काठमाडौँ: आज सुन र चाँदीको मूलय बढेको छ । सुनको मूल्य तोलामा दुई सय रुपैयाँले बढेर एक लाख १० हजार ६ सय रुपैयाँ कायम भएको नेपाल सुन चाँदी व्यवसायी महासंघले जनाएको छ । त्यस्तै, चाँदी आज तोलामा ५ रुपैयाँले बढेर एक हजार तीन सय ८० रुपैयाँमा किनबेच भइरहेको छ ।
Author: महेन्द्रनगर पोष्ट
कञ्चनपुरः कञ्चनपुरमा लागुऔषध खैरो हिरोइन र चरेशसहित दुई जना पक्राउ परेका छन् । जिल्लाको भीमदत्त नगरपालिका–१० काठेपुलबाट ०.३४ ग्राम लागुऔषध खैरो हिरोइन र १.३२ ग्राम चरेशसहित सोही ठाँउका २६ वर्षीय किसन नाथ र अन्य एक गरी दुई जना पक्राउ परेका हुन् । उनीहरुमाथि थप अनुसन्धान भइरहेको प्रहरीले जनाएको छ ।
म्याग्दी: म्याग्दीको उत्तरी क्षेत्र हुँदै मुस्ताङलाई राष्ट्रिय राजमार्गसँग जोड्ने बेनी–जोमसोम सडकअन्तर्गत भुरुङ्गखोलामा दुई हप्तामै बेलीब्रिज जडान गरिएको छ । म्याग्दीको अन्नपूर्ण गाउँपालिका–२ मा पर्ने भुरुङ्गखोलामा करिब रु ३५ लाखको लागतमा ३० मिटर लामो बेलीब्रिज जडान भएको बेनी–जोमसोम–कोरला सडक आयोजना प्रमुख जगत् प्रजापतिले बताए। सडकअन्तर्गत मुस्ताङको लेतेखोलाको बेलीब्रिजलाई भुरुङ्गखोलामा स्थानान्तरण गरिएको हो । “भुरुङ्गखोलामा हालै आएको बाढीले त्यहाँ रहेको कल्भर्ट बगाएको थियो”, उनले भने, “बर्खायाममा बाढी आउँदा पनि बेनी–जोमसोम सडकमा यातायात सञ्चालनमा समस्या आउन नदिन तत्कालै बेलीब्रिज राखिएको हो ।” असार पहिलो साता सुरु गरिएको बेलीब्रिज जडानको काम सकिएर यातायातका साधन आवतजावत गर्न थालेका अन्नपूर्ण गाउँपालिकाका कार्यपालिका सदस्य वीरबहादुर पौडेलले जानकारी…
धनगढी: धनगढी उपमहानगरपालिकाका नगरप्रमुख गोपाल हमालले अहिलेसम्म नगरको प्रवक्ता तोकेका छैनन्। स्थानीय निर्वाचन भएर नयाँ जनप्रतिनिधि आएको एक वर्षबढी भैसक्दा पनि उनले प्रवक्ता नतोकेका हुन्। यस विषयमा बुझ्दा मेयर हमालले आफूबाहेकका जनप्रतिनिधि पार्टीका मान्छे भएको भन्दै प्रवक्ता नतोकेको बताए। धनगढीमा आयोजित एक कार्यक्रममा आज (बुधबार) उनले यस्तो बताएका हुन्। उनले भने, ‘प्रवक्ता पार्टीको मान्छे भएर नराखेको हो। मैले पार्टीको मान्छेलाई डिक्टेड त गर्न सक्दैन नि!’ पार्टीका मान्छे वडाअध्यक्ष भएकै कारण प्रवक्ता नतोकिएको उनको भनाइ छ।
धनगढी: सुदूरपश्चिम प्रदेशको एकमात्र उपमहानगरपालिका धनगढीका नगरप्रमुख (मेयर) गोपाल हमाल (गोपी)ले सहरक्षेत्रमा शौचालयको अभाव रहेको बताएका छन्। आज (बुधबार) धनगढीमा आयोजित एक अन्तरक्रिया कार्यक्रममा उनले यस्तो बताएका हुन्। उनले हालै आफूलाई एक पत्रकारले धनगढीमा कति शौचालय छन् ? भनेर प्रश्न गर्दा यति छन् भनेर भन्न नै लाज लागेको दाबी गरे। मेयर हमालले भने, ‘हाम्रो धनगढीमा जम्मा ६ वटा शौचालय छन्। कसैले सोध्यो भने भन्न पनि लाज लाग्छ।’यस्तै धनगढीमा शौचालयका लागि ठाउँ नपाउदा निर्माणमा समस्या भएको उनले बताए। यो समस्या समाधानका सम्पूर्ण सरकारी कार्यालयलाई पत्र नै काटेर शौचालय बनाउनका पहल थालिएको हमालले जनाए।
झापा : झापाको गौरीगञ्जमा चट्याङ लागेर एक बालकको मृत्यु भएको छ, भने दुई जना घाइते भएका छन्। मृत्यु हुनेमा गौरीगञ्ज गाउँपालिका ६ स्थित खजुरगाछी कन्चिरा निवासी परसदिया सरदारका १३ वर्षीय छोरा विजय सरदार रहेका जिल्ला प्रहरी कार्यालय झापाले जनाएको छ। बुधबार बिहान स्थानीय मोहम्मद आसामुदिन मियाको खेतमा बीउ उखेल्न गएको बेला उनीहरूमाथि चट्याङ परेको थियो। घाइतेहरूको नाम नखुले पनि उनीहरू स्थानीय मेडिकलमा उपचार भइरहेको प्रहरीले जनाएको छ।
डडेल्धुरा: राष्ट्रिय स्वतन्त्र पार्टीका सभापति रवि लामीछाने डडेल्धुरा आइपुगेका छन्। पार्टीले पहिलोपटक डडेल्धुरामा आयोजना गर्न लागेको जनसभालाई सम्बोधन गर्न उनी डडेल्धुरा पुगेका हुन्। रास्वपाले भोलि असार २१ गते जिल्ला सदरमुकामको बसपार्कमा जनसभा आयोजना गर्ने भएको छ।
डोटी: डोटीको सिलगढी- झिग्राना सडक कालोपत्रे गरेको एक वर्षमै भत्किएको छ। सुदूरपश्चिम प्रदेशको प्रमुख पर्यटकीय स्थल खप्तडलाई केन्द्रबिन्दु बनाएर निर्माण गरिएको सडक भत्किन थालेको हो। यो सडकको निर्माण कार्य सुदूरपश्चिम प्रदेश सरकारको ४० करोड बजेटमा सम्पन्न भएको थियो। चन्द्र एण्ड बसन्त (सिएबी) कन्स्ट्रक्सन निर्माण कम्पनीले २०७९ असार मसान्तमा पूर्वाधार विकास कार्यालय डडेल्धुरालाई उक्त सडक निर्माण गरेर हस्तान्तरण गरेको थियो। हस्तान्तरण गरेको एक वर्षमै धेरै ठाउँमा पानीले कालोपत्रे बगाएको छ भने धेरै ठाउँमा लगाइएको ग्याविन जाली पहिरोले बगाएको छ। सडक खण्डको नाली भत्किएपछि पानी सडकमै बग्दा कालोपत्रे बगेको स्थानीयले बताएका छन्। निर्माण व्यवसायीले कमसल सामग्री प्रयोग गरेका कारण सडक भत्किएको स्थानीय…
इटहरी : इटहरी मुख्य चोकमा टिपरको ठक्करमा परी एकै परिवारको दुई जनाको मृत्यु भएको छ। टिपरको ठक्करले मंगलबार दिउँसो करिब ३:४५ मा स्कुटरमा सवार परिवारका आमाछोरीकै मृत्यु भएको हो। मृत्युु हुनेमा ३९ वर्षीया आमा सरिता चौधरी र २० वर्षीया अंशु चौधरीको छन्। पश्चिमबाट पूर्व जाँदै गरेको ना १ क ९१०७ नम्बरको टिपरले स्कुटरलाई ठक्कर दिएको थियो। ठक्करबाट आमा सरिता चौधरीको धरानस्थित बिपि कोइराला स्वास्थ्य बिज्ञान प्रतिष्ठान पुर्याउना साथ मृत्यु भएको थियो। भने, छोरी अंशुको उपचारका क्रममा बिराट मेडिकल कलेज बिराटनगरमा मृत्यु भएको हो। घटनापछि आक्रोशित आफन्त र स्थानीयले ढुङ्गामुढा गरेका थिए। ढुङ्गामुढा प्रहार गर्दा इलाका प्रहरी कार्यालयका डिएसपी माधब काफ्लेसहित…
काठमाडौँ: राष्ट्रिय परीक्षा बोर्डले माध्यमिक शिक्षा परीक्षा (एसईई)को नतिजा निकाल्ने तयारी गरेको छ । त्यसका लागि अन्तिम तयारी भइरहेको परीक्षा नियन्त्रण कार्यालय सानोठिमी भक्तपुरले जनाएको छ । एसईई को नतिजा पुरानै ग्रेडिङ प्रणाली अनुसार सार्वजनिक गरिने भएको छ । बोर्डका अध्यक्ष महाश्रम शर्माले शुक्रबारसम्ममा नतिजा प्रकाशित गर्ने तयारी रहेको जानकारी दिए । उनले पुरानै पाठ्यक्रम अनुसार पढाइ भएकाले पुरानै ग्रेडिङ प्रणालीबाट नतिजा सार्वजनिक गर्ने निर्णय भएको समेत जानकारी दिए । परीक्षाफल प्रकाशितको तयारीसँगै बोर्डले आज एक सूचना जारी गरी नतिजा हेर्नका लागि विभिन्न माध्यम प्रयोग गर्न सकिने उल्लेख गरेको छ । बोर्डका अनुसार एसईईको नतिजा वेबसाइट, एसएमएस र आईभीआरबाट हेर्न सकिनेछ। नजिता हेर्नका लागि नेपाल टेलिकमको १६०० मा…