दार्चुला: दार्चुलामा ग्यास लिक भएर आगलागी हुँदा एक जना गम्भीर घाइते भएका छन् । प्रहरीका अनुसार जिल्लाको नौगाड गाउँपालिका-३ जामिरका ८० वर्षीय अमरसिंह ठगुन्ना घाइते भएका हुन् ।
बुधवार बिहान चिया पकाउने क्रममा सिलिन्डरबाट ग्यास लिक भएर आगलागी हुँदा उनी घाइते भएका जिल्ला प्रहरी कार्यालय दार्चुलाले जनाएको छ ।
घाइते ठगुन्नालाई उपचारका लागि गोकुलेश्वर अस्पताल लगिएको र उनलाई अन्तै रिफर गर्न भनिएको प्रहरीले बताएको छ । आगलागीबाट अन्य क्षति भने नभएको बताइएको छ ।
Facebook Comments Box