धनगढी: सुदूरपश्चिम प्रदेश वन निर्देशनालयका निमित्त वन निर्देशक कृष्णदत्त भट्टले उद्योग, पर्यटन, वन तथा वातावरणमन्त्री रमेश धामीलाई गाली गरेको र मातहतका कार्यालयबाट पैसा उठाएको विषयमा छानबिन गर्न प्रदेश सभाको उपसमितिले बयान लिने भएको छ। भट्टले गाली गरेको र मातहतका कर्मचारीबाट रकम लिएको अडियो र भिडियो सार्वजनिक भएपछि प्रदेश सभाको सार्वजनिक लेखा समितिले छानबिनका लागि उपसमिति बनाएको थियोे। उपसमितिका संयोजक मानबहादुर धामीका अनुसार निमित्त वन निर्देशक भट्टलाई भदौ ११ गते ११ बजे समितिको बैठकमा जवाफ दिने गरेर उपस्थित हुन पत्राचार गरिएको छ। केही दिनअघि निमित्त वन निर्देशक भट्टले उद्योग पर्यटन वन तथा वातावरण मन्त्री रमेश धामीलाई गाली गरेको र आफूले मातहतका…
Author: महेन्द्रनगर पोष्ट
काठमाडौँ: धरानमा पछिल्लो समय जातीय र धार्मिक तनाव बढिरहेका बेला सम्भावित हिंसा रोक्न स्थानीय प्रशासनले २४ घण्टे निषेधाज्ञा जारी गरेको छ। सुनसरीकी प्रमुख जिल्ला अधिकारी हुमकला पाण्डेले शुक्रबार मध्यराति १२ बजेदेखि लागु हुने गरी २४ घण्टे निषेधाज्ञा जारी गरेकी हुन्। उक्त निषेधाज्ञा शनिबार राति १२ बजेसम्मका लागि जारी गरिएको हो। प्रशासनले धरान उपमहानगरपालिका प्रवेश गर्ने पश्चिम बाटो बराहक्षेत्र नगरपालिका-१ मा पर्ने झण्डा चौकदेखि धरानतर्फको क्षेत्र, धरान प्रवेश गर्ने पश्चिम-दक्षिण रामधुनी नगरपालिका-६ बाट बराहक्षेत्र नगरपालिका-३ नडाहा चोकबाट धरानतर्फको क्षेत्रमा निषेधाज्ञा जारी गरेको हो। त्यसैगरी इटहरी उपमहानगरपालिका–२० तरहरा पानीपियादेखि उत्तर धरानतर्फको क्षेत्रमा पनि प्रशासनले निषेधाज्ञा जारी गरेको छ। त्यसैगरी धरान उपमहानगरपालिका-५ प्रवेश गर्ने…
काठमाडौं: गायिका समीक्षा अधिकारीकी दिदी शर्मिला अधिकारीले आफूमाथि आरोप लागेपछि प्रतिकार गरेकी छिन्। समीक्षाले केयरटेकरका रूपमा उनलाई अष्ट्रेलिया लगेर उतै छोडेको आरोप लागेपछि शर्मिलाले सामाजिक सञ्जालमार्फत समाजको आलोचना र मान्छेको व्यवहारबाट आफू आत्तिसकेको बताएकी छिन्। ‘खोक्रो इज्जतको खोल ओढेर आँफूलाई सर्वश्रेष्ठ ठान्नेहरू जताततै छरिएका, नदेखिएका पनि होइनन्। मानव भएर दानवको जस्तो व्यवहारबाट म आत्तिसकेको छु,’ उनले लेखेकी छन्, ‘मरेर न्यायको अपेक्षा त छैन, मलाई जिउँदो रहुन्जेल फाटेको मनलाई टाल्नसक्ने साहास भगवानले पूरा गरून्। सकिन्छ राम्रो सल्लाह सुझाव दिने कोसिस गर्नुहोस्, सकिन्न कसैको बारेमा नराम्रो पनि नसोचिदिनूस्।’
बैतडी: महाकालीमा बगेर भारतको झुलाघाटतर्फका बाबुछोरा बेपत्ता भएका छन्। झुलाघाट निवासी ३९ वर्षीय सन्तोष चन्द र उनका ५ वर्षीय छोरा महाकालीमा बगेर बेपत्ता भएका हुन्। बेपत्ता बालकको भने नाम खुल्न सकेको छैन। महाकाली नदी किनारमा ट्युबसहित पौडी खेलीरहेका दुवै जना बुवा–छोरा शुक्रबार दिउँसो बगेर बेपत्ता भएका सीमा प्रहरीचौकी झुलाघाटका इन्चार्ज प्रहरी सहायक निरीक्षक जयसिंह भाटले जानकारी दिए। बेपत्ताको खोजीमा भारतीय प्रहरी जुटेको जानकारी आएको सीमा प्रहरीचौकी झुलाघाटले जनाएको छ।
धनगढीः कैलालीको धनगढीबाट लागुऔषधसहित एक किशोर पक्राउ परेका छन्। प्रहरीका अनुसार धनगढी उपमहानगरपालिका–८ स्थित डिस्कभरी बोर्डिङ स्कूल नजिकैबाट ५ सय मिलिग्राम लागुऔषधसहित वडा नम्बर ७ का १९ वर्षीय गोविन्द राना पक्राउ परेका हुन्। उनलाई बिहीबार साँझ पक्राउ गरिएको प्रहरीले जनाएको छ। जिल्ला प्रहरी कार्यालयको गस्ती टोलीले रानालाई लागुऔषधसहित पक्राउ गरेको हो।
धनगढीः कैलालीका चार स्वास्थ्य संस्थाबाट स्वास्थ्य बीमा सेवा हटाइएको छ। गेटा आँखा अस्पताल, घोडाघोडी हस्पिटल, लाल रत्न हस्पिटल र नवजीवन हस्पिटलबाट स्वास्थ्य बिमा बोर्डले प्रदान गर्दै आएको बीमा उपचार सेवा हटाएको हो। बीमा बोर्ड सुदूरपश्चिमका प्रदेश संयोजक रमेन्द्रप्रसाद कुश्वाहले गेटा आँखा अस्पतालले यस्तो सेवा आफैले हटाएको र बाँकी अस्पतालबाट दिने सेवाका लागि नवीकरण नभएको बताए। आर्थिक वर्ष २०७९/८० को बजेट वक्तव्यपछि २०८० साउन अन्तिमसम्म ती अस्पतालहरूबाट बीमा सेवा हटाइएको स्वास्थ्य बीमा बोर्डले जनाएको छ। अघिल्लो आर्थिक वर्षको बजेट वक्तव्यपछि आफैँले सेवा बन्द गरेका र बजेटपछि सम्झौता अवधि समाप्त भइ नवीकरण नभएका अस्पतालहरूबाट बीमा सेवा हटाइएको बोर्डले जनाएको छ। आर्थिक वर्ष…
महेन्द्रनगरः नेपाली सेनाको सुदूरपश्चिम पृतनास्तरीय प्रतियोगितामा बक्सिङतर्फ देवी दल गण तेघरी ब्यारेक पहिलो भएको छ। देवी दल गणले सात स्वर्ण, छ रजत र दुई कास्य पदक प्राप्त गर्यो। कञ्चनपुरको महेन्द्रनगरस्थित श्री नं २५ बाहिनी अड्डा भगतपुर ब्यारेकअन्तर्गत रहेको श्रीदल गुल्मको संयोजनमा सम्पन्न पृतनापति प्रतियोगितामा बक्सिङतर्फ गोरखबक्स गण अछाम द्वितीय र भैरवप्रसाद गण डोटी तृतीय भए। द्वितीय भएको गोरखबक्स गणले पाँच स्वर्ण, चार रजत तथा तृतीय हुने भैरवप्रसाद गणले दुई स्वर्ण र एक कास्य हात पारेको श्रीदल गुल्म भगतपुर ब्यारेकले जनाएको छ। देवीदल गणका लागि सिपाही दीपेन्द्रबहादुर जोशी, कुमार श्रेष्ठ, प्युठ सुधा कसेरा, सिपाही रमिता महता, धना बडाल, पावर्ती थापा र…
धनगढीः नेकपा एमालेको भातृ संगठन युवासंघका अध्यक्ष क्षितिज थेवेमाथि आक्रमणको प्रयास भएको छ। संघको जिल्ला भेला तथा प्रशिक्षणका लागि धनकुटा जाने क्रममा पहिचानवादी आन्दोलनकारीको समूहले उनलाई ढुंगामुढा गरेको हो। संघका इञ्चार्ज महेश बस्नेतले जसपाका केन्द्रीय सदस्य आङ्गकाजी शेर्पाको उक्साहटमा केही व्यक्तिले धनकुटाको चौबिसे जाने क्रममा थेवेमाथि ढुङ्गामुढा गरेको आरोप लगाएका छन्। सरकारले आक्रमणकारीलाई नियन्त्रण नगरे प्रतिरोधमा उत्रिनेसमेत उनले चेतावनी दिए।
धनगढीः उच्च अदालत विराटनगरले धरान उपमहानगरपालिकाका मेयर हर्कराज राईलाई व्यक्तिको जग्गामा प्रवेश नगर्न आदेश दिएको छ। न्यायाधीश दिनेशप्रसाद यादवको एकल इजलासले निषेधाज्ञा जारी गर्दै व्यक्तिको जग्गामा प्रवेश नगर्न अन्तरिम आदेश दिएको हो। प्याराग्लाइडिङ व्यवसायी रोशन अधिकारी र रोजिना अधिकारीले हर्कविरुद्ध हालेको रिटमा अदालतले यसअघि पनि सोही आदेश दिएको थियो। धरान–४ स्थित छोटी मोरङ डाँडामा रहेको अधिकारी दम्पत्तिको जग्गामा साउन ६ गते हर्क वृक्षारोपण गर्न गएका थिए। सो जग्गा आफ्नो भएको उनीहरुले दावी गरेपछि विवाद भयो। त्यसविरुद्ध अधिकारी अदालत पुगे। गत सोमबार मेयर हर्क फेरि जमिनमा पुगेर घर भत्काइदिने धम्की दिएपछि विवाद बल्झेको हो। उनी त्यहाँ पुग्दा अधिकारी दम्पत्तिले प्रतिवाद गरेका…
धनगढीः धनगढीमा शिक्षिका मृत भेटिएको घटनामा प्रहरीले एक युवकलाई पक्राउ गरेको छ। दार्चुलाको मार्मा गाउँपालिका–६ घर भएर धनगढीको दिपेन्द्र प्रहरी स्कुलमा पढाउँदै आएकी २२ वर्षीया राजेश्वरी डडाल मृत भेटिएको घटनामा २५ वर्षीय जगदिश कोट्टारीलाई प्रहरीले पक्राउ गरेको हो। धनगढी उपमहानगरपालिका–३ को चटकपुरमा बिहीबार बिहान डडाल मृत भेटिएको घटनामा पीडित पक्षले दिएको किटानीका आधारमा कोट्टारीलाई पक्राउ गरिएको जिल्ला प्रहरी कार्यालयका प्रहरी निरीक्षक सन्तोष बस्यालले जानकारी दिए। उनकाअनुसार चटकपुरमा आफन्तको घरमा बस्दै आएकी डडाल घरभन्दा करीब डेढ सय मिटर उत्तरतर्फ झुण्डिएको अवस्थामा मृत भेटिएकी थिइन्। मृतक र पक्राउ परेका विवाहित कोट्टारी प्रेम सम्बन्धमा थिए। उनी अखिल क्रान्तिकारीबाट उम्मेदवार भएर दार्चुलाको लटिनाथ क्याम्पसको…