धनगढीः ५५ वर्षीय कमलप्रसाद तिमिल्सेना नेकपा (एमाले) सुदूरपश्चिम कमिटीको उपाध्यक्ष हुन्। २०४४ सालदेखि अनेरास्ववियु, तत्कालिन प्रजातान्त्रिक युवा संघको केन्द्रीय सचिवालय, एमालेको जिल्ला कमिटी सदस्य (२०४७), २०६६ मा एमालेको जिल्ला अध्यक्ष, अञ्चल कमिटी सदस्य हुँदै तिमिल्सेना अहिले प्रदेश कमिटीका उपाध्यक्ष छन्। तिमिल्सेनाले आफू प्रदेश कमिटीको बहालवाला उपाध्यक्ष भएकोले अध्यक्षको स्वभाविकरुपमा दावेदार भएको बताएका छन्। प्रस्तुत छ नेता तिमिल्सेनासँग असोज २१ र २२ गते हुने प्रदेश अधिवेशनका सन्दर्भमा गरिएको कुराकानीको सारसंक्षेप। तपाई एमालेको पहिलो प्रदेश अधिवेशनको अध्यक्षको उम्मेदवार हुने चर्चा छ ? के के छन् तपाईका ऐजेण्डा ? म उपाध्यक्ष भएर प्रदेशको कामको अनुभव समेत सम्हालिसकेकोले स्वभाविकरुपमा प्रदेश अध्यक्षको दावेदार हो। पार्टीलाई…
Author: महेन्द्रनगर पोष्ट
जीवन बिष्ट, धनगढीः धनगढीमा रहेको कृषि सामाग्री कम्पनी लिमिटेडको सटरमा व्यवसाय सञ्चालन गरिरहेका व्यापारीहरूले लामो समयदेखि भाडा रकम बुझाएका छैनन्। कम्पनीको प्रादेशिक कार्यालय रहेको भवनका १७ सटरबाट १ करोड ५४ लाख ८८ हजार १ सय ७२ रुपैयाँ उठाउन बाँकी छ। भाडा बुझाउन पटक–पटक ताकेता गर्दा पनि व्यापारीहरूले रकम नबुझाएको प्रादेशिक कार्यालय धनगढी प्रमुख नवलसिंह बोगटीले जानकारी दिए। ‘भाडा तिर्न आग्रह गर्दा गर्दै हामी हैरान भइसकेका छौँ। उहाँहरूको सजिलोको लागी हामीले बैैंकिङ र नगद दुवै भुक्तानीको व्यवस्था मिलाएको छौँ। एकै पटक तिर्न गाह्रो भए रकम घटाउँदै जानुस् समेत भनेका थियौँ तर उहाँहरूले बेवास्ता गरिरहनू भएको छ,’कार्यालय प्रमुख बोगटीले भने। सटर भाडा…
काठमाडौं : रिगल भनिने योगराज ढकालको कैद मिनाहविरुद्ध अनसन थालेकी भारती मानन्धर सर्वोच्च अदालत परिसरमै ढलेकी छन् । कैद मिनाह गर्ने राष्ट्रपतिको निर्णयविरुद्ध दिएको रिटको तारेख लिन उनी सर्वोच्च पुगेकी थिइन् । तारेख बुझेर फर्किने क्रममा उनी अदालत परिसरमै ढलेकी हुन् । उनलाई प्रहरीले उठाएर केहीबेर बेञ्चमा राखेपछि अस्पताल पठाएको छ । श्रीमान चेतन मानन्धरको हत्यामा दोषी ठहर भएका रिगलको कैद मिनाह भएपछि उनी न्याय माग्दै काठमाडौं आएकी छिन् । उनले बुधबारदेखि माइतीघर मण्डलामा दुई घन्टे रिले अनसन समेत थालेकी छिन् ।
धनगढीः सरकारले कैलालीमा सहिद दशरथ चन्द राष्ट्रिय स्वास्थ्य विज्ञान विश्वविद्यालय सञ्चालनका लागि विधेयक अघि बढाएको छ । मंगलबार बसेको मन्त्रिपरिषद् बैठकले स्वास्थ्य क्षेत्रको अध्ययन–अनुसन्धानलगायत उद्देश्य समेटिएको करिब ६ सय शय्याको स्वास्थ्य विज्ञान विश्वविद्यालयसम्बन्धी विधेयक स्वीकृत गरेका हो। विधेयक अब संसद्मा पेस हुन बाटो खुलेको छ । कानुन बनेपछि विश्वविद्यालय सञ्चालनमा आउनेछ । यसअघि गेटा मेडिकल कलेज बनाउने भनिए पनि सरकारले ०७९ माघमा स्वास्थ्य विज्ञान विश्वविद्यालय बनाउने निर्णय गरेको थियो । त्यसका लागि गेटामा पाँच अर्ब लागतमा अस्पताल, कलेज, प्रशासनिक र होस्टेलका लागि २७ वटा भवनको निर्माण सम्पन्न भइसकेको छ । कानुनी बाटो तयार भइसकेपछि सुदूरपश्चिममै पहिलोपटक विश्वविद्यालय सञ्चालनमा ल्याइनेछ । यस किसिमको विश्वविद्यालय सञ्चालनका लागि ०५६…
काठमाडौंः बाढीले सेनाका केही सवारीसाधन पनि बगाएको छ भने सिक्किमलाई पश्चिम बंगालसँग जोड्ने मेल्लीमा अवस्थित हाइवेको केही भागसमेत डुबेको छ। सिक्किमको राजधानी गान्तोकबाट करिब ३० किलोमिटर टाढा रहेको सिङ्ताम सहरको इन्द्रेणी पुल पनि बाढीले बगाएको छ। बाढीले बगाएको सेनाका गाडी सिङ्ताम नजिकै रहेको बर्दाङमा पार्किङमा रहेको बताइएको छ। सिङ्ताङमा क्लाउड ब्रस्ट भएसँगै बाढीको चेतावनी जारी गरिएको छ। कुनै क्षेत्रमा करिब एक घण्टामा १०० मिलिमिटरभन्दा बढी पानी परेको अवस्थालाई क्लाउड ब्रस्ट भनिन्छ र बाढी आउँछ।
धनगढी: कञ्चनपुरमा नेपालपारि भारतबाट आएका एक नागरिकलाई नेपाली नै प्रमाणित गरेको पाइएको छ। जिल्लाको पुनर्वास नगरपालिका-८ को कार्यालयले यस्तो गरेको पाइएको हो। स्रोतका अनुसार वडाध्यक्षले कानुनविपरीत पारिका भारतीय नागरिकलाई नेपालमै जन्मिएको प्रमाणित गरिदिएका हुन्। ३ मार्च २०२३ मा पुनर्वास ८ का वडाध्यक्ष राना श्रवणले भारतीय नागरिक बालमुर्गन किटप्पालाई नेपालको अस्थायी बासिन्दा भन्दै ३ अप्रिल १९८० मा पुनर्वास नगरपालिका-८ मै जन्मिएको प्रमाणित गरेका हुन्। बालमुर्गन भारतको मदुराईका स्थायी बासिन्दा रहेको बताइन्छ। उनको भारतीय आधारकार्ड पनि रहेको भेटिएको छ। भर्ना नम्वर ००१३–७९००६–०००१६ मा बालमुर्गनको भारतीय आधार कार्डको ८७२३२१६९१५२८ नम्बर देख्न सकिन्छ। बालमुर्गन नागर्जुन र बिमलाको छोरा भएकोसमेत सो अभिलेखमा उल्लेख्य गरिएको छ।…
कैलाली : मंगलबार दिउँसो बझाङको तलकोट केन्द्र बनाएर गएको भुकम्पबाट प्रभावित भएकाहरुलाई सुदूरपश्चिम प्रदेश सरकारले क्षतिपूर्ति र राहतको व्यवस्था गर्ने भएको छ । आज मुख्यमन्त्री तथा मन्त्री परिषद् कार्यालयमा बसेको सरोकारवालाहरुको बैठकमा सरकारले खाद्यान्न, उपचारदेखि क्षतिपूर्ति सम्मको व्यवस्था गर्ने जनाएको हो । भूकम्प पीडितलाई खाद्यान्न उपलब्ध गराउने र क्षतिपूर्ति दिने र सम्पुर्ण उपचार खर्च सरकारले व्यहोर्ने निर्णय भएको उद्योग पर्यटन तथा तथा वातावरण मन्त्री रमेश धामीले बताए । भुकम्पले पुर्याको क्षतीको निषयमा सुदूरपश्चिमप्रदेश मुख्यमन्त्री तथा मन्त्री परिषद्को कार्यालयमा मुख्यमन्त्री, मन्त्रीसहित सुरुक्षाकर्मी, रेडक्रस, युएन एजेन्सी सहितको बैठक बसेको हो । बैठकमा सभामुख भिम भण्डारी पनि उपस्थित थिए ।
धनगढी: नेकपा (माओवादी केन्द्र)का सचिव तथा सुदूरपश्चिम प्रदेशका कमाण्डर (इन्चार्ज) डिलाराम आचार्य बिरामी भएका छन्। बुधबार बिहान पार्टीको तीन महिने अभियानका लागि अछामको साँफेबगर पुगेका उनी एक्कासी अस्वस्थ भएका हुन्। माओवादी नेता खगराज भट्टका अनुसार प्युठानका आचार्यलाई अहिले अस्वस्थ भएपछि उपचारका लागि लगिएको छ। ‘अछामको साँफेबगरको एउटा होटलमा बसिरहँदा उहाँको एक्कासि बोली बन्द भयो। शरीरको एक भाग चलाउन गाह्रो भयो,’ भट्टले भने, ‘त्यसपछि हामीले उहाँलाई बयलपाटा अस्पताल पुर्यायौं। त्यहाँ उपचार सम्भव नभएपछि नेपालगञ्ज मेडिकल कलेजमा देखायौं। अहिले काठमाडौं लैजाने तयारी भइरहेको छ।’ उनलाई नेपाली सेनाको हेलिकप्टरबाट नेपालगञ्ज लगिएको थियो। अहिले त्यहाँबाट पनि उनलाई जहाजबाट काठमाडौं लगिदै छ।
डोटी: नेकपा एकीकृत समाजवादीका जिल्ला उपसचिव भक्तबहादुर साउँदसहित बडीकेदार गाउँपालिकाबाट १४ नेता नेकपा एमालेमा फर्किएका छन्। हाल विदेशमा रहेका उपसचिव साउँदले सामाजिक सञ्जालमा लामो स्टाटस लेख्दै आफू एमालेमै फर्किएको घोषणा गरेका हुन्। उनले नेकपा एस दक्षिणपन्थीको टेको बन्दै चरम पुँजीवादको भाषमा फसेको, राष्ट्रियता कमजोर पार्दै विदेशीको दलाल भएको आरोप लगाएका छन्। साउँद गत स्थानीय तहको निर्वाचनमा माओवादी-एस गठबन्धनबाट बडीकेदार गाउँपालिकाको अध्यक्ष पदका उम्मेदवार बनेका थिए। साउँदसँगै एमाले प्रवेश गर्नेहरुमा जिल्ला कमिटी सदस्य शारदा कठायत, गाउँ कमिटी अध्यक्ष लाल व मन्नी, गाउँ कमिटी सदस्यहरु, वडा कमिटी अध्यक्षहरु रहेको नेकपा एमाले बडीकेदार गाउँ कमिटीका अध्यक्ष प्रकाश धामीले जानकारी दिए।
दार्चुला: दार्चुलामा ४ किलो एक सय ग्राम चरेससहित दुई जना पक्राउ परेका छन्। बुधबार बिहान शैल्यशिखर नगरपालिका–३ कर्कलेबाट चरेससहित उनीहरूलाई नियन्त्रणमा लिएको प्रहरीले जनाएको छ । पक्राउ पर्नेहरुमा मार्मा गाउँपालिका–१ घोल्जरका २८ वर्षीय विर्खसिंह ठगुन्ना र सोही ठाउँका २० वर्षीय सहदेव ठगुन्ना रहेको जिल्ला प्रहरी कार्यालय दार्चुलाले जनाएको छ। इलाका प्रहरी कार्यालय गोकुलेश्वरका ईन्चार्ज मानसिंह ऐरी नेतृत्वको प्रहरी टोलीले मार्माबाट शैल्यशिखरतर्फ आइरहेको अवस्थामा चेकजाँच गर्दा नापतौल गर्ने तराजु ढकसहित उनीहरूलाई नियन्त्रणमा लिएको दार्चुला प्रहरीका सूचना अधिकारी ज्ञानेन्द्रबहादुर सिंहले बताए । उक्त सम्बन्धमा थप अनुसन्धान भइरहेको प्रहरीले जनाएको छ ।