धनगढीः कैलालीको गोदावरीबाट लागुऔषधसहित एक युवक पक्राउ परेका छन्। गोदावरी नगरपालिका–५ गेटीका २८ वर्षीय नबिन चौधरी लागूऔषधसहित पक्राउ परेका हुन्। शुक्रबार साँझ इलाका प्रहरी कार्यालय मालाखेती र गेटा चौकीबाट खटिएको संयुक्त प्रहरी टोलीले चौधरीको घरबाट लागूऔषध बरामद गरी पक्राउ गरेको जनाइएको छ। चौधरीको घरमा खानतलासी गर्दा ४ ग्राम २७० मिलिग्राम लागुऔषध र डिजिटल तराजु बरामद गरिएको इलाका प्रहरी कार्यालय मालाखेतीले जनाएको छ। पक्राउ परेका चौधरीलाई इलाका प्रहरी कार्यालय मालाखेतीले नियन्त्रणमा लिएर थप अनुसन्धान गरिरहेको छ।
Author: महेन्द्रनगर पोष्ट
जाजरकोट : गत शुक्रबार जाजरकोटको रामीडाँडा केन्द्रबिन्द् भएर ६.४ म्याग्निच्युडको भूकम्प गएपछि विज्ञहरूले स्थलगत निरीक्षण गरिरहेका छन्। भूकम्प अध्ययनका लागि नास्ट र भूकम्प अनुसन्धान केन्द्रले रुकुम र जाजरकोटको दुई–दुई ठाउँमा भूकम्प मापन प्रविधि संयन्त्र जडान गरेको छ। नास्टले बारेकोट रामीडाँडा केन्द्रबिन्दु सीमा जोडिएको कुशे गाउँपालिका, रुकुम पश्चिमको खलंगा र गोतमकोट र भूकम्प मापन केन्द्रले बारेकोटमा २ भूकम्प मापन यन्त्र जडान गरिएको नास्ट र भूकम्प अनुसन्धान केन्द्रले जनाएका छन्। यो क्षेत्रमा परकम्पन अझै पनि गइरहेको जाजरकोट र रुकुम पश्चिमको स्थलगत अध्ययन गरेका भूकम्प मापन केन्द्र तथा अनुसन्धान केन्द्रका लोकविजय अधिकारीले बताए। उनले यो क्षेत्रमा अझै जोखिम भएको बताए। जाजरकोटको रामीडाँडालाई केन्द्र…
डडेल्धुरा : डडेल्धुरा सदरमुकाममा फोहोरमैला व्यवस्थापन केन्द्र निर्माण गर्नका लागि बजेट विनियोजन भएको छ। सहरी विकास तथा भवन निर्माण विभागले जिल्लाको अमरगढी नगरपालिकामा फोहोरमैला व्यवस्थापन केन्द्र निर्माण गर्न तीन करोड बजेट छुट्याएको हो । तर, फोहोर व्यवस्थापनका लागि जग्गा प्राप्ती गर्न नसक्दा समस्या भएको छ। फोहोर व्यवस्थापनकै विषयमा शुक्रबार जिल्ला प्रशासन कार्यालयमा सर्वपक्षिय बैठक बसेको छ। बैठमा अमरगढी नगरपालिका वडा नम्बर ६ को भजनेउटा नजिक गुणाकर भाटको जमिन खरिदको प्रक्रिया अगाडि बढेको नगर प्रमुख डिल्लीराज जोशीले जानकारी दिए। उक्त जग्गाको मूल्य सरकारी दररेटभन्दा बढी गरिएकाले खरिद प्रक्रियामा ढिलाई भएको उनको भनाई छ । वडा नम्बर १ मालम गाउँवासीले गत साउन…
काठमाडौँ : हाल देशको पश्चिमी भूभागमा पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल सुदूरपश्चिम, कर्णाली, लुम्बिनी र गण्डकी प्रदेशमा आंशिक देखि सामान्य बदली रही बाँकी भूभागको मौसम आंशिक बदली देखि सामान्यतया सफा रहेको छ। साथै लुम्बिनी प्रदेशको एक–दुई स्थानमा हल्का वर्षा भइरहेको छ । आज दिउँसो सुदूरपश्चिम, कर्णाली, लुम्बिनी प्रदेश र गण्डकी प्रदेश लगायत देशको पहाडी भूभागमा आंशिक देखि सामान्य रहनेछ। सुदूरपश्चिम र कर्णाली प्रदेशको पहाडी भूभागका थोरै र बाँकी पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ। देशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ। राति…
काठमाडौं: आजदेखि यमपञ्चक अर्थात् तिहार सुरु भएको छ । यमपञ्चकको पहिलो दिन आज कागतिहार परेको छ । कात्तिक कृष्ण त्रयोदशीमा सूर्योदय भएका दिन काग तिहार मनाइने गरिन्छ । यस्तै, आज कात्तिक कृष्ण त्रयोदशीका दिन बेलुकी यमदीपदान शुरु गर्नुपर्ने नेपाल पञ्चाङ्ग निर्णायक विकास समितिले जनाएको छ । कात्तिक कृष्ण त्रयोदशीदेखि कात्तिक शुक्ल द्वितीया अर्थात् भाइटीकाका दिनसम्म यमदीपदान गर्ने शास्त्रीय विधि छ । यसवर्ष तिथिको घटबढका कारण भोलि कुकुर तिहार र लक्ष्मीपूजा एकैदिन परेको छ । गाईपूजा पर्सि सोमबार परेको छ । गोरुपूजा, हलितिहार, गोवर्द्धनपूजा, बलीपूजा र आत्म अर्थात् म्हपूजा मङ्गलवार परेको छ । कात्तिक शुक्ल प्रतिपदाका दिन गाई, गोरु, गोवर्द्धन र…
काठमाडौँ : स्वास्थ्य तथा जनसंख्या मन्त्री मोहनबहादुर बस्नेतको उपस्थितिमा चिकित्सा विज्ञान राष्ट्रिय प्रतिष्ठान (न्याम्स) वीर अस्पताल र नेपाल सशस्त्र प्रहरी अस्पतालबिच भविष्यमा शैक्षिक कार्यक्रम सञ्चालन गर्ने समझदारी भएको छ । स्वास्थ्य तथा जनसंख्या मन्त्रालयमा शुक्रबार आयोजित समारोहमा न्याम्सका उपकुलपति प्रा.डा.भुपेन्द्र बस्नेत र नेपाल सशस्त्र प्रहरी अस्पतालका मेडिकल डाइरेक्टर डा.रुपक महर्जनले भविष्यमा न्याम्सले सशस्त्र प्रहरी अस्पतालमा आफ्ना शैक्षिक कार्यक्रम बिस्तार गर्ने समझदारी पत्रमा हस्ताक्षर गरेका हुन । यो समझदारी पछि न्याम्सले निकट भविष्यमा आफ्ना उच्च तहका शैक्षिक कार्यक्रम सशस्त्र अस्पतालमा पनि बिस्तार गर्ने छ । कार्यक्रममा बोल्दै स्वास्थ्य तथा जनसंख्या मन्त्री बस्नेतले गुणस्तरीय स्वास्थ्य सेवा उपलब्ध गराउन उच्च स्तरको दक्ष जनशक्ति…
काठमाडौं : नेपाल प्रहरीको प्रहरी बरिष्ठ उपरीक्षक (एसएसपी) मा बढुवाको सिफारिस गरिएको छ । प्रहरी प्रधान कार्यालयको बढुवा समितिको बैठकले नेपाल प्रहरीका ५ प्रहरी उपरीक्षक (एसपी) लाई बढुवाका लागि सिफारिस गरेको हो । प्रहरी प्रधान कार्यालयका अनुसार एसएसपी बढुवाका लागि सिफारिस हुनेमा बसन्त रजौरे, रविकुमार पौडेल, नविनराज राई, वीरबहादुर ओली र चन्द्रदेव राई रहेका छन् ।
बैतडी : बालिकामाथि कुकर्म गरेको आरोपमा बैतडीमा एक बालक पक्राउ परेका छन्। पक्राउ पर्नेमा जिल्लाको शिवनाथ गाउँपालिकाका १३ वर्षीय बालक रहेका छन्। पक्राउ परेका ती बालकले ८ वर्षीया बालिकामाथि कुकर्म गरेको आरोप रहेको जिल्ला प्रहरी कार्यालय बैतडीका सूचना अधिकारी, प्रहरी निरीक्षक योगेश खत्रीले जानकारी दिए। शुक्रबार बाख्रा चराउन जंगलमा गएका बेला नाबालिकालाई कुकम गरेको बताइएको छ। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।
काठमाडौँ : नेपाल प्रहरीका वरिष्ठ प्रहरी उपरीक्षक (एसएसपी) मधुसुदन लुइँटेलले राजीनामा दिएका छन् । एसएसपी लुइँटेललेअनिवार्य अवकाशमा जानु अगाडि नै राजीनामा दिएका हुुन् प्रहरी प्रशिक्षण प्रतिष्ठानमा सहनिर्देशक रहेका लुइँटेल मंसिर ६ गते अनिवार्य अवकाशमा जाँदै थिए । तर, उनले अवकाशको १५ दिनअघि नै राजीनामा दिएका छन् । उनको राजीनामा स्वीकृतसमेत भइसकेको गृह मन्त्रालयले जनाएको छ । एसएसपी लुइँटेलले घरायसी कारण देखाउँदै राजीनामा दिएको बताइएको छ । एसएसपीबाट डीआईजीपीमा बढुवा हुन पाएको भए उनले थप एक वर्ष सेवा गर्न पाउने थिए ।
धनगढीः भारतबाट अबैध रुपमा आयात गरिएका फूलका माला सशस्त्र प्रहरीले नियन्त्रणमा लिएको छ। एक सय किलोग्राम फूलका माला सशस्त्र प्रहरीले शुक्रबार नियन्त्रणमा लिएको हो। नेपाल सरकारसँगै धनगढी उपमहानगरपालिकाले समेत सार्वजनिक सूचना नै जारी गरेर भारतबाट फूल आयात नगर्न आग्रह गरेको थियो। तर उक्त सूचनाको अवेज्ञा गर्दै अबैध रुपमा आयात गरिएका एक सय किलोग्राम फूलामाला धनगढीबाट सशस्त्र प्रहरीले आफ्नो नियन्त्रणमा लिएको हो।