काठमाडौँ : सशस्त्र प्रहरी बल नेपालले जाजरकोट र रुकुम पश्चिमका भूकम्प पीडितहरुका लागि तीन वटा डिजास्टर रेस्पोन्स सिस्टम कन्टेनरमा टेन्ट पठाएको छ । सशस्त्र प्रहरी सहायक निरीक्षक रामविश्वास यादवसहितको सुरक्षा फौज राजधानीबाट तीन वटा कन्टेनरमा १० हजार ७ सय थान टेन्ट लिएर पश्चिम रुकुमको लागि हिँडेको हो । उपत्यका स्थित सशस्त्र प्रहरी बल नेपाल नं. २० विपद् उद्धार उपत्यका गणमा रहेको ७ सय थान र नं. २२ गुहेश्वरी गणमा भक्तपुरमा रहेको १० हजार थान टेन्ट लिएर तीन वटा कन्टेनर पठाइएको हो । यसअघि भूकम्प पीडितहरुको लागि आवश्यक सामाग्रीसहित दाङ्गबाट पश्चिम रुकुम र सुर्खेतबाट जाजरकोटको लागि दुई वटा डिजास्टर रेस्पोन्स सिस्टम…
Author: महेन्द्रनगर पोष्ट
काठमाडौं : आईसीसी क्रिकेट विश्वकपमा आज उपाधि दाबेदार दुई टोली भारत र दक्षिण अफ्रिका प्रतिस्पर्धा गर्दैछन्। कोलकाताको इडेन गार्डेन मैदानमा खेल दिउँसो सवा २ बजे सुरु हुनेछ। भारत अंक तालिकाको शीर्षमा रहँदा दक्षिण अफ्रिका दोस्रो स्थानमा छ। दुवै टोली दुई खेल अगावै सेमिफाइनलमा पुगिसकेका छन्। भारतको १४ अंक छ भने दक्षिण अफ्रिकाको १२ अंक छ। आजको खेल जित्ने टोली शीर्ष स्थानमा रहनेछ। प्रतियोगितामा ७ खेल जितेको भारत एकमा मात्र अपराजित टोली हो। दक्षिण अफ्रिका ७ खेलमध्ये ६ मा जित हात पारेको छ।
काठमाडौं : टी–२० विश्वकप छनोट फाइनलमा नेपालले खराब सुरुवात गरेको छ । ओमानविरुद्धको फाइनल खेलमा नेपालले ७ ओभरमा दुवै ओपनरसहित ३ विकेट गुमाइसकेको छ । नेपाल अहिले ७.१ ओभरमा ३ विकेट गुमाएर ४९ रन बनाएर खेलिरहेको छ । नेपालका आशिफ शेख ६ रन, सन्दीप जोरा १० रन र कुशल भुर्तेल ३१ रन बनाएर आउट भए । अहिले कुशल मल्ल र रोहित पौडेल मैदानमा रहेका छन् ।
डडेल्धुरा : जिल्लाको परशुराम नगरपालिका वडा नम्बर ४ लटेरोडा कटालस्थित वडा कार्यालयमा तोडफोड गरि चोरी गर्ने दुई जना पक्राउ परेका छन। कार्तिक १५ गते रातीको समयमा कार्यालयको मुल गेटको ताला फुटाई नगद सहित सामाग्री चोरी गर्ने परशुराम नगरपालिका ४ कटाल घर भएका २३ बर्षिय नरेन्द्र नेगि र सोही ठाँउ बस्ने बर्ष १९ को हरि थापा पक्राउ परेका हुन्। २ जनाको समुहले कार्यालयको मुल ढोकामा रहेको सिसि क्यामेरासहित गेटको ताला फुटाएर संकलीत राजश्व वाफतको १३ हजार ८ रुपैया नगदसहित कार्यालयमा जडित सिसि टीभी क्यामेरा र क्यामेरा जडित मेन बक्स सिपियु समेत चोरीएको ईलाका प्रहरी कार्यालय जोगबुडामा प्रहरी निरीक्षक गगनसिह भाटले बताए।…
काठमाडौं : टी–२० विश्वकप छनोट अन्तर्गत फाइनल खेलमा नेपालको चौथो विकेट गुमेको छ। ब्याट्सम्यान कुशल मल्ल तीन रन बनाएर आउट भएका हुन्। यसअघि कुशल भुर्तेल ३१,सन्दिप जोरा १०,आशिफ शेख ६ रन बनाएर आउट भए। त्रिवि क्रिकेट मैदान कीर्तिपुरमा उपाधिका लागि नेपालले टस जितेर ब्याटिङ रोजेको थियो। नेपालले बलियो टोली युएईमाथि ८ विकेटको सहज जित निकाल्दै फाइनलमा प्रवेश गरेको हो भने ओमानले बहराइनलाई १० विकेटले हराउँदै नेपालसँगको भेट पक्का गरेको हो। नेपाललाई समूह चरणको अन्तिम खेलमा बेहोरेको हारको बदला लिँदै उपाधि जित्ने दाउमा छ। समूह चरणको खेलमा नेपाल ओमानसँग ५ रनले पराजित भएको थियो।
काठमाडौं : टी–२० विश्वकप छनोट फाइनलमा नेपालले सुरूवाती विकेट गुमाएको छ । युएइविरूद्धको खेलमा उत्कृष्ट ब्याटिङ गरेका आसिफ शेख बिलाल खानको बलमा आउट भएका छन् । टस जितेर पहिले ब्याटिङ रोजेको नेपालले तेस्रो ओभरको चौथो बलमा विकेट गुमाएको हो । आसिफले ६ बलमा ६ रन बनाए । उनले एक छक्का हानेका थिए । १५ रनको अवस्थामा पहिलो विकेट गएपछि तेस्रो नम्बरमा सन्दीप जोरा क्रिजमा आएका छन् ।
सुर्खेत : जाजरकोट र रुकुम पश्चिम अहिले शोकमा डुबेको छ । शुक्रबार राति ११ बजेर ४७ मा जाजरकोटको रामीडाँडा केन्द्रबिन्दु भएर ६ दशमलव ४ रेक्टर स्केलको भूकम्पबाट जनधनको क्षतिहुँदा ती दुई जिल्ला शोकमा डुबेको हो । एकातिर आफन्त गुमाउँदाको पीडा छ भने अर्कातर्फ घरबारविहीन हुँदाको पीडाले पीडितलाई पिरोलिरहेको छ । प्रहरीको अद्यावधिक विवरणअनुसार भूकम्पमा परी अहिलेसम्म एक सय ५७ जनाको ज्यान गइसकेको छ भने करिब २५० भन्दा बढी घाइते अवस्थामा छन् । जाजरकोट जिल्ला सदरमुकामबाट नजिकै रहेको छेडा बजारमा न्यानो घाममा सुतिरहेका भूकम्प पीडितले भने “भूकम्पले घरमा त खासै क्षति भएन तर रातिको भूकम्पको कम्पनले अहिले पनि मुटु कापिरहेको छ…
काठमाडौं : मन्त्रिपरिषद्को आज बसेको आकस्मिक बैठकले जाजरकोट केन्द्रबिन्दु भई शुक्रबार राति गएको भूकम्पबाट घाइते भएकाहरूको सबै अस्पतालमा निःशुल्क उपचार गराउने निर्णय गरेको छ। प्रधानमन्त्री तथा मन्त्रिपरिषद्को कार्यालय सिंहदरबारमा भएको बैठकले तत्काल उद्धार गर्नुपर्ने व्यक्तिहरू लगभग सबैको उद्धार गरिएको र उपचारका लागि काठमाडौंलगायतका सबै स्थानका अस्पताललाई तयारी अवस्थामा राखिएको स्वास्थ्य तथा जनसङ्ख्यामन्त्री मोहनबहादुर बस्नेतले पत्रकारलाई जानकारी दिए। उनले गोरखा भूकम्पपछि गरिएको राहत र पुनःस्थापनाका कामको सिकाइ र कमजोरीलाई ग्रहण गरी प्रभावकारी रूपमा राहत र पुनःस्थापनाका काम सञ्चालन गर्न तथा छिमेकी एवं मित्रराष्ट्रबाट प्राप्त हुने सहयोग कुन–कुन क्षेत्रमा कसरी लिने भन्नेबारेमा थप छलफल गरी निर्णय गरिने जानकारी दिए।
जुम्ला : जुम्लामा अटो दुर्घटनामा परी दुई जनाको मृत्यु भएको छ। मृत्यु हुनेमा जिल्लाको हिमा गाउँपालिका १ देयार गाँउका अटो चालक ४५ वर्षीय पदमबहादुर शाही र सोही ठाउँका ४२ वर्षीय बली रोकाय रहेको जिल्ला प्रहरी कार्यालय जुम्लाले जनाएको छ। उक्त घटनामा अटोमा सवार ४१ वर्षीय नन्द रोकाय गम्भीर घाइते भएका छन् । उनको कर्णाली स्वास्थ्य बिज्ञान प्रतिष्ठान जुम्लामा उपचार भइरहेको छ। गए राति हिमा १ बड्कीस्थित नाग्म मुगु सडक खण्ड भएर जुम्ला बजारदेखि देयारगाउँतर्फ जाँदै गरेको भे १ ह ३१९७ नम्बर को अटो सडकबाट अन्दाजी १५० मिटर तल हिमा नदी को किनारामा खसेको थियो।
धनगढीः कैलालीको गेटामा दुर्घटनाग्रस्त मोटरसाइकल फेला परेको छ। आइतबार बिहान गेटास्थित मनहरा पुल तल दुर्घटनाग्रस्त भएको से ५प ७४७९ नम्बरको मोटरसाइकल बेवारिसे अवस्थामा फेला परेको इलाका प्रहरी कार्यालय मालाखेतीले जनाएको छ। गएराति मोटरसाइकल हुँदा चलाक घाइते भएको अनुमान प्रहरीले गरेको छ। यस सम्बन्धमा अनुसन्धान गरिरहेको मालाखेती प्रहरीले जनाएको छ।