कैलाली- कैलालीको धनगढी उपमहानगरपालिकाले पनि कार्यपालिकाका सबै बैठक ‘लाइभ’ गर्ने भएको छ। धनगढीका नगरप्रमुख गोपाल हमालले निर्णय प्रक्रियालाई पारदर्शी बनाउन कार्यपालिका बैठक लाइभ गर्ने निर्णय भएको बताए । शक्रबार भएको कार्यपालिका बैठक उपमहानगरले आफ्नो आधिकारिक फेसबुक पेजबाट लाइभ गरेको छ। अर्को बैठक सोमबारका लागि बोलाइएको छ। यसअघि सुरुमा काठमाडौं महानगरपालिकाका मेयर बालेन्द्र साहले महानगरको कार्यपालिका बैठक लाइभ गर्ने निर्णय गरेका थिए । महानगरले पहिलो वैठक लाइभ गरेको थियो
Author: महेन्द्रनगर पोष्ट
कञ्चनपुर- कञ्चनपुरको सीमा क्षेत्र अन्तर्गत पर्ने दोधारा–चाँदनी नगरपालिका– ३ जमुनाघाडीमा भारतीय सुरक्षा बल (एसएसबी)ले वृक्षारोपण गर्ने प्रयास गरेको छ । नेपाली भूमि अतिक्रमण गरी वृक्षारोपण गर्ने भारतीय योजनाको स्थानीय नेपालीको विरोधपछि रोकिएको छ। नेपाली पक्षको अवरोधपछि नेपाली भूमि मिचेर वृक्षरोपण गर्ने भारतीय प्रयास रोकिएको प्रहरीले जनाएको छ। भारतीय पक्षले पटकपटक नेपाली भूमि अतिक्रमण गर्नेदेखि हस्तक्षेप गर्दै आएको छ। स्थानीयको विरोधपछि सशस्त्र प्रहरीले भारतीय पक्षले वृक्षारोपणका लागि गाडेको पोल उखेलेको थियो।
बैतडी- बैतडीमा चितुवाले फेरि आतङ्क मच्चाउन थालेको छ। जिल्लाको सुर्नया गाउँपालिका ८ को मल्लोढोलेमा चितुवाले आतङ्क मच्चाउन थालेको स्थानीयले बताएका हुन्। रातिको समयमा चितुवा बथानसहित गाउँ पसेर आतङ्क मच्चाएको स्थानीयले बताए। बिहीबार राति चारपाँच ओटा चितुवा समूहमा आएर गोठबाटै एकजनाको खसी लगेको थियो । चितुवाबाट घरपालुवा जनावर जोगाउन रातिको समयमा पहरा दिनुपर्ने अवस्था रहेको स्थानीय बताउँछन् । जंगलबाट चितुवा गाउँमा पसेपछि स्थानीयहरु त्रसित बनेका छन् बैतडीमा समय समयमाचितुवाले आतङ्क मच्चाउने गरेको छ ।
कैलाली- कैलालीको जोशीपुर गाउँपालिकाले आइतबार सार्वजनिक बिदा नदिने भएको छ । गाउँपालिकाले संघीय सरकारले आइतबार दिने भनेको सार्वजनिक बिदा कटौती गर्ने निर्णय गरेको हो । जेठ १९ गते बसेको जोशीपुर गाउँपालिकाको कार्यपालिका बैठकले आइतबारको बिदा कटौती गर्दै जेठ २२ गतेदेखि लागु हुने गरी कार्यालय, विद्यालय सञ्चालन गर्न आदेश दिएको छ । निर्णयमा लेखिएको छ, ुआइतबार देखि बिहीबार कार्यालय समय बिहान १० बजे देखि ५ बजे सम्म र शुक्रवार बिहान १० बजे देखि ३ बजे सम्म कार्यालय सञ्चालन हुने छ।’
कैलाली- कैलालीमा बालिकामाथि बलात्कार गरेको आरोपमा एक युवक पक्राउ परेका छन् । जिल्लाको चुरे गाउँपालिकाका २६ वर्षीय दोगेन्द्र बिष्टलाई प्रहरीले पक्राउ गरेको हो । उनीमाथि गाउँपालिकाको वडानम्बर ६ खेतबारीमा घाँस काट्ने क्रममा १४ वर्षीया बालिकालाई जबरजस्ती करणी गरेको आरोप लागेको छ । जबरजस्ती करणी गरी फरार भएका बिष्टलाई ईलाका प्रहरी कार्यालय फल्टुडेबाट खटिएको प्रहरी टोलीले पक्राउ गरेको जनाएको हो। घटनाबारे थप अनुसन्धान भइरहेको प्रहरीले जनाएको छ।
काठमाडौं – नेत्रविक्रम चन्द विप्लव नेतृत्वको नेकपाले आगामी असोजमा महाधिवेशन गर्ने भएको छ । पार्टीको नवौं महाधिवेशन १ देखि ८ असोजसम्म काठमाडौंमा गर्ने भएको हो । १२ देखि १७ जेठसम्म बसेको नेकपा केन्द्रीय समिति बैठकले महाधिवेशन गर्ने निर्णय गरेको हो । महाधिवेशन अघि ५ भदौसम्म वडा र पालिका सम्मेलन तथा १५ भदौसम्म जिल्ला सम्मेलन गर्ने निर्णय समेत गरेको छ । यसअघि गत फागुनमा नै महाधिवेशन गर्ने तयारी थियो । तर, स्थानीय तह निर्वाचनमा जाने विषयमा अन्तरविरोध बढेपछि पार्टी विभाजन भएपछि महाधिवेशनको नयाँ मिति तय भएको हो । बैठकले गरेको निर्णय सार्वजनिक गर्न आयोजित पत्रकार सम्मेलनमा महासचिव विप्लवले पार्टी विभाजन गर्नेहरूलाई…
दार्चुला – दार्चुलाको जिल्ला अस्पतालमा केही दिन यता झाडापखालाका बिरामी बढेका छन् । एक सातायता जिल्ला अस्पतालमा झाडापखालाका बिरामी उपचारका लागि बढी पुग्ने गरेको बताइएको छ । उपचारका लागि आउने यी बिरामीमध्ये बालबालिकाको सङ्ख्या वृद्धि भएको जिल्ला अस्पताल दार्चुलाले जानकारी दिएको छ । मौसम परिवर्तनका साथै पछिल्लो समय जिल्लामा काचा फलफूल खाने समय भएकाले बिरामीको सङ्ख्या बढेको जिल्ला अस्पताल दार्चुलाका सुचना अधिकारी डम्मर दत्त भट्टले जानकारी दिनु भएको छ । झाडापखालाका बिरामी उपचारका लागि बढी आउने गरेको जिल्ला अस्पतालका सुचना अधिकारी भट्टले बताए । निमोनियाका साथै ज्वरो आउने, श्वासप्रश्वासमा समस्या बढी भएका बिरामी जिल्ला अस्पतालमा भर्ना हुने गरेको पाइएको छ…
काठमाडौं – काठमाडौं विश्वविद्यालयका २७औँ दीक्षान्त समारोह (दोस्रो चरण) मा विभिन्न सङ्कायका गरी एक हजार सात सय १२ जना दीक्षित भएका छन् । विश्वविद्यालयमा स्नातक र स्नातकोत्तर तहमा अध्ययन गर्ने स्वदेशी र विदेशी विद्यार्थी दीक्षित भएका हुन् । प्रधानमन्त्री शेरबहादुर देउवाको प्रमुख आतिथ्यमा भएको सो कार्यक्रममा कला, शिक्षा, इन्जिनियरिङ, व्यवस्थापन, विज्ञान र चिकित्सा विज्ञान विधाका गरी ११ जना पिएचडी तथा एमफिल ४३ सहित स्नातक र स्नातकोत्तर तहका विद्यार्थी दीक्षित भए । सत्ताइसौँ दीक्षान्त समारोहसम्ममा गरी काठमाडौँ विश्वविद्यालयबाट अहिलेसम्ममा ३८ हजार तीन सय ३६ उत्तीर्ण हुनेछन् ।
काठमाडौं – अर्थमन्त्री जनार्दन शर्माले आर्थिक वर्ष २०७९/८० बजेट निर्माण गर्दा आर्थिक अनुशासनमा रहेको बताएका छन् । बजेटमाथि सदनमा उठेका सवालको जवाफ दिने क्रममा उनले यो बजेट निर्वाचन केन्द्रित नभएर जनतामुखी भएको प्रस्ट्याएका छन् । शर्माले भने, ‘यसभन्दा अघिको बजेट अघिल्लो वर्षको तुलनामा १० प्रतिशत हुने गरेकोमा नयाँ बजेटमा ९ प्रतिशत मात्रै रहेको छ ।’ बजेट धेरै सचेत र समियमित भएको ल्याएको उनको भनाइ छ । अर्थमन्त्री शर्माले संविधानमा कति समयका लागि बजेट बनाउने भनेर लेखेको नभेटेको बताएका छन् । छलफलमा नेकपा एमालेका संसदले प्रदेश र केन्द्रको निर्वाचनभन्दा अगाडिसम्म मात्रै रहने सरकारले ५ वर्षको लागि भनेर विभिन्न आयोजनामा बजेट हालेको…
काठमाडाैं – राष्ट्रिय सभामा जरुरी सार्वजनिक महत्त्वको प्रस्ताव दर्ता भएको छ । शुक्रवार बसेको राष्ट्रिय सभाको बैठकमा खाना पकाउने ग्यास, डिजल, पेट्रोल, मट्टीतेल लगायतका अत्यावश्यक वस्तु तथा सेवाको मूल्यवृद्धिले पारेको असर कम गर्ना लागि मूल्य घटाउन यथाशीघ्र पहल गरियोस् भन्ने विषयको जरुरी सार्वजनिक महत्त्वको प्रस्ताव दर्ता भइ सदनमा पेस भएको हो । देवेन्द्र दाहाल प्रस्तावक रहेको तथा भैरवसुन्दर श्रेष्ठ, विमला घिमिरे, खिमलाल देवकोटा र शेखरकुमार सिंह समर्थक भइ अत्यावश्यक वस्तु तथा सेवाको मूल्यवृद्धिले पारेको असर कम गर्नका लागि मूल्य घटाउन यथाशीघ्र पहल गरियोस् भन्ने विषयको जरुरी सार्वजनिक महत्वको प्रस्ताव दर्ता गर्नुभएको हो । जरुरी सार्वजनिक महत्त्वको प्रस्ताव पेस गर्दै राष्ट्रिय…