धनगढी : चिकित्सा शिक्षा सुधारका अभियन्ता डा. गोविन्द केसीको सत्याग्रहविरुद्ध धनगढीमा शनिबार प्रदर्शन भएको छ।
चिकित्सा शिक्षा सरोकार संघर्ष समिति नेपालले गेटामा मेडिकल विश्वविद्यालय बनाउने प्रदेशबासीको माग विपरीत केसीले अनसन बसेको भन्दै प्रर्दशन गरेको हो।
आन्दोलनकारीले ´विदेशी दलाल गोविन्द केसी मूर्दावाद, केसी गर्छन् भ्रमको खेती, युवा विद्यार्थी विदेशमा बेची`लगाएतका नारा लगाएका छन्।
संघर्ष समितिले डा. केसीविरुद्ध नाराबाजी समेत गरेको छ। डा. केसी शुक्रबार साँझदेखि धनगढीको लक्ष्मीनारायण मन्दिरको धर्मशालामा अनशनमा बसेका छन्।
सरकारले विगतमा गरेका सहमति कार्यान्वयन गर्न माग गर्दै अनसन बसेका डाक्टर केसी शुक्रबार साँझ गेटा मेडिकल कलेजमा अनसन बस्न पुगेका थिए।
तर शहीद दशरथ चन्द राष्ट्रिय स्वास्थ्य विज्ञान विश्वविद्यालय स्थापनार्थ गठित संघर्ष समितिले अवरोध गरेपछि उनी धनगढी आएर अनसन बसेका थिए।