काठमाडौं : नेपाली कांग्रेसका महामन्त्री गगन थापाले नेपालमा टिकटक बन्द गर्ने निर्णय गरेर सरकार उल्टो बाटोमा हिँडेको टिप्पणी गरेका छन्। आज सोमवार बसेको मन्त्रिपरिषद्को बैठकले नेपालमा टिकटक बन्द गर्ने निर्णय गरेपछि महामन्त्री थापाले सामाजिक सञ्जालमा ललेखेका छन्, ‘सामाजिक सञ्जालको दुरुपयोग गर्नेलाई निरुत्साहित गर्न नियमन आवश्यक छ तर सामाजिक सञ्जाललाई नियमन गर्ने नाममा बन्द गरिनु सरासर गलत हो। यो एउटा सामाजिक सञ्जाल बन्द गर्नेरनगर्नेभन्दा पनि यो सरकारको नियतको विषय हो।’ महामन्त्री थापाले सरकारको नियत अभिव्यक्ति तथा वैयक्तिक स्वतन्त्रतालाई कुण्ठित गर्ने देखिएको भन्दै यो कदम सच्चाउनुपर्ने बताएका छन्।
Author: महेन्द्रनगर पोष्ट
काठमाडौं : नेपाली कांग्रेसका महामन्त्री विश्वप्रकास शर्माले टिकटक बन्द गर्ने निर्णय तत्काल फिर्ता लिन सरकारलाई आग्रह गरेका छन्। सामाजिक सञ्जालमा द्वेष फैलाउनेलाई पहिचान गर्न आग्रह गर्दै महामन्त्री शर्माले टिकटक बन्द गर्ने सोच अलोकतान्त्रिक भएको बताएका हुन्। उनले लेखेका छन्, ‘सरकार स्पष्ट होस्, राज्यले स्वच्छन्दता नियन्त्रण गर्ने हो, स्वतन्त्रता नियन्त्रण गर्ने होइन। सामाजिक(धार्मिक सहिष्णुताको रक्षा समाजको आत्मानुशासन र सरकारको सुशासनले हुने हो। सामाजिक सञ्जाललाई आत्मानुशासनमा कसरी ल्याउने भन्नेबारेमा खुला छलफल गरौँ, तार्किक निष्कर्ष पहिल्याऔँ र पालना गरौँ। टिकटक बन्दको निर्णय अविलम्ब फिर्ता गर।’ महामन्त्री शर्माले गर्धनमा पिलो आयो भने गर्धन नै काट्ने कि जोखिमरहित उपचार खोज्ने भनेर प्रधानमन्त्रीलाई प्रश्न पनि गरेका…
राष्ट्रिय स्वतन्त्र पार्टीका सभापति रवि लामिछानेले सामाजिक सञ्जाललाई नियमन गर्नुपर्ने बताएका छन्। सोमवार सरकारले टिकटक बन्द गर्ने निर्णय गरेलगतै उनले सामाजिक सञ्जाललाई बन्द गर्नुकाे साटो नियमन गर्नुपर्ने बताएका हुन्। ‘सामाजिक सञ्जाललाई नियमन गर्ने हो, बन्द गर्ने होइन। समस्या कन्टेन्टको हो, प्लेटफर्मको होइन। अराजकता अभिव्यक्तिमा होला, माध्यमको के दोष? टिकटकका कयौं युजर र कन्टेन्ट खराब छन् तर सबै युजर र कन्टेन्ट खराब छैनन्। प्राविधिक रुपमा खराब लाई कन्ट्रोल गर्न सकिन्छ।’ उनले लेखेका छन्। ‘टिकटकमा हालेको भिडियो रिलमा हाल्न मिल्छ, इन्स्टामा हाल्न मिल्छ, फेसबूकमा हाल्न मिल्छ। के सबै प्लेटफर्म बन्द गर्दै जाने हो त? यो निर्णय गर्ने सत्ताधारी दल कै कयौं नेताहरू…
काठमाडौं : टिकटक बन्द गर्ने मन्त्रिपरिषद्को निर्णय आजैबाट कार्यान्वयन गर्ने गरी तयारी शुरू भएको छ। टिकटकमाथि प्रतिबन्धको निर्णय भएपछि सञ्चार मन्त्रालय र दूरसञ्चार प्राधिकरण त्यसको तयारीमा जुटिसकेको सरकारकी प्रवक्ता एवं सञ्चार तथा सूचना प्रविधि मन्त्री रेखा शर्माले बताइन्। बैठकपछि मन्त्री शर्माले नै टिकटक बन्द गर्ने निर्णयसम्बन्धी जानकारी दिएकी थिइन्। निर्णय सकेसम्म आजैबाट कार्यान्वयनमा आउने मन्त्री शर्माले बताइन्। ‘आजैबाट बन्द गर्ने भन्ने निर्णय भएको छ। प्राविधिकरूपमा साथीहरू लागिसक्नुभएको छ,’ मन्त्री शर्माले भनिन्, ‘यसमा आईएसपीहरूको पनि सहयोग चाहिन्छ । त्यसका लागि सञ्चार मन्त्रालय र दूरसञ्चार प्राधिकरण तयारीमा गइसकेको छ।’
कैलाली : जिल्ला प्रशासन कार्यालय कैलालीले चाडपर्व मनाउँदा समाजको संस्कृति, परम्परा, मर्यादा र अनुसाशन विपरीत शान्तिसुरक्षा प्रभावित हुने गरी अवाञ्छित गतिविधि नगर्न/नगराउन आग्रह गरेको छ। सो कार्यालयद्वारा जारी सार्वजनिक सूचनामा चाडपर्व मनाउँदा पटाका, अतसबाजी जस्ता प्रज्वलनशील एवं विस्फोटक पदार्थको उत्पादन, ओसारपसार, बिक्री वितरण तथा प्रयोग नगर्न/नगराउन, मादक पदार्थ सेवन गरी पर्वको समयमा सार्वजनिक स्थलमा होहल्ला झैझगडा गरी शान्तिसुरक्षालाई असर पार्ने गतिविधि नगर्न र देउसी, भैलो राति ९बजेसम्म मात्र खेल्न तथा यस्ता कार्यक्रम गर्दा सार्वजनिक यातायात र जनजीवनलाई असर पर्ने गतिविधि नगर्न/नगराउनसमेत आग्रह गरिएको छ ।
काठमाडौं : नेपाल सरकारले सामाजिक सञ्जल टिकटक बन्द गर्ने निर्णय गरेको छ । आज बसेको मन्त्रिपरिषद बैठकले टिकटक बन्द गर्ने निर्णय गरेको सरकारको प्रवक्ता एवम् सञ्चार तथा सूचना प्रविधि मन्त्री रेखा शर्माले जानकारी दिइन् । टिकटकबाट सामाजिक सद्भाव विगार्ने काम गरेकाले त्यसलाई बन्द गर्ने निर्णय गरिएको हो । मन्त्री शर्माका अनुसार टिकटक बन्द गर्ने निर्णय तत्काल कार्यान्वयनमा जानेछ, त्यसका लागि कुनै डेडलाइन तोकिएको छैन । ‘टिकटक बन्द गर्ने निर्णय कार्यान्वयनमा जान प्राविधिक रुपमा केही समय लाग्ला तर तत्काल बन्द गर्ने निर्णय भएको छ,’ मन्त्री शर्माले भनिन्, ‘त्यस सम्बन्धी आवश्यक व्यवस्था सञ्चार मन्त्रालयले मिलाउने छ ।’
डडेल्धुरा : डडेल्धुरामा युवाहरूले दिदीबहिनी र फुपूका लागि नि:शुल्क बाइक सेवा सुरु गरेका छन्। युवा रमेश भट्ट र प्रकाश जोशीले नि:शुल्क बाइक सेवा सुरु गरेका हुन्। तिहारमा टाढाबाट भाईटिकामा माइतीघर जानका लागि डडेल्धुरा सदरमुकामबाट माइतीघरसम्म यातायात असुबिधा भएका दिदीबहिनी र फुपूलाई ५ किलोमिटर दूरीसम्म सेवा दिने भट्टले बताए। उनकाअनुसार सेवा कार्तिक २७ देखि २९ गतेसम्म रहनेछ। रमेश भट्टको मोबाइल ९८४८७३७९२१ र प्रकाश जोशीको मोबाइल ९८४८७१७८७९ मा फोन गरेर सेवा लिन सकिनेछ।
दार्चुला : दार्चुलामा खलंगाको सिमा पुलको खुल्ने समय एक घण्टा छोट्याइएको छ। भारतसँग सीमा जोडिएको महाकाली नगरपालिका –४ खलंगास्थित झोलुङ्गे पुल खुल्ने समय हेरफेर गरिएको हो। आजदेखि विहान ६ बजे खुलेर साँझ ६ बजे बन्द हुने दार्चुलाका प्रमुख जिल्ला अधिकारी किरण जोशीले जानकारी दिइन्। यसअघि बिहान ६ बजे खुलेर वेलुकी ७ बजे बन्द हुँदै आएको सीमा पुल अब एक घण्टा छिटो बन्द हुने उनको भनाइ छ। उनकाअनुसार दिनहरु छोटा भएकाले पुल खुल्ने समय पनि एक घण्टा छोट्याइएको हो। ग्रीष्मकालिन समयमा यो नाका बिहान ६ बजे खुल्ने र साँझ ७ बजे बन्द हुने गरेको छ। शीतकालिन समयमा छिटै अध्याँरो हुने भएकाले…
हेटौंडा : हेटौँडा उपमहागनरपालिका-११ राप्ती पुलनजिक आइतबार राति मोटरसाइकल दुर्घटना हुँदा एक युवककाे मृत्यु भएको छ । मृत्यु हुनेमा मोटरसाइकल चालक हेटौँडा उपमहानगरपालिका – ४ कमलडाँडा बस्ने २२ वर्षीय महेन थापा मगर रहेको जिल्ला प्रहरी कार्यालय मकवापनुरका प्रहरी नायब उपरीक्षक लक्ष्मी भण्डारीले जानकारी दिए । थापाले चलाएकाे माेटरसाइकलमा दुई युवती सवार थिए । दुई जना युवती घाइते भएका छन् । पूर्वपश्चिम राजमार्ग अन्तर्गत हेटौँडा बजारबाट थानाभर्याङतर्फ जाँदै गरको ना ६५प ७०५५ नम्बरको मोटरसाइकल तीव्र गतिमा रहेकाले आफैँ अनियन्त्रित भएर दुर्घटना भएकाे प्रहरीले जनाएकाे छ । मगरको हेटौँडा अस्पतालमा उपचारको क्रममा ११ बजेर ५ मिनेटमा मृत्यु भएको डीएसपी भण्डारीले जानकारी दिए ।…
मोरङ: मोरङको उर्लाबारीमा गएराति भएको आगलागीमा २८ जना घाइते भएका छन्। घाइते भएकामध्ये केहीको अवस्था गम्भीर छ। घाइते हुनेहरुमा चार जना प्रहरी पनि रहेका जिल्ला प्रहरी कार्यालय मोरङका डीएसपी रञ्जन दाहालले जानकारी दिए। स्थानीय दीपक कार्कीको घरमा रहेको सुन पसलमा आगलागी भएको हो। घाइतेहरुको विराटनगर र बिर्तामोडका विभिन्न अस्पतालमा उपचार भइरहेको छ। लक्ष्मी पूजा गर्दा सल्किएको आगो निभाउन जाने क्रममा प्रहरी समेत घाइते भएका हुन्। आगलागी नियन्त्रणमा आएको र अरु विस्तृत विवरण सङ्कलनको काम भइरहेको डीएसपी दाहालले जानकारी दिए।