काठमाडौं: सशस्त्र प्रहरी हेडक्वार्टरले शुक्रबार रूपन्देहीको २७ नम्बर गणका डिएसपी विश्वराम पाण्डेको सरुवा गरेको छ। उनलाई २४ घण्टाभित्रै झापामा हाजिर हुन जानेगरी बाटो तताउन आदेश दिइएको हो। पाण्डेले आचरणविपरीत कार्य गरेको र गणपति एसपी आनन्द थापालाई समेत साथ दिएको भन्दै काज सरुवा गरिएको हो। एसपी थापा केही साताअघि मात्रै सो गणमा सरुवा भई गएका थिए।अहिले डिएसपी पाण्डेलाई कमल तिम्सिनाको कमाण्डमा रहेको तालिम केन्द्रको सहायक बनाइएको छ।
Author: महेन्द्रनगर पोष्ट
धनगढीः कैलालीको जोशीपुर गाउँपालिकाले असार २१ गते एमबुलेन्स सञ्चालनका लागि एम्बुलेन्स चालक राख्न विज्ञापन खोल्यो। एक जना एम्बुलेन्स चालक पदपुर्ति गर्न विज्ञापन गरिएको हो। विज्ञापन अनुसार प्रारम्भिक वर्णानुक्रम अनुसार छोटो सूचिमा ७ जनाको नाम प्रकाशित गरिएको थियो। असार २८ गते पालिकाले उमेद्वारहरुको लिखित, प्रयोगात्मक र अन्तरवार्ताका लागि उत्तीर्ण भएको जानकारी गराउँदै अनिलकुमार चौधरी, प्रवेश चौधरी र भीमलाल चौधरी गरि ३ जनाको नाम प्रकाशित गरेको थियो। परीक्षामा उमेद्वारको प्रयोगात्मक, अन्तरवार्ता र लिखित परीक्षाको प्राप्ताङ्कको आधारमा योग्यता कायम हुन आएका तीन जनामध्ये प्रवेशकुमार चौधरी सिफारिस योग्यताक्रममा छनौट भएका थिए भने अनिलकुमार चौधरी बैकल्पिक योग्यताक्रममा छनौट भए। भीमलाल चौधरी भने छनौट हुन सकेनन्।…
धनगढी: कैलालीको धनगढीमा २ जना कमिसनखोर कर्मचारी समातिएका छन्। सोमबार अख्तियार दुरुपयोग अनुसन्धानको कार्यालयको टोलीले उनीहरूलाई समातेको हो। यसरी समातिनेमा दार्चुलाको शैल्यशिखर नगरपालिकाकाका कृषि शाखा प्रमुख मोहनसिंह धामी र कृषि प्राविधिक सहायक अशोकसिंह धामी रहेका छन्। उनीहरूबाट ४ लाख १२ हजार रुपैयाँ र ४५ लाख बढीको चेक बरामद गरिएको बताइएको छ। उनीहरूलाई अख्तियार दुरूपयोग अनुसन्धान आयोग कञ्चनपुरको टोलीले धनगढी उपमहानगरपालिका–४ बोराडाडीबाट पक्राउ गरेको हो। स्रोतका अनुसार उनीहरुले पालिकाको कृषक समूहको १ करोड बढीको सामान खरिदको बिल भुक्तानीका क्रममा सो घुस रकम मागेका थिए।उनीहरुलाई थप अनुसन्धानका लागि अख्तियारको केन्द्रीय कार्यालय लगिदैँछ।
काठमाडौँ : प्रधानमन्त्री केपी शर्मा ओलीको व्यक्तिगत सुरक्षा अधिकृत (पीएसओ)मा नेपाल प्रहरीका डीएसपी नवीन कार्की खटिएका छन्। सल्यानमा कार्यरत कार्कीलाई प्रहरी प्रधान कार्यालयले सरुवा गरी प्रधानमन्त्रीको सुरक्षा अधिकृत बनाएको हो। सल्यानमा भने डीएसपी केशर न्यौपानेलाई पठाइएको छ। उनी पर्सामा कार्यरत थिए। कार्कीसँगै इन्स्पेक्टर माधव केसी पनि प्रधानमन्त्रीको सुरक्षा टिममा खटिएका छन्।
धनगढी : बझाङमा दुई बालिका करणी गरेको आरोपमा एक जना पक्राउ परेका छन । जिल्लाको जयपृथ्वी नगरपालिका-१० मा सोमबार दुई बालिकालाइ करणी गरेको आरोपमा ५१ वर्षीय पुरुष पक्राउ परेका हुन। बालिकाका आफन्तले जाहेरी दिएपछि कन्चनपुरको भीमदत्त नगरपालिका-७ का ५१ वर्षीया धनबहादुर रोकायालाई नियन्त्रणमा लिएको जिल्ला प्रहरी कार्यालय बझाङका प्रहरी नायब निरीक्षक भरत शाहले बताए। रोकायामाथि अनुसन्धान भइरहेको उनले बताए।
काठमाडौं : उद्योग वाणिज्य तथा आपूर्तिमन्त्री दामोदर भण्डारीले पदभार ग्रहण गर्दै काम नगर्ने छुट नभएको बताएका छन् । सोमबार मन्त्री भण्डारीले उद्योग वाणिज्य तथा आपूर्ति मन्त्रालयको पदभार ग्रहण गर्दै आफूलाई काम नगर्ने छुट नभएको बताएका हुन् । मन्त्री भण्डारी तेस्रो पटक उद्योग वाणिज्य तथा आपूर्तिमन्त्री भएका हुन् । यसअघि गत फागुनमा उद्योग, वाणिज्य तथा आपूर्ति मन्त्रीमा दोहोरिएका भण्डारी पुन सोही मन्त्रालयमा चौथोपटक मन्त्री भएका हुन् । मन्त्री भण्डारीले भने, ‘अब काम नगर्ने छुट छैन् । काम गर्नैपर्ने बाध्यता छ । मलाई फेरि उद्योग मन्त्रालयको जिम्मेवारी दिनुको कारण छ । मैले यस मन्त्रालयको महत्त्व र जिम्मेवारी बुझेको छु । त्यसैले मेरो…
धनगढी : बझाङको खप्तड छान्ना गाउँपालिकाका २० वर्षीय राजेन्द्र सार्की असार २४ गतेदेखि हराइरहेका छन्। उनलाई अन्तिम पटक बझाङबाट धनगढी तर्फ जाने बसमा देखिएको थियो। राजेन्द्रको मानसिक अवस्था कमजोर भएकाले उनको खोजी कार्यमा कठिनाई भइरहेको छ। परिवारजनले उनको सुरक्षित खोजीका लागि सबैसँग सहयोगको अपिल गरेका छन्। राजेन्द्रलाई देखेमा वा सम्बन्धित कुनै जानकारी प्राप्त भएमा, निम्न सम्पर्क नम्बरमा तुरुन्तै जानकारी गर्न अनुरोध गरिएको छ । सम्पर्क नम्बर : ९७६९९६५७१५
धनगढी : सुदूरपश्चिमका प्रदेश प्रमुख नजिर मियाँले प्रदेश सभाको जारी अधिवेशन अन्त्य गर्न सरकारले गरेको निर्णयमा कार्यान्वयनमा सहयोग नगरेको गुनासो गरिएको छ । राजनीतिक समीकरण फेरिएसँगै नेकपा एमाले सरकारबाट बाहिरिएपछि अगामी आर्थिक वर्ष २०८१/८२ का लागि ल्याएको बजेट प्रदेश सभाबाट पास हुन सकेको छैन । एमालेले समर्थन फिर्ता लिएपछि अल्पमतमा परेका मुख्यमन्त्री दीर्घबहादुर सोडारीले प्रदेश सभाको जारी बजेट अधिवेशन अन्त्य गरेको अध्यायदेशमार्फत बजेट ल्याउन खोजेका छन् । त्यसका लागि मन्त्रिपरिषद्बाट प्रदेश सभाको अधिवेशन अन्त्य गर्ने निर्णय गराएर सोडारीले प्रदेश प्रमुख मियाँलाई पत्राचार गरेका छन् तर प्रदेश प्रमुख नवनियुक्त प्रधानमन्त्री केपी शर्मा ओलीको सपथ ग्रहण समारोहमा सहभागी हुन काठमाडौँ हिडेपछि अधिवेशन…
काठमाडौं : गृहमन्त्री रमेश लेखकले सिंहदरबारमा पदभार ग्रहण गर्दै सिमलताल बस दुर्घटनाबारे अध्ययन गर्न कार्यदल गठन गर्ने पहिलो निर्णय गरेका छन् । सोमबार गृहमन्त्री लेखकले सिमलताल बस दुर्घटनाबारे अध्ययन गर्न मन्त्रालयका सहसचिव छवि रिजालको नेतृत्वमा कार्यदल बनाउने निर्णय गरेका छन् । १० दिनको समयसीमा दिइएको कार्यदल प्रतिवेदन पेश गर्न भनिएको छ। यस्तै, उनले वर्तमान सरकारले राजनीतिक स्थिरता र भ्रष्टाचार नियन्त्रण गरेर सुशासन कायम गर्ने दाबी गरेका छन्। उनले भने, ‘राजनीतिक स्थिरता र भ्रष्टाचार नियन्त्रण गरेर सुशासन कायम गर्ने, अर्थतन्त्रको संकट समाधान गरेर उकास्ने, संविधानको समीक्षा र मुल्यांकन गर्न सरकारले काम गर्छ ।’
धनगढी : बैतडीका सासंद दामोदर भण्डारी चौथो पटक मन्त्री बनेका छन् । नयाँ गठबन्धनको सरकारमा भण्डारी उद्योगमन्त्रीमा दोहोरिँएका हुन् । यसअघि प्रचण्ड सरकारमा भण्डारी उद्योग मन्त्री थिए । बैतडीको पाटन नगरपालिका-६ मा २०३० साल कात्तिक २० गते जन्मिएका थिए, दामोदर भण्डारी बुबा उदयसिंह भण्डारी र आमा कमला भण्डारीका पुत्र दामोदरले २०४६ सालबाट राजनीति गर्न थाले। भण्डारी २०४६ सालको जनआन्दोलनबाट प्रभावित भई राजनीतिमा होमिएका थिए। २०४८ सालमा अनेरास्ववियू बैतडीको जिल्ला कमिटी अध्यक्ष भएका भण्डारी २०५० सालमा नेकपा एमालेको बैतडी जिल्ला कमिटी सदस्य बने। त्यसपछि भण्डारी २०५४ सालमा जिल्ला कमिटी उपसचिव भए। २०५६ देखि २०६४ सम्म नेकपा एमाले बैतडीको पार्टी प्रमुख (सचिव)…