कैलाली: रेशम चौधरी र रञ्जिता चौधरी टीकापुर घटनामा मारिएका अढाई वर्षीय बालक टेकबहादुर साउदको घर पुगेका छन् । कारागारबाट रिहा भएर कैलाली पुगेलगत्तै उनीहरू स्व.साउदका अभिभावक भेट्न पुगेका हुन् । सो क्रममा रेशमले घटनाको सत्यतथ्य बाहिर ल्याउन आफूले पहल गर्ने बताएका छन् । उनले लाल आयोगको प्रतिवेदन सार्वजनिक गर्दा धेरै तथ्य बाहिर आउने भन्दै सरकारलाई उक्त प्रतिवेदन सार्वजनिक गर्न समेत आग्रह गरेका छन् । उनले टीकापुर घटना पहिचानको आन्दोलनका क्रममा भएको भन्दै यसलाई राजनैतिक ढङ्गबाट हल गरिनुपर्ने बताउँदै आएका छन् । सोही क्षेत्रबाट प्रतिनिधिसभामा निर्वाचन हुँदै हाल मन्त्री रहेकी रेशम पत्नी रन्जिताले पनि सरकारले उक्त घटनामा सहादत प्राप्त गरेकाहरुलाई न्याय…
Author: महेन्द्रनगर पोष्ट
डोटी: डोटीमा आयोजित घोडादौड प्रतियोगिताको सबै पुरस्कार बझाङले जितेको छ । प्रतियोगितामा प्रथम, द्धितीय र तृतीय पुरस्कार बझाङले नै जितेको हो । जसमा बझाङका अजय रावल प्रथम, बझाङकै पदमराज पाध्य द्वितीय र जीवन शाही तृतीय भएका छन् । उनीहरुले क्रमशः ३० हजार, २० हजार र १० हजार नगदसहित मेडल र प्रमाणपत्र प्राप्त गरेका छन् । खप्तड राष्ट्रिय निकुञ्जमा लाग्ने गंगादशहरा मेलाको अवसरमा आयोजित प्रतियोगितामा विभिन्न जिल्लाका १२ जना प्रतियोगी सहभागी थिए । सुदूरपश्चिम खेलकुद परिषद् कैलाली र उद्योग वाणिज्य संघ डोटीको संयुक्त आयोजना र नेपाली सेनाको व्यवस्थापनमा प्रतियोगिता सञ्चालन गरिएको थियो ।
कञ्चनपुर: कञ्चनपुरको पुनर्वास नगरपालिकाकी एक किशोरीको मृत्यु भएको छ । भीमबस्तीकी १४ वर्षीया हेमा जोशीको सर्पको टोकाइबाट मृत्यु भएको हो । उपचारका लागि धनगढीस्थित सेती प्रादेशिक अस्पताल लगिएकी उनको आज मृत्यु भएको प्रहरीले बताएको छ ।
धनगढी: हिजो रातिदेखि धनगढी उपमहानगरपालिका वडा नम्बर १७ मा रहेको धार्मिकस्थल बेहडाबाबामा गङ्गादशहरा मेला सुरू भयो। त्यो मेलामा रातिबाटै भक्तजनहरु मन्दिर तथा भगवान दर्शनका लागि आएका थिए। तर, मेलामा दर्शन गर्न गएका भक्तजनहरु त्यहाँ लुटिएका छन्। उनीहरु पार्किङको नाममा लुटिएका हुन्। बेहडाबाबामा मेला व्यवस्थापन समितिले पार्किङको नाममा लुट मच्चाएको बताइएको हो। समितिले मोटरसाइकल, स्कुटर पार्किङ गरेको एक सय, अटोरिक्सा पार्किङको दुई सय, ट्याक्टरको तीन सय, जिप र कारको दुई सय पचास र बस पार्किङ गरेको ४५० असुली गरिरहेका छन्। भक्तजनहरु लुटिन थालेपछि यसको चौतर्फी विरोध भएको छ। यता मन्दिर व्यवस्थान समितिले भने पार्किङ शुल्क घटाएर लिने बताएको छ। यहाँ धनगढी,…
धनगढी: धनगढीको बेहडाबाबास्थित तालमा डुबेर मृत्यु भएका युवकको पहिचान खुलेको छ। उनी डडेल्धुराको परशुराम नगरपालिका जोगबुडा घर भएका २५ वर्षीय लोकेश भाट रहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदीप चन्दले बताए। उनी कञ्चनपुरको महेन्द्रनगरमा बस्दै आएका थिए। आज बिहान ५ बजे धनगढी उपमहानगरपालिका वडा नम्बर–१६ रामपुर स्थित बेहडाबाबा मन्दिर क्षेत्रमा रहेको महादेवा तालमा पौडी खेल्ने क्रममा डुबेर उनको मृत्यु भएको थियो। उनीसँगै गएका ३ जनालाई सोधपुछका लागि नियन्त्रणमा लिएको डीएसपी चन्दले जानकारी दिए।
काठमाडौं: काठमाडौं महानगरपालिकाका मेयर बालेन शाहले पूर्वाधार विकास साझेदार कार्यक्रम पुनः सुरू गरिएपछि सांसदहरू वडाध्यक्षको तहमा आएको टिप्पणी गरेका छन्। अर्थमन्त्री प्रकाशशरण महतले सोमबार बजेट वक्तव्यका क्रममा संसदीय क्षेत्र पूर्वाधार विकास कार्यक्रमका लागि ५ करोड विनियोजन गरेको बताएका थिए। ‘सांसद विकास कोष पाउनु भएपछि बल्ल सांसदहरू वडा अध्यक्षको लेबलमा आउनु भयो। वडा अध्यक्षकै काम गर्न मन भए किन सांसद बन्नुहुन्छ माननीयज्यूहरू?’ सांसद विकास कोषको लागि ८ अर्ब २५ करोड रूपैयाँ विनियोजन गरिएको महतले बताएका थिए।
काठमाडौं: भारतमा आइतवार उद्घाटन भएको नयाँ संसद् भवनमा ‘अखण्ड भारत’ को नक्सा भित्तामा अङ्कित गरिएको छ। नक्सामा ‘अखण्ड भारत’ भन्दै नेपालको लुम्बिनी, कपिलवस्तुदेखि पाकिस्तानको तक्षशिलासम्मको क्षेत्रलाई समेटिएको छ। नेपाल समाजवादी पार्टी (नेसपा)का अध्यक्ष एवम् पूर्वप्रधानमन्त्री डा. बाबुराम भट्टराईले भारतले नयाँ बनाएको संसद् भवनको ‘अखण्ड भारत’ भित्तेचित्रले कुटनीतिक विवाद सिर्जना गरेको बताएका छन्। नेपालका भूभाग कपिलवस्तु, लुम्बिनीलाई समेत भित्तेचित्रमा भारतले आफ्नै भू–भाग जसरी दर्शाउँदा दुई देशबीचको द्विपक्षीय सम्बन्धमा दरार ल्याउने उनको भनाइ छ । भट्टराईले ट्विटमा लेखेका छन् ‘यसले भारतका निकटतम् छिमेकीहरू बीचको द्विपक्षीय सम्बन्धलाई बिगार्छ । विश्वासको सङ्कटलाई अझ बढाउने सम्भावना देखिन्छ । यो भित्तेचित्रको अभिप्राय र सन्देशलाई भारतले बेलैमा प्रस्ट पार्नुपर्ने…
काठमाडौँ: क्रिकेटर सन्दीप लामिछानेविरुद्धको बलात्कार मुद्दामा आज सुनुवाइ हुँदैछ । यसअघि न्यायाधीश फणीन्द्र पराजुलीको इजलासले पीडितको उमेरको विवादमा पेस गरेको जन्म मिति सम्बन्धी प्रमाण पुनः झिकाउन आदेश भएको थियो । पीडितको उमेरसम्बन्धी विषयको टुङ्गो नलाग्दा यो मुद्दामा पटक पटक अन्तिम सुनुवाइका लागि पेसी तोकिए पनि सुनुवाइ स्थगित हुँदै आएको थियो । लामिछानेविरुद्ध नाबालिग बालिकालाई बलात्कार गरेको आरोपमा काठमाडौँ जिल्ला अदालतमा मुद्दा विचाराधीन छ । गत वर्ष भदौ ५ गते पटक–पटक बलात्कार गरेको आरोपमा भदौ २१ गते जाहेरी दर्ता भएको थियो ।
काठमाडौं: नेकपा माओवादी केन्द्रका सांसद जगतबहादुर पार्की नयाँ दिल्ली प्रस्थान गरेका छन् । पार्की हिजो राति पौने १० बजे काठमाडौंबाट त्यसतर्फ गएका हुन् । उनी उपचारको निम्ति एअर इण्डियाको उडान नम्बर एआई २१२ मा राति भारत गएको बताइएको छ ।
डोटी: असल अभ्यासको आदान–प्रदान गर्दै अन्तर जिल्लास्तरीय सुरक्षा तथा समन्वय बैठक सम्पन्न भएको छ। सुदूरपश्चिम प्रदेश अनुसन्धान तथा प्रशिक्षण प्रतिष्ठान केन्द्र डोटीको पुन्नामा हालै सम्पन्न सो बैठकमा डोटी, डडेल्धुरा, बैतडी, दार्चुला र बझाङका प्रमुख जिल्ला अधिकारी, नेपाल प्रहरी, नेपाली सेना, सशस्त्र प्रहरी र राष्ट्रिय अनुसन्धान प्रमुखका सहभागिता रहेको थियो। बैठकमा जिल्लाले गरेका असल अभ्यासको आदान–प्रदान गर्नुका साथै सबै जिल्लाका साझा समस्या र सवालका बारेमा ब्यापक छलफल भएको डोटीका प्रमुख जिल्ला अधिकारी कल्पना श्रेष्ठले बताइन्। जिल्ला प्रशासन कार्यालय डोटीद्वारा आयोजित सो बैठकमा राजमार्ग सञ्चालन, अन्तर जिल्लास्तरीय शान्ति सुरक्षा व्यवस्थापन, ट्राफिक व्यवस्थापन, विपद् व्यवस्थापन, अवैध हातहतियार तथा लागुऔषध नियन्त्रण, वन पैदावार तथा…