धनगढी: भलिबल खेलका प्रमुख प्रशिक्षक जगदीश प्रसाद भट्टको बिदाई गरिएको छ।कञ्चनपुर जिल्लाको महेन्द्रनगरमा प्रमुख प्रशिक्षक भट्टको बिदाई गरिएको हो।
कञ्चनपुर जिल्ला खेलकुद समिति र खेलकुद कर्मचारी संघको आयोजनामा भट्टको सम्मान तथा बिदाई गरिएको बताइएको छ।
भट्टलाई कार्यालयमा दोसल्ला ,कदरपत्र र मायाको चिनो दिएर बिदाई गरिएको थियो।
भलिबल खेलाडी हुँदै विस २०५४ सालदेखि राष्ट्रिय खेल भलिबल खेलकुद क्षेत्रमा प्रशिक्षक हुँदै तीन दशक कञ्चनपुरमा बिताएका भट्टलाई आज बिदाई गरिएको खेलकुद समितिका उपाध्यक्ष कैलाशचन्द्र गिरीले बताए। भट्ट राष्ट्रिय खेलकुद परिषदबाट यहीँ २०८१ भाद्र ०९ गते गरेको निर्णयअनुसार राष्ट्रिय खेल भलिबलको मुख्य प्रशिक्षक नियुक्त भएका थिए। त्यसपछि आज उनको बिदाई गरिएको हो।
सम्मान तथा बिदाई कार्यक्रममा कञ्चनपुर जिल्ला खेलकुद समितिका अध्यक्ष, उपाध्यक्षसहित अन्य खेलप्रेमी सदस्यहरुको पनि सहभागीता थियो।