धनगढीः राप्रपा सांसद खेमादेवी बिष्टले सरकारले ल्याएको बजेटका कारण आफूलाई बाहिर निस्कन पनि समस्या भएको बताएका छन्। मंगलबार सुदूरपश्चिम प्रदेश सरकारले ल्याएको बजेटको छलफलका क्रममा राप्रपा बिष्टले आफू वडामा बहिस्कृत भइसकेको पनि गुनासो गरेकी हुन्। उनले आफूले बुझाएका योजनाहरू बजेटमा नआएपछि विगत २५ दिनदेखि घर बाहिर निस्कन नसक्ने अवस्था रहेको बताइन्। ‘हामी त्रासपूर्ण वातावरणमा बसिरहेका छौं। हिजो २५ गते बाहिर निस्केका छौं। बाहिर निस्किने वातावरण छैन। हामीलाई नगरसभामा बहिस्कार गरिएको छ। वडामा बहिस्कार गरिएको छ। हाम्रो क्षेत्रमा हिँड्ने अनुमति छैन। हामी कहाँ जाने ? यो २६ गतेसम्म घरमा मात्रै बसेको छु’, उनको भनाइ थियो, ‘हामीलाई त्रासपूर्ण वातावरणमा बस्न बाध्य पारियो।…
Author: महेन्द्रनगर पोष्ट
धनगढीः सुदूरपश्चिम प्रदेशसभा सदस्य (स्वतन्त्र सांसद) डाक्टर तारा जोशीले सेती प्रादेशिक अस्पताललाई माफिया अस्पतालको संज्ञा दिएका छन्। उनले मंगलबार संसद्मा बजेटमाथिको छलफलमा बोल्दै यस्तो बताएका हुन्। उनले बिरामीहरूले सहज रुपमा उपचार नपाएको भन्दै माफिया अस्पतालको संज्ञा दिए। उनले पटकपटक अस्पतालका विषयमा प्रश्न उठाउँदा पनि सरकारले चासो नदिएको गुनासो पोखे। प्रदेश सांसद जोशीले पूर्वाधार विकास मन्त्रालयलाई पूर्वाग्रह मन्त्रालय भन्दै व्यङ्ग्यसमेत गरेका थिए। उनले बजेट सैद्धान्तिक रूपमै गलत रहेको बताए। सरकार आवश्यकभन्दा अनावश्यक विषयमा केन्द्रित रहेको उनको भनाइ थियो। प्रदेश सरकारको प्राथमिकतामा परेको चिडियाखाना आवश्यक नरहेको भन्दै उनले भने, ‘बाजुराको कुपोषित बालकलाई लिटो बाँडिरहेको मुख्यमन्त्रीको तस्बिरभन्दा चिडियाखानामा बाघलाई मासु खुवाउँदै गरेको मुख्यमन्त्रीको…
काठमाडौँ : सोलुखुम्बुबाट काठमाडौँका लागि उडेको मनाङ एयरको हेलिकप्टर दुर्घटनाबारे अध्ययन गर्न सरकारले छानबिन समिति बनाउने भएको छ। मङ्गलवार जनकपुरधाममा आयोजित नेपाल विद्यापति मैथिली पुरस्कार अर्पण सहारोहपछि सञ्चारकर्मीहरुसँग कुरा गर्दै संस्कृति, पर्यटन तथा नागरिक उड्डययनमन्त्री सुदन किराँतीले यस्तो बताएका हुन्। मङ्गलवार बिहान सोलुखुम्बुबाट काठमाडौँका लागि उडेको मनाङ एयरको हेलिकोप्टर सोलुखुम्बुको लिखुपिकेमा दुर्घटना हुँदा उत्तर अमेरिकी मुलुक मेक्सिकोका ५ जना यात्रु र एक नेपाली पाइलटको मृत्यु भएको थियो। मन्त्री किराँतीले आफू जनकपुरबाट फर्किएपछि सके आजै र त्यो नभए बुधवारसम्म छानबिन समिति बनाएर मनाङ एयरको ९–एन–एमभी कलसाइन भएको हेलिकप्टर दुर्घटनाबारे अध्ययन गरिने बताए।
धनगढीः कञ्चनपुरमा लुटपाट गर्ने दुईजनालाई समातिएको छ। जिल्लाको भीमदत्त नगरपालिका–१३ पिपरैयाका २१ वर्षीय दिपक चदारा र दोधारा–चाँदनी नगरपालिका–१ का २२ वर्षीय अर्जुन सुनारलाई प्रहरीले पक्राउ गरेको हो। आइतबार राति ९ बजे कृष्णपुर नगरपालिका–२ की २१ वर्षीया अनारकली चौधरीलाई धान रोपेर साइकलमा घर फर्कदै गर्दा लुटपाट भएको थियो। उनी घर फर्कदै गर्दा पूर्वबाट पश्चिमतर्फ आउँदै गरेको सुदूरपश्चिम प्रदेश ०२००३ प १५१ नम्बरको मोटरसाइकलमा सवार चदारा र सुनारले ती महिलालाई धक्का दिएर लुटपाट गरेका थिए। दुबै जनाले चौधरीसँग भएको मोबाइल लुटेर फरार भएका थिए। लुटेर फरार भएका दुबै जनालाई चेक पोइन्टमा चेकजाँच गर्दा एक थान मोबाइल, एक थान मोटरसाइकल र एक थान…
काठमाडौं :प्रमुख प्रतिपक्षी नेकपा (एमाले) का अध्यक्ष केपी शर्मा ओलीले अहिलेको सरकारको तागत नै झुट बोल्नु र अफवाह फैलाउनु मात्र रहेको बताएका छन् । वागग्मती प्रदेश संगठन कमिटीको सातौँ बैठकलाई सम्बोधन गर्दै उनले सरकारले हल्ला फैलाउने काम मात्रै गरेको आरोप लगाए । ओलीले अहिलेको सत्ता गठबन्धनमा उस्तै उस्तै दलहरु रहेकाले गठबन्धन कायम गर्न चाहिरहेको पनि बताए । ‘सरकारको तागत झुट बोल्ने, अफवाह फैलाउने देखियो’, ओलीले भने, ‘उस्तै उस्तै मिलेकाले, गठबन्धन भएकाले गठबन्धन कायम राख्न चाहन्छन् ।’ ओलीले एमालेको नीति प्रष्ट रहेको बताए । उनले एमालेको नजर सरकारतिर नरहेको बताएका छन् । उनले भने, ‘हामी सरकारतिर हेर्दैनौँ । मिसन ०८४ मा…
कञ्चनपुरः ब्रम्हदेव बजारमा आगलागी भएको छ। ग्याँस लीक भएर आगलागी हुँदा दुई लाख रुपैयाँ बराबरको धनमाल नष्ट भएको हो। सोमबार साँझ भीमदत्त नगरपालिका–९ ब्रम्हदेव बस्ने रमेश बोहराको घर नजिकै रहेको खाजा पसलमा खाना पकाउने क्रममा ग्याँस सिलेण्डरबाट ग्याँस लीक भएको प्रहरीले जनाएको छ। आगलागी हुँदा पसल भित्र रहेका किराना सर–सामान, भाडा बर्तन र काठ गरी अन्दाजी दुई लाख रुपैयाँ बराबरका सामानहरु जलेर नष्ट भएका छन्। उक्त आगलागी प्रहरी र स्थानीयको सहयोगमा नियन्त्रणमा लिइएको थियो।
धनगढीः कैलालीमा एक जना मृत अवस्थामा भेटिएका छन्। जिल्लाको घोडाघोडी नगरपालिका–६ को काट्याखोलामा बृद्ध मृत भेटिएको प्रहरीले जनाएको छ। जिल्ला प्रहरी कार्यालयकाअनुसार मृत भेटिनेमा बर्दगोरिया गाउँपालिका–४ नौनिया बस्ने ६५ वर्षीय फुलराम डगौरा रहेका छन्। उनी सोमबार दिउसो मृत अवस्थामा भेटिएका हुन्। घटनाबारे अनुसन्धान भइरहेको प्रहरीले जनाएको छ।
धनगढीः कैलालीका महिला मोबाइल चलाएर सीप सिक्न थालेका छन्। महिलाले मोबाइलको सहायताले टिकटक तथा युट्युब हेरेर सीप सिकेर व्यवसायी बनेका छन्। टीकापुरकी पुष्पा पाण्डेले टिकटक र युट्युबको सहायताले सीप सिकेर टीकापुरमै व्यवसाय सुरु गरेकी छन्। पेसाले स्वास्थ्यकर्मी पुष्पाले टीकापुरमा चुरा, पोते र विवाहका लागि आवश्यक सामान उत्पादन थालेकी छिन्। ‘मैले टिकटकबाट धेरै सीप सिकेँ, नजानेको कुरा युट्युबको सहायता पनि लिन्छु’, उनले भनिन्, ‘मैले विवाहको बरमाला, विवाहका लागि चाहिने दुलाहा, दुलहीका सबै सामान तयार गर्न थालेकी छु। मैले सबै सीप सामाजिक सञ्जालको सहयोगमा सिकेकी हुँ, अहिले पनि नयाँ डिजाइन देखेमा युट्युब तथा टिकटकमा हेरेर सिक्छु।’ सिलाइबुनाइमा इच्छाशक्ति भएकी पुष्पा टीकापुर अस्पतालमा…
धनगढीः सोलुखुम्बुको सुर्केबाट काठमाडौँका लागि उडेको मनाङ एयरको हेलिकप्टर दुर्घटनामा परेको छ। आज बिहान सवा १० बजेदेखि सम्पर्कबिहीन भएको ९ एन एमभी कलसाइनको मनाङ एयरको हेलिकप्टर सोलुखुम्बुको सोलुदुधकुण्ड नगरपालिका ५ लाम्जुरा पास ईलाकाको चिहानडाँडा जंगलमा दुर्घटनाग्रस्त फेला परेको हो। लालीगुराँसको रुखमा ठोक्किएर दुर्घटना भएको हेलिकप्टर क्षतविक्षत अवस्थामा भेटिएको प्रहरीले जानकारी दिएको छ। अहिले घटनास्थलमा बेनी प्रहरी चौकीका प्रहरी सहायक निरीक्षक निराजन बस्नेतको नेतृत्वमा उद्धार टोली खटिएको छ। उद्धार टोलीले पाँचवटा शव निकालेको छ भने एउटा शव अझै फेला परेको छैन। क्षतविक्षत अवस्थामा शव भेटिएकाले मृतकको पहिचान हुन नसकेको बताइएको छ। पाइलट सिबि गुरुङ्गले उडाएको हेलिकप्टरमा उनीसहित पाँचजना विदेशी यात्रु सवार…
काठमाडौंः मनाङ एयरको हेलिकप्टर दुर्घटनामा परी ५ जनाको मृत्यु भएको छ। एक जना बेपत्ता छन्। घटनास्थलमा रहेका प्रहरी सहायक निरीक्षक निराजन बस्नेतका अनुसार प्रहरीले उद्धारको काम जारी रहेको छ। अहिलेसम्म ५ वटा शव भेटिएको र उनीहरुको पहिचान हुन बाँकी रहेको उनले जानकारी दिए। मंगलबार बिहान सुर्केबाट काठमाडौंका लागि उडेको मनाङ एयरको जहाज लामजुरा पास नजिकै दुर्घटनाग्रस्त अवस्थामा भेटिएको हो। हेलिकप्टर दुर्घटनाका कारण खुलेको छैन। अहिले अल्टिच्यूड एयरको अर्को हेलिकप्टर दुर्घटनास्थलमा अवतरण गरेको छ। प्रहरी र उद्धारकर्मीले उद्धारको काम जारी राखेका छन्।