काठमाडौँ: प्रधानसेनापति प्रभुराम शर्मा र नेपालका लागि पाकिस्तानी राजदूत अबरार हुसेन हास्मीबीच भेटवार्ता भएको छ । आज जंगीअड्डास्थित प्रधानसेनापतिको कार्यकक्षमा भेटवार्ता भएको हो ।
सो क्रममा द्विपक्षीय हित तथा पारस्परिक सम्बन्धका विषयमा छलफल भएको सैनिक जनसम्पर्क तथा सूचना निर्देशनालयले जनाएको छ ।
‘यस किसिमको भेटले दुई देशबीच रहेको सम्बन्ध थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको छ,’ निर्देशनालयले जारी गरेको विज्ञप्तिमा उल्लेख छ ।
Facebook Comments Box