काठमाडौँ: सुनको मूल्य आज पनि तीन सय रुपैयाँले बढेको छ । आज सुनको मूल्य तोलाको एक लाख १२ हजार आठ सय रुपैयाँ पुगेको छ । हिजो तोलामा ८ सय रुपैयाँले बढेको थियो । त्यस्तै, चाँदीको मूल्य भने तोलामा ५ रुपैयाँले घटेर एक हजार चार सय ८० रुपैयाँमा कारोबार भइरहेको नेपाल सुन चाँदी व्यवसायी महासङ्घले जनाएको छ ।
Author: महेन्द्रनगर पोष्ट
बाजुराः बाजुराको बडीमालिकामा जनैपूर्णिमाको अवसरमा मेला लागेको छ । भाद्र ११ गतेदेखि १४ गतेसम्म जनै पूर्णिमाको अवसरमा मेला लागेको हो । बडिमालिका मेलाका लागि अछाम, बाजुरा, बझाङ तथा डोटीबाट सरकारी डोलसमेत पुगेका थिए। सरकारी टोलीको पुजा चढाईपछि सर्वसाधारणले परम्परा अनुसार पूजाअर्चना गरेका छन्। बडीमालिकाको दर्शन गरे चिताएको पुग्छ भन्ने जनविश्वास छ ।
काठमाडौँ: विश्वको सर्वोच्च शिखर सगरमाथाको आठ हजार मिटर उचाइबाट प्याराग्लाइडिङ गरेका चिनियाँ नागरिक ली सानटाओलाई सम्मान गरिएको छ । बाबु एडभेन्चर प्याराग्लाइडिङ, सेभेन समिट ट्रेक्स प्रालि र नेपाल विग माउण्टेन ट्राभस कम्पनीले उनलाई बुधबार सम्मान गरेको हो । चिनियाँ नागरिकले सानटाओले गत मे १८ तारिखमा सगरमाथाको आठ हजार मिटर उचाइदेखि बेस क्याम्पसम्म प्याराग्लाइडिङ गरेका थिए। सम्मान कार्यक्रममा संस्कृति, पर्यटन तथा नागरिक उड्डयन मन्त्रालयका सहसचिव बुद्धिसागर लामिछानेले नेपालमा हिमालको शिरबाट प्याराग्लाइडिङ गरिनु पर्यटन क्षेत्रका लागि नयाँ सम्भावना भएको बताए । “नेपाल पर्यटन क्षेत्रको अथाह सम्भावना भएको मुलुक हो, हामीसँग भएको पर्यटकीय क्षेत्रलाई विश्वमाझ पुर्याएर यस क्षेत्रबाट विदेशी मुद्रा आर्जनमा लाग्नुपर्छ”, उनले…
धनगढी: धनगढीमा दुर्घटनामा परेर घाइते भएका एक युवकको मृत्यु भएको छ । प्रहरीका अनुसार बझाङको केदारस्यू गाउँपालिका-५ का ३५ वर्षीय चक्रबहादुर बोहराको मृत्यु भएको हो । उनी मंगलवार राति धनगढी उपमहानगरपालिका-७ मनेहरा गौडीमा मोटरसाइकल दुर्घटनामा परेका थिए । उनी सवार सुपप्र ०१००८ प ५७६५ नम्बरको मोटरसाइकल अनियन्त्रित भएर दुर्घटना भएको र उनको उपचारका क्रममा सेती अस्पतालमा मृत्यु भएको कैलाली प्रहरीले बताएको छ ।
काठमाडौँ: प्रत्येक वर्ष भाद्र कृष्ण प्रतिपदादेखि अष्टमीसम्म आठ दिन मनाइने परम्परागत सांस्कृतिक पर्व ‘गाईजात्रा’ आज विभिन्न कार्यक्रमको आयोजना गरी देशभर आरम्भ गरिँँदैछ । एक वर्षभित्र दिवङ्गत भएका आफन्तको सम्झनामा आजका दिन गाई वा मानिसलाई गाईका रूपमा सिँगारी आ–आफ्ना क्षेत्रमा परिक्रमा गराउने र उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान गरिन्छ । यसरी नगरपरिक्रमा गर्नाले वर्षभरि मृत्यु भएका व्यक्ति गाईको पुच्छर समाइ वैतरणी पार हुन्छन् भन्ने धार्मिक विश्वास छ । राजा प्रताप मल्लले पुत्रशोकले विह्वल भएकी आफ्नी रानीलाई दुनियाँले पनि यस्तै शोक बेहोर्नुपर्छ भन्ने देखाउन ‘जनतालाई आ–आफ्नो घरका मरेका व्यक्तिका नाममा गाईजात्रा निकाली सहर परिक्रमा गराउनू’…
धनगढी: कञ्चनपुरमा प्रहरीकै हिरासतबाट एक थुनुवा फरार भएका छन्। हिजो (बुधबार) राति साढे ८ बजे कञ्चनपुरको महेन्द्रनगरस्थित वडा प्रहरी कार्यालयको हिरासत कक्षबाट थुनुवा फरार भएका हुन्। स्रोतका अनुसार कञ्चनपुरको बेलौरी नगरपालिका-६ हात्तिबोझा बस्ने २६ वर्षीय विरेन्द्र बडायक प्रहरी हिरासतबाटै भागेका हुन्। बडायक ईलाका प्रहरी कार्यालय बेलौरीमा लागुऔषध सम्बन्धि मुद्दा दर्ता भई मिति साउनको १९ गतेदेखि वडा प्रहरी कार्यालय महेन्द्रनगरको हिरासत कक्षमा थुनिएका थिए। उनी थुनुवा हिरासत कक्षको बाथरुममा रहेको भ्यान्टीलेसनको ग्रिल तोडेर भागेको बताइएको छ। उक्त भ्यान्टीलेसनबाट बाहिर निस्केर भागेका उनको खोजतलासमा प्रहरी निरीक्षक यामबहादुर मल्लको कमाण्डमा ३० जनाको प्रहरी टोली खटाइएको थियो। सो टोलीले भासीबाट अहिले उनलाई नियन्त्रणमा लिएको…
धनगढी: कैलालीमा ४ जना हातहतियार र गोलीगट्ठासहित समातिएका छन्। हिजो (बुधबार) राति जिल्लाको लम्कीचुहा नगरपालिका वडा नं. १ भुरुवाबाट उनीहरु समातिएका हुन्। प्रहरीका अनुसार पक्राउ पर्नेमा अर्जुन बिक., रामचन्द्र चौधरी ,नरेश डगौरा र सचिन चौधरी रहेका छन्। लम्की प्रहरीको गस्तीमा खटि गएको टोलीले गस्ती गर्दै जाने क्रममा कुन्तीखेत जाने बाटोको छेउमा बसेको अवस्थामाउनीहरुलाई खानतलासी गर्दा निजहरुबाट प्वाइन्ट २२ हर्नेट(बन्दुक) नाल १ ,सोको म्यागजिन थान१, सोको गोलि १५ राउण्ड, बारुद ५ ग्राम फेला पारेको थियो। त्यसपछि उनीहरूलाई नियन्त्रणमा लिई अनुसन्धान थालिएको प्रहरीले जनाएको छ।
काठमाडौंः प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनै पूर्णिमा (ऋषि तर्पणी) पर्व आज देशभर नव यज्ञोपवीत एवं रक्षाबन्धन धारण गरेर मनाइँदै छ। पूर्णिमाका दिन बिहानैदेखि वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाँध्छन्। तागाधारीले गुरु पुरोहितले विधिपूर्वक मन्त्रिएको यज्ञोपवीत एवं डोरो रक्षासूत्र धारण गरेमा नकारात्मक तत्वबाट सुरक्षा प्राप्त हुने धार्मिक विश्वास छ। सत्ययुगमा दानवद्वारा लखेटिएका देवगणलाई गुरु वृहस्पतिले रक्षा विधान तयार गरी ‘जेले गर्दा अत्यन्त बलशाली दानवराज बली बाँधिए। त्यसैले म तिमीलाई बाँध्छु, यसले तिमी सुरक्षित बन, विचलित नहोऊ’ भनी डोरो बाँधेर जोगाएका थिए भन्ने पौराणिक मान्यताका आधारमा चलेको रक्षाबन्धनको परम्परा हालसम्म…
काठमाडौं : माओवादी उपाध्यक्ष कृष्णबहादुर महराले भेप सुन प्रकरणमा आफू पक्राउ नपर्ने बताएका छन् । आज एक सञ्चार माध्यमसंगको कुराकानीमा उनले यो प्रकरणबारे प्रहरी महानिरिक्षक बसन्त कुवँरसँग कुरा भइरहेको र छोरा राहुलले यसबारे दिएको बयानले नै पुग्ने बताएका हुन् । महराका अनुसार आइजी कुवँरले नै उनलाई बयान दिन जानुनपर्ने आश्वासन दिएका छन् । ‘यसबारेमा आइजीसँग कुरा भइरहेको छ । राहुल आफैं बयान दिन गयो । छोराको बयानले सबैकुरा पुग्छ । म जानु पर्दैन भन्नुभएको छ,’ उनले भने । सुन प्रकरणमा संलग्न रहेको आरोप लागेपछि पक्राउ पुर्जि जारी भएका उनका छोरा राहुललाई नेपाल प्रहरीको केन्द्रीय अनुसन्धान ब्यूरो (सिआइबी) ले नियन्त्रणमा लिइसकेको…
बैतडीः जिल्ला अस्पताल बैतडीमा बुधबार सञ्चालन गरिएको मानसिक स्वास्थ्य शिविरमा ४० जनाले सेवा लिएका छन्। मानसिक समस्या भएका बिरामीहरुलाई लक्षित गरेर हरेक महिनाको १३ गते अस्पतालले मानसिक स्वास्थ्य शिविर सञ्चालन गर्दै आएको छ। शिविरमा मानसिक रोग बिशेषज्ञ डा. निराजन भट्टराईले सेवा दिएका थिए। विश्व स्वास्थ्य संगठनसंगको सहकार्यमा अस्पतालमा मानसिक स्वास्थ्य शिविर सञ्चालन गर्ने गरिएको अस्पतालका निमित्त प्रमुख डा. धिरज जैसवालले बताए। मानसिक समस्या जनस्वास्थ्यको विकराल समस्याको रुपमा देखा परेकाले स्थानीय नागरिकलाई सेवा लिन सहज होस भनेर अस्पतालमा मानसिक स्वास्थ्य शिविर सञ्चालन गरिएको अस्पताल व्यवस्थापन अधिकृत सुमन महराले बताए। शिविरमा आएका बिरामीहरुलाई आवश्यक उपचारका साथै परामर्श सेवा समेत दिइएको महराले बताए।