दार्चुलाः नेपाली सेनामा जागिर लगाइदिने भन्दै ठगी गरेको आरोपमा पक्राउ परेका तीन जनालाई कारागार चलान गरिएको छ । करागार चलान हुनेमा महाकाली नगरपालिका–३ बाँजका २७ वर्षीय नरेन्द्रसिंह महर, ३८ वर्षीय रुकुमसिंह महर, मालिकार्जुन गाउँपालिका–३ का ५१ वर्षीय श्यामसिंह धामी रहेका जिल्ला अदालत दार्चुलाका सूचना अधिकारी गणेश विष्टले बताए । जिल्ला अदालत दार्चुलाका न्यायाधीश खेमराज भट्टको एकल इजालसले उनीहरूलाई पुर्पक्षका लागि कारागार चलान गर्न आदेश दिएको हो । विभिन्न व्यक्तिहरूबाट रकम संकलन गरी नेपाली सेनामा जागिर लगाइदिने भन्दै ठगी गरेको आरोपमा पक्राउ परेका आठ जनामध्ये तीन जनालाई कारागार चलान गरिएको हो । अन्य पाँच जनालाई अदालतले धरौटीमा रिहा गर्न आदेश दिएको…
Author: महेन्द्रनगर पोष्ट
कैलाली: नेपाली कांग्रेस कैलाली जिल्ला सभापति नारायणदत्त भट्टले दुई नेतालाई साधारण सदस्यसमेत नरहने गरि पार्टीबाट निष्कासन गरेपछि अहिले यहाँका कांग्रेसीजनमा विवाद सृजना भएको छ । सभापति भट्टविरुद्ध केही नेताले नाराबाजीसमेत गरेका छन् । सोमबार जिल्ला सभापति भट्टले गोदावरी नगरपालिका- १ का क्षेत्रीय प्रतिनिधि लोकराज पाण्डे आगो र चुरे गाउँपालिका-६ का क्षेत्रीय प्रतिनिधि सुरतबहादुर कार्कीलाई अनुशासनको कारबाही भन्दै साधारण सदस्यसमेत नरहने गरी पार्टीबाट निष्कासन गरेका थिए । दुवैजना माथि पार्टी जिल्ला सभापतिले पार्टीको महत्त्वपूर्ण पदीय जिम्मेवारीमा बसेर पार्टी हितको बर्खिलाप हुने गरी र पार्टीको पदीय जिम्मेवारीमा रहेका नेता र कार्यकर्ताको मानहानि हुने गरी सार्वजनिक रूपमा अभिव्यक्ति दिने, सामाजिक सञ्जालमा तथानाम अभिव्यक्ति…
काठमाडौँ: वैदेशिक रोजगार विभागको अवरुद्ध भएको अनलाइन सेवा आजदेखि पुनःसञ्चालनमा आएको छ । विभागको ‘एफइआइएमएस’ प्रणालीको फाइल ‘सर्भर माइग्रेट’ गर्नुपर्ने भएकाले मङ्गलबारदेखि अवरुद्ध भएको सेवा आजदेखि पुनःसञ्चालनमा आएको विभागका सूचना अधिकारी तथा निर्देशक कविराज उप्रेतीले जानकारी दिए । उनका अनुसार अवरुद्ध भएको अनलाइन सेवा आजदेखि सञ्चालनमा आएकाले श्रम स्वीकृतिका लागि अब सहज भएको छ । अवरुद्ध भएको ‘एफइआइएमएस’ प्रणाली पुनःसञ्चालनमा आएसँगै श्रम स्वीकृतिको काम पनि सुरु भएको विभागले सूचनामार्फत सेवाग्राहीलाई पनि जानकारी दिएको छ । प्रणालीमा आएको समस्याका कारण श्रम स्वीकृतिका फाइल थुप्रिएका र अब छिट्टै काम हुने भएकाले श्रम स्वीकृति लिएर मात्र टिकट काट्न विभागले अनुरोध गरेको सूचना अधिकारी…
पाकिस्तान: पाकिस्तानका पूर्वप्रधानमन्त्री इमरान खानले आफूलाई कारागारबाट मुक्त गर्न आफ्ना वकिलहरूसँग आग्रह गरेका छन् । आफूलाई भेट्न आएका वकिलहरूलाई नेता खानले यस्तो आग्रह गरेका हुन् । भ्रष्टाचारको आरोपमा तीन वर्षको जेल सजाय पाएका पूर्वअन्तरराष्ट्रिय क्रिकेट स्टार खानलाई राजधानी इस्लामाबादबाट करिब ६० किलोमिटर पश्चिममा अवस्थित एटक सहरको औपनिवेशिक युगको जेलमा राखिएको छ । ‘ट्रायल कोर्ट’को तीन वर्ष जेल बस्नुपर्ने निर्णयलाई चुनौती दिँदै नेता खानका वकिलहरूले हिजो पुनरावेदन दायर गरेका थिए । गत शनिबार पक्राउ परेका उनलाई उक्त कारागारमा सोही दिन राखिएको हो । उनलाई पाँच वर्षको अवधिका लागि राजनीतिक गतिविधिमा भाग लिनबाट पनि प्रतिबन्ध लगाइएको छ । गत वर्षको अप्रिलमा सदनमा…
काठमाडौँ: सुदूरपश्चिम प्रदेशमा संसदीय समिति थप गर्ने तयारी भइरहेको छ । सत्ता गठबन्धनबीच काठमाडौँमा नागरिक उन्मुक्ति पार्टीलाई दुई समिति सभापति दिने सहमति भएसँगै प्रदेशमा समितिको संख्या बढाइने भएको हो । यसअघि रहेका चार वटा समिति रहेकामा अब ६ समिति बनाउने तयारी भइरहेको बताइएको छ । समितिको संख्या बढाउनुअघि कार्यदल बनाइने र सो विषयमा छलफल भइरहेको प्रदेश सभामुख भीम भण्डारीले बताए । समितिको क्षेत्राधिकार र नामका विषयमा टुङ्गो लगाउन कार्यदल बनाइने बताइएको छ ।
कैलालीः कैलालीको गोदावरी धाममा नेपाली सेनाले सरसफाइ गरेको छ । दुई दिन लगातार परेको अविरल वर्षापछि आएको बाढीले गोदावरी नगरपालिका-४ स्थित गोदावरी धाम क्षेत्रमा क्षति पुगाएको थियो । गुरुबक्स गुल्मका निमिक्त गुल्मपति सह सेनानी सरोज कोइरालाको कमाण्डमा सुदूरपश्चिम पृतना हेडक्वार्टर र सर्वेश्वर गणबाट खटिएको नेपाली सेनाको संयुक्त टोलीले मन्दिरभित्र जम्मा भएको बालुवा तथा माटो हटाएको हो । बाढीले गोदावरी धाम क्षेत्रमा रहेका मन्दिरमा ढुङ्गा, माटो, बालुवा, काठका मुढा, झारपात थुपारिदिएपछि दर्शनार्थीले मन्दिरको दर्शन गर्न पाएका थिएनन् । प्राकृतिक विपत्तिबाट धनजनको क्षति नहोस् भनेर नेपाली सेनाको विपद् उद्धार टोली कैलालीमा सक्रियता पूर्वक खटिएको बताइएको छ ।
कैलाली: कैलालीको गोदावरी नदीमा रहेको पुलमा टिकटक बनाउन र फोटो खिच्न प्रतिबन्ध लगाइएको छ । बाढीले जग रहेको क्षेत्र कटान गरेपछि पुल जोखिम अवस्थामा पुगेकोले प्रतिबन्ध लगाइएको ईलाका प्रहरी कार्यालय मालाखेतीका डिएसपी गणेश बरालले बताए । गत मंगलवार निरीक्षण गर्न पुगेका कैलालीका सहायक प्रमुख जिल्ला अधिकारी यज्ञराज जोशी, नेपाल प्रहरी, सशस्त्र प्रहरी, नेपाली सेनाका प्रमुख तथा प्रतिनिधिहरूले पुल धरापमा रहेको भन्दै प्रवेशमा रोक लगाउन भनेका थिए । तर, त्यसपछि पनि पुलमा सयौँ युवायुवतीहरूको घुइँचो लाग्यो । पुल जति बेला पनि भत्किन सक्ने अवस्थामा पुगेको छ । सुदूरपश्चिम प्रदेशका सात पहाडी जिल्ला जोड्ने काठे पुल जीर्ण भएपछि नयाँ मोटरेवल पुल निर्माण…
धनगढीः कैलालीका पहिरो पीडितले मुख्यमन्त्री कार्यालयमा धर्ना दिएका छन् । चुरे गाउँपालिका र गोदावरी नगरपालिकाका पहिरो पीडितहरुले मुख्यमन्त्री तथा मन्त्रिपरिषद्को कार्यालयमा धर्ना दिएका हुन् । मुख्यमन्त्री कमलबहादुर शाहसँग दुबै पालिकाका १६९ घरपरिवारले दीर्घकालीन व्यवस्थापनको माग गरेका छन् । २०७७ सालको पहिरोबाट विस्थापित भएर चुरे -४ पनेरुगडामा बसिरहेका उनीहरूलाई जेठ ६ गते त्यहाँबाट हटाइएको थियो । त्यसपछि आफन्तको घरमा बसिरहेका उनीहरुले चुरे र गोदावरीका जनप्रतिनिधिसँग समन्वय गरेर व्यवस्थापन गर्ने भन्दै आफूहरूलाई हटाइएको तर, अहिले कुनै चासो नदेखाएको बताएका छन् ।
महेन्द्रनगर: सुदूरपश्चिम प्रदेशमा भइरहेको वर्षापछि आएको बाढी र डुबानमा जनधनको क्षति न्यूनीकरणका लागि नेपाली सेनाले सक्रियता बढाएको छ । सुदूरपश्चिम पृतनाअन्तर्गत तैनाथ गण तथा गुल्मले कैलाली र कञ्चनपुरलगायतका जिल्लामा डुबान क्षेत्रबाट यहाँका नागरिकलाई सुरक्षित स्थानमा सार्नेदेखि वर्षाका कारण भत्किएका सडक र पूर्वाधार निर्माण एवं मर्मतमा गति दिएको सेनाले जनाएको छ । सेनाले दिएको जानकारीअनुसार पृतना कमाण्डबाट खटिएको सैनिक अधिकृतको टोलीले कैलालीको मोहना, कान्द्रा काँडा र पथरिया नदीमा आएको बाढीले यहाँको भजनी नगरपालिका–८ सुनफाँटा गाउँमा भएको डुबानबाट बुधबार ३५ जनालाई सुरक्षित स्थानमा सारेको छ । सो क्षेत्रमा नागरिकको सुरक्षित स्थानमा सार्नका लागि कैलालीको बढैपुरस्थित कालीरक्षा गण ९ई० बाट सेनानीले वीरेन्द्र रावतको…
काठमाडौँ: सशस्त्र प्रहरीका तीन जना इन्स्पेक्टर डीएसपीमा बढुवाका लागि सिफारिस भएका छन् । हिजो बसेको बढुवा समितिको बैठकले सशस्त्र प्रहरी नियमावली, २०७२ को नियम ३९ को उपनियम (१) को (ग) बमोजिम प्राविधिक समूह सञ्चार तथा इन्जिनियरिङतर्फका तीन जना इन्स्पेक्टरलाई डिएसपीमा बढुवा गर्ने सिफारिस गरेको हो । इन्स्पेक्टरहरु सुसील थापा, जीवन राई र सुरज भट्ट डिएसपीमा बढुवाका लागि सिफारिसमा परेको जनाइएको छ । यस्तै, साधारण समूह र उपसमूहतर्फ ८२ जना वरिष्ठ हवल्दार बढुवामा सिफारिस भएका छन् । उनीहरुलाई सशस्त्र प्रहरी नियमावली, २०७२ को नियम ३९ को उपनियम (१) को (ङ) बमोजिम बढुवा समितिको बैठकले असईमा बढुवा गर्ने निर्णय गरेको हो ।…