काठमाडौं: सुदूरपश्चिमका २ गाउँपालिकाका प्रमुख प्रशासकीय अधिकृतको सरुवा भएको छ।
संघीय मामिला तथा सामान्य प्रशासन मन्त्रालयले कैलालीको जानकी गाउँपालिका र कञ्चनपुरको बेलडाँडी गाउँपालिकाका प्रमुख प्रशासकीय अधिकृतको सरुवा गरेको हो।
कैलालीको जानकी गाउँपालिकाका प्रमुख प्रशासकीय अधिकृत नारायणबहादुर विष्टलाई टीकापुर नगरपालिकामा सरुवा गरिएको छ। उनको ठाउँमा कसैलाई पनि पठाइएको छैन।
उता कञ्चनपुरको बेलडाँडी गाउँपालिकाका प्रमुख प्रशासकीय अधिकृत पदमराज जोशी जिल्ला समन्वय समिति कञ्चनपुरमा सरुवा भएका छन्। उनको ठाउँमा जिल्ला समन्वय समिति कञ्चनपुरमा कार्यरत कृष्णानन्द जोशी जाने भएका छन्।
Facebook Comments Box