाको लागि दरखास्त आहवान गरेको थियो । अस्पतालले करार सेवाका लागि स्टाफ नर्स, ल्याब टेक्निसियन, हेल्थ असिस्टेन्ट, रेडीयोग्राफी सहायक र फार्मेसी सहायकको आवेदन माग गरेको थियो । ३० बैशाखमा भएको लिखित परीक्षामा उत्तीर्ण स्टाफ नर्स पदको लागि तोकिएकै समयमा अन्तर्वार्ता भएपनि ल्याब टेक्निसियन, हेल्थ असिस्टेन्ट, रेडियोग्राफी सहायक र फार्मेसी सहायकको अन्तर्वार्ता भने रोकिएको थियो । लिखित परीक्षामा उत्तीर्णलाई अस्पतालले २९ जेठमा अन्तर्वार्ताका लागि बोलाएको छ
काठमाडौं : बाल यौन दुर्व्यवहारको आरोपमा एक जना प्रहरी निरीक्षक (इन्स्पेक्टर) लाई प्रहरीले नियन्त्रणमा लिएको छ । काठमाडौं उपत्यका अपराध अनुसन्धान कार्यालयमा कार्यरत इन्स्पेक्टर विदुर शिवाकोटीलाई प्रहरीले समातेको हो । उनलाई छानबिनका लागि नियन्त्रणमा लिइएको जिल्ला प्रहरी परिसर, टेकुका प्रहरी उपरीक्षक (एसपी) नवराज अधिकारीले बताए । ‘उहाँलाई सोधपुछका लागि नियन्त्रणमा लिइएको हो । अहिले छानबिन भइरहेको छ । उहाँ प्रहरी वृत्त, स्वयम्भूको हिरासतमा हुनुहुन्छ’ हाल शिवाकोटी प्रहरी वृत्त, स्वयम्भूको हिरासतमा रहेको उनले जानकारी दिए । ‘उहाँलाई सोधपुछका लागि नियन्त्रणमा लिइएको हो । अहिले छानबिन भइरहेको छ । उहाँ प्रहरी वृत्त, स्वयम्भूको हिरासतमा हुनुहुन्छ’, उनले भने । शिवाकोटीमाथि आफ्नो घरमा काम…
धनगढी : तिब्बतसँग सिमाना जोडिएको उरै नाकामा सशस्त्र प्रहरी बलसहितको सरकारी टोलीले निरीक्षण गरेको छ । कोरोना महामारीपछि नेपाली सुरक्षाकर्मीको टोली पहिलोपटकचीनको स्वशासित क्षेत्र तिब्बतसँग सिमाना जोडिएको उरै पुगेको हो । सशस्त्र प्रहरी बल नेपालका प्रहरी नायब उपरीक्षक जनकराज पन्त, साइपाल गाउँपालिकाका उपाध्यक्ष डोल्मा तामाङसहितको टोलीले उरैस्थित नाग्ना डाँडामा रहेको दुई नम्बर सहायक सीमा स्तम्भलगायत पुलान वरपरको भूभागको निरीक्षण गरेका छन् । टोलीमा छ जना सरकारी कर्मचारी, साइपालको काँडा र धुली प्रहरी चौकीबाट पाँच जना नेपाल प्रहरी र सशस्त्र प्रहरी बलका सुरक्षाकर्मीसहित १८ जना सहभागी थिए । आगामी असार १६ गतेदेखि उरै नाका पूर्णरूपमा सञ्चालनमा हुनेछ ।
काठमाडौं : आइसिसी टी-२० विश्वकपमा भारतले विजयी सुरूवात गरेको छ। बुधबार न्युयोर्कमा आयरल्याण्डलाई ८ विकेटले पराजित गर्दै भारतले विश्वकपमा सुखद सुरूवात गरेको हो। आयरल्याण्डले दिएको ९७ रनको लक्ष्य भारतले १२.२ ओभरमा २ विकेट मात्रै गुमाएर पूरा गरेको हो। यस्तै समूह बी अन्तरगत आफ्नो पहिलो खेलमा अस्ट्रेलियाले ओमानलाई ३९ रनले पराजित गरेको छ । १ सय ६५ रनको लक्ष्य पछ्याएको ओमानले २० ओभरमा ९ विकेट गुमाएर १ सय २५ रन मात्र बनाउन सक्यो ।
धनगढी : कैलालीमा हावाहुरीले ढलेको रुखले च्यापिएर एक किशोरीको मृत्यु भएको छ । टीकापुर नगरपालिका–१ विशालनगर बस्ने १५ वर्षीया प्याउरी बिकको हावाहुरीले ढलेको रुखले च्यापिएर मृत्यु भएको प्रहरीले जनाएको छ । बुधबार राति करिब ८ बजे घर नजिकैको साजको रुख घरको आगनमा ढलेको थियो । गर्धनमा हाँगाले लागेर च्यापिएकी बिकको घटनास्थलमै मृत्यु भएको प्रहरीले जनाएको छ । बुधबार राति कैलाली र कञ्चनपुरसहित सुदूरपश्चिममा हावाहुरीसँगै सामान्य वर्षा भएको थियो ।
धनगढीः नेपाल दूरसञ्चार प्राधिकरणले विनोद चौधरीको सिजी कम्युनिकेसन्स लिमिटेडको अनुमतिपत्र खारेज गरेको छ। तत्कालीन एसटिएस टेलिकम सञ्चार प्रालिको अनुमतिपत्र नम्बर आरटिएस इडिआर ०१ नवीकरणका लागि तोकिएको समयभित्र आवेदन नपरेकाले खारेज गरिएको बताइएको छ। चौधरीको कम्पनी सिजीले यसअघि २१ नोभेम्बर,२००३ मा प्राप्त ग्रामीण दूरसञ्चार सेवाको अनुमतिपत्र नवीकरणका लागि गत पुषमा आवेदन गरेको थियो। तर, प्राधिकरणले उक्त आवेदन दूरसञ्चार नियमावली २०५४ को नियम १२ बमोजिम तोकिएको अवधिभित्र नवीकरण दस्तुरसहित निवेदन पेश नगरेकोले उक्त सेवा प्रदायकलाई प्रदान गरिएको अनुमतिपत्र गत मंसिर १६ गतेदेखि स्वतः रद्द गरिएको जानकारी दिएको छ। आज सार्वजनिक सूचना प्रकाशित गरेर चौधरीको कम्पनी सिजी कम्युनिकेसन्स लिमिटेड, सानेपालाई उक्त जानकारी दिइएको…
काठमाडौं : प्रधानमन्त्री पुष्पकमल दाहाल प्रचण्डले भाजपा नेता नरेन्द्र मोदीको प्रधानमन्त्री पदको शपथ ग्रहण समारोहमा सहभागी हुन नयाँदिल्ली जाने तयारी गरेका छन् । मोदी लगातार तेस्रो कार्यकालका लागि प्रधानमन्त्रीमा नियुक्त हुने निश्चित भएकाले उनको शपथ ग्रहण समारोहमा प्रधानमन्त्री प्रचण्ड पनि सहभागी हुने तयारीमा छन् । लोक सभा निर्वाचन परिणामपछि मोदीले बुधबार राजीनामा दिँदै मन्त्रिपरिषद भंग गरेका थिए । अब नयाँ मन्त्रिपरिषद गठनको तयारीमा उनी छन् । बुधबार बसेको गठबन्धनको बैठकले सर्वसम्मतीले मोदीलाई नेता चुन्दै तेस्रो कार्यकालका लागि प्रधानमन्त्रीमा अघि सार्ने निर्णय गरेको थियो । राष्ट्रपतिबाट उनको नियुक्ति हुन र शपथ ग्रहण समारोहको दिन निश्चित हुन भने बाँकी नै छ ।…