कञ्चनपुरः कञ्चनपुरमा प्रहरीमाथि नै अभद्र व्यवहार गरेको आरोपमा ९ जना पक्राउ परेका छन्।
हिजो(बिहिवार) भीमदत्त नगरपालिका–१० बनगाउँ स्थित ललित चन्दले सञ्चालन गरेको एसी लज एण्ड बारबाट ९ जना आ पक्राउ परेका हुन्। सार्वजनिक स्थानमा होहल्ला गर्नुका साथै उनीहरुले प्रहरीमाथि समेत अभद्र व्यवहार गरेका थिए।
पक्राउ पर्नेमा भारत बनवासाका एनिस सिंह, अनिल चन्द, जय चन्द, सनेन्द्र भट्ट रहेका छन्। यस्तै सोहि ठाउँकै अनिल प्रसाद, रबि भट्ट, बिनोद कुमार, कञ्चनपुरको भीमदत्त नगरपालिका–६ का किसन चन्द र बाँके नेपालगन्जका माया खनाल रहेका छन्।
उनीहरूमाथि थप अनुसन्धान भइरहेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक पक्राश डाँगीले बताए।
Facebook Comments Box