धनगढी : जिल्ला प्रहरी कार्यालय कैलालीले बढुवा भएका प्रहरी नायव निरीक्षकहरुलाई दर्ज्यानी चिन्ह प्रदान गरेको छ । कार्यालयमा एक कार्याक्रमको आयोजना गर्दै प्रहरी नायव निरीक्षकहरु गजेन्द्रबहादुर चन्द, मानबहादुर बिष्ट र प्रेम सिंह भाटलाई दर्ज्यानी चिन्ह प्रदान गरेको हो ।
नेपाल प्रहरी प्रधान कार्यालय मानवश्रोत विकास विभागले जनपद समूह तर्फका प्रहरी सहायक निरीक्षक पदबाट प्रहरी नायव निरीक्षक पदमा बढुवा गरेको थियो ।
यस कार्यक्रममा कार्यालय प्रमुख प्रहरी उपरीक्षक पदम बहादुर विष्टले दर्जानी चिन्ह प्रदान गर्दे उपस्थित सम्पूर्ण प्रहरी कर्मचारीलाई आवश्यक निर्देशन दिएका थिए । विष्टले नयाँ दर्जा पाएका प्रहरी नायव निरीक्षकहरुलाई आगामी कार्यकालमा इमानदारी, समर्पण र निष्ठापूर्वक कार्य सम्पादन गर्न प्रेरित गरे ।
प्रहरी नायव निरीक्षकहरुले यो अवसरमा आफूहरुको जिम्मेवारी अझै बढेको र यसलाई सफलतापूर्वक निर्वाह गर्ने प्रतिबद्धता व्यक्त गरेका छन्। कार्यक्रमले सम्पूर्ण प्रहरी कर्मचारीहरूमा अनुशासन र कार्यक्षमतामा अभिवृद्धि गराउने विश्वास व्यक्त गरे।