Author: महेन्द्रनगर पोष्ट

कञ्चनपुर – शुक्लाफाँटा नगरपालिका–२ ढकनियाँमा छ करोड ८० हजारको लागतमा खानेपानी आयोजना निर्माण गरिएको छ । उक्त आयोजना निर्माण भएपछि सो वडाका पाँच सय १० परिवार लाभान्वित भएका छन् । सङ्घीय सरकार र नगरपालिकाको ५०/५० प्रतिशत लागतमा खानेपानी आयोजना निर्माण गरिएको हो । नगरपालिकाको पूर्वाधार विकास तथा व्यवस्थापन शाखाका प्रमुख दीपक धामीका अनुसार उक्त आयोजनाअन्तरगत बोरिङ ड्रिल, दुई सय २५ घन मिटरको ट्याङ्की, पाँच सय १० परिवारको घरमा धारा जडान, २२ किलोमिटर पाइपलाइन विच्छ्याउनेलगायत कार्य पूरा भएको छ । उक्त खानेपानी आयोजना निर्माण गर्न ‘उच्चकोटी ड्रिलिङ एण्ड कन्स्ट्रक्सन कम्पनी’सँग २०८० वैशाखमा सम्झौता भएको हो । सम्झौता अनुसार २०८१ फागुनसम्म सो…

Read More

बझाङ – जिल्लाको केदारस्युँ गाउँपालिका–९ झोतामा रहेको ‘सुलभ क्लिनिक’ दर्ता विना २७ वर्षदेखि सञ्चालनमा रहेको पाइएको छ। क्लिनिकमा किराना सामानदेखि अत्यधिक मात्रामा औषधि भण्डारण गरिएको भेटिएपछि जिल्ला प्रशासन कार्यालय बझाङले क्लिनिक शील गरेको छ । सहायक प्रमुख जिल्ला अधिकारी सत्य कुमारी जोशीको नेतृत्वमा गरिएको संयुक्त अनुगमनका क्रममा क्लिनिकले प्राविधिक मापदण्डको पालना नगरेको, औषधि व्यवस्था विभागमा दर्ता नगरी सञ्चालन गरिएको र फार्मेसी सञ्चालन अनुमति नलिएको पाइएको थियो । अनुगमन टोलीले क्लिनिकमा फार्मासिष्ट नहुने, डेन्टल र आयुर्वेदिक सामग्रीहरू अव्यवस्थित रूपमा राखिएको, साथै किराना सामानसमेत बिक्री भइरहेको पाएको छ। यस्ता गम्भीर अनियमितता भेटिएपछि क्लिनिक तत्कालका लागि बन्द गरी शील गरिएको हो । सहायक प्रमुख…

Read More

अछाम – अछामको कमलबजार विमानस्थलमा तारा एयरलाइन्सले पहिलोपटक व्यावसायिक उडान भरेको छ । आइतबार एक औपचारिक कार्यक्रमबीच तारा एयरलाइन्सले व्यावसायिक सेवा सञ्चालन गर्दै विमानस्थलमा पहिलो उडान सम्पन्न गरेको हो । संस्कृति, पर्यटन तथा नागरिक उड्डयन राज्य मन्त्री अरुणकुमार चौधरीले विमानस्थलको पहिलो व्यावसायिक उडानको उद्घाटन गरेका थिए । कार्यक्रममा मन्त्री चौधरीले विमानस्थलको कालोपत्रे तथा नियमित उडान सुनिश्चित गर्न सरकार प्रतिबद्ध रहेको बताए । उनले तारा एयरलाइन्सको व्यावसायिक उडानले अछामको पर्यटन क्षेत्रको विकासमा टेवा पुग्ने विश्वास व्यक्त गरे। तारा एयरलाइन्सले काठमाडौँ–नेपालगन्ज–कमलबजार कनेक्टिङ फ्लाइटमार्फत सेवा सुरु गरेको नेपाल नागरिक उड्डयन प्राधिकरणका कर्मचारी कृष्ण कुमार शाहले जानकारी दिए । यसअघि फागुन २५ गतेदेखि नियमित…

Read More

काठमाडौं – पूर्व प्रहरी महानिरीक्षक (आईजिपी) वसन्त कुँवर शिक्षिका पत्नी लक्ष्मी पराजुलीका कारण पुनः विवादमा तानिएका छन्। अख्तियार दुरुपयोग अनुसन्धान आयोगमा पराजुलीको सरुवा र काज सरुवासम्बन्धी उजुरी परेपछि आयोगले छानबिन प्रक्रिया थालेको हो। लक्ष्मी पराजुली अर्घाखाँची स्थायी घर भएकी प्रावि शिक्षिका हुन्। उनको स्थायी दरबन्दी पनि त्यहीँको विद्यालयमा थियो। तर चार वर्षअघि माओवादी निकट शिक्षक संगठनसँग आबद्ध रहेकी पराजुलीलाई तत्कालीन माओवादी नेता तथा मन्त्री टोपबहादुर रायमाझीको सिफारिसमा काठमाडौं महानगरपालिका–४ मा पर्ने पञ्चकन्या प्राविमा सरुवा गरिएको थियो। सरुवापछि वडा अध्यक्ष दिनेश महर्जनको सिफारिसमा उनलाई दरबन्दी नै नभएको प्रहरी प्रधान कार्यालय, नक्सालमा काज सरुवा गराइएको थियो। उनी काजमा बसेको बेला पञ्चकन्यामा महानगरपालिकाले…

Read More

दार्चुला,— भारतद्वारा दार्चुला सदरमुकाम खलङ्गाको नेपाली भूमिमा तटबन्ध निर्माण गरिनु फेरि एकपटक सीमा सुरक्षासम्बन्धी गम्भीर प्रश्न उठाउँदैछ । महाकाली नदीको धार परिवर्तनपछि भारतले कब्जा जमाउँदै नेपालकै भूमिमा निर्माण कार्य तीव्र पारेको स्थानीयको आरोप छ । २०७० सालको बाढीपछि महाकाली नदीले पुरानो धार परिवर्तन गरेर नेपाली भूमि पारी पुर्‍याएपछि त्यही भूभागमा भारतले योजनाबद्ध रूपमा बाँध बनाउँदै आएको पाइएको छ । विगतमा बसपार्क र सरकारी कार्यालय रहेको गल्फै क्षेत्र अहिले भारतले अतिक्रमण गरिरहेको भूभाग हो, जहाँ हाल पाँच वटा डोजर प्रयोग गरी तटबन्ध निर्माण भइरहेको छ । “नदीको बहाव परिवर्तनले भूगोल फेरिएको हो, सिमा होइन,” अधिकारकर्मी कमलराज जोशी भन्छन्, “तर भारतले अहिले…

Read More

कञ्चनपुर- कञ्चनपुरमा खोलामा डुबेर एक बालकको मत्यु भएको छ। जिल्लाको लालझाडी गाउँपालिका–ढक्का चानदेउ स्थित हरीश बिकको अन्दाजी ११ वर्षीय छोरा सिद्धार्थ बिककोे शनिवार मृत्यु भएको जिल्ला प्रहरी कार्यालय कञ्चनपुरले जनाएको छ। मछेली खोलामा साथिहरूसित पौडी खेल्न गएका उनको डुबेर मृत्यु भएको जनाएको छ।

Read More

बैतडी–स्कुल बसको ढोकाबाट खसेर बैतडीमा एक जना शिक्षकको मृत्यु भएको छ । जिल्लाको दोगडाकेदार गाउँपालिका–४ कपिन्ना घर भएका २८ वर्षीय विष्णुदत्त भट्टको बसको ढोकाबाट खसेर शनिबार साँझ मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बल्देव बडूले बताए । दार्चुलाको शैल्यशिखर नगरपालिका वडा नम्बर ९ गोकुलेश्वरमा रहेको चौलानी बोर्डिङ स्कुलमा कार्यरत भट्ट बसको ढोकाबाट खसेर गम्भीर घाइते भएका थिए । उनलाई तत्कालै उपचारका लागि गोकुलेश्वर अस्पताल पुर्याएको र उपचारका क्रममा उनको शनिबार साँझ सवा ६ बजेतिर मृत्यु भएको प्रहरी निरीक्षक बडूले बताए । विद्यालय भर्ना अभियानका लागि गोकुलेश्वरबाट पञ्ज्युनयाँतर्फ आइरहेको सुपप्र०४–००१क ००८ नम्बरको बसको ढोकाबाट डिलाशैनी गाउँपालिका–६ बांगाबगर भन्ने…

Read More

अछाम – नेकपा एमालेको अछाम जिल्ला कमिटीको अधिवेशन नजिकिदै गर्दा पार्टी छोड्ने लहर चलेको छ। सुदूरपश्चिम प्रदेश कमिटीका लेखा समिति सदस्य बालागिरी कुँवरसहित ७१ जना सदस्यले आइतबार एमाले परित्याग गरेका छन्। उनीहरुले डा. भीमबहादुर रावलद्वारा सञ्चालित ‘मातृभूमि जागरण अभियान’मा सहभागी हुने निर्णय गरेका छन्। पार्टी परित्याग गर्ने सदस्यहरुले जारी गरेको विज्ञप्तिमा, एमालेका अध्यक्ष केपी शर्मा ओलीको नेतृत्वमा पार्टीको गुटीय राजनीति, कार्यशैली, आन्तरिक लोकतन्त्रको समाप्ति, जनवादको अन्त्य र निरंकुशता बढेको भन्दै पार्टीबाट बाहिरिने कारण बताएका छन्। उनीहरुले आरोप लगाएका छन् कि पार्टीमा भ्रष्टाचार, ठूला व्यवसायी र सरकारी ठेक्कापट्टासँगको जडान, आर्थिक घोटाला र सर्वहारा वर्गको पक्षमा आवाज उठाउने कार्यको कमी बढेको छ।…

Read More

हेमन्त रेग्मी, आजकल नेपाली युवाहरूको एक प्रमुख गन्तव्य बनेको छ—जापान। उच्च शिक्षा, रोजगारीका अवसर र सुरक्षित भविष्यको खोजीमा धेरै विद्यार्थीहरू जापानको बाटो समाउँदै छन्। जापान सरकारले पनि अन्तर्राष्ट्रिय विद्यार्थीहरूलाई स्वागत गर्ने नीतिहरू अपनाउँदै आएको छ। तर, यथार्थ के हो भने—सपना बोकेर जापान टेक्ने अधिकांश नेपाली विद्यार्थीहरू भाषा नजानेकै कारणबाट दुःख, पीडा र संघर्षको अँध्यारो सुरुङभित्र हराइरहेका छन्। नेपालबाट जापान जानु भनेको केवल हवाइजहाज चढेर अर्को मुलुक टेक्नु मात्र होइन—यो संस्कृतिको फेरबदल, सोचाइको रुपान्तरण, र सबैभन्दा प्रमुख रूपमा भाषाको नयाँ संसारमा प्रवेश गर्नु हो। धेरैजसो नेपाली विद्यार्थीहरू जापान जाने प्रक्रिया सुरु गर्दा जापानी भाषा (Nihongo) सिक्न ‘फर्मालिटी’ जस्तै ठान्छन्। त्यहाँ गएर…

Read More

धनगढी: कैलालीको घोडाघोडी नगरपालिका वडा नम्बर ९ का निवर्तमान वडाध्यक्ष कृष्णबहादुर शाहको मृत्यु भएको छ। बिहीबार दिउँसो दिउँसो करिब १ बजे घोडाघोडी नगरपालिका ९ को सिमली खोला नजिकै गम्भीर अवस्थामा उनी फेला परेका थिए। सल्फास नामक विषादीको खाली डब्बा र एउटा डायरी सँगै रहेको अवस्थामा प्रहरीले उनलाई फेला पारेको थियो। घरबाट करिब ९ः३० बजे निस्किएका शाहले केही व्यक्तिलाई ‘अब यो संसारमा म रहन्न’ भनेका थिए। ती व्यक्तिले नै प्रहरीलाई उनी जङ्गलतर्फ लागेको सूचना दिए। सोही सूचनाको आधारमा इलाका प्रहरी कार्यालय सुखडको टोली त्यसतर्फ गएको थियो। ‘सूचना पाएलगत्तै हामी त्यहाँ लाग्यौँ,’ इलाका प्रहरी कार्यालय सुखडका प्रमुख प्रहरी निरीक्षक दीर्घबहादुर साउँदले भने,…

Read More