काठमाडौं: एसिया कप २०२३ अन्तर्तग हिजि भारतविरूद्धको खेलमा नेपाली टिमले गरेको प्रदर्शनबाट सन्तुष्ट रहेको नेपालका कप्तान रोहितकुमार पौडेलले बताएका छन्। भारतसँग पराजित भए पनि नेपाली टिमको प्रदर्शनमा रोहित सन्तुष्ट देखिएका हुन्। ‘नेपाली टिमको प्रदर्शनमा सन्तुष्ट छु। विशेषगरी ब्याटिङमा हाम्रा ओपनरले राम्रो गरे। मिडल अर्डरमा हामीले अझै राम्रो गर्न सक्थ्यौं। मैले २६०-२७० रन सम्मको स्कोर राम्रो हुने सोचेको थिएँ,’ खेलपछिको पत्रकार सम्मेलनमा उनले भने। बलिङबारे उनले भने, ‘बलिङमा हाम्रो लक्ष्य राम्रो एरियामा बलिङ गरेर उनीहरुलाई रोक्ने थियो। पानीका कारण राम्रो बलिङ गर्नु हाम्रो लागि चुनौती थियो।’ सोमबार श्रीलंकाको पल्लेकेलेमा भारतविरूद्ध पहिले ब्याटिङ गरेको नेपालले २३० रन जोडेको थियो। वर्षाले प्रभावित खेलमा भारतले विनाविकेटको क्षतिमा…
Author: महेन्द्रनगर पोष्ट
एजेन्सी: अमेरिकी राष्ट्रपति जो बाइडेनकी श्रीमती तथा अमेरिकाकी प्रथम महिला जिल बाइडेनमा कोरोना पोजेटिभ देखिएको छ। ह्वाइट हाउसले जारी गरेको विज्ञप्तिमा फस्ट लेडीमा कोरोना पोजेटिभ देखिएपछि राष्ट्रपति बाइडेनको उनको पनि परीक्षण गरिएको थियो, तर उनको कोरोना रिपोर्ट नेगेटिभ आएको बताइएको छ। जी–२० शिखर सम्मेलनमा सहभागी हुन भारत आउने तयारीमा रहेका राष्ट्रपतिको लगातार कोरोना परीक्षण गरिने बताइएको छ।
बैतडी: बैतडीमा हिजो(सोमबार) दिउँसोदेखि विद्युत सेवा अवरुद्ध भएको छ। पानीसँगै आएको हावाहुरीले विद्युत लाइनमा क्षति पुर्याएकाले विद्युत सेवा अवरुद्ध भएको नेपाल विद्युत प्राधिकरण बैतडी वितरण केन्द्रले जनाएको छ। बलाँचदेखि सञ्चालन हुने र डडेल्धुराबाट सञ्चालन हुने दुवै विद्युत लाइनमा समस्या रहेको नेपाल विद्युत प्राधिकरण बैतडी वितरण केन्द्रका प्रमुख पवन भट्टले बताए। विद्युत लाइनमा देखिएको समस्या पत्ता लगाउन र समस्या समाधान गर्न प्राविधिक टोली खटिएको भट्टले जानकारी दिए। आज दिउँसो सम्म विद्युत सेवा सुचारु हुन सक्ने उनले बताए। विद्युत सेवा अवरुद्ध भएपछि हजारौं ग्राहक समस्यामा परेका छन्।
काठमाडौं: सरकारले १३ वटा निर्माण कम्पनीलाई कालो सूचीमा राखेको छ। सार्वजनिक खरिद अनुगमन कार्यालयले १३ निर्माण कम्पनीहरुलाई कालो सूचीमा राखेको हो। तीन निर्माण कम्पनीलाई २ वर्ष, दुई निर्माण कम्पनीलाई २ वर्ष, एक निर्माण कम्पनीलाई डेढ वर्ष र अन्य ७ निर्माण कम्पनीलाई एक वर्षसम्मका लागि कालो सूचीमा राखिएको छ। गणेशसिंह साउद र केशरबहादुर साउद मुख्य व्यक्ति रहेको गणपति कन्स्ट्रक्सन कञ्चनपुर, प्रविन ब्रह्मदेव पाण्डे मुख्य व्यक्ति र सुवास श्रेष्ठ आधिकारिक व्यक्ति रहेको तथ्य इन्जिनियरिङ एण्ड इन्फास्टक्चर मुम्बई र विनित जोशी नेतृत्वको जोशी विज हाउस प्रालि तीन वर्षसम्मका लागि कालो सूचीमा परेका छन्। कालो सूचीमा परेकाहरुले भदौ १९ गतेदेखि कालो सूचीमा राखिएको अवधिभर…
धनगढी: कैलालीमा झण्डै डेढ किलाे लागू औषध चरेशसहित चार जना पक्राउ परेका छन्। पक्राउ पर्नेमा घाेडाघाेडी नगरपालिका -१० बस्ने ४८ वर्षीय नरबहादुर घिमिरे, ३१ वर्षीय थानेश्वर घिमिरे, कञ्चनपुरकाे भिमदत्त नगरपालिका -१ बस्ने २९ वर्षीय सागर बस्नेत र कृष्णपुर नगरपालिकाका ३६ वर्षीय चन्द्र नेपाली रहेको प्रहरीले जनाएको छ। घाेडाघाेडी नगरपालिका-५ काे देउकलियाबाट सुदूरपश्चिम प्रदेश अनुसन्धान समूह (आरआइटी) र इलाका प्रहरी कार्यालय सुखडकाे टाेलीले ४ जनालाई पक्राउ गरेकाे हाे। चारै जनालाई नियन्त्रणमा राखेर थप अनुसन्धान भइरहेकाे प्रहरीले जनाएको छ।
चितवन: जबर्जस्ती करणीको आरोपमा तथ्याङ्क कार्यालय चितवनका प्रमुख यज्ञमूर्ति भण्डारी पक्राउ परेका छन्। तीन वर्षयता कार्यालयमा कार्यरत महिलालाई यौनशोषण गरेको अभियोगमा उनलाई पक्राउ गरिएको हो। पीडितका भाइले किटानी जाहेरी दिएपछि उनलाई पक्राउ गरिएको जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर कार्कीले बताए। गत वैशाख १२ देखि नै महिनावारी रोकिएको र चार महिना नाघेको गर्भपतन गराउँदा महिलाको अवस्था गम्भीर भएपछि घटना बाहिर आएको हो।
धनगढी: कैलालीको धनगढीमा विद्युतीय धरापमा परेर एक महिलाकाे मृत्युु भएकाे छ। मृत्यु हुनेमा धनगढी-३ बस्ने अन्दाजी ३२ वर्षीया मञ्जु कुँवर रहेकी छिन्। धनगढी उपमहानगरपालिका-३ स्थित रहेकाे हाेल्डिङ सेन्टर नजिकै जंगली जनावरका लागि खेतमा थापेकाे विद्युतीय धरापमा परेर साेमबार राति करिब ११ बजेतिर उनको मृत्यु भएकाे प्रहरीले जनाएको छ। मृतक महिलाकाे शव सेती प्रादेशिक अस्पतालमा राखिएको छ। जंगली जनावरबाट धानबाली जाेगाउन खेतकाे आलीमा धराप थाप्ने जंगलिका चौधरीलाई प्रहरीले नियन्त्रणमा लिएको छ। यस्तौ घटनास्थलमा भारतबाट भन्सार चाेरी निकासी गरि ल्याइएका केही सामान कपडाहरु भेटिएका छन्। प्रहरीले घटनाको अनुसन्धान गरिएको छ।
कैलाली: आज दिउँसो देशभर आंशिक देखि सामान्य बदली रहनेछ। बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरू तथा बाँकी प्रदेशका थोरै स्थानहरुमा चट्याङ्गसहित हल्कादेखि मध्यम वर्षाको सम्भावना रहेको छ। कर्णाली, लुम्बिनी र सुदूरपश्चिम प्रदेशका एक-दुई स्थानमा चट्याङ्गसहित भारी वर्षाको समेत सम्भावना रहेको छ। आज राति देशभर आंशिक देखि सामान्य बदली रहनेछ । सुदूरपश्चिम प्रदेश लगायत बाँकी प्रदेशका पहाडी भू-भागक थोरै स्थानहरू तथा देशका बाँकी भू-भागका एक-दुई स्थानमा चट्याङ्ग सहित हल्का देखि मध्यम वर्षाको सम्भावना रहेको महाशाखाले जनाएको छ।
काठमाडौं: भारतसँग १० विकेटको पराजय भएसँगै नेपाल एसिया कपबाट बाहिरिएको छ। सोमबार बेलुकाको खेलमा वर्षाले बीचमै खेल अवरुद्ध भएपछि ५० ओभरको खेल २३ ओभरमा झारिएको थियो। ओभर घटाएपछि भारतले १४५ रनको लक्ष्य पाएको थियो। भारतले विना विकेट क्षति २०.१ ओभरमा लक्ष्य पूरा गर्यो। हिजो भएको खेलमा भारतको जितका लागि कप्तान रोहित शर्माले ५९ बलमा ७४ र शुभमन गिलले ६२ बलमा ६७ रन जोड्न सफल भए। यसअघिकाे पहिलो खेलमा नेपाल पाकिस्तानसँग पराजित भएको थियो।
काठमाडौँ : प्रधानमन्त्री पुष्पकमल दाहाल ‘प्रचण्ड’ असोजको पहिलो साता चीन भ्रमणमा जाँदैछन् । न्यूयोर्कमा हुन लागेको राष्ट्रसङ्घीय महासभालाई सम्बोधन गरेपछि प्रधानमन्त्री ‘प्रचण्ड’ असोज ५ गते चीन जाने कार्यक्रम छ । अमेरिकालगत्तै चीन जाने तयारीमा रहेका प्रधानमन्त्री ‘प्रचण्ड’को भ्रमणको तयारी तीव्र भइरहेको छ । चीन भ्रमणको एजेण्डाबारे अहिले छलफल भइरहेको परराष्ट्रमन्त्री एनपी साउदले बताए । सोमबार सोलुखुम्बुमा सञ्चारकर्मीहरूसँग कुरा गर्दै उनले भने, ‘आगामी असोजमा प्रधानमन्त्रीको चीन भ्रमण हुँदैछ । त्यो भ्रमणमा कृषि विकाससम्बन्धी एजेन्डा पनि छन् । चीनका राष्ट्रपति सी चिनफिङ नेपालमा आउनुभएको बेला चीनले प्रतिबद्धता जनाएका अनुदानका राशिहरूको लागि प्राथमिकताका आधारमा योजना छुट्याउने विषयमा पनि हामी गृहकार्यमा लागिरहेका छौँ ।’…