काठमाडौँ: नारी शक्तिको जागरण गराउने भन्दै पीडितबाट करिब पाँच करोड रुपैयाँ र एक सय तोलाभन्दा बढी सुन एवं सुनका गरगहना ठगी गरेको अभियोगमा दोलखा घर भई भक्तपुर मध्यपुर थिमी नगरपालिका–४ गठ्ठाघर बस्ने ४८ वर्षीय शिवसुत गौरी भक्त भन्ने पुरुषोत्तम काफ्लेलाई प्रहरीले पक्राउ गरेको छ । उजुरीका आधारमा केन्द्रीय अनुसन्धान ब्युरो महाराजगञ्जबाट खटिएको प्रहरीले उनलाई कञ्चनपुर गड्डाचौकीबाट पक्राउ गरी काठमाडौँ ल्याएको प्रहरी प्रवक्ता प्रहरी नायब महानिरीक्षक कुबेर कडायतले बताए। काफ्लेसमेतले काठमाडौँस्थित हाम्रो अभियान नेपाल र ओम आश्रम नेपाल नामक संस्था खोली पीडितलाई रकम लगानी गर्न अभिप्रेरित गराउने, सेमिनार गरी संस्थाको सदस्य बनाउने, धेरै मुनाफाको प्रलोभन देखाउने गरेको पाइएको छ । उनीहरूले…
Author: महेन्द्रनगर पोष्ट
धनगढीः धनगढीमा मनोसमाजीक अपाङ्गताका सवालमा सञ्चारकर्मीहरूसँग अन्तरक्रिया गरिएको छ। सुदूरपश्चिम प्रदेशमा मनोसमाजीक अपाङ्गताको सवाललाई उठान गराउनका लागि सञ्चारकर्मीहरू को भूमिकाका विषयमा रहेर उक्त छलफल गरिएको हो। उक्त अन्तरक्रियाका क्रममा सहभागी तथा अन्य वक्ताहरूले आ–आआफ्नो क्षेत्रबाट विभिन्न महत्त्वपूर्ण कुराहरूको उठान र छलफल गरेका छन्। सोही क्रममा अपाङ्ग महासङ्घ सुदूरपश्चिम प्रदेश सचिव नन्दराज भट्टले मनोसमाजीक अपाङ्गताको समस्या र चुनौतीका विषयमा प्रकाश पार्दै सुदूरपश्चिम प्रदेशमा सरकारले नजर अन्दाज गरेको र उनीहरूको लागि बजेट नछुट्टाएको बताएका छन्। अपाङ्गता भएका मध्येपनि मनोसामाजिक अपाङ्गता भएका व्यक्तिहरू प्राय समाजीक, भौतिक, राजनीतिक कानुनी र दृष्टिकोण जस्ता विभेदमा पर्ने गरेको राष्ट्रिय मानसिक स्वास्थ्य स्वावलम्बन सङ्गठन (कोशिस)का कार्यक्रम संयोजक रबी लोचन पौडेलले बताए। २०७८…
धनगढी: धनगढीकी पत्रकार बिना शाही अहिले अस्पतालको बेडमा सिकिस्त छिन्। धनगढीस्थित सुदूरपश्चिमान्चल एकेडेमी (एसपीए) कलेजमा अध्ययन गर्दै पत्रकारिता गरिरहेकी शाही सडक दुर्घटनामा परेपछि अस्पतालको शैय्यामा पुगेकी हुन्। हिजो (मंगलबार) धनगढीस्थित चटकपुर क्षेत्रमा कार्यालय जाने क्रममा उनको स्कुटर दुर्घटना भएको थियो। उनी धनगढीबाट अत्तरिया टिभी टुडेको कार्यालय जान लागेकी थिइन्। कार्यालय जाने क्रममै उनको स्कुटर ठोक्किएर दुर्घटना भएपछि खुट्टामा चोट लागेको छ। उनलाई दुर्घटनापछि धनगढीकै स्वस्तिक अस्पतालमा भर्ना गरिएको थियो। अस्पतालले उनको देब्रे खुट्टा भाँचिएको भन्दै हिजै पहिलो चरणको शल्यक्रियासमेत गरेको छ। अस्पतालले उनलाई कम्तीमा १ हप्ता अस्पतालमै राखेर थप अप्रेसन गर्नुपर्ने बताएको छ। त्यसका लागि महँगो खर्च लाग्ने भएपछि पत्रकारिता…
धनगढी: चर्को गर्मीको समयमा विद्युत् अनियमित हुँदा सुदूरपश्चिमको तराई क्षेत्रका सर्वसाधारण मारमा परेका छन् । बारम्बार विद्युत् अनियमित हुने, पावर नपुग्नेजस्तो देखिने तथा दैनिक १०–१२ पटकसम्म विद्युत् जाने गरेको धनगढी उपमहानगरपालिका–१ का आशिष बिकले बताए।‘बारम्बार विद्युत् जान्छ, कतिवेला पावर नपुगेर पंंखा चल्दैन,’ उनले भने, ‘गर्मीमा बस्नै समस्या छ ।’ उद्योग, कलकारखानामा पनि यसको प्रभाव परेको छ । पावर नपुग्ने र वेलावेला बत्ती जाने समस्याले उत्पादन प्रभावित भएको उद्योगीहरूको गुनासो छ। पटक–पटक विद्युत् अवरुद्ध हुँदा विद्यार्थी मारमा परेका महेन्द्रनगरका विश्नु पनेरुले बताए। उनले साँझ पढ्ने बेला बिजुली जाँदा ध्यान अन्त जाने गरेको बताए। विद्युत् नियमित गर्न माग गर्दै नेपाल विद्यार्थी संघ कैलालीले गत ४…
काठमाडौँ: नेपाल सरकारले भोलि बिहीवार सार्वजनिक बिदा दिने निर्णय गरेको छ। इस्लाम धर्मावलम्बीहरूको पर्व बकर ईद (ईद उल अजहा) को अवसरमा सार्वजनिक बिदा दिने निर्णय गरेको हो। गृह मन्त्रालयका प्रवक्ता केदारनाथ शर्माले विज्ञप्ति निकालेर असार १४ गते बिहीवार देशभर सार्वजनिक बिदा दिने निर्णय भएको जानकारी गराएका हुन्।
बैतडी: बैतडीमा एक महिला डेढ तोला सुन लगेर बेपत्ता भएको भन्दै ससुरा प्रहरी गुहार्न पुगेका छन्। जिल्लाको पुर्चौडी नगरपालिका- ६ रपनाका बिमल धानुककी श्रीमती डम्बरा धामी धानुक अस्तिदेखि बेपत्ता भएकी हुन्। बुहारी १० गते रातिदेखि सम्पर्कविहिन भएको उनका ससुरा जनक बहादुर धानुकले जानकारी दिए। डेढ तोला सुन लगेर बुहारी सम्पर्क विहिन भएकी उनले बताए। राति खाना खाएर सुतेकी बुहारी विहान नभेटिएकी उनको भनाई छ। माइती घरमा सम्पर्क गर्दा बुहारी त्यहाँ नआएको बताइएको उनले जानकारी दिए। छोरा भारत भएका बेला बुहारी सुनसहित लत्ताकपडा लगेर सम्पर्कविहिन भएपछि समस्या भएको ससुराले बताए। उनले खोजीका लागि ढोल्यामोड प्रहरीचौकीमा निवदेन समेत दिएका छन्।
बैतडी: लामो समयदेखि दार्चुलाको गोकुलेश्वरको फोहोर नउठेपछि स्थानीय आक्रोशित बनेका छन्। पटकपटक आग्रह गर्दा पनि बजारको फोहोर व्यवस्थापन नभएपछि आक्रोशित स्थानीयले शैल्यशिखर नगरपालिकाको परिसरमा फोहोर फालिदिएका छन्। गोकुलेश्वर बजार क्षेत्रमा थुप्रिएको फोहोर आफैले सङ्कलन गरी नगरपालिकाका परिसरमा फालेको स्थानीयले जानकारी बताए। स्थानीय तथा व्यापारीहरुले नगरप्रमुखको कार्यालय छेउमा नै लगेर फोहोर फालेका हुन्। शैल्यशिखर नगरपालिका—९ गोकुलेश्वर बजारबाट निस्किने फोहोर विगत लामो समयदेखि उठेको छैन। फोहोरको उचित व्यवस्थापन नगरिदा बजार क्षेत्र दुर्गन्धित बनेको छ।
धनगढी: सुदूरपश्चिम प्रदेश सरकारले ल्याएको बजेटमा चित्त नबुझेको भन्दै नेपाली कांग्रेसका प्रत्यक्ष निर्वाचित ६ सांसदले पार्टी सभापति शेरबहादुर देउवालाई भेटेका छन्। बजेट पारित गर्न नदिने भन्दै मेघराज खड्का,प्रकाश बम, बहादुर सिंह थापा, मानबहादुर रावल, दिवानसिंह विष्ट र शिवराज भट्ट हिजो देउवा निवास पुगेका हुन्। उनीहरूले देउवालाई बजेट सबैभन्दा खराब आएको र त्यसलाई पारित गर्न आफुहरुलाई दबाब नदिन आग्रह गरेका थिए। उनीहरुको गुनासो सुनेपछि देउवाले बजेट उपयुक्त नरहेको र पूरक बजेट ल्याउन निर्देशन दिने आश्वासन दिएका थिए। त्यसपछि ६ जना खुसी भएर फर्किएका छन्। सुदूरपश्चिम प्रदेश सरकारमा कांग्रेसका कमल बहादुर शाह मुख्यमन्त्री छन्। काङ्ग्रेसकै प्रकाश देउवा भौतिक पूर्वाधार विकास मन्त्री छन्।…
कञ्चनपुर: कञ्चनपुरका विभिन्न पालिकामा लामो समयदेखि अवैधरुपमा औषधी पसल सञ्चालन गर्दै आएका ११ भारतीय नागरिकलाई कञ्चनपुर प्रहरीले सार्वजनिक गरेको छ। जिल्ला प्रहरी कार्यालयले हिजो पत्रकार सम्मेलन गरी उनीहरुलाई सार्वजनिक गरेको हो। दोधारा चाँदनी नगरपालिकामा अवैधरुपमा औषधी पसल सञ्चालन गर्ने नौ तथा भीमदत्त नगरपालिका–९ ब्रहमदेव र भीमदत्त–१३ साझा चौराहमा सञ्चालन गर्दै आएका दुई भारतीय नागरिकलाई प्रहरीले सार्वजनिक गरेको हो। प्रहरी उपरीक्षक कमल थापाले प्रहरीको विशेष खोजअनुसन्धान टोलीले अनाधिकृत रुपमा औषधी पसल सञ्चालन गरी जनताको स्वास्थ्य माथि खेलवाड गर्ने र स्वास्थ्यमा जोखिम पर्ने खालका औषधी बिक्री वितरण गर्दै आएका भारतीय नागरिकलाई पक्राउ गरी कानुनी कारबाही अघि बढाइएको जानकारी दिए। “बिनाअनुमती यहाँ आएर चिकित्सक…
काठमाडौं: शिवशिखर बहुउद्देश्यीय सहकारी संस्था र तुलसी सहकारी संस्थाको १२ अर्ब २३ करोड रुपैयाँ अपचलन गरेको आरोपमा पक्राउ परेका केदारनाथ शर्माले ४३ वटा कम्पनीमा लगानी गरेको पाइएको छ। उनले शिवशिखरको १० अर्ब ७७ करोड र तुलसी सहकारीको १ अर्ब २४ करोड रुपैयाँ निक्षेपलाई अपचलन गरेको पाइएको हो। भक्तपुरको शिवशिखर बहुउद्देश्यीय सहकारी संस्थाका अध्यक्ष रहेका उनले निक्षेपकर्ताको रकम अपचलन गरेर ८ अर्ब रुपैयाँ नेपालबाहिर लगेको समेत पाइएको छ। उनले भारतमा मात्रै ६ अर्ब लगेको अनुसन्धानका क्रममा खुलेको प्रहरीको केन्द्रीय अनुसन्धान ब्यूरो(सीआइबी)ले जानकारी दिएको छ। सीआइबीले शर्मालाई पक्राउ गरेपछि उनको शिवशिखर अर्गनाइजेसन भारत भन्ने संस्था रहेको समेत खुलेको हो। बचतकर्ताले आफ्नो बचत फिर्ताको…