धनगढी : कैलालीमा ३० क्वीन्टल अवैध चिनी बोकेको गाडी प्रहरीले नियन्त्रणमा लिएको छ। प्रहरीले आज (मंगलबार) दिउँसो गौरीगंगा नगरपालिकाको बडैपुरबाट भन्सार छली गरेको चिनी बोकेको सुपप्र०१–००१च३९५७ नम्बरको मालबाहक गाडी नियन्त्रणमा लिएको हो। सुदूरपश्चिम प्रदेश अनुसन्धान समूह(आरआईटी) को टोलीले उक्त गाडीमा रहेको ५० किलोका ६० बोरा चिनी र दुई बोरा बिडी बरामद गरेको हो। अवैध चिनीसहित बरामद गरिएको ट्रकको मुचुल्का गरेर आवश्यक कारवाहीका लागि इलाका प्रहरी कार्यालय मालाखेतीमा पठाइने प्रहरीले जनाएको छ।
Author: महेन्द्रनगर पोष्ट
धनगढीः सुदूरपश्चिम प्रदेशका सामाजिक विकास मन्त्री झपट साउदविरुद्ध परेको उजुरी फिर्ता भएको छ। बझाङको बुंगल नगरपालिका–१ का धनबहादुर बोहराले हिजो (सोमबार) साउदविरुद्ध उजुरी दिएका थिए। तर, आज (मंगलबार) बोहराले उजुरी फिर्ता लिएको जिल्ला प्रहरी कार्यालय कैलालीका प्रहरी नायव उपरीक्षक तथा प्रवक्ता कुलदिप चन्दले बताए। चन्दका अनुसार बोहराले हिजो आफ्नो ज्यान सुरक्षाको माग गर्दै उजुरी दिएका थिए। तर, आज विहान मन्त्री जी र मेरो कुरो मिलिसकेको छ भन्दै प्रहरीमा दर्ता भएको निवेदन फिर्ता लिएका हुन्। दुबै पक्षबिच विवाद मिलिसकेको प्रहरीले जनाएको छ। विहान मन्त्री साउद समेत प्रहरीमा पुगेका थिए। बोहराले आफूले रामारोसन गाउपालिका–६ का विरबहादुर साउदको छोरा ४३ वर्षीय झपटबहादुर साउदले…
काठमाडौं : चरित्रहत्यासम्बन्धी पहिलेको मुद्दा टुङ्गो नलाग्दै उस्तै मुद्दामा युट्युबर मनोजकुमार महतो उर्फ मनोज मानव फेरि समातिएका छन्। उनीविरुद्ध चरित्रहत्यासम्बन्धी मुद्दा काठमाडौं जिल्ला अदालतमा विचाराधीन छ। अर्की एक महिलाले आफ्नो चरित्रहत्या गरेको उजुरी दिएपछि नेपाल प्रहरीको साइबर ब्युरोको टोलीले महतोलाई मंगलबार बिहान काठमाडौंस्थित घरबाटै पक्राउ गरिएको ब्युरोका एसपी पशुपति रायले बताए। उनका अनुसार, म्याद थप गरी महतोमाथि थप अनुसन्धान गर्न प्रहरीले अदालतसँग आजै अनुमति लिने तयारी गरेको छ। ‘स्टार अनलाइन टीभी’ नामक युट्युब च्यानल चलाउँदै आएका उनले आफूलाई सामाजिक अभियन्ता भन्ने एक महिलाविरुद्ध शृङ्खलाबद्ध भिडियो बनाएका थिए। यति मात्र होइन, महतोले मध्यराति फोन गरेर अश्लील गालीगलौज गरेको अडियो महिलाले सामाजिक…
काठमाडौं : प्रधानमन्त्री पुष्पकमल दाहाल ‘प्रचण्ड’सँग बेलायती सेना प्रमुख सर प्याट्रिक स्याण्डर्सले शिष्टाचार भेटवार्ता गरेका छन्। माघ १५ गते नेपाल भ्रमणमा आएका सेना प्रमुख स्याण्डर्सले मंगलबार सिंहदरबारस्थित प्रधानमन्त्री तथा मन्त्रीपरिषद्को कार्यालयमा प्रधानमन्त्री प्रचण्डसँग भेटघाट गरेका हुन्। भेटघाटमा दुई देशको आपसी हितका सम्बन्धमा कुराकानी भएको प्रधानमन्त्री प्रचण्डका परराष्ट्र सल्लाहकार रुपक सापकोटाले बताए। दुई देशबिचको पारस्परिक हित र सहयोगका विषयमा छलफल भएको उनले बताए।
दार्चुला : दार्चुलामा भन्सार छलीको चामल र चिनी प्रहरीले बरामद गरेको छ। जिल्लाको महाकाली नगरपालिका–४ बसपार्कबाट सोमबार साँझ प्रहरीले भन्सार छलीका सामान बरामद गरेको हो। अवैध चामल र चिनी ओसारपोसार गर्ने ट्याक्टर चालक दुहुँ गाउँपालिका–१ खर्राका उपेन्द्रसिंह धामी र समानका साहु महाकाली नगरपालिका–४ का विनोद पार्कीलाई प्रहरीले नियन्त्रणमा लिएको प्रहरी निरीक्षक एवं सूचना अधिकारी ज्ञानेन्द्र सिंहले जानकारी दिए। सिंहका अनुसार ९२ कठ्ठा भारतीय अंगुरी चामल र ३ कठ्ठा चिनी बरामद गरिएको हो। ट्याक्टरमा भन्सार छली गरेर अन्दाजी १ लाख ८४ हजार बराबरको अंगुरी चामल र १० हजार ५ सय रुपैयाँ बराबरको चिनी बरामद गरि आवश्यक कारबाहीको लागि छोटी भन्सार कार्यालयलाई…
धनगढी : सुदूरपश्चिम प्रादेशिक महोत्सवमा नक्कली टिकट बिक्रि गरेको घटनामा गोदावरी नगरपालिकाका मेयर बीरेन्द्र भट्टका स्वकीय सचिव (पीए) दिलिपकुमार साउँद पनि मुछिएका छन्। साउँद अत्तरिया उद्योग वाणिज्य संघका सचिव समेत हुन्। सुदूरपश्चिम प्रादेशिक महोत्सवमा साउँद र दुर्गालक्ष्मी बहुमुखी क्याम्पसका स्ववीयु सभापति भुवन महराले टिकट व्यवस्थापनको जिम्मा पाएका थिए। तर, महोत्सवमा नक्कली टिकट ठेली फेला परेको थियो। महोत्सवमा नक्कली टिकट ठेली प्रकरणमा साउँद र महराको हात रहेको भन्दै उनीहरूविरुद्ध किटानी जाहेरी परेको हो। उनीहरुविरुद्धको किटानी जाहेरी जिल्ला प्रहरी कार्यालयका एसपी देबेन्द्रबहादुर पालको टेबुलमा पुगेपनि दर्ता नभएको हो। स्रोतका अनुसार एसपी पाललाई काँग्रेसकै नेताले किटानी जाहेरी दर्ता नगर्न दबाब दिइरहेका छन्। तर,…
बझाङ : भारतमा बझाङकी एक महिलाको मृत्यु भएको छ। बझाङकको तल्कोट गाउँपालिका–१ सुनिकोट भाडागाउँकी ३१ वर्षीया नारदा थापाको मृत्यु भएको हो। सुतेको अवस्थामा राति ग्यास लिक भएको थाहा नपाएर बिहान ग्यास खोल्दा पड्किएको हुनसक्ने प्रहरीको प्रारम्भिक अनुसन्धानबाट खुलेको छ। ग्यास पड्किएर गम्भीर घाइते भएकी उनको उपचारको क्रममा सन्जन अस्पतालमा मृत्यु भएको उनका आफन्तले बताएका छन्। घटनामा घाइते भएका मृतक थापाका छोरा ११ वर्षीय आयुश थापाको अनुहारको सर्जरी गरिएको पारिवारीक स्रोतले जनाएको छ। मृतक थापाको परिवार कामको सिलसिलामा लामो समयदेखि बैङ्लोरमा बस्दै आएका थिए।
कञ्चनपुर: जिल्ला समन्वय समिति कञ्चनपुरका प्रमुख दुर्गादत्त बोहराविरुद्ध अख्तियार दुरुपयोग अनुसन्धान आयोगमा उजुरी परेको छ। कार्यालयमा रहेका तल्लो तहका कर्मचारीहरुलाई निजी काममा प्रयोग गरेको भन्दै उनीविरुद्ध उजुरी परेको हो। उनले कार्यालय सहयोगी र चालकहरुलाई घरायसी काम र व्यवसायीक काममा प्रयोग गरेको अख्तियार दुरुपयोग अनुुसन्धान आयोगको कार्यालय टङ्गालमा परेको उजुरीमा उल्लेख छ। उजुरीको पत्रमा चालक देव महतालाई निजी कामका लागि भारत पठाउने गरेको र सरकारी सवारी साधनको नम्बर प्लेटसमेत परिर्वतन गर्ने गरेको उल्लेख छ। अख्तियार दुरुपयोग अनुसन्धान आयोगको केन्द्रीय कार्यालयले पुस ४ गते प्रशासन कार्यालय कञ्चनपुरलाई पत्राचार गर्दै आवश्यक कारबाही गर्न निर्देशन दिएको छ। अख्तियारको पत्रलाई प्रशासनले जिल्ला समन्वय समिति कञ्चनपुरलाई…
काठमाडाैं : सुदूरपश्चिमका सामाजिक विकास मन्त्री झपट साउदविरुद्ध प्रहरीकोमा उजुरी परेको छ । बझाङको बुंगल नगरपालिका-१ का धनबहादुर बोहराले उजुरी दिएका हुन्। मन्त्री साउदले ज्यान मार्ने धम्की भन्दै उनले उजुरी दिएका हुन्। मन्त्रीले केही समयअघि ऋण लगेको तर बारम्बार फिर्ता माग्दा पनि नदिने तथा उल्टै ज्यान मार्ने धम्की दिएको भन्दै बोहराले जिल्ला प्रशासन कार्यालय कैलालीमार्फत जिल्ला प्रहरी कार्यालय कैलालीमा उजुरी दिएको बताइएकाे छ। जिल्ला प्रहरी कार्यालय कैलालीका एसपी देबेन्द्र पालले उजुरी आएको पुष्टि गरे। यता मन्त्री साउदले उजुरी आएकोबारे आफूलाई जानकारी नभएको बताएका छन्। ‘मेरो कारोबार भएको छैन। मलाई उजुरी बारेमा जानकारी पनि छैन, म यो विषयमा बुझ्दैछु’ उनले भने।
काठमाडौं : राष्ट्रिय मानव अधिकार आयोगले मानव अधिकार उल्लंघन गर्नेहरूको नामावली सार्वजनिक गरेको छ। आर्थिक वर्ष २०७९/८० र चालू आवमा गरिएका कामकारबाहीको संक्षिप्त जानकारी गराउँदै आयोगले उनीहरूको नाम सार्वजनिक गरेको हो। यी हुन् मानव अधिकार उल्लंघनमा कारबाहीको सिफारिसमा परेकाहरु नेपाल प्रहरी (१) प्रउ योगेश्वर रोमखामी(२) प्रउ रामकुमार खनाल(३) प्रउ नारायणकुमार आचार्य(४) प्रउ उमाप्रसाद चर्तुवेदी(५) प्रनाउ कामाख्या नारायण सिंह(६) प्रनाउ नारायणप्रसाद चिमोरिया(७) प्रनाउ टेकुनन्द इवा लिम्बु(८) प्रनाउ हनुमान शाह(९) प्रनि गोविन्दप्रसाद साह(१०) प्रनि महेन्द्र दर्नाल(११) प्रनि दीपेन्द्र श्रेष्ठ(१२) प्रनि दुर्गालाल चौधरी(१३) प्रनि कमलप्रसाद गिरी(१४) प्रसनि नवराज दाहाल(१५) प्रसनि ऋषि खनाल(१६) प्रसनि राजनप्रसाद नेपाल(१७) प्रसनि खड्गबहादुर कार्की(१८) प्रसनि दिनेश अधिकारी(१९) प्रसनि महाविर…