धनगढी: सुदूरपश्चिम प्रदेशको भौतिक पूर्वाधार विकास मन्त्रालयका सचिव सुरतकुमार बमलाई धम्की दिइएको छ। बिहीबार मन्त्रालयमै घुसेर एकजना सरकारी ओभरसियरले सचिव बमलाई तर्साउनेगरी धम्की दिएका हुन्। सुरक्षा स्रोतका अनुसार पुरानो भुक्तानीको विषयलाई लिएर ओभरसियरले धम्काएर गएपछि सचिवले प्रहरीलाई गुहारेका थिए। त्यसपछि कैलालीका सीडीओ र कैलाली प्रहरीका प्रमुख एसपी पदमबहादुर बिष्ट सो विषय बुझ्न मन्त्रालयमै पुगेका थिए। तर उनलाई धम्की दिने ओभरसियर भने त्यतिबेला गैसकेका थिए। अहिले प्रहरीले सचिवलाई धम्की दिने ओभरसियरविरुद्ध कारवाहीका लागि निवेदन दिन सुझाएको बताइएको छ। तर निवेदन भने दिए नदिएको खुलाइएको छैन।
Author: महेन्द्रनगर पोष्ट
धनगढी: कैलालीमा गर्मीका कारण एक जनाको मृत्यु भएको छ। बर्दियाबाट बसमा बुधबार घर फर्किरहेका जिल्लाको कैलारी गाउँपालिका ७ रामपुरका २९ वर्षीय इन्द्रबहादुर रानामगरको मृत्यु भएको हो। ईलाका प्रहरी कार्यालय हसुलियाका प्रमुख लोकेन्द्र चन्दका अनुसार उनी बर्दियाबाट कैलालीको मसुरिया बजार झरेपछि मसुरियाबाट हसुलिया बजारको लागि हिँडेको से १ ख ८१० नम्बरको बसमा आमा बुवासहित सवार थिए। उच्च गर्मीकै बीच बसमै एकछिन आराम गर्छु भनी सुतेका उनी हसुलिया बसपार्क पुगेपछि मृत भेटिएको चन्दले बताए। मसुरिया र हसुलियाको दुरी १७ किलोमिटर मात्रै छ। उनको गर्मीपछि हृदयघातका कारण नै मृत्यु भएको प्रहरीको भनाइ छ।
काठमाडौं: गृहमन्त्री रवि लामिछानेले पछिल्लो सुन तस्करीको छानबिन गर्न गठित आयोगले कारबाहीको सिफारिस गरेका एक विवादित सहसचिवलाई पुरस्कृत गरेका छन्। गृहमन्त्रालयले बुधबार १६ (प्रमुख जिल्ला अधिकारी) सीडीओसहित २५ सहसचिवको सरुवा गरेको छ। सो सरुवासूचीअनुसार सुन तस्करी छानबिन आयोगले कारबाही गर्न सिफारिस गरेका सहसचिव अरुण पोख्रेललाई गृहमन्त्रालयबाट सरुवा गरेर नवलपरासी (बर्दाघाट सुस्ता) को सीडीओको जिम्मेवारी दिएका छन्। गृहको एउटा विभागमा कार्यरत कर्मचारीलाई जिल्लाको बागडोरको जिम्मेवारी दिएर पठाएका गृहमन्त्री लामिछानेले सुन तस्करी प्रकरणमा कर्मचारीलाई बचाउन लागेका छन्। सुन तस्करीको अनुसन्धान गरिरहेका प्रहरी अधिकृतहरुलाई कारबाहीको दायरामा ल्याएर जिम्मेवारीबिहीन बनाइरहँदा लामिछानेले कर्मचारीलाई भने पुरस्कृत गरिरहेका छन्। छानबिनको नाममा प्रहरी अधिकृतहरुको मनोबल गिराइरहेका गृहमन्त्रीले कर्मचारीलाई…
धनगढीः सुदूरपश्चिम स्वास्थ्य निर्देशनालयको निमित्त निर्देशकमा डा. खगेन्द्र बम नियुक्त भएका छन्। बुधबार सामाजिक विकास मन्त्रालयले सचिवस्तरीय निर्णय गर्दै डा. बमलाई निमित्त निर्देशकको जिम्मेवारी दिएको हो। आयुर्वेद चिकित्सक बमलाई आर्थिक तथा प्रशासनिक अधिकारसहित निमित्त निर्देशकमा नियुक्त गरिएको हो। उनी सुदूरपश्चिम प्रदेशमा कार्यरत आयुर्वेद चिकित्सकहरुमध्ये सबैभन्दा वरिष्ठ चिकित्सक हुन्। निर्देशनालयका निर्देशक डा. जगदीश जोशी अध्ययन बिदामा गएपछि स्वास्थ्य निर्देशनालय निर्देशकविहीन बनेको थियो।
धनगढी: धनगढीस्थित कैलाली बहुमुखी क्याम्पसले गर्मी बिदा दिने निर्णय गरेको छ। धनगढीमा गर्मी अत्यधिक रुपमा बढेर पठनपाठनमा समस्या आएपछि बिदा दिइएको हो। क्याम्पसका सहायक क्याम्पस प्रमुख डा. लोकबहादुर बिष्टले जेठ २० गतेदेखि असार १० सम्म गर्मी बिदा रहने जानकारी दिए। उनका अनुसार बिदा अवधिमा प्रशासन भने खुलै रहने छ।
काठमाडौँः गृहमन्त्रालयले नेपाल प्रहरी र सशस्त्र प्रहरीको उमेरहदबारे अध्ययन गर्न सात सदस्यीय कार्यदल बनाएको छ। गृहमन्त्री रवि लामिछानेले सहसचिव तथा गृहमन्त्रालयका कर्मचारी महाशाखाका प्रमुख झक्कप्रसाद आचार्यको संयोजकत्वमा सात सदस्यीय कार्यदल गठन गरेका हुन्। उक्त कार्यदलमा नेपाल प्रहरीका एक डीआईजी, सशस्त्र प्रहरीका एक डीआईजी, गृहमन्त्रालयका कानुन उपसचिव, अर्थमन्त्रालयका उपसचिव, मन्त्रालयले तोकेको सुरक्षा विज्ञ र गृहका उपसचिव एवं प्रहरी कर्मचारी प्रशासन शाखा प्रमुख कृष्ण गैरे सदस्य सचिव रहने छन्। प्रहरीका कुनकुन डीआईजी सहभागी हुने भन्ने विषयमा गृहमन्त्री र आईजीपीले टुंगो लगाउनेछन्। यो कार्यदलले एकमहिनाभित्र सुझावसहितको प्रतिवेदन सरकारलाई बुझाउनेछ। अहिले नेपाल प्रहरी, सशस्त्र प्रहरी बल र राष्ट्रिय अनुसन्धान विभागका प्रमुखहरू ५८ वर्षमा अनिवार्य…
काठमाडौ । क्रिकेटर सन्दीप लामिछानेले अमेरिका जाने भिसा पाउने प्रक्रिया अघि बढेको छ। त्यसका लागि नेपालस्थित अमेरिकी राजदूतावासले आज अपराह्न ४ बजे सन्दीपसँग अन्तर्वार्ता लिने भएको छ। विश्वकप खेल्न अमेरिका पठाउन सन्दीपलाई भिसा दिन भनी सरकारले पनि नोट लेखिसकेको छ। भिसा मिलेको खण्डमा सन्दीप आजै राति अमेरिका उड्ने छन्। बलात्कार मुद्दामा उच्च अदालत पाटनले सफाइ दिएपछि नेपाल क्रिकेट संघ क्यानले सन्दीपलाई पनि विश्वकपमा सामेल गराउने प्रक्रिया अघि बढाएकाे थियो। तर अमेरिकी दूतावासले भिसा दिन नमान्दा उनी जान पाइरहेका थिएनन्। उनलाई भिसा दिन माग गर्दै हिजो मात्र माइतीघरमा समर्थकहरूले प्रदर्शन गरेका थिए।
धनगढी : कैलालीका एक पुरुष बेपत्ता भएका छन् । जिल्लाको धनगढी उप महानगरपालिका वडा नं १ शान्तिटोल बस्ने ७० वर्षीय बाला चन्द बेपत्ता भएका हुन् । राम्रोसँग बोल्न र सुन्न नसक्ने चन्द यही जेठ १२ गतेबाट बेपत्ता भएका हुन् । आफ्नो दाजु पहाड जाँदै हुनुहुन्छ भनेर पछि लागेर बजार सम्म आउनु भएका चन्द त्यस दिनदेखि बेपत्ता भएको हुँदा खोजी गरिदिन हुन परिवारले आग्रह गरेका छन् । बेपत्ता भएका चन्दलाई कहीँ कतै भेटिएमा नजिकैको प्रहरी चौकी अथवा मोबाइल नं ९८४८४४४७५२ र ९८१२६२३२१४ मा सम्पर्क गरिदिन परिवारले आग्रह गरेका छन् ।
धनगढी : सुदूरपश्चिम प्रदेश सरकारले आइतवार नीति तथा कार्यक्रम ल्याउने भएको छ। सुदूरपश्चिमका मुख्यमन्त्री दीर्घबहादुर सोडारीले बुधवार प्रदेश सभामा सरकारको आगामी आर्थिक वर्षको विनियोजन विधेयक, २०८१ को प्राथमिकता र सिद्धान्तहरू प्रस्तुत गरेका छन्। हाल सो विधेयक उपर छलफल चलाउन खोजिएको छ। तर, प्रमुख प्रतिपक्ष दल नेपाली काँग्रेस र नागरिक उन्मुक्ति पार्टी (रेशम पक्ष)ले निरन्तर प्रदेश सभा बैठक बहिष्कार गर्दै आएको छ। यसैबिच जेठ २० सरकारका आगामी आर्थिक वर्षको नीति तथा कार्यक्रम ल्याउने तयारी भएको हो। सोही बमोजिम बैठक आह्वान गरिएको छ ।
धनगढी : नेकपा एमालेका नेता तथा उद्योग वाणिज्य तथा आपूर्ति मन्त्री दामोदर भण्डारीले नेकपा एकीकृत समाजवादीका अध्यक्ष माधव कुमार नेपालले दोहोरो भूमिका देखाइरहेको आरोप लगाएका छन् । प्रेस चौतारी कैलालीले आज धनगढीमा आयोजना गरेको पत्रकार सम्मेलनमा उनले नेपालले अहिले काङ्ग्रेससँग पनि छलफल गरिरहेको भन्दै दोहोरो भूमिका देखाइरहेको आरोप लगाएका हुन् । उनले यस्तो दोहोरो भूमिकाले स्वयम् नेपाललाई नै क्षति पुग्ने बताए । ‘सत्तामा बसिरहने प्रतिपक्षसँग छलफल पनि गर्ने दोहोरो भूमिकाले स्वयम उहाँलाई नै क्षति पुराइ रहेको छ । उहाँको पार्टी, उहाँको विचार र उहाँका अस्थिरताले यो खालका सङ्कटहरू धेरै लामो रहँदैन । त्यसले चाँडै निकास पाउँछ’ उनले भने, ‘सत्तामा पनि…