काठमाडौं– आइतबार बिहानदेखि हराइरहेको तारा एयरको विमान दुर्घटना भएको अवस्थामा फेला परेको छ । दुर्घटनाग्रस्त तारा एयरको जहाज मुस्ताङ जिल्ला खासाङ गाउँपालिका वडा नं २ शनिश्चरेमा भेटिएको नेपाली सेनाले जनाएको छ । जहाज सोमबार विहान ७ः२० बजे भेटिएको हो ।
नेपाली सेनाले विमान दुर्घटना भएको तस्बिर सार्वजनिकसमेत गरेको छ । विमान टुक्रा टुक्रा भएको अवस्थामा फेला परेको छ। नेपाली सेनासाथै अन्य सुरक्षाकर्मी र स्थानीयको टोलीले विमान दुर्घटनास्थल पत्ता लगाएको हो ।
सम्पर्कविहीन भएको विमान खोजीका लागि नेपाली सेनासहितको सेनाको हेलिकप्टर प्रयोग भएको थियो । मौसम प्रतिकुलताका कारण आइतबार स्थगित भएको विमानको खोजी कार्य सोमबार बिहानैबाट थालिएको थियो । थप विवरण आउन अझै बाँकी रहेको सेनाले जनाएको छ ।
Facebook Comments Box