धनगढी: अछाममा इलाका प्रहरी कार्यालय कमलबजारको उद्घाटन गरिएको छ। हिजो (सोमबार) कमलबजार नगरपालिका १ स्थित इलाका प्रहरी कार्यालय कमलबजारको नव-निर्मित कार्यालय, आवास तथा मेश भवनको उद्घाटन गरिएको हो।
भवनको सुदूरपश्चिम प्रदेश प्रहरी प्रमुख प्रहरी नायव महानिरीक्षक रबिन्द्र केसीले उद्घाटन गरेका हुन्।
उनले एक कार्यक्रमका बिच उद्घाटन गरेको जनाइएको छ। सो कार्यक्रममा केसीले नयाँ भवन उपलब्ध भएसंगै कार्यरत प्रहरी कर्मचारीहरुको मनोवल उच्च हुनुका साथै सुविधासम्पन्न भवनले प्रहरीमा थप जोश, जाँगर र उर्जा बढेर जाने हुँदा सुन्दर भवनमा बस्ने प्रहरी कर्मचारीहरुले नागरिक-मैत्री प्रहरी सेवा प्रदान गर्नेमा आफू विश्वस्त रहेको बताएका थिए।
यस्तै उनले त्यहाँका प्रहरीलाई समय सापेक्ष र गुणस्तरीय सेवा प्रदान गर्न निर्देशन दिए। उक्त भवन सुदूरपश्चिम प्रदेश सरकारबाट विनियोजित ५ करोड ११ लाख ११ हजार ३ सय ६९ रुपैयाको लागतमा निर्माण सम्पन्न भएको थियो।
