धनगढी: कैलालीमा पेस्तोलसहित २ जनालाई प्रहरीले पक्राउ गरेको छ। आज (शुक्रवार) जिल्लाको मोहन्याल गाउँपालिका-६ सोल्टा बजार बस्ने धनादेवी शाहीको घरबाट पेस्तोलसहित २ जनालाई पक्राउ गरिएको हो।
जिल्ला प्रहरी कार्यालय कैलालीका प्रमुख एसपी पदमबहादुर बिष्टका अनुसार पक्राउ पर्नेमा मोहन्याल गाउँपालिका- ७ कुईने बस्ने वर्ष १८ का विकास नेपाली र सुर्खेत पञ्चपुरी नगरपालिका-११ बस्ने वर्ष १८ का उपेन्द्र शाही रहेका छन्।
उनीहरू आफ्नी फूपू नाता पर्ने शाहीको घरमा पाहुना बसेका थिए। सोही समयमा उनीहरूले हतियार लुकाईछिपाई राखेको प्रहरीलाई सूचना मिलेको थियो।
त्यसपछि स्थानीय प्रहरीको टोलीले घर खानतलासी गर्दा १ (एक) थान रिबल्बर (पेस्तोल) जस्तो देखिने हतियार बरामद गरेको थियो।
अहिले घटनाको थप अनुसन्धान भैरहेको प्रहरीले जनाएको छ।
Facebook Comments Box